2 Kɔrɩntɩ Nɩaa 4
4
La nagɛ pupoyee nɛ, Wɩa joŋ kʋzɔŋ-la a tʋɔlɛ la tʋɔŋ
1Wɩa nɛ fá la nenige a joŋ tɩntɩmɩŋ deeŋ pɩla dɩ la tɩtɩŋ, ŋɩɩ wɩaa la nandaasɩŋ bɩ yʋɔrɛ. 2Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl. 3Ama dɩ Wɩa wʋzɔmɔ-la la sɩɩ bʋl nɛ faa, nɩalɩŋ sɩ lɛlɛ teeŋ nɛ ba faa. 4Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa. 5Wɩalɩŋ la sɩɩ bʋl, ʋ bɩ naga la tɩtɩa wɩaa nɛ la bʋbʋl, ama Yesu Kirisito wɩaa nɛ la bʋbʋl, Nɩɩ-la sɩ tɩɩ nʋʋkala. Ʋ wɩaa nɛ tɩɩ la tɩma pɩpɩma. 6Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.
7La nagɛ pupoyee nɛ, Wɩa joŋ kʋzɔmʋŋ deeŋ a tʋɔlɛ la tʋɔŋ lɛ. Ŋ-la saa daga arɩ dol-bal-la ŋaa Wɩa kʋŋ nɛ. La dee bɩ ʋ tɩɩ. 8La na hɛɛŋ nɛ woruŋ lee-na kala, ama hɛɛ-la bɩ la wuo. Bʋa dɔŋɔ lɛ la yie bɩ jɩŋ wɩɩ-la kala lɛ la sɩ hɛ, ama la ha kɛŋ yɩɛlaa. 9Ba yie to naasɩŋ a dʋdɔgɩsɛla, ama Wɩa bɩ la vɩa ta. Nɩaa yie ŋmoola lo, ama la bɩ sʋʋ. 10Kirisito sɩ sʋʋ ŋɩɩ, ŋɩɩ tɩtɩa nɛ la yie na la mɩɩsɩŋ lɛ arɩ la ma sʋba nɛ. Ʋ ŋɩɩ leŋe mɩɩsɩ-la Yesu sɩ kɛnɛ, dɩ la ma kɛŋ mɩɩsɩ-la tɩtɩa. 11A tɩŋ Yesu wɩaa, la sɩ hɛ mɩɩsɩŋ deeŋ lɛ, nɩaa yie kɛnla dɩ ba kpʋla nɛ. Ʋ ŋɩɩ ŋaa dɩ mɩɩsɩ-la Yesu sɩ kɛnɛ, dɩ la ma kɛnʋ nɛ. 12Ŋɩɩ wɩaa Wɩa leŋe la sʋʋ nɛ dɩ ma-na kɛŋ mɩɩsɩŋ.
13Ba ŋmʋnsɛ Wɩa teniŋ tʋɔŋ a bʋl, “Mɩ laa Wɩa wɩaa dii nɛ, ŋɩɩ nɛ tɩɩ mɩɩ bʋlba.” La ma laa Wɩa dii ŋɩɩ tɩtɩa nɛ. Ŋɩɩ nɛ tɩɩ la ma laa ʋ wɩaa dii a ma bʋbʋlba. 14La jɩma arɩ Wɩa nɛ chɩsɛ La Tɩɩna Yesu sʋʋŋ lɛ, ʋ jaŋ chɩsɛla ma, dɩ la dɩ Yesu kala kɛŋ mɩɩsɩŋ. Ʋ jaŋ kɛnla arɩ ma kala a kaa mʋ ʋ teeŋ. 15Ma wɩaa nɛ tɩɩ wɩaa deemba kala ŋaa, dɩ nɩaa wuo yʋgɛ a jʋʋ Wɩa lahɔrɩmɔ-la lɛ. Ŋɩɩ jaŋ leŋ dɩ nɩaa yʋgɛ a dɛnnɛ Wɩa, dɩ ʋ yɩrɩŋ yɩrɛ.
16A tɩŋ wɩɩŋ deeŋ wɩaa la nandaasɩŋ bɩ yʋɔrɛ. Yara-la la sɩ kɛnɛ la mɩɩsɩŋ deeŋ lɛ, ʋʋ hɩɛsɛ nɛ, ama la dɩnsɩŋ-na wasa zʋzɔŋ nɛ tapʋlɩɩ kala. 17La teeŋ hɛɛ-la la sɩɩ na bɩ yʋgɛ aŋ bɩra bɩ jaŋ dieni maa. Hɛɛ-la dagɛla wombii-la la sɩ jaŋ to a laa yɩrɩŋ nɛ Wɩa teeŋ. Yɩrɩ-la jaŋ ŋaa yɩrɩ-bal. Yɩrɩ-bal-la la sɩ jaŋ laa jaŋ kɩɩ hɛɛ-la la sɩɩ na. La jaŋ kɛŋ yɩrɩ-balɩŋ deeŋ deeŋ. 18Ŋɩɩ wɩaa kɩalɩŋ la sɩɩ na dʋnɩa deeŋ lɛ, la bɩbaa beŋ arɩ ba ŋaa kɩaa. La mɩɩraa beŋ kɩalɩŋ la sɩ bɩ na nɛ, bɛɛ wɩaa kɩalɩŋ sɩ hɛ dʋnɩa deeŋ lɛ nɩaa nɩna, ba jaŋ lɛl, ama kɩalɩŋ nɩaa sɩ bɩ na a hɛ Wɩa teeŋ, ba-na jaŋ hɛ nɩmɛ a kaa mʋ wuu.
