Israelfɔ Ɩlʋ 65
65
Ansɩ Igyi Ɔha Ánɩ́ Bulu Lalɛ, Kpɩa Mʋ Manta Ɩwɩ
Dawid kanfʋ-ɩlʋ ha ɩlʋ osunapʋ, ɩlʋ wahɛ.
1Oo Bulu, ɩbʋ alɛá bɛ́kanfʋ fʋ Sion wulutɔ.
Bɛ́ka ɩkɔá botsula ha fʋ ɩnʋ.
2Mpaɩ onupʋ,
fʋ wa anyankpʋsa fɛ́ɛ́ bɛ́ba.
3Anɩ lalahɛ legyi anɩsʋ,
tamɛ fesikie anɩ.
4Ansɩ igyi ɔha ánɩ́ falɛ,
kpɩa mʋ manta ɩwɩ, otsie fʋ wunsɩnɛsʋ.
Fʋ woyitɔ, igyi fʋ onuto ɔtswɛkpa ɩnʋ
atɔ wanklaan ɩbɔ́mwɛ anɩ.
5Oo anɩ nkpa ɔhɔpʋ Bulu,
fɔsɔ anɩ ɔnɔ, bwɛ ofula lɛ anɩ.
Fʋ ɔkpa ɔyɩtɔ aha bʋdɛkɩ.
Amʋ́á bʋbʋ ɔpʋ ɔbɩn kʋraa.
6Fʋ ɔwʋnlɩn fɔpʋha abʋ lɛlɩɩ kinkiinkin,
fɔpʋ ɔwʋnlɩn saba.
7Fʋtɛha ɔpʋ mʋ́a atsufuá mʋ́ ɔnɔ bʋ ɔnlɩn
pʋ́ ɔmá-ɔmá okitikiti tɔlʋa.
8Aha ánɩ́ bʋbʋ ɔyɩ ɔka fɛ́ɛ́
bʋtenya fʋ osuna ifu.
Fʋtɛha aha ánɩ́ bʋbʋ owi ɔdalɩkpa yɛdalɩ owi ɔkplɩwiekpa fɛ́ɛ́
bʋtɔkplʋn ansigyisʋ.
9Fʋtɛbɛkɩ ɔsʋlʋ, wʋlɩ ntsu mʋ́sