1 Kɔrɩntɩ Nɩaa 5
5
Nɩalɩŋ sɩ laa Yesu wɩaa dii dɔnsʋŋ ŋaa wʋlɩɩlɩŋ
1Mɩ nɩa arɩ nʋʋ nɛ hɛ ma tʋɔŋ a ŋaa disiniŋ. Ʋ ŋɩɩ lɔrɔ. Nɩalɩŋ sɩ bɩ Wɩa jɩŋ ma paala bɩ ŋɩɩ ka ŋaa. Ba bʋla pɩmɛ arɩ nʋʋ nɛ hɛ ma tʋɔŋ a laa ʋ nyɩmma haala jaa. 2Ɛɛ nɛ saa ma jaŋ wuo ŋaa a bigisi ma tɩtɩa lɛ? Ʋ maga dɩ ma tʋɔŋ chei nɛ, ka dɩ ma lɩɩsɛ nɩɩ-la sɩ ŋaa ŋɩɩ a ta ma tʋɔŋ.
3Mɩ-na, mɩ hɛ dɩ-bolii nɛ, ama mɩ dɩma guoli ma tʋɔŋ nɛ. Mɩ paala joŋ cheeriŋ pɩ nɩɩ-la sɩ ŋaa wʋlɔrʋŋ deeŋ nɛ a nagɛ mɩ hɛ ma teeŋ nɛ. 4Dɩ ma nɛ kʋ hilimi La Tɩɩna Yesu Kirisito yɩrɩŋ lɛ, mɩ dɩma jaŋ hɛ ma teeŋ, Yesu Kirisito ma doluŋ jaŋ hɛ ma teeŋ. 5Má joŋ baala deeŋ hɛ Sɩtaanɩ nɩsɩŋ lɛ, dɩ ʋ to ʋ tʋɔtɔrɛ wʋŋaalaa lɛ a dɔgɩsɛ ʋ yaraa, ka dɩ Wɩa laa ʋ dɩma ta tapʋlɩɩ-la La Tɩɩna sɩ jaŋ mɩɩra kɔ.
6Ma sɩɩ bigisi ma tɩtɩa lɛ ŋɩɩ, ʋ ŋɩɩ bɩ zɔŋ. Ma bɩ jɩŋ arɩ sɩbʋrʋŋ mʋa nɛ ba yie joŋo hɛ boroboro munuŋ lɛ, ka ʋ sii pʋɔrɛ a yʋgɛɛ? 7Má joŋ sɩ-bʋrʋ-bɩnɩɩ-la sɩ ŋaa wʋbɔŋ a ta. Dɩ ma nɛ ŋaa ŋɩɩ, ma jaŋ wuo ŋaa tʋɔpʋl tɩmma, a wuo nagɛ boroboro muŋ-falɩɩ-la ba ha sɩ bɩ sɩbʋrʋŋ hɛ. Ma saa jɩma arɩ ma bɩ wʋbɔŋ kɛnɛ. La kɛŋ la tɩtɩa hɛ dɔŋɔ dɩ la gbieli dɩɩsɩŋ kiele bal gbiele-la nɛ. Kirisito nɛ ŋaa Pie-bie-la ba sɩ kpʋa dɩ la kaa dii la dɩɩsɩŋ kiele bal gbiele-la. 8Ŋɩɩ wɩaa, má leŋ dɩ la gbieli la dɩɩsɩŋ kiele bal gbiele-la. Má leŋ dɩ la joŋ boroboro bɩnɩɩ-la sɩ kɛŋ sɩbʋrʋŋ ta. Sɩ-bʋrʋ-la nagɛ wʋbɔmʋŋ arɩ tʋɔbɔmʋŋ nɛ. Má leŋ dɩ la gbieli arɩ boroboro-la sɩ bɩ sɩbʋrʋŋ kɛnɛ. Boroboro deeŋ nagɛ wʋtɩtɩɩ arɩ tʋɔ-bala nɛ.
9Teŋ-la mɩ sɩ ŋmʋnsa pɩma tʋɔŋ, mɩ bʋla pɩma dɩ ma lɩɩsɛ ma tɩtɩa nɩalɩŋ sɩɩ ŋaa wʋlɩɩlɩŋ tʋɔŋ. 10Mɩ saa bɩ bʋla arɩ ma sɩ́ dʋnɩa nɩaa sɩɩ ŋaa wʋlɩɩlɩŋ, koo nɩalɩŋ sɩ kɛŋ tʋɔ-luŋuŋ, koo gaaraa, koo vʋɩ-kpaaraa tʋɔŋ guolu. Dɩ ma nɩɩ chɛ dɩ ma sɩ́ ba tʋɔŋ guolu, ŋɩɩ-na ma bɩ jaŋ hɛ dʋnɩa lɛ. 11Ama wɩɩ-la mɩ sɩɩ bʋl nɛ ŋ-la: Má sɩ́ ma tɩtɩa kaa mʋ mɛrɛ nɩɩ-la sɩ sɩ ʋ ŋaa nɩalɩŋ sɩ laa Wɩa wɩaa dii dɔŋɔ nɛ aŋ ŋɩŋaa wʋlɩɩlɩŋ, koo ʋ kɛŋ tʋɔ-luŋuŋ, koo ʋ kpaarɛ vʋɩyaa, koo ʋ gɔllɔ chichei nɩaa yɩrɩŋ, koo ʋ ŋaa sɩ-nyʋarʋ, koo ʋ ŋaa gaarʋ. Ma paala sɩ́ leŋe dɩ ma dɩ tɩɩna hɔŋ a dii kʋdiilee ma. 12Mɩ tɩntɩmɩŋ dee dɩ mɩ laa nɩalɩŋ sɩ bɩ Yesu laa dii wɩaa jɩŋ. Ama ma-na saa maga dɩ ma laa dɔŋɔba wɩaa jɩjɩŋ nɛ. 13Nɩalɩŋ sɩ bɩ Yesu jɩŋ-na, Wɩa nɛ jaŋ dii ba sarɩya. Wɩa teniŋ tʋɔŋ ba bʋla, “Má lɩɩsɛ nɩbɔmʋŋ ta ma tʋɔŋ.”
Currently Selected:
1 Kɔrɩntɩ Nɩaa 5: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
1 Kɔrɩntɩ Nɩaa 5
5
Nɩalɩŋ sɩ laa Yesu wɩaa dii dɔnsʋŋ ŋaa wʋlɩɩlɩŋ
1Mɩ nɩa arɩ nʋʋ nɛ hɛ ma tʋɔŋ a ŋaa disiniŋ. Ʋ ŋɩɩ lɔrɔ. Nɩalɩŋ sɩ bɩ Wɩa jɩŋ ma paala bɩ ŋɩɩ ka ŋaa. Ba bʋla pɩmɛ arɩ nʋʋ nɛ hɛ ma tʋɔŋ a laa ʋ nyɩmma haala jaa. 2Ɛɛ nɛ saa ma jaŋ wuo ŋaa a bigisi ma tɩtɩa lɛ? Ʋ maga dɩ ma tʋɔŋ chei nɛ, ka dɩ ma lɩɩsɛ nɩɩ-la sɩ ŋaa ŋɩɩ a ta ma tʋɔŋ.
3Mɩ-na, mɩ hɛ dɩ-bolii nɛ, ama mɩ dɩma guoli ma tʋɔŋ nɛ. Mɩ paala joŋ cheeriŋ pɩ nɩɩ-la sɩ ŋaa wʋlɔrʋŋ deeŋ nɛ a nagɛ mɩ hɛ ma teeŋ nɛ. 4Dɩ ma nɛ kʋ hilimi La Tɩɩna Yesu Kirisito yɩrɩŋ lɛ, mɩ dɩma jaŋ hɛ ma teeŋ, Yesu Kirisito ma doluŋ jaŋ hɛ ma teeŋ. 5Má joŋ baala deeŋ hɛ Sɩtaanɩ nɩsɩŋ lɛ, dɩ ʋ to ʋ tʋɔtɔrɛ wʋŋaalaa lɛ a dɔgɩsɛ ʋ yaraa, ka dɩ Wɩa laa ʋ dɩma ta tapʋlɩɩ-la La Tɩɩna sɩ jaŋ mɩɩra kɔ.
6Ma sɩɩ bigisi ma tɩtɩa lɛ ŋɩɩ, ʋ ŋɩɩ bɩ zɔŋ. Ma bɩ jɩŋ arɩ sɩbʋrʋŋ mʋa nɛ ba yie joŋo hɛ boroboro munuŋ lɛ, ka ʋ sii pʋɔrɛ a yʋgɛɛ? 7Má joŋ sɩ-bʋrʋ-bɩnɩɩ-la sɩ ŋaa wʋbɔŋ a ta. Dɩ ma nɛ ŋaa ŋɩɩ, ma jaŋ wuo ŋaa tʋɔpʋl tɩmma, a wuo nagɛ boroboro muŋ-falɩɩ-la ba ha sɩ bɩ sɩbʋrʋŋ hɛ. Ma saa jɩma arɩ ma bɩ wʋbɔŋ kɛnɛ. La kɛŋ la tɩtɩa hɛ dɔŋɔ dɩ la gbieli dɩɩsɩŋ kiele bal gbiele-la nɛ. Kirisito nɛ ŋaa Pie-bie-la ba sɩ kpʋa dɩ la kaa dii la dɩɩsɩŋ kiele bal gbiele-la. 8Ŋɩɩ wɩaa, má leŋ dɩ la gbieli la dɩɩsɩŋ kiele bal gbiele-la. Má leŋ dɩ la joŋ boroboro bɩnɩɩ-la sɩ kɛŋ sɩbʋrʋŋ ta. Sɩ-bʋrʋ-la nagɛ wʋbɔmʋŋ arɩ tʋɔbɔmʋŋ nɛ. Má leŋ dɩ la gbieli arɩ boroboro-la sɩ bɩ sɩbʋrʋŋ kɛnɛ. Boroboro deeŋ nagɛ wʋtɩtɩɩ arɩ tʋɔ-bala nɛ.
9Teŋ-la mɩ sɩ ŋmʋnsa pɩma tʋɔŋ, mɩ bʋla pɩma dɩ ma lɩɩsɛ ma tɩtɩa nɩalɩŋ sɩɩ ŋaa wʋlɩɩlɩŋ tʋɔŋ. 10Mɩ saa bɩ bʋla arɩ ma sɩ́ dʋnɩa nɩaa sɩɩ ŋaa wʋlɩɩlɩŋ, koo nɩalɩŋ sɩ kɛŋ tʋɔ-luŋuŋ, koo gaaraa, koo vʋɩ-kpaaraa tʋɔŋ guolu. Dɩ ma nɩɩ chɛ dɩ ma sɩ́ ba tʋɔŋ guolu, ŋɩɩ-na ma bɩ jaŋ hɛ dʋnɩa lɛ. 11Ama wɩɩ-la mɩ sɩɩ bʋl nɛ ŋ-la: Má sɩ́ ma tɩtɩa kaa mʋ mɛrɛ nɩɩ-la sɩ sɩ ʋ ŋaa nɩalɩŋ sɩ laa Wɩa wɩaa dii dɔŋɔ nɛ aŋ ŋɩŋaa wʋlɩɩlɩŋ, koo ʋ kɛŋ tʋɔ-luŋuŋ, koo ʋ kpaarɛ vʋɩyaa, koo ʋ gɔllɔ chichei nɩaa yɩrɩŋ, koo ʋ ŋaa sɩ-nyʋarʋ, koo ʋ ŋaa gaarʋ. Ma paala sɩ́ leŋe dɩ ma dɩ tɩɩna hɔŋ a dii kʋdiilee ma. 12Mɩ tɩntɩmɩŋ dee dɩ mɩ laa nɩalɩŋ sɩ bɩ Yesu laa dii wɩaa jɩŋ. Ama ma-na saa maga dɩ ma laa dɔŋɔba wɩaa jɩjɩŋ nɛ. 13Nɩalɩŋ sɩ bɩ Yesu jɩŋ-na, Wɩa nɛ jaŋ dii ba sarɩya. Wɩa teniŋ tʋɔŋ ba bʋla, “Má lɩɩsɛ nɩbɔmʋŋ ta ma tʋɔŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014