Currently Selected:
2 Kɔrɩntɩ Nɩaa 4: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
2 Kɔrɩntɩ Nɩaa 4
4
La nagɛ pupoyee nɛ, Wɩa joŋ kʋzɔŋ-la a tʋɔlɛ la tʋɔŋ
1Wɩa nɛ fá la nenige a joŋ tɩntɩmɩŋ deeŋ pɩla dɩ la tɩtɩŋ, ŋɩɩ wɩaa la nandaasɩŋ bɩ yʋɔrɛ. 2Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl. 3Ama dɩ Wɩa wʋzɔmɔ-la la sɩɩ bʋl nɛ faa, nɩalɩŋ sɩ lɛlɛ teeŋ nɛ ba faa. 4Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa. 5Wɩalɩŋ la sɩɩ bʋl, ʋ bɩ naga la tɩtɩa wɩaa nɛ la bʋbʋl, ama Yesu Kirisito wɩaa nɛ la bʋbʋl, Nɩɩ-la sɩ tɩɩ nʋʋkala. Ʋ wɩaa nɛ tɩɩ la tɩma pɩpɩma. 6Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.
7La nagɛ pupoyee nɛ, Wɩa joŋ kʋzɔmʋŋ deeŋ a tʋɔlɛ la tʋɔŋ lɛ. Ŋ-la saa daga arɩ dol-bal-la ŋaa Wɩa kʋŋ nɛ. La dee bɩ ʋ tɩɩ. 8La na hɛɛŋ nɛ woruŋ lee-na kala, ama hɛɛ-la bɩ la wuo. Bʋa dɔŋɔ lɛ la yie bɩ jɩŋ wɩɩ-la kala lɛ la sɩ hɛ, ama la ha kɛŋ yɩɛlaa. 9Ba yie to naasɩŋ a dʋdɔgɩsɛla, ama Wɩa bɩ la vɩa ta. Nɩaa yie ŋmoola lo, ama la bɩ sʋʋ. 10Kirisito sɩ sʋʋ ŋɩɩ, ŋɩɩ tɩtɩa nɛ la yie na la mɩɩsɩŋ lɛ arɩ la ma sʋba nɛ. Ʋ ŋɩɩ leŋe mɩɩsɩ-la Yesu sɩ kɛnɛ, dɩ la ma kɛŋ mɩɩsɩ-la tɩtɩa. 11A tɩŋ Yesu wɩaa, la sɩ hɛ mɩɩsɩŋ deeŋ lɛ, nɩaa yie kɛnla dɩ ba kpʋla nɛ. Ʋ ŋɩɩ ŋaa dɩ mɩɩsɩ-la Yesu sɩ kɛnɛ, dɩ la ma kɛnʋ nɛ. 12Ŋɩɩ wɩaa Wɩa leŋe la sʋʋ nɛ dɩ ma-na kɛŋ mɩɩsɩŋ.
13Ba ŋmʋnsɛ Wɩa teniŋ tʋɔŋ a bʋl, “Mɩ laa Wɩa wɩaa dii nɛ, ŋɩɩ nɛ tɩɩ mɩɩ bʋlba.” La ma laa Wɩa dii ŋɩɩ tɩtɩa nɛ. Ŋɩɩ nɛ tɩɩ la ma laa ʋ wɩaa dii a ma bʋbʋlba. 14La jɩma arɩ Wɩa nɛ chɩsɛ La Tɩɩna Yesu sʋʋŋ lɛ, ʋ jaŋ chɩsɛla ma, dɩ la dɩ Yesu kala kɛŋ mɩɩsɩŋ. Ʋ jaŋ kɛnla arɩ ma kala a kaa mʋ ʋ teeŋ. 15Ma wɩaa nɛ tɩɩ wɩaa deemba kala ŋaa, dɩ nɩaa wuo yʋgɛ a jʋʋ Wɩa lahɔrɩmɔ-la lɛ. Ŋɩɩ jaŋ leŋ dɩ nɩaa yʋgɛ a dɛnnɛ Wɩa, dɩ ʋ yɩrɩŋ yɩrɛ.
16A tɩŋ wɩɩŋ deeŋ wɩaa la nandaasɩŋ bɩ yʋɔrɛ. Yara-la la sɩ kɛnɛ la mɩɩsɩŋ deeŋ lɛ, ʋʋ hɩɛsɛ nɛ, ama la dɩnsɩŋ-na wasa zʋzɔŋ nɛ tapʋlɩɩ kala. 17La teeŋ hɛɛ-la la sɩɩ na bɩ yʋgɛ aŋ bɩra bɩ jaŋ dieni maa. Hɛɛ-la dagɛla wombii-la la sɩ jaŋ to a laa yɩrɩŋ nɛ Wɩa teeŋ. Yɩrɩ-la jaŋ ŋaa yɩrɩ-bal. Yɩrɩ-bal-la la sɩ jaŋ laa jaŋ kɩɩ hɛɛ-la la sɩɩ na. La jaŋ kɛŋ yɩrɩ-balɩŋ deeŋ deeŋ. 18Ŋɩɩ wɩaa kɩalɩŋ la sɩɩ na dʋnɩa deeŋ lɛ, la bɩbaa beŋ arɩ ba ŋaa kɩaa. La mɩɩraa beŋ kɩalɩŋ la sɩ bɩ na nɛ, bɛɛ wɩaa kɩalɩŋ sɩ hɛ dʋnɩa deeŋ lɛ nɩaa nɩna, ba jaŋ lɛl, ama kɩalɩŋ nɩaa sɩ bɩ na a hɛ Wɩa teeŋ, ba-na jaŋ hɛ nɩmɛ a kaa mʋ wuu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014