Israelfɔ Ɩlʋ 72
72
Bulu Ha Fʋ Yilebwɛ Itsia Owiesʋ
Salomo ɩlʋ.
1Oo Bulu, ha owie fʋ asʋngyi ɔnɔkwalɩsʋ,
afʋha fʋ yilebwɛ itsia mʋsʋ.
2Ha mʋ ɔpʋ ɔnɔkwalɩ gyi fʋ ɔmá asʋn,
ogyi ahianfɔ asʋn wanklaan ha amʋ́.
3Atɔ ɩkwɛ abwisʋ, ɩkwɛ ayintisʋ;
yile ɩba ɔmá amʋtɔ.
4Ogyi ɔmá amʋtɔ ahianfɔ asʋn wanklaan ha amʋ́.
Ɔlɛ aha ánɩ́ bʋma tɔtɔ,
ɔkwɛ nuna aha asisipʋ.
5Ɩnɩá owi mɔkʋsi lɩn,
ɔtsra ɛ mɔkʋsi fɛɩ anfɩ mʋ́ a,
amʋ́a amʋ́ abi-aná bʋmási fʋ ifu nya ɛkɛkɛɛkɛ.
6Ha owie iwiegyi ɩbwɛ fɛ nyankpʋ latswie wʋlɩ ɔsʋlʋá badɔ tswɩsʋ.
Fɛ nyankpʋ latswie pʋtɔɔ kɩta ɔsʋlʋ.
7Ɩwa alɛ ha yile abwɛpʋ mʋ bɩsʋ.
Iwilwii ɩhɩɛ tsia yɛfʋn brɛá ɔtsra obési fɛɩ.
8Ogyi iwie tsu ɔpʋ ɔnɔ yɛfʋn ɔpʋ ɔnɔ.
Tsu Eufrate bʋnkpa ɔnɔ yɛfʋn ɔsʋlʋ amʋ ɔka.
9Dimbisʋ atsiapʋ fɛ́ɛ́ bʋba ɩwɩasɩ ha mʋ,
mʋ alupʋ abʋwɩ ɩsɩ mʋ ansɩtɔ.
10Tarsis awie pʋ́ ntsu agbemgbesʋ awie bʋsʋra atokiehɛ ba mʋ.
Saba mʋ́a Seba awie bʋkie mʋ atɔ.
11Awie fɛ́ɛ́ bʋda akpawunu ha mʋ,
ɔmá fɛ́ɛ́ abʋsum mʋ,
12tsufɛ ɔtɛlɛ aha ánɩ́ bʋma tɔtɔ, bʋdesu kpoli mʋ,
pʋ́ ahianfɔá bʋma ɔhaa.
13Otowun ipian owunpʋ pʋ́ ɔha ánɩ́ ɔma tɔtɔ nwɛ,
ɔtɔhɔ aha ánɩ́ bʋma tɔtɔ nkpa.
14Ɔtɛlɛ amʋ́ ɔkla lɛ awuntɔlɩnpʋ mʋ́a asisipʋ ɩbɩtɔ,
tsufɛ amʋ́ nkpa bʋ ibia mʋ ansɩtɔ.
15Ɔdan fuli nwun fututuutu,
abʋpʋ sika pɛpɛ tsua Seba ba mʋ.
Aha bʋbɔ mpaɩ ha mʋ brɛ fɛ́ɛ́,
abʋkʋlɩ oyula ha mʋ ekekegyiɛkɛ.
16Ɔsʋlʋ amʋsʋ atɔ ɩhɩɛ wa alɛ,
ɩbʋla abʋsʋ.
Iswie wanklaan fɛ alɩá itoswie Lebanon ɔsʋlʋsʋ,
awulu amʋtɔ atsiapʋ abʋklɛɩ fɛ ɩfa.
17Ɩnɩá owi mɔkʋsi lɩn anfɩ mʋ́ a,
bʋmási mʋ ɩda tɩ.
Ɔbwɛ oyula ha ɔmá fɛ́ɛ́,
abʋkʋlɩ oyula ha mʋ.
18Bʋkanfʋ Nana Bulu, Israel Bulu amʋ.
Mʋ nkʋlɛ tɔbwɛ ofula.
19Bʋkanfʋ mʋ numnyam ɩda brɛ fɛ́ɛ́.
Mʋ numnyam ɩbʋla ɔyɩtɔ fɛ́ɛ́.
Ɩbá mʋ́tɔ, ɩtra laba mʋ́tɔ.
20Alɩ Yisai mʋ bi Dawid lɔpʋmɔ mʋ mpaɩ ɔnɔ nɩ.
Currently Selected:
Israelfɔ Ɩlʋ 72: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 72
72
Bulu Ha Fʋ Yilebwɛ Itsia Owiesʋ
Salomo ɩlʋ.
1Oo Bulu, ha owie fʋ asʋngyi ɔnɔkwalɩsʋ,
afʋha fʋ yilebwɛ itsia mʋsʋ.
2Ha mʋ ɔpʋ ɔnɔkwalɩ gyi fʋ ɔmá asʋn,
ogyi ahianfɔ asʋn wanklaan ha amʋ́.
3Atɔ ɩkwɛ abwisʋ, ɩkwɛ ayintisʋ;
yile ɩba ɔmá amʋtɔ.
4Ogyi ɔmá amʋtɔ ahianfɔ asʋn wanklaan ha amʋ́.
Ɔlɛ aha ánɩ́ bʋma tɔtɔ,
ɔkwɛ nuna aha asisipʋ.
5Ɩnɩá owi mɔkʋsi lɩn,
ɔtsra ɛ mɔkʋsi fɛɩ anfɩ mʋ́ a,
amʋ́a amʋ́ abi-aná bʋmási fʋ ifu nya ɛkɛkɛɛkɛ.
6Ha owie iwiegyi ɩbwɛ fɛ nyankpʋ latswie wʋlɩ ɔsʋlʋá badɔ tswɩsʋ.
Fɛ nyankpʋ latswie pʋtɔɔ kɩta ɔsʋlʋ.
7Ɩwa alɛ ha yile abwɛpʋ mʋ bɩsʋ.
Iwilwii ɩhɩɛ tsia yɛfʋn brɛá ɔtsra obési fɛɩ.
8Ogyi iwie tsu ɔpʋ ɔnɔ yɛfʋn ɔpʋ ɔnɔ.
Tsu Eufrate bʋnkpa ɔnɔ yɛfʋn ɔsʋlʋ amʋ ɔka.
9Dimbisʋ atsiapʋ fɛ́ɛ́ bʋba ɩwɩasɩ ha mʋ,
mʋ alupʋ abʋwɩ ɩsɩ mʋ ansɩtɔ.
10Tarsis awie pʋ́ ntsu agbemgbesʋ awie bʋsʋra atokiehɛ ba mʋ.
Saba mʋ́a Seba awie bʋkie mʋ atɔ.
11Awie fɛ́ɛ́ bʋda akpawunu ha mʋ,
ɔmá fɛ́ɛ́ abʋsum mʋ,
12tsufɛ ɔtɛlɛ aha ánɩ́ bʋma tɔtɔ, bʋdesu kpoli mʋ,
pʋ́ ahianfɔá bʋma ɔhaa.
13Otowun ipian owunpʋ pʋ́ ɔha ánɩ́ ɔma tɔtɔ nwɛ,
ɔtɔhɔ aha ánɩ́ bʋma tɔtɔ nkpa.
14Ɔtɛlɛ amʋ́ ɔkla lɛ awuntɔlɩnpʋ mʋ́a asisipʋ ɩbɩtɔ,
tsufɛ amʋ́ nkpa bʋ ibia mʋ ansɩtɔ.
15Ɔdan fuli nwun fututuutu,
abʋpʋ sika pɛpɛ tsua Seba ba mʋ.
Aha bʋbɔ mpaɩ ha mʋ brɛ fɛ́ɛ́,
abʋkʋlɩ oyula ha mʋ ekekegyiɛkɛ.
16Ɔsʋlʋ amʋsʋ atɔ ɩhɩɛ wa alɛ,
ɩbʋla abʋsʋ.
Iswie wanklaan fɛ alɩá itoswie Lebanon ɔsʋlʋsʋ,
awulu amʋtɔ atsiapʋ abʋklɛɩ fɛ ɩfa.
17Ɩnɩá owi mɔkʋsi lɩn anfɩ mʋ́ a,
bʋmási mʋ ɩda tɩ.
Ɔbwɛ oyula ha ɔmá fɛ́ɛ́,
abʋkʋlɩ oyula ha mʋ.
18Bʋkanfʋ Nana Bulu, Israel Bulu amʋ.
Mʋ nkʋlɛ tɔbwɛ ofula.
19Bʋkanfʋ mʋ numnyam ɩda brɛ fɛ́ɛ́.
Mʋ numnyam ɩbʋla ɔyɩtɔ fɛ́ɛ́.
Ɩbá mʋ́tɔ, ɩtra laba mʋ́tɔ.
20Alɩ Yisai mʋ bi Dawid lɔpʋmɔ mʋ mpaɩ ɔnɔ nɩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation