2 Kɔrɩntɩ Nɩaa 3
3
Nii-falɩɩ-la doluŋ wɩaa
1Ma bɩɩna wɩalɩŋ la sɩ bʋla, laa dagɛ la tɩtɩa ŋɩɩ la sɩ naga nɛɛ? Nɩaa dɔnsʋŋ cho dɩ ba ŋmʋnsɛ tenniŋ a dagɛ ba sɩ nagɛ ŋɩɩ nɛ dɩ ba kaa kɔ pɩma. Dɔnsʋŋ ma cho dɩ ba laa tenniŋ ma teeŋ a dagɛ ba sɩ nagɛ ŋɩɩ a pɩ nɩaa, ama la-na bɩ chɛ dɩ la ŋɩŋaa ŋɩɩ. 2Ma-na, ma nɛ saa ŋaa teŋ-la la sɩ ŋmʋnsa, dɩ nɩaa karɩmɛ a jɩŋ ŋɩɩ la sɩ naga. La ŋmʋnsa hɛ la tʋɔŋ nɛ. 3Ma nɛ saa chaasa dagɛ arɩ ma ŋaa teŋ-la Kirisito sɩ leŋe la ŋmʋnsɛ. Teniŋ deeŋ, ʋ bɩ naga kʋ-la nɩaa sɩ kaa ŋmʋnsɛ tenniŋ nɛ. Wɩa sɩ weye joŋ ʋ Dɩŋ-zɔmʋŋ nɛ a kaa ŋmʋnsɛ wɩalɩŋ hɛ ma tʋɔŋ. Ba saa bɩra bɩ ŋmʋnsa hɛ tabɩɩ-taala lɛ, ama ba ŋmʋnsa hɛ nuhuobiinee tʋɔŋ lɛ nɛ.
4La to Kirisito lɛ nɛ a laa Wɩa dii, ŋɩɩ nɛ tɩɩ la kɛŋ nyuduoŋ a bʋbʋl ʋ wɩaa ŋɩɩ. 5Ʋ ŋɩɩ bɩ naga arɩ tɩntɩmɩɩ-la la sɩɩ tɩŋ, la tɩtɩa kɛŋ ʋ doluŋ nɛ. Wɩa nɛ pɩla doluŋ la tɩtɩŋ. 6Wɩa tɩtɩa nɛ pɩla doluŋ la ŋaa nii-faalɩɩ-la ʋ sɩ hɛ pɩ nuhuobiinee tɩntɩnnaa. Nii-la bɩ naga ʋ ŋaa wɩɩ ba sɩ ŋmʋnsa bil a tuto, ama nii-falɩɩ-la doluŋ lɩɩ Wɩa Dɩŋ-zɔmʋŋ wɩalɩŋ nɛ. Wɩalɩŋ Mosis sɩ ŋmʋnsa bil dɩ nɩaa tuto bɩ nɩaa mɩɩsɩŋ wuo pa, ama Wɩa wʋzɔmɔ-la sɩ lɩɩ ʋ Dɩŋ-zɔŋ-la teeŋ nɩɩ pa mɩɩsɩŋ.
7Wɩalɩŋ Mosis sɩ ŋmʋnsa bil dɩ nɩaa tuto, ba ŋmʋnsa hɛ tabɩɩ-taala lɛ nɛ. Wɩalɩŋ fa bɩ nɩaa mɩɩsɩŋ wuo pa. Bʋa-la lɛ Wɩa sɩ jomba pɩpɩ Mosis, ʋ tʋla fa chaana hɛ ʋ lɛ nɛ. Ŋɩɩ nɛ Mosis sɩaa kala tʋtʋl, Iziral tɩŋŋaa bɩ ʋ sɩaa lɛ wuo beŋ. Ama tʋla-la fa jaŋ lɛl, 8ka Wɩa wʋzɔmɔ-la sɩ lɩɩ Wɩa Dɩŋ-zɔmʋŋ lɛ, ba tʋla kɩkɩɩ ŋɩɩ. Ba-na bɩ jaŋ lɛl. 9Dɩ wɩalɩŋ Mosis sɩ ŋmʋnsa bil dɩ nɩaa tuto nɛ joŋ cheeriŋ pɩpɩ nɩaa aŋ ha kɛŋ tʋla, ŋɩɩ-na wɩalɩŋ sɩ leŋe nɩaa kɛŋ tʋɔpʋla Wɩa teeŋ jaŋ paala kɛŋ tʋla a kɩɩ ŋɩɩ. 10Ŋɩɩ-na bumbuŋ kʋ-la fa sɩɩ tʋl bɩra bɩ tʋla kɛnɛ. Ʋ tʋla-la lɛlɛ nɛ, bɛɛ wɩaa kʋŋ dɔŋ nɩɩ tʋl lɛɛlɛ a kɩɩʋ. 11Dɩ kʋ-la fa sɩ bɩ jaŋ dieni nɛ kɔ a tʋtʋl, ŋɩɩ-na kʋ-la sɩ jaŋ hɛ nɩmɛ deeŋ deeŋ nɛ jaŋ tʋla kɩkɩɩʋ.
12Laa yɩɛlɛ Wɩa wʋzɔmɔ-la lɛ nɛ. Ŋɩɩ nɛ tɩɩ la chaasa kɛŋ nyuduoŋ aa tɩŋ. 13Ama la bɩ Mosis naga, nɩɩ-la sɩ joŋ kʋa tɔ ʋ sɩaa dɩ Iziral tɩŋŋaa sɩ tʋla-la fa sɩ hɛ ʋ sɩaa lɛ wuo beŋ. Tʋla-la fa ŋaa kʋŋ sɩɩ lɩɩ nɛ. 14Ama Iziral tɩŋŋaa tʋɔbɩɩnaa fa tuo Wɩa wombiiŋ lɛ. Ŋɩɩ wɩaa arɩ jɩnɩŋ kala, dɩ ba nɛ karɩmɛ wɩalɩŋ Wɩa fa sɩ joŋo pɩ Mosis bumbuŋ-la dɩ nɩaa tuto, ba bɩ ba bʋbʋɔŋ jɩŋ. Ʋ naga arɩ kʋ-la Mosis fa sɩ joŋo tɔ ʋ sɩaa dɩ Iziral tɩŋŋaa sɩ́ ʋ sɩaa na, kʋ-la ha tɔ ba sɩaa nɛ dɩ ba sɩ́ Wɩa tʋla na. Ama Yesu Kirisito nɛ jaŋ wuo kɛŋ kʋ-la suri, dɩ ba wuo na Wɩa tʋla. 15Arɩ jɩnɩŋ kala, dɩ ba nɛ karɩmɛ wɩalɩŋ Wɩa fa sɩ joŋo pɩ Mosis dɩ nɩaa tuto-na kala, ʋ yie nagɛ arɩ kʋŋ nɛ tɔ ba wʋjɩmɩŋ, dɩ ba sɩ́ wɩalɩŋ bʋbʋɔŋ jɩŋ. 16Ama dɩ nʋʋ nɛ bɩrɩma a to La Tɩɩna Yesu, Wɩa jaŋ kɛŋ kʋ-la sɩ kɛrɛ ba wʋjɩmɩŋ kaa dʋɔrɛ. 17La Tɩɩna Kirisito arɩ Wɩa Dɩŋ-zɔmʋŋ kala ŋaa kʋbala nɛ. Lee-la kala saa La Tɩɩna Kirisito Dɩŋ-zɔmʋŋ sɩ hɛ, ʋ yie laa nɩalɩŋ ta nɛ. 18La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.
Currently Selected:
2 Kɔrɩntɩ Nɩaa 3: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
2 Kɔrɩntɩ Nɩaa 3
3
Nii-falɩɩ-la doluŋ wɩaa
1Ma bɩɩna wɩalɩŋ la sɩ bʋla, laa dagɛ la tɩtɩa ŋɩɩ la sɩ naga nɛɛ? Nɩaa dɔnsʋŋ cho dɩ ba ŋmʋnsɛ tenniŋ a dagɛ ba sɩ nagɛ ŋɩɩ nɛ dɩ ba kaa kɔ pɩma. Dɔnsʋŋ ma cho dɩ ba laa tenniŋ ma teeŋ a dagɛ ba sɩ nagɛ ŋɩɩ a pɩ nɩaa, ama la-na bɩ chɛ dɩ la ŋɩŋaa ŋɩɩ. 2Ma-na, ma nɛ saa ŋaa teŋ-la la sɩ ŋmʋnsa, dɩ nɩaa karɩmɛ a jɩŋ ŋɩɩ la sɩ naga. La ŋmʋnsa hɛ la tʋɔŋ nɛ. 3Ma nɛ saa chaasa dagɛ arɩ ma ŋaa teŋ-la Kirisito sɩ leŋe la ŋmʋnsɛ. Teniŋ deeŋ, ʋ bɩ naga kʋ-la nɩaa sɩ kaa ŋmʋnsɛ tenniŋ nɛ. Wɩa sɩ weye joŋ ʋ Dɩŋ-zɔmʋŋ nɛ a kaa ŋmʋnsɛ wɩalɩŋ hɛ ma tʋɔŋ. Ba saa bɩra bɩ ŋmʋnsa hɛ tabɩɩ-taala lɛ, ama ba ŋmʋnsa hɛ nuhuobiinee tʋɔŋ lɛ nɛ.
4La to Kirisito lɛ nɛ a laa Wɩa dii, ŋɩɩ nɛ tɩɩ la kɛŋ nyuduoŋ a bʋbʋl ʋ wɩaa ŋɩɩ. 5Ʋ ŋɩɩ bɩ naga arɩ tɩntɩmɩɩ-la la sɩɩ tɩŋ, la tɩtɩa kɛŋ ʋ doluŋ nɛ. Wɩa nɛ pɩla doluŋ la tɩtɩŋ. 6Wɩa tɩtɩa nɛ pɩla doluŋ la ŋaa nii-faalɩɩ-la ʋ sɩ hɛ pɩ nuhuobiinee tɩntɩnnaa. Nii-la bɩ naga ʋ ŋaa wɩɩ ba sɩ ŋmʋnsa bil a tuto, ama nii-falɩɩ-la doluŋ lɩɩ Wɩa Dɩŋ-zɔmʋŋ wɩalɩŋ nɛ. Wɩalɩŋ Mosis sɩ ŋmʋnsa bil dɩ nɩaa tuto bɩ nɩaa mɩɩsɩŋ wuo pa, ama Wɩa wʋzɔmɔ-la sɩ lɩɩ ʋ Dɩŋ-zɔŋ-la teeŋ nɩɩ pa mɩɩsɩŋ.
7Wɩalɩŋ Mosis sɩ ŋmʋnsa bil dɩ nɩaa tuto, ba ŋmʋnsa hɛ tabɩɩ-taala lɛ nɛ. Wɩalɩŋ fa bɩ nɩaa mɩɩsɩŋ wuo pa. Bʋa-la lɛ Wɩa sɩ jomba pɩpɩ Mosis, ʋ tʋla fa chaana hɛ ʋ lɛ nɛ. Ŋɩɩ nɛ Mosis sɩaa kala tʋtʋl, Iziral tɩŋŋaa bɩ ʋ sɩaa lɛ wuo beŋ. Ama tʋla-la fa jaŋ lɛl, 8ka Wɩa wʋzɔmɔ-la sɩ lɩɩ Wɩa Dɩŋ-zɔmʋŋ lɛ, ba tʋla kɩkɩɩ ŋɩɩ. Ba-na bɩ jaŋ lɛl. 9Dɩ wɩalɩŋ Mosis sɩ ŋmʋnsa bil dɩ nɩaa tuto nɛ joŋ cheeriŋ pɩpɩ nɩaa aŋ ha kɛŋ tʋla, ŋɩɩ-na wɩalɩŋ sɩ leŋe nɩaa kɛŋ tʋɔpʋla Wɩa teeŋ jaŋ paala kɛŋ tʋla a kɩɩ ŋɩɩ. 10Ŋɩɩ-na bumbuŋ kʋ-la fa sɩɩ tʋl bɩra bɩ tʋla kɛnɛ. Ʋ tʋla-la lɛlɛ nɛ, bɛɛ wɩaa kʋŋ dɔŋ nɩɩ tʋl lɛɛlɛ a kɩɩʋ. 11Dɩ kʋ-la fa sɩ bɩ jaŋ dieni nɛ kɔ a tʋtʋl, ŋɩɩ-na kʋ-la sɩ jaŋ hɛ nɩmɛ deeŋ deeŋ nɛ jaŋ tʋla kɩkɩɩʋ.
12Laa yɩɛlɛ Wɩa wʋzɔmɔ-la lɛ nɛ. Ŋɩɩ nɛ tɩɩ la chaasa kɛŋ nyuduoŋ aa tɩŋ. 13Ama la bɩ Mosis naga, nɩɩ-la sɩ joŋ kʋa tɔ ʋ sɩaa dɩ Iziral tɩŋŋaa sɩ tʋla-la fa sɩ hɛ ʋ sɩaa lɛ wuo beŋ. Tʋla-la fa ŋaa kʋŋ sɩɩ lɩɩ nɛ. 14Ama Iziral tɩŋŋaa tʋɔbɩɩnaa fa tuo Wɩa wombiiŋ lɛ. Ŋɩɩ wɩaa arɩ jɩnɩŋ kala, dɩ ba nɛ karɩmɛ wɩalɩŋ Wɩa fa sɩ joŋo pɩ Mosis bumbuŋ-la dɩ nɩaa tuto, ba bɩ ba bʋbʋɔŋ jɩŋ. Ʋ naga arɩ kʋ-la Mosis fa sɩ joŋo tɔ ʋ sɩaa dɩ Iziral tɩŋŋaa sɩ́ ʋ sɩaa na, kʋ-la ha tɔ ba sɩaa nɛ dɩ ba sɩ́ Wɩa tʋla na. Ama Yesu Kirisito nɛ jaŋ wuo kɛŋ kʋ-la suri, dɩ ba wuo na Wɩa tʋla. 15Arɩ jɩnɩŋ kala, dɩ ba nɛ karɩmɛ wɩalɩŋ Wɩa fa sɩ joŋo pɩ Mosis dɩ nɩaa tuto-na kala, ʋ yie nagɛ arɩ kʋŋ nɛ tɔ ba wʋjɩmɩŋ, dɩ ba sɩ́ wɩalɩŋ bʋbʋɔŋ jɩŋ. 16Ama dɩ nʋʋ nɛ bɩrɩma a to La Tɩɩna Yesu, Wɩa jaŋ kɛŋ kʋ-la sɩ kɛrɛ ba wʋjɩmɩŋ kaa dʋɔrɛ. 17La Tɩɩna Kirisito arɩ Wɩa Dɩŋ-zɔmʋŋ kala ŋaa kʋbala nɛ. Lee-la kala saa La Tɩɩna Kirisito Dɩŋ-zɔmʋŋ sɩ hɛ, ʋ yie laa nɩalɩŋ ta nɛ. 18La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014