Israelfɔ Ɩlʋ 95
95
Mlɩba, Abun Sum Bulu
1Mlɩba apʋ ansigyi wa ɩlʋ ha Nana Bulu.
Mlɩha atswɩ ope ha anɩ bʋta, ɔtɔhɔ anɩ nkpa.
2Mlɩha apʋ ɩpan ba mʋ ansɩtɔ,
atswɩ ope kanfʋ mʋ,
3tsufɛ Bulu kpɔnkpɔntɩ Nana Bulu gyi.
Owie kpɔnkpɔntɩ, ɔdʋn ɔkpɩgyiɔkpɩ.
4Mʋ ɩbɩtɔ ɔsʋlʋ ɔtɔtɔ bʋ,
Abʋ ɔfʋakpa ɛ igyi mʋ klɛ.
5Mʋbʋ ɔpʋ, tsufɛ mʋlɔbwɛ mʋ́.
Mʋ ɩbɩ lɔbwɛ ɔsʋlʋ sɛhɛ.
6Mlɩba abun, asum mʋ.
Mlɩha ada akpawunu anɩ Ɔbwɛpʋ Nana Bulu ansɩtɔ,
7tsufɛ mʋgyi anɩ Bulu,
anɩgyi mʋ ɩbantɔ akufa ánɩ́ ɔdɛ anɩ kpa.
Nɩ mlónu mʋ ɔmɛ ndɛ a,
8mlɩmáwa asʋtɔ-ɔnlɩn fɛ alɩá mlɩlɔbwɛ Meriba
pʋ́ Masa ɔsʋlʋkpansʋ ɛkɛ amʋ#Eks. 17:1-7.
9Ɩbʋ mʋ́tɔá bowun tɔá nabwɛ bɔtsʋn,
tamɛ mlɩ anain bɔwa mɩ tɔɩ, sɔ mɩ kɩ.
10Amʋ́ asʋn metepi wa mɩ ɔdwɛ nfi adʋana (40) kɛkɛ.
Nɛblɩ mbɛɛ,
“Aha anfɩ bʋtɛdalɩ mɩ ɔma bregyibrɛ.
Bʋtamakleá bégyi mɩ asʋnsʋ.”
11Mʋ́ sʋ nenya ɔblɔ ka ntam mbɛɛ,#Num. 14:20-23; Deu. 1:34-36; Deu. 12:9-10; Heb. 4:3-5
“Nɩ bówie mɩ ɔkpʋnʋ ɔdakpa ɩnʋ fiin!
Nɛka nɔtʋn.”
Currently Selected:
Israelfɔ Ɩlʋ 95: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
