1 Kɔrɩntɩ Nɩaa 16
16
Kɩalɩŋ la sɩ jaŋ joŋo pɩ la dɔnsʋŋ tɩŋŋaa sɩ laa Yesu wɩaa dii
1Lɛɛlɛ mɩɩ chɛ dɩ mɩ bʋl wɩaa a mʋ tɩgɛ moribie-la ma sɩɩ chɛ dɩ ma kɩɛsɛ, dɩ ba kaa mʋ pɩ Wɩa nɩalɩŋ sɩ hɛ Judiya tinteeŋ lɛ nɛ. Mɩ laa sɩpaaŋ dagɛ nɩalɩŋ sɩ laa Yesu wɩaa dii aa hilimi a hɛ Galiisia tinteeŋ lɛ, ŋɩɩ ba sɩ jaŋ ŋaa a kɩɛsɛ moribie-la. Ma ma ŋaa ŋɩɩ tɩtɩa. 2Lahadi chɛɛ na-kala, moribie-la ma kʋŋkala sɩ tɩma a na yɔbɔ-la tʋɔŋ, nʋʋkala lɩɩsɛ magɛ ŋɩɩ ʋ sɩɩ chɛ dɩ ʋ joŋo bil, a bil. Dɩ mɩ nɛ kɔ, ma bɩra bɩ jaŋ kɩkɩɛsɛ moribiee. 3Dɩ mɩ nɛ kɔ, mɩ jaŋ ŋmʋnsɛ tenniŋ pɩ nɩalɩŋ ma sɩ lɩɩsa, dɩ ba pɛ kɛŋ ba dɩ ma moribie-la ma sɩ kɩɛsa mʋ pɩ nɩalɩŋ sɩ laa Yesu wɩaa dii a hɛ Jerusalɛm lɛ. 4Dɩ ʋ nɛ maga dɩ mɩ ma mʋ, la kala jaŋ to dɔŋɔ mʋ.
Wɩalɩŋ Pɔɔl sɩɩ chɛ dɩ ʋ ŋaa
5Mɩɩ chɛ dɩ mɩ kʋ to Masidoonia tinteeŋ nɛ a mʋ lee. Dɩ mɩ nɛ kʋ to lee-la, mɩ jaŋ kʋ nama. 6Mɩ jaŋ kʋ hɛ ma teeŋ a dieni mʋa, kapo, mɩ jaŋ hɛ ma teeŋ dɩ waarɩŋ chɛnsɩŋ dɛrɛ, dɩ ma pɛ mɩ lɛ dɩ mɩ vɛŋ mɩ wombiiŋ, lee-la kala mɩ sɩɩ mʋ. 7Mɩ bɩ chɛ dɩ mɩ kʋ nama aŋ parɩma kieli. Dɩ Wɩa nɛ sɛyɛ, mɩ cho dɩ mɩ dieni nɛ ma teeŋ. 8Ama mɩ jaŋ hɔŋ Ɛfɛsɩs lɛ a mʋ yi gbieli-bal-la ba sɩɩ yɩrɛ Pɛntɩkɔs chɛɛŋ. 9Wɩa pɩmɛ wombii-bal nɛ dɩ mɩ tɩŋ tɩntɩŋ zɔŋ daha, ka nɩalɩŋ sɩ bɩ chɛ dɩ mɩ tɩŋ tɩntɩŋŋaa daha yʋgɛ. 10Dɩ Timoti nɛ kɔ ma teeŋ, má kɛnʋ woruŋ, dɩ ʋ sɩ́ wɩɩkala fá. Mɩ dɩ ʋ kala nɩɩ tɩŋ Wɩa tɩntɩmɩa-la. 11Má sɩ́ leŋe dɩ nʋʋkala bee gʋʋnʋ. Má pɛ ʋ lɛ dɩ ʋ vɛŋ wombiiŋ arɩ yarɩfɩɛlaa, aŋ mɩɩra kɔ mɩ teeŋ. Mɩɩ gbɛrɛ ʋ dɩ la naambiiri-la nɛ dɩ ba mɩɩra kɔ.
12Ma jɩŋ la naambie ba sɩɩ yɩrɛ Apɔlɔs nɛ. Mɩ bʋla pʋ woruŋ arɩ ʋ dɩ la naambiiri-la kʋ nama. Ama ʋ bɩ ʋ tɩtɩa kaa hɛ dɔŋɔ dɩ ʋ kɔ lɛɛlɛ. Ama dɩ ʋ na wombiiŋ, ʋ jaŋ kɔ.
Wʋkaanaa
13Má pɔ, a chɩŋ wɩalɩŋ ma sɩ laa dii lɛ kpaŋ kpaŋ. Má kɛŋ bɔɩ-duoŋ a kɛŋ doluŋ Wɩa teeŋ. 14Wɩɩkala ma sɩɩ ŋaa, má ŋaa arɩ chonuŋ.
15Mɩ naambiiri, ma jɩŋ baal kʋbala ba sɩɩ yɩrɛ Sɩtɛfanas nɛ. Ʋ dɩ ʋ dɩa nɩaa nɛ laa sɩpaaŋ laa Wɩa wɩaa dii Akaaya tinteeŋ lɛ. Ba pɛ Wɩa nɩaa lɛ nɛ woruŋ, a joŋ ba tɩtɩa kala a hɛ ŋɩɩ lɛ. Mɩɩ sʋlma, mɩ naambiiri, 16dɩ ma tuto nɩdosunuŋ deemba niiŋ. Má tuto Wɩa tɩntɩnnʋ-na kala niiŋ, arɩ nɩalɩŋ sɩɩ pɛ la lɛ la tɩtɩŋ. 17Mɩ tʋɔŋ tɔrɔ woruŋ arɩ Sɩtɛfanas arɩ Fɔtʋnaatʋs arɩ Akaakɩs sɩ kɔ mɩ teeŋ. Ba nɛ laa ma nyuŋ daha. 18Ba leŋe mɩ tʋɔŋ pɩŋ dɩ-bala nɛ. Ba jaŋ leŋ dɩ ma ma tʋɔŋ pɩŋ dɩ-bala. Ʋ maga dɩ ma zizil nɩdosunuŋ deemba nɛ.
19Nɩalɩŋ sɩ laa Yesu wɩaa dii aa hilimi a hɛ Esia tinteeŋ lɛ, ba kala ka chʋɔlɛma. Baal-la ba sɩɩ yɩrɛ Akuila arɩ ʋ haala Pɩrɩsɩla, arɩ nɩalɩŋ sɩ laa Yesu wɩaa dii aa hilimi ba dɩa lɛ, baa chʋɔlɛma woruŋ La Tɩɩna Yesu yɩrɩŋ lɛ. 20Nɩalɩŋ kala sɩ laa Wɩa wɩaa dii a hɛ daha maa chʋɔlɛma. Má guori dɔŋɔ aŋ chʋɔlɛ dɔŋɔ kɩŋkɛŋ kɩŋkɛŋ.
21Lɛɛlɛ, mɩ-na Pɔɔl, mɩ tɩtɩa nɛ ŋmʋnsa aa chʋɔlɛma. 22Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ! 23La Tɩɩna Yesu Kirisito lahɔrɩmɔ lɛ Wɩa jaŋ pɛ ma lɛ. 24Yesu Kirisito yɩrɩŋ lɛ, mɩ cho ma kala nɛ. Amɩɩ.
Currently Selected:
1 Kɔrɩntɩ Nɩaa 16: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
1 Kɔrɩntɩ Nɩaa 16
16
Kɩalɩŋ la sɩ jaŋ joŋo pɩ la dɔnsʋŋ tɩŋŋaa sɩ laa Yesu wɩaa dii
1Lɛɛlɛ mɩɩ chɛ dɩ mɩ bʋl wɩaa a mʋ tɩgɛ moribie-la ma sɩɩ chɛ dɩ ma kɩɛsɛ, dɩ ba kaa mʋ pɩ Wɩa nɩalɩŋ sɩ hɛ Judiya tinteeŋ lɛ nɛ. Mɩ laa sɩpaaŋ dagɛ nɩalɩŋ sɩ laa Yesu wɩaa dii aa hilimi a hɛ Galiisia tinteeŋ lɛ, ŋɩɩ ba sɩ jaŋ ŋaa a kɩɛsɛ moribie-la. Ma ma ŋaa ŋɩɩ tɩtɩa. 2Lahadi chɛɛ na-kala, moribie-la ma kʋŋkala sɩ tɩma a na yɔbɔ-la tʋɔŋ, nʋʋkala lɩɩsɛ magɛ ŋɩɩ ʋ sɩɩ chɛ dɩ ʋ joŋo bil, a bil. Dɩ mɩ nɛ kɔ, ma bɩra bɩ jaŋ kɩkɩɛsɛ moribiee. 3Dɩ mɩ nɛ kɔ, mɩ jaŋ ŋmʋnsɛ tenniŋ pɩ nɩalɩŋ ma sɩ lɩɩsa, dɩ ba pɛ kɛŋ ba dɩ ma moribie-la ma sɩ kɩɛsa mʋ pɩ nɩalɩŋ sɩ laa Yesu wɩaa dii a hɛ Jerusalɛm lɛ. 4Dɩ ʋ nɛ maga dɩ mɩ ma mʋ, la kala jaŋ to dɔŋɔ mʋ.
Wɩalɩŋ Pɔɔl sɩɩ chɛ dɩ ʋ ŋaa
5Mɩɩ chɛ dɩ mɩ kʋ to Masidoonia tinteeŋ nɛ a mʋ lee. Dɩ mɩ nɛ kʋ to lee-la, mɩ jaŋ kʋ nama. 6Mɩ jaŋ kʋ hɛ ma teeŋ a dieni mʋa, kapo, mɩ jaŋ hɛ ma teeŋ dɩ waarɩŋ chɛnsɩŋ dɛrɛ, dɩ ma pɛ mɩ lɛ dɩ mɩ vɛŋ mɩ wombiiŋ, lee-la kala mɩ sɩɩ mʋ. 7Mɩ bɩ chɛ dɩ mɩ kʋ nama aŋ parɩma kieli. Dɩ Wɩa nɛ sɛyɛ, mɩ cho dɩ mɩ dieni nɛ ma teeŋ. 8Ama mɩ jaŋ hɔŋ Ɛfɛsɩs lɛ a mʋ yi gbieli-bal-la ba sɩɩ yɩrɛ Pɛntɩkɔs chɛɛŋ. 9Wɩa pɩmɛ wombii-bal nɛ dɩ mɩ tɩŋ tɩntɩŋ zɔŋ daha, ka nɩalɩŋ sɩ bɩ chɛ dɩ mɩ tɩŋ tɩntɩŋŋaa daha yʋgɛ. 10Dɩ Timoti nɛ kɔ ma teeŋ, má kɛnʋ woruŋ, dɩ ʋ sɩ́ wɩɩkala fá. Mɩ dɩ ʋ kala nɩɩ tɩŋ Wɩa tɩntɩmɩa-la. 11Má sɩ́ leŋe dɩ nʋʋkala bee gʋʋnʋ. Má pɛ ʋ lɛ dɩ ʋ vɛŋ wombiiŋ arɩ yarɩfɩɛlaa, aŋ mɩɩra kɔ mɩ teeŋ. Mɩɩ gbɛrɛ ʋ dɩ la naambiiri-la nɛ dɩ ba mɩɩra kɔ.
12Ma jɩŋ la naambie ba sɩɩ yɩrɛ Apɔlɔs nɛ. Mɩ bʋla pʋ woruŋ arɩ ʋ dɩ la naambiiri-la kʋ nama. Ama ʋ bɩ ʋ tɩtɩa kaa hɛ dɔŋɔ dɩ ʋ kɔ lɛɛlɛ. Ama dɩ ʋ na wombiiŋ, ʋ jaŋ kɔ.
Wʋkaanaa
13Má pɔ, a chɩŋ wɩalɩŋ ma sɩ laa dii lɛ kpaŋ kpaŋ. Má kɛŋ bɔɩ-duoŋ a kɛŋ doluŋ Wɩa teeŋ. 14Wɩɩkala ma sɩɩ ŋaa, má ŋaa arɩ chonuŋ.
15Mɩ naambiiri, ma jɩŋ baal kʋbala ba sɩɩ yɩrɛ Sɩtɛfanas nɛ. Ʋ dɩ ʋ dɩa nɩaa nɛ laa sɩpaaŋ laa Wɩa wɩaa dii Akaaya tinteeŋ lɛ. Ba pɛ Wɩa nɩaa lɛ nɛ woruŋ, a joŋ ba tɩtɩa kala a hɛ ŋɩɩ lɛ. Mɩɩ sʋlma, mɩ naambiiri, 16dɩ ma tuto nɩdosunuŋ deemba niiŋ. Má tuto Wɩa tɩntɩnnʋ-na kala niiŋ, arɩ nɩalɩŋ sɩɩ pɛ la lɛ la tɩtɩŋ. 17Mɩ tʋɔŋ tɔrɔ woruŋ arɩ Sɩtɛfanas arɩ Fɔtʋnaatʋs arɩ Akaakɩs sɩ kɔ mɩ teeŋ. Ba nɛ laa ma nyuŋ daha. 18Ba leŋe mɩ tʋɔŋ pɩŋ dɩ-bala nɛ. Ba jaŋ leŋ dɩ ma ma tʋɔŋ pɩŋ dɩ-bala. Ʋ maga dɩ ma zizil nɩdosunuŋ deemba nɛ.
19Nɩalɩŋ sɩ laa Yesu wɩaa dii aa hilimi a hɛ Esia tinteeŋ lɛ, ba kala ka chʋɔlɛma. Baal-la ba sɩɩ yɩrɛ Akuila arɩ ʋ haala Pɩrɩsɩla, arɩ nɩalɩŋ sɩ laa Yesu wɩaa dii aa hilimi ba dɩa lɛ, baa chʋɔlɛma woruŋ La Tɩɩna Yesu yɩrɩŋ lɛ. 20Nɩalɩŋ kala sɩ laa Wɩa wɩaa dii a hɛ daha maa chʋɔlɛma. Má guori dɔŋɔ aŋ chʋɔlɛ dɔŋɔ kɩŋkɛŋ kɩŋkɛŋ.
21Lɛɛlɛ, mɩ-na Pɔɔl, mɩ tɩtɩa nɛ ŋmʋnsa aa chʋɔlɛma. 22Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ! 23La Tɩɩna Yesu Kirisito lahɔrɩmɔ lɛ Wɩa jaŋ pɛ ma lɛ. 24Yesu Kirisito yɩrɩŋ lɛ, mɩ cho ma kala nɛ. Amɩɩ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014