1 Kɔrɩntɩ Nɩaa 6
6
Ŋɩɩ sɩ maga dɩ nɩalɩŋ sɩ laa Yesu wɩaa dii bʋl wɩaa wasɛ
1Ma nɩalɩŋ sɩ ŋaa Wɩa nɩaa, dɩ wɩɩ nɛ kʋ hɛ ma balɩa pɛgɛ, dɔŋɔ yie kɛŋ wɩɩ-la kaa mʋ nɩalɩŋ sɩ bɩ Wɩa ka chʋɔlɛ teeŋ nɛ, dɩ ba bʋl wɩɩ-la a wasɛ. Bɛɛ nɛ tɩɩ ma yie bɩ leŋe Wɩa nɩaa bʋl wɩɩ-la wʋwasɛ? 2Ma bɩ jɩŋ arɩ Wɩa nɩaa nɛ jaŋ dii dʋnɩa nɩaa sarɩya? Dɩ ma nɛ jaŋ dii dʋnɩa nɩaa sarɩya, ma bɩ wʋbiisiŋ deemba wuo bʋla wʋwasɛɛ? 3Ma bɩ jɩŋ arɩ la Wɩa nɩaa nɛ jaŋ dii Wɩa tɩndaaraa ma sarɩya? A saa kʋ bibeŋ dʋnɩa deeŋ lɛ wɩaa? 4Ŋɩɩ-na saa, dɩ wɩɩ kʋ hɛ ma balɩa pɛgɛ, ma jaŋ kɛŋ wɩɩ-la mʋ nɩalɩŋ sɩ bɩ dɩ-chɩnɩɩ kɛnɛ nɩalɩŋ sɩ laa Yesu wɩaa dii aa hilimi sɩpaaŋ dɩ ba bʋla wasɛ pɩmaa? 5Ma hɩɩsɛ nɛ. Nɩbala paala tuo ma tʋɔŋ sɩ kɛŋ wʋjɩmɩŋ, dɩ wɩɩ nɛ kʋ hɛ Wɩa nɩaa balɩa pɛgɛ, dɩ ʋ wuo bʋl a wasɛɛ? 6Ama dɩ Wɩa nɩaa balɩa nɛ kɛŋ wɩɩ, dɔŋɔ yie kɛŋ ʋ dɔŋɔ tɩɩna mʋ nɩalɩŋ sɩ bɩ Wɩa ka chʋɔlɛ teeŋ nɛ ba bʋl wɩɩ-la wasɛ pɩba.
7Ma sɩ vɛnɛ kɛŋ dɔŋɔ mʋmʋ nɩaa deemba teeŋ dɩ ba dii ma wʋbʋlʋŋ pɩma, daga arɩ ma kala tele nɛ Wɩa wombiiŋ lɛ. Dɩ nʋʋ nɛ ŋaa wɩɩ chei ʋ dɔŋɔ, bɛɛ nɛ tɩɩ ʋ bɩ tɔrɛ? Dɩ nʋʋ nɛ gɩrɩma laa ʋ dɔŋɔ kɩaa, bɛɛ nɛ tɩɩ ʋ bɩ leŋe tɩɩna kɩkɛŋ kɩalɩŋ? 8Ama ma tɩtɩa yie ŋaa wɩaa chichei dɔŋɔ aŋ gɩrɩma lɩlaa ma naambiiriŋ ma kɩaa.
9Ma bɩ jɩŋ arɩ nɩbɔŋŋɔɔ bɩ jaŋ wuo jʋʋ Wɩa kuorii-la tʋɔŋ? Má sɩ́ ma tɩtɩa nyɩsʋ. Nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩɩ kpaarɛ vʋɩyaa, arɩ bachɔrʋmɔɔ arɩ hachɔrʋmɔɔ, arɩ baalaa koo haalaa balɩa sɩ jaa dɔŋɔ, arɩ baala-la koo haala-la sɩ gɔllɛ lee-kala a ŋɩŋaa ba-lɩɩlɩ koo hachɔrʋŋ wɩaa, 10arɩ gaaraa arɩ tʋɔ-luŋ tɩŋŋaa, arɩ sɩ-nyʋaraa, arɩ nɩalɩŋ sɩɩ chei nɩaa yɩrɩŋ, arɩ nɩalɩŋ sɩ gɩrɩma lɩlaa dɔŋɔba kɩaa, nɩaa deemba kʋŋkala bɩ jaŋ wuo jʋʋ Wɩa kuorii-la tʋɔŋ. 11Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.
Ʋ maga dɩ la leŋ disiŋ wʋŋaalaa
12Mɩ jaŋ wuo bʋl arɩ dɩ mɩ nɛ cho, mɩ jaŋ ŋaa wɩɩ-na kala mɩ sɩɩ chɛ. Wʋtɩtɩɩ nɛ, ama wɩɩ-na kala bɩ jaŋ ŋaa wʋzɔŋ a pɩmɛ. Mɩ jaŋ wuo bɩra bʋl arɩ mɩ nɛ cho, mɩ jaŋ wuo ŋaa wɩɩkala, ama mɩ bɩ jaŋ sɛɩ dɩ kʋŋkala kɛŋ doluŋ mɩ lɛ. 13Nʋʋ hɛ nɩmɛ a ma jaŋ bʋl, Wɩa nɛ ŋaa kʋdiilee ba dii hɩhɛ luoruŋ lɛ, ka luoruŋ ma laa kʋdiile-la bibil. Wʋtɩtɩɩ nɛ, ama Wɩa jaŋ leŋ dɩ kʋdiilee arɩ luoru-la kala pʋa. Wɩa bɩ nuhuobiine ŋaa dɩ ʋ kɛŋ ʋ yaraa ŋɩŋaa wʋlɩɩlɩŋ, ama dɩ ʋ kɛŋ ʋ yaraa tɩma pʋpʋ. Wɩa nɛ tɩɩ yara-la ma. 14Wɩa doluŋ lɛ nɛ ʋ chɩsɛ La Tɩɩna Kirisito sʋʋŋ lɛ. Ʋ jaŋ chɩsɛ la ma sʋʋŋ lɛ. 15Ma bɩ jɩŋ arɩ ma yaraa ŋaa Kirisito yaraa sɛmɛ dɔŋɔ nɛɛ? Ma bɩɩna mɩ jaŋ wuo joŋ Kirisito yaraa sɛmɛ dɔŋɔ a mɛrɛ hachɔrʋmʋŋ yaraa lɛ? Aɩ, mɩ bɩ jaŋ ŋaa ŋɩɩ. 16Koo ma bɩ jɩŋ dɩ baala nɛ kɛŋ hachɔrʋŋ-la pɩŋ, ba kala ŋaa kʋbala nɛɛ? Wɩa teniŋ tʋɔŋ ba chaasa bʋl, “Baala arɩ ʋ haala jaŋ mɛrɛ dɔŋɔ lɛ a ŋaa kʋbala.” 17Ŋɩɩ tɩtɩa nɛ nɩɩ-la sɩ kɛŋ ʋ tɩtɩa mʋ mɛrɛ La Tɩɩna Kirisito lɛ, ʋ dɩ ʋ ŋaa kʋbala nɛ Wɩa Dɩŋ-zɔŋ-la doluŋ lɛ. 18Má lɩɩsɛ ma tɩtɩa wʋlɩɩlɩŋ lɛ. Wʋbɔŋ-na kala nuhuobiine sɩ ŋaa bɩ ʋ yaraa ka chei, ama baal-la sɩɩ ŋaa wʋlɩɩlɩŋ yie chei ʋ yaraa kala nɛ. 19Ma bɩ jɩŋ arɩ ma yaraa ŋaa Wɩa Dɩŋ-zɔŋ-la ʋ sɩ joŋo pɩma dɩa nɛɛ? Ma dee bɩ ma tɩtɩa tɩɩ. Wɩa nɛ tɩɩma. 20Wɩa joŋ ʋ chalɩŋ nɛ yɔɔma. Ŋɩɩ wɩaa, má kɛŋ ma yaraa tɩŋ tɩntɩmɩɩ-la sɩɩ tɔrɛ Wɩa tʋɔŋ.
Currently Selected:
1 Kɔrɩntɩ Nɩaa 6: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
1 Kɔrɩntɩ Nɩaa 6
6
Ŋɩɩ sɩ maga dɩ nɩalɩŋ sɩ laa Yesu wɩaa dii bʋl wɩaa wasɛ
1Ma nɩalɩŋ sɩ ŋaa Wɩa nɩaa, dɩ wɩɩ nɛ kʋ hɛ ma balɩa pɛgɛ, dɔŋɔ yie kɛŋ wɩɩ-la kaa mʋ nɩalɩŋ sɩ bɩ Wɩa ka chʋɔlɛ teeŋ nɛ, dɩ ba bʋl wɩɩ-la a wasɛ. Bɛɛ nɛ tɩɩ ma yie bɩ leŋe Wɩa nɩaa bʋl wɩɩ-la wʋwasɛ? 2Ma bɩ jɩŋ arɩ Wɩa nɩaa nɛ jaŋ dii dʋnɩa nɩaa sarɩya? Dɩ ma nɛ jaŋ dii dʋnɩa nɩaa sarɩya, ma bɩ wʋbiisiŋ deemba wuo bʋla wʋwasɛɛ? 3Ma bɩ jɩŋ arɩ la Wɩa nɩaa nɛ jaŋ dii Wɩa tɩndaaraa ma sarɩya? A saa kʋ bibeŋ dʋnɩa deeŋ lɛ wɩaa? 4Ŋɩɩ-na saa, dɩ wɩɩ kʋ hɛ ma balɩa pɛgɛ, ma jaŋ kɛŋ wɩɩ-la mʋ nɩalɩŋ sɩ bɩ dɩ-chɩnɩɩ kɛnɛ nɩalɩŋ sɩ laa Yesu wɩaa dii aa hilimi sɩpaaŋ dɩ ba bʋla wasɛ pɩmaa? 5Ma hɩɩsɛ nɛ. Nɩbala paala tuo ma tʋɔŋ sɩ kɛŋ wʋjɩmɩŋ, dɩ wɩɩ nɛ kʋ hɛ Wɩa nɩaa balɩa pɛgɛ, dɩ ʋ wuo bʋl a wasɛɛ? 6Ama dɩ Wɩa nɩaa balɩa nɛ kɛŋ wɩɩ, dɔŋɔ yie kɛŋ ʋ dɔŋɔ tɩɩna mʋ nɩalɩŋ sɩ bɩ Wɩa ka chʋɔlɛ teeŋ nɛ ba bʋl wɩɩ-la wasɛ pɩba.
7Ma sɩ vɛnɛ kɛŋ dɔŋɔ mʋmʋ nɩaa deemba teeŋ dɩ ba dii ma wʋbʋlʋŋ pɩma, daga arɩ ma kala tele nɛ Wɩa wombiiŋ lɛ. Dɩ nʋʋ nɛ ŋaa wɩɩ chei ʋ dɔŋɔ, bɛɛ nɛ tɩɩ ʋ bɩ tɔrɛ? Dɩ nʋʋ nɛ gɩrɩma laa ʋ dɔŋɔ kɩaa, bɛɛ nɛ tɩɩ ʋ bɩ leŋe tɩɩna kɩkɛŋ kɩalɩŋ? 8Ama ma tɩtɩa yie ŋaa wɩaa chichei dɔŋɔ aŋ gɩrɩma lɩlaa ma naambiiriŋ ma kɩaa.
9Ma bɩ jɩŋ arɩ nɩbɔŋŋɔɔ bɩ jaŋ wuo jʋʋ Wɩa kuorii-la tʋɔŋ? Má sɩ́ ma tɩtɩa nyɩsʋ. Nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩɩ kpaarɛ vʋɩyaa, arɩ bachɔrʋmɔɔ arɩ hachɔrʋmɔɔ, arɩ baalaa koo haalaa balɩa sɩ jaa dɔŋɔ, arɩ baala-la koo haala-la sɩ gɔllɛ lee-kala a ŋɩŋaa ba-lɩɩlɩ koo hachɔrʋŋ wɩaa, 10arɩ gaaraa arɩ tʋɔ-luŋ tɩŋŋaa, arɩ sɩ-nyʋaraa, arɩ nɩalɩŋ sɩɩ chei nɩaa yɩrɩŋ, arɩ nɩalɩŋ sɩ gɩrɩma lɩlaa dɔŋɔba kɩaa, nɩaa deemba kʋŋkala bɩ jaŋ wuo jʋʋ Wɩa kuorii-la tʋɔŋ. 11Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.
Ʋ maga dɩ la leŋ disiŋ wʋŋaalaa
12Mɩ jaŋ wuo bʋl arɩ dɩ mɩ nɛ cho, mɩ jaŋ ŋaa wɩɩ-na kala mɩ sɩɩ chɛ. Wʋtɩtɩɩ nɛ, ama wɩɩ-na kala bɩ jaŋ ŋaa wʋzɔŋ a pɩmɛ. Mɩ jaŋ wuo bɩra bʋl arɩ mɩ nɛ cho, mɩ jaŋ wuo ŋaa wɩɩkala, ama mɩ bɩ jaŋ sɛɩ dɩ kʋŋkala kɛŋ doluŋ mɩ lɛ. 13Nʋʋ hɛ nɩmɛ a ma jaŋ bʋl, Wɩa nɛ ŋaa kʋdiilee ba dii hɩhɛ luoruŋ lɛ, ka luoruŋ ma laa kʋdiile-la bibil. Wʋtɩtɩɩ nɛ, ama Wɩa jaŋ leŋ dɩ kʋdiilee arɩ luoru-la kala pʋa. Wɩa bɩ nuhuobiine ŋaa dɩ ʋ kɛŋ ʋ yaraa ŋɩŋaa wʋlɩɩlɩŋ, ama dɩ ʋ kɛŋ ʋ yaraa tɩma pʋpʋ. Wɩa nɛ tɩɩ yara-la ma. 14Wɩa doluŋ lɛ nɛ ʋ chɩsɛ La Tɩɩna Kirisito sʋʋŋ lɛ. Ʋ jaŋ chɩsɛ la ma sʋʋŋ lɛ. 15Ma bɩ jɩŋ arɩ ma yaraa ŋaa Kirisito yaraa sɛmɛ dɔŋɔ nɛɛ? Ma bɩɩna mɩ jaŋ wuo joŋ Kirisito yaraa sɛmɛ dɔŋɔ a mɛrɛ hachɔrʋmʋŋ yaraa lɛ? Aɩ, mɩ bɩ jaŋ ŋaa ŋɩɩ. 16Koo ma bɩ jɩŋ dɩ baala nɛ kɛŋ hachɔrʋŋ-la pɩŋ, ba kala ŋaa kʋbala nɛɛ? Wɩa teniŋ tʋɔŋ ba chaasa bʋl, “Baala arɩ ʋ haala jaŋ mɛrɛ dɔŋɔ lɛ a ŋaa kʋbala.” 17Ŋɩɩ tɩtɩa nɛ nɩɩ-la sɩ kɛŋ ʋ tɩtɩa mʋ mɛrɛ La Tɩɩna Kirisito lɛ, ʋ dɩ ʋ ŋaa kʋbala nɛ Wɩa Dɩŋ-zɔŋ-la doluŋ lɛ. 18Má lɩɩsɛ ma tɩtɩa wʋlɩɩlɩŋ lɛ. Wʋbɔŋ-na kala nuhuobiine sɩ ŋaa bɩ ʋ yaraa ka chei, ama baal-la sɩɩ ŋaa wʋlɩɩlɩŋ yie chei ʋ yaraa kala nɛ. 19Ma bɩ jɩŋ arɩ ma yaraa ŋaa Wɩa Dɩŋ-zɔŋ-la ʋ sɩ joŋo pɩma dɩa nɛɛ? Ma dee bɩ ma tɩtɩa tɩɩ. Wɩa nɛ tɩɩma. 20Wɩa joŋ ʋ chalɩŋ nɛ yɔɔma. Ŋɩɩ wɩaa, má kɛŋ ma yaraa tɩŋ tɩntɩmɩɩ-la sɩɩ tɔrɛ Wɩa tʋɔŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014