Israelfɔ Ɩlʋ 71
71
Bulu, Mási Mɩ Wa Ɔkpa
1Nana Bulu, fʋ nasrɩ tanʋ.
Máha pɛlɩ ɩkɩta mɩ ɛkɛkɛɛkɛ.
2Fʋ yilebwɛ sʋ lɛ mɩ.
Yaa asʋ, afʋhɔ mɩ nkpa!
3Bwɛ mɩ ɩbʋta ánɩ́ nɛ́talɩ srɩ beŋain fʋ alʋntɔ bregyibrɛ.
Fʋlɛblɩ fɛɛ, fɔ́hɔ mɩ nkpa,
tsufɛ fʋgyi mɩ ɩbʋta pʋ́ mɩ oŋainkpa kpikpli.
4Oo mɩ Bulu, hɔ mɩ tsu aha lalahɛ ɩbɩtɔ;
tsu owuntɔlɩnpʋ pʋ́ lalahɛ ɔbwɛpʋ ɩbɩtɔ.
5Tsufɛ mɩ Wie Nana Bulu, fʋ ɔkpa ndɛkɩ.
Fʋsʋ mɩ ansɩ dɩn tsu mɩ nyebitɔ bɩmbɩ ɔpá.
6Fʋsʋ nkpɛn tsu mɩ ɔkwɩɩkɛ.
Fʋlɛlɛ mɩ tsu mɩ yin ɩwɩtɔ.
Fʋ nɛ́kanfʋ bregyibrɛ.
7Mɩ ɩwɩ bʋ aha tsɔtsɔɔtsɔ wanwan,
tsufɛ fʋgyi mɩ okpikplikpa.
8Mʋ́ sʋ mméesi fʋ kanfʋ,
si fʋ numnyam wa ekekegyiɛkɛ ɔyɩkɛhɛtɔ fɛ́ɛ́.
9Mátswɛ mɩ kpʋkpʋ, brɛ anfɩ nadan.
Mási mɩ wa ɔkpa, brɛ anfɩ napɔn;
10tsufɛ mɩ alupʋ bʋdɛ mɩ ɩwɩ asʋn blɩ.
Aha ánɩ́ bʋdekleá bɔ́mɔ mɩ bakan mɩsʋ.
11Bʋdɛblɩ bɛɛ, “Mlɩsrɩ gya mʋ, amlɩkɩta mʋ.
Bulu lakpa mʋ ɔma,
ɔma ɔhɔpʋ.”
12Oo Bulu, máwa ɩfɔ mɩ ɩwɩ.
Mɩ Bulu, kokoli wa ɔsa bɔhɔ mɩ!
13Ha pɛlɩ ɩkɩta aha ánɩ́ bʋdɛ mɩ ɩla lɛ, abʋfwɩ.
Pɛlɩ ɩkɩta aha ánɩ́ bʋdɛ mɩ lalahɛ dunka fɛ́ɛ́, abʋsʋpa.
14Nɛ́kɩ fʋ ɔkpa brɛ fɛ́ɛ́.
Nɛ́kanfʋ fʋ, lakanfʋ fʋ.
15Nɛ́blɩ yileá fʋdɛbwɛ, pʋhɔ aha nkpa ekekegyiɛkɛ,
tsufɛ tɔá fabwɛ lɔdʋbɩ,
mmɛ́ɛtalɩ blɩ mʋ́ fɛ́ɛ́.
16Nɛ́ba bɛkanfʋ anɩ Wie Nana Bulu gyumagyihɛ akpɔnkpɔntɩ.
Nɛ́kanfʋ mʋ ɔnɔkwalɩ.
Mʋ nkʋlɛ klɛ nɛ́kanfʋ.
17Oo Bulu, fasuna mɩ atɔ tsu mɩ nyebitɔ.
Ntɛbla aha ofula ánɩ́ fabwɛ bɔfʋn ndɛ.
18Oo Bulu, ɩnɩá nadan, mɩ nwun lafuli o a, mási mɩ wa ɔkpa.
Yɔfʋn brɛá nada fʋ tumi ɔkan suna abi-aná,
pʋ́ aha ánɩ́ bɛ́tra bɛlɩn fɛ́ɛ́.
19Oo Bulu, fʋ yilebwɛ lɔfʋa da nwʋlʋta ɩfa.
Fʋ atɔ bwɛhɛ lɔdʋbɩ.
Mɩ Bulu, ma lɔfʋn fʋ.
20Faha nawun ipian dʋbɩ.
Fʋ ɔbɛ́lawa mɩ ɔwʋnlɩn,
lɛ mɩ tsu afulitɔ.
21Fɛ́lawa mɩ numnyam dʋn,
lalwii mɩ klʋn.
22Mɩ Bulu, mɩ ɛ nɛ́da akwɛ kanfʋ fʋ,
fʋ ɔnɔkwalɩwa sʋ.
Israel Ɔha Wankɩhɛ, nɔ́wa ɩlʋ da ɔsankuo ha fʋ.
23Nɔ́kplʋn wa ɩlʋ ansigyisʋ ha fʋ.
Faka lɛ mɩ ɔkla, mɩ ɛ nɔ́wa ɩlʋ kanfʋ fʋ.
24Nɛ́da yileá fʋdɛbwɛ ha mɩ ɔkan ekekegyiɛkɛ.
Tsufɛ pɛlɩ lakɩta aha ánɩ́ bʋdɛ mɩ lalahɛ dunka, basʋpa.
Currently Selected:
Israelfɔ Ɩlʋ 71: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 71
71
Bulu, Mási Mɩ Wa Ɔkpa
1Nana Bulu, fʋ nasrɩ tanʋ.
Máha pɛlɩ ɩkɩta mɩ ɛkɛkɛɛkɛ.
2Fʋ yilebwɛ sʋ lɛ mɩ.
Yaa asʋ, afʋhɔ mɩ nkpa!
3Bwɛ mɩ ɩbʋta ánɩ́ nɛ́talɩ srɩ beŋain fʋ alʋntɔ bregyibrɛ.
Fʋlɛblɩ fɛɛ, fɔ́hɔ mɩ nkpa,
tsufɛ fʋgyi mɩ ɩbʋta pʋ́ mɩ oŋainkpa kpikpli.
4Oo mɩ Bulu, hɔ mɩ tsu aha lalahɛ ɩbɩtɔ;
tsu owuntɔlɩnpʋ pʋ́ lalahɛ ɔbwɛpʋ ɩbɩtɔ.
5Tsufɛ mɩ Wie Nana Bulu, fʋ ɔkpa ndɛkɩ.
Fʋsʋ mɩ ansɩ dɩn tsu mɩ nyebitɔ bɩmbɩ ɔpá.
6Fʋsʋ nkpɛn tsu mɩ ɔkwɩɩkɛ.
Fʋlɛlɛ mɩ tsu mɩ yin ɩwɩtɔ.
Fʋ nɛ́kanfʋ bregyibrɛ.
7Mɩ ɩwɩ bʋ aha tsɔtsɔɔtsɔ wanwan,
tsufɛ fʋgyi mɩ okpikplikpa.
8Mʋ́ sʋ mméesi fʋ kanfʋ,
si fʋ numnyam wa ekekegyiɛkɛ ɔyɩkɛhɛtɔ fɛ́ɛ́.
9Mátswɛ mɩ kpʋkpʋ, brɛ anfɩ nadan.
Mási mɩ wa ɔkpa, brɛ anfɩ napɔn;
10tsufɛ mɩ alupʋ bʋdɛ mɩ ɩwɩ asʋn blɩ.
Aha ánɩ́ bʋdekleá bɔ́mɔ mɩ bakan mɩsʋ.
11Bʋdɛblɩ bɛɛ, “Mlɩsrɩ gya mʋ, amlɩkɩta mʋ.
Bulu lakpa mʋ ɔma,
ɔma ɔhɔpʋ.”
12Oo Bulu, máwa ɩfɔ mɩ ɩwɩ.
Mɩ Bulu, kokoli wa ɔsa bɔhɔ mɩ!
13Ha pɛlɩ ɩkɩta aha ánɩ́ bʋdɛ mɩ ɩla lɛ, abʋfwɩ.
Pɛlɩ ɩkɩta aha ánɩ́ bʋdɛ mɩ lalahɛ dunka fɛ́ɛ́, abʋsʋpa.
14Nɛ́kɩ fʋ ɔkpa brɛ fɛ́ɛ́.
Nɛ́kanfʋ fʋ, lakanfʋ fʋ.
15Nɛ́blɩ yileá fʋdɛbwɛ, pʋhɔ aha nkpa ekekegyiɛkɛ,
tsufɛ tɔá fabwɛ lɔdʋbɩ,
mmɛ́ɛtalɩ blɩ mʋ́ fɛ́ɛ́.
16Nɛ́ba bɛkanfʋ anɩ Wie Nana Bulu gyumagyihɛ akpɔnkpɔntɩ.
Nɛ́kanfʋ mʋ ɔnɔkwalɩ.
Mʋ nkʋlɛ klɛ nɛ́kanfʋ.
17Oo Bulu, fasuna mɩ atɔ tsu mɩ nyebitɔ.
Ntɛbla aha ofula ánɩ́ fabwɛ bɔfʋn ndɛ.
18Oo Bulu, ɩnɩá nadan, mɩ nwun lafuli o a, mási mɩ wa ɔkpa.
Yɔfʋn brɛá nada fʋ tumi ɔkan suna abi-aná,
pʋ́ aha ánɩ́ bɛ́tra bɛlɩn fɛ́ɛ́.
19Oo Bulu, fʋ yilebwɛ lɔfʋa da nwʋlʋta ɩfa.
Fʋ atɔ bwɛhɛ lɔdʋbɩ.
Mɩ Bulu, ma lɔfʋn fʋ.
20Faha nawun ipian dʋbɩ.
Fʋ ɔbɛ́lawa mɩ ɔwʋnlɩn,
lɛ mɩ tsu afulitɔ.
21Fɛ́lawa mɩ numnyam dʋn,
lalwii mɩ klʋn.
22Mɩ Bulu, mɩ ɛ nɛ́da akwɛ kanfʋ fʋ,
fʋ ɔnɔkwalɩwa sʋ.
Israel Ɔha Wankɩhɛ, nɔ́wa ɩlʋ da ɔsankuo ha fʋ.
23Nɔ́kplʋn wa ɩlʋ ansigyisʋ ha fʋ.
Faka lɛ mɩ ɔkla, mɩ ɛ nɔ́wa ɩlʋ kanfʋ fʋ.
24Nɛ́da yileá fʋdɛbwɛ ha mɩ ɔkan ekekegyiɛkɛ.
Tsufɛ pɛlɩ lakɩta aha ánɩ́ bʋdɛ mɩ lalahɛ dunka, basʋpa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation