2 Kɔrɩntɩ Nɩaa 1
1
Pɔɔl lɔllɛ Wɩa
1Mɩ-na Pɔɔl arɩ la naambie Timoti nɛ ŋmʋnsɛ teniŋ deeŋ a pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Kɔrɩntɩ taŋ-la lɛ nɛ, arɩ Wɩa nɩaa sɩ hɛ Akaaya tinteeŋ lɛ.
2La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ma jaŋ hɔŋ arɩ fɩɛlɩŋ.
3Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma, aa fá nɩaa nenige. Ʋ nɛ yie leŋ nɩalɩŋ tʋɔŋ sɩ cheye tʋɔŋ bɩra tɔrɛ. 4Dɩ wɩaa nɩɩ walɩmɛla, ʋ yie pɛ la lɛ nɛ a leŋ la tʋɔŋ tɔrɛ. Ʋ sɩ yie ŋaa la tʋɔŋ tɔrɛ ŋɩɩ, la ma yie ŋaa la naambiiriŋ ma wɩaa sɩɩ walɩmʋ tʋɔŋ tɔrɛ ŋɩɩ nɛ. Wɩa joŋ tʋɔtɔrʋŋ nɛ pɩla, ŋɩɩ nɛ tɩɩ la ma pɛ la naambiiriŋ lɛ dɩ ba ma na tʋɔtɔrʋ-la doho. 5Kirisito na hɛɛŋ nɛ woruŋ. Hɛɛ-la ʋ fa sɩ na, ʋ tɩtɩa nɛ la ma nɩna. Ŋɩɩ nɛ tɩɩ la ma kɛŋ tʋɔtɔrʋ-la ʋ sɩ kɛnɛ. 6Dɩ la nɩɩ na hɛɛŋ, ma pɛnɩŋ arɩ ma laatanɩŋ wɩaa nɛ. Dɩ la nɛ na pɛnɩŋ, ma ma jaŋ na pɛnɛ-la doho tɩtɩa, dɩ ma nɛ wuo kɛŋ kenyiri a na hɛɛ-la doho la sɩɩ na. 7La kɛŋ yɩɛlaa nɛ ma lɛ. La yɩɛla-la saa bɩ begili. La jɩma arɩ hɛɛ-la la sɩ na, ma ma na ʋ tɩtɩa nɛ. Ŋɩɩ tɩtɩa nɛ tʋɔtɔrʋ-la la sɩ kɛnɛ, ma ma kɛnʋ nɛ.
8La naambiiriŋ, laa chɛ dɩ ma jɩŋ ŋɩɩ la sɩ na hɛɛŋ Esia tinteeŋ lɛ nɛ. Wɩalɩŋ sɩ jʋʋla lɛ fa yuŋŋie nɛ kɩŋkɛŋ kɩŋkɛŋ a pɩla. La paala bɩ bɩɩna arɩ la jaŋ kɛŋ mɩɩsɩŋ. 9Wʋtɩtɩɩ, la fa bɩɩna arɩ la sʋba dɛrɛ nɛ. Ama ŋɩɩ pɛ la lɛ dɩ la sɩ́ la tɩtɩa doluŋ lɛ beŋ, ama dɩ la joŋ la yɩɛlaa kala a hɛ Wɩa lɛ, nɩɩ-la sɩɩ chɩsɛ nɩaa sʋʋŋ lɛ. 10Wɩa nɛ lɩɩsɛla sʋʋŋ deeŋ nɩsɩŋ lɛ. Maachie dɩ wɩaa nɛ jʋʋla lɛ, ʋ jaŋ lɩɩsɛla ba lɛ. Ʋ lɛ nɛ laa yɩɛlɛ arɩ maachie ʋ jaŋ bɩra lɩɩsɛla dɩ hɛɛŋ nɛ jʋʋla. 11Má ma pɛ sʋl Wɩa pɩla. Nɩaa yʋga nɛ a sʋl Wɩa a pɩpɩla dɩ ʋ pɛ la lɛ. Dɩ Wɩa nɛ laa ba Wɩɩsʋlʋŋ, ba kala jaŋ wuo dɛnnʋ.
Pɔɔl kɛŋ ʋ wɩaa bɩrɩmɛ
12Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba. 13La bɩ wʋtanɩɩ ŋmʋnsa pɩma, ama wɩalɩŋ la sɩ ŋmʋnsa, ma jaŋ wuo karɩmɛ, a jɩŋ ba bʋbʋɔŋ maa. La saa laa dii 14arɩ ma sɩ jɩmba mʋa ŋɩɩ, ma jaŋ kʋ jɩmba a mʋ dɛrɛ, dɩ ma wuo bigisi la lɛ arɩ la sɩ jaŋ bigisi ma lɛ ŋɩɩ tapʋlɩɩ-la La Tɩɩna Yesu sɩ jaŋ mɩɩra kɔ.
15Mɩ sɩ chaasa jɩŋ ŋ-la wɩaa nɛ tɩɩ mɩ faa chɛ dɩ mɩ kɔ ma teeŋ, dɩ ma wuo nɩɩ sɩma bʋlɩa. 16Mɩ faa chɛ mɩ kʋ to ma leriŋ a nama, aŋ-na mʋ Masidoonia tinteeŋ, dɩ mɩ nɛ fa bɩra lɩɩ Masidoonia kʋkɔ, dɩ mɩ bɩra kʋ to ma teeŋ, dɩ ma pɛ mɩ lɛ dɩ mɩ mʋ Judiya tinteeŋ. 17Ma bɩɩna dɩ mɩ nɩɩ chɛ dɩ mɩ ŋaa wɩɩ, mɩ bɩ jaŋ bɩɩnɛ aŋ-na ŋaa? Ma bɩra bɩɩna mɩɩ ŋaa mɩ wɩaa arɩ dʋnɩa nɩaa sɩɩ ŋaa ŋɩɩ nɛɛ, dɩ mɩ sɛɩ wɩɩŋ aŋ bɩra bʋl mɩ bɩ wɩɩ-la sɛyɛ naabʋɔsʋ-la tɩtɩa lɛɛ? 18Ma jɩma woruŋ arɩ Wɩa kɛŋ wʋtɩtɩɩ. Ŋɩɩ wɩaa wɩalɩŋ kala la sɩ bʋla pɩma ŋaa wʋtɩtɩɩ nɛ, la bɩ niiriŋ balɩa ka bʋl. 19Ma bɩra jɩma arɩ mɩ-na Pɔɔl, mɩ dɩ la naambiiriŋ Sɩlɩvaanʋs arɩ Timoti nɛ bʋl Wɩa Bie Yesu Kirisito wɩaa pɩma. Yesu wɩɩ-wɩɩkala ŋaa wʋtɩtɩɩ nɛ. Ʋ bɩ niiriŋ balɩa ka bʋl. 20Wɩa bʋla arɩ ʋ jaŋ ŋaa wɩaa yʋgɛ a pɩla. Ʋ jaŋ to Yesu lɛ nɛ a leŋ dɩ wɩalɩŋ kʋ ŋaa wʋtɩtɩɩ. Ŋɩɩ wɩaa nɛ tɩɩ, dɩ la nɛ chʋɔlɛ Wɩa dɛrɛ-na kala, la yie bʋl, “Yesu yɩrɩŋ lɛ, Amɩɩ.” La yie bʋl ŋɩɩ dɩ Wɩa yɩrɩŋ wuo yɩrɛ nɛ. 21Wɩa tɩtɩa nɛ leŋe la dɩ ma kala chɩŋ kpaŋ kpaŋ Kirisito lɛ. Ʋ nɛ lɩɩsɛla, 22a joŋ ʋ magɩlɩŋ hɛ la lɛ a tɩɩla. Ʋ joŋ ʋ Dɩŋ-zɔmʋŋ a hɛ la lɛ nɛ, dɩ la wuo jɩŋ arɩ maachie ʋ jaŋ joŋ kʋ-daŋ ma pɩla.
23Arɩ Wɩa, wɩalɩŋ kala mɩ sɩ bʋla ŋaa wʋtɩtɩɩ nɛ. Mɩ bɩ ma teeŋ kɔ Kɔrɩntɩ lɛ, bɛɛ wɩaa mɩ fa bɩ chɛ dɩ mɩ walɩmɛma. 24La bɩ chɛ dɩ la fʋgɛma dɩ ma laa wɩalɩŋ la sɩ bʋla dii, ama laa chɛ dɩ la dɩ ma tɩŋ nɛ dɩ ma kɛŋ tʋɔtɔrʋŋ, bɛɛ wɩaa ma laa Yesu wɩaa dii nɛ a chɩmba lɛ kpaŋ kpaŋ.
Currently Selected:
2 Kɔrɩntɩ Nɩaa 1: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
2 Kɔrɩntɩ Nɩaa 1
1
Pɔɔl lɔllɛ Wɩa
1Mɩ-na Pɔɔl arɩ la naambie Timoti nɛ ŋmʋnsɛ teniŋ deeŋ a pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Kɔrɩntɩ taŋ-la lɛ nɛ, arɩ Wɩa nɩaa sɩ hɛ Akaaya tinteeŋ lɛ.
2La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ma jaŋ hɔŋ arɩ fɩɛlɩŋ.
3Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma, aa fá nɩaa nenige. Ʋ nɛ yie leŋ nɩalɩŋ tʋɔŋ sɩ cheye tʋɔŋ bɩra tɔrɛ. 4Dɩ wɩaa nɩɩ walɩmɛla, ʋ yie pɛ la lɛ nɛ a leŋ la tʋɔŋ tɔrɛ. Ʋ sɩ yie ŋaa la tʋɔŋ tɔrɛ ŋɩɩ, la ma yie ŋaa la naambiiriŋ ma wɩaa sɩɩ walɩmʋ tʋɔŋ tɔrɛ ŋɩɩ nɛ. Wɩa joŋ tʋɔtɔrʋŋ nɛ pɩla, ŋɩɩ nɛ tɩɩ la ma pɛ la naambiiriŋ lɛ dɩ ba ma na tʋɔtɔrʋ-la doho. 5Kirisito na hɛɛŋ nɛ woruŋ. Hɛɛ-la ʋ fa sɩ na, ʋ tɩtɩa nɛ la ma nɩna. Ŋɩɩ nɛ tɩɩ la ma kɛŋ tʋɔtɔrʋ-la ʋ sɩ kɛnɛ. 6Dɩ la nɩɩ na hɛɛŋ, ma pɛnɩŋ arɩ ma laatanɩŋ wɩaa nɛ. Dɩ la nɛ na pɛnɩŋ, ma ma jaŋ na pɛnɛ-la doho tɩtɩa, dɩ ma nɛ wuo kɛŋ kenyiri a na hɛɛ-la doho la sɩɩ na. 7La kɛŋ yɩɛlaa nɛ ma lɛ. La yɩɛla-la saa bɩ begili. La jɩma arɩ hɛɛ-la la sɩ na, ma ma na ʋ tɩtɩa nɛ. Ŋɩɩ tɩtɩa nɛ tʋɔtɔrʋ-la la sɩ kɛnɛ, ma ma kɛnʋ nɛ.
8La naambiiriŋ, laa chɛ dɩ ma jɩŋ ŋɩɩ la sɩ na hɛɛŋ Esia tinteeŋ lɛ nɛ. Wɩalɩŋ sɩ jʋʋla lɛ fa yuŋŋie nɛ kɩŋkɛŋ kɩŋkɛŋ a pɩla. La paala bɩ bɩɩna arɩ la jaŋ kɛŋ mɩɩsɩŋ. 9Wʋtɩtɩɩ, la fa bɩɩna arɩ la sʋba dɛrɛ nɛ. Ama ŋɩɩ pɛ la lɛ dɩ la sɩ́ la tɩtɩa doluŋ lɛ beŋ, ama dɩ la joŋ la yɩɛlaa kala a hɛ Wɩa lɛ, nɩɩ-la sɩɩ chɩsɛ nɩaa sʋʋŋ lɛ. 10Wɩa nɛ lɩɩsɛla sʋʋŋ deeŋ nɩsɩŋ lɛ. Maachie dɩ wɩaa nɛ jʋʋla lɛ, ʋ jaŋ lɩɩsɛla ba lɛ. Ʋ lɛ nɛ laa yɩɛlɛ arɩ maachie ʋ jaŋ bɩra lɩɩsɛla dɩ hɛɛŋ nɛ jʋʋla. 11Má ma pɛ sʋl Wɩa pɩla. Nɩaa yʋga nɛ a sʋl Wɩa a pɩpɩla dɩ ʋ pɛ la lɛ. Dɩ Wɩa nɛ laa ba Wɩɩsʋlʋŋ, ba kala jaŋ wuo dɛnnʋ.
Pɔɔl kɛŋ ʋ wɩaa bɩrɩmɛ
12Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba. 13La bɩ wʋtanɩɩ ŋmʋnsa pɩma, ama wɩalɩŋ la sɩ ŋmʋnsa, ma jaŋ wuo karɩmɛ, a jɩŋ ba bʋbʋɔŋ maa. La saa laa dii 14arɩ ma sɩ jɩmba mʋa ŋɩɩ, ma jaŋ kʋ jɩmba a mʋ dɛrɛ, dɩ ma wuo bigisi la lɛ arɩ la sɩ jaŋ bigisi ma lɛ ŋɩɩ tapʋlɩɩ-la La Tɩɩna Yesu sɩ jaŋ mɩɩra kɔ.
15Mɩ sɩ chaasa jɩŋ ŋ-la wɩaa nɛ tɩɩ mɩ faa chɛ dɩ mɩ kɔ ma teeŋ, dɩ ma wuo nɩɩ sɩma bʋlɩa. 16Mɩ faa chɛ mɩ kʋ to ma leriŋ a nama, aŋ-na mʋ Masidoonia tinteeŋ, dɩ mɩ nɛ fa bɩra lɩɩ Masidoonia kʋkɔ, dɩ mɩ bɩra kʋ to ma teeŋ, dɩ ma pɛ mɩ lɛ dɩ mɩ mʋ Judiya tinteeŋ. 17Ma bɩɩna dɩ mɩ nɩɩ chɛ dɩ mɩ ŋaa wɩɩ, mɩ bɩ jaŋ bɩɩnɛ aŋ-na ŋaa? Ma bɩra bɩɩna mɩɩ ŋaa mɩ wɩaa arɩ dʋnɩa nɩaa sɩɩ ŋaa ŋɩɩ nɛɛ, dɩ mɩ sɛɩ wɩɩŋ aŋ bɩra bʋl mɩ bɩ wɩɩ-la sɛyɛ naabʋɔsʋ-la tɩtɩa lɛɛ? 18Ma jɩma woruŋ arɩ Wɩa kɛŋ wʋtɩtɩɩ. Ŋɩɩ wɩaa wɩalɩŋ kala la sɩ bʋla pɩma ŋaa wʋtɩtɩɩ nɛ, la bɩ niiriŋ balɩa ka bʋl. 19Ma bɩra jɩma arɩ mɩ-na Pɔɔl, mɩ dɩ la naambiiriŋ Sɩlɩvaanʋs arɩ Timoti nɛ bʋl Wɩa Bie Yesu Kirisito wɩaa pɩma. Yesu wɩɩ-wɩɩkala ŋaa wʋtɩtɩɩ nɛ. Ʋ bɩ niiriŋ balɩa ka bʋl. 20Wɩa bʋla arɩ ʋ jaŋ ŋaa wɩaa yʋgɛ a pɩla. Ʋ jaŋ to Yesu lɛ nɛ a leŋ dɩ wɩalɩŋ kʋ ŋaa wʋtɩtɩɩ. Ŋɩɩ wɩaa nɛ tɩɩ, dɩ la nɛ chʋɔlɛ Wɩa dɛrɛ-na kala, la yie bʋl, “Yesu yɩrɩŋ lɛ, Amɩɩ.” La yie bʋl ŋɩɩ dɩ Wɩa yɩrɩŋ wuo yɩrɛ nɛ. 21Wɩa tɩtɩa nɛ leŋe la dɩ ma kala chɩŋ kpaŋ kpaŋ Kirisito lɛ. Ʋ nɛ lɩɩsɛla, 22a joŋ ʋ magɩlɩŋ hɛ la lɛ a tɩɩla. Ʋ joŋ ʋ Dɩŋ-zɔmʋŋ a hɛ la lɛ nɛ, dɩ la wuo jɩŋ arɩ maachie ʋ jaŋ joŋ kʋ-daŋ ma pɩla.
23Arɩ Wɩa, wɩalɩŋ kala mɩ sɩ bʋla ŋaa wʋtɩtɩɩ nɛ. Mɩ bɩ ma teeŋ kɔ Kɔrɩntɩ lɛ, bɛɛ wɩaa mɩ fa bɩ chɛ dɩ mɩ walɩmɛma. 24La bɩ chɛ dɩ la fʋgɛma dɩ ma laa wɩalɩŋ la sɩ bʋla dii, ama laa chɛ dɩ la dɩ ma tɩŋ nɛ dɩ ma kɛŋ tʋɔtɔrʋŋ, bɛɛ wɩaa ma laa Yesu wɩaa dii nɛ a chɩmba lɛ kpaŋ kpaŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014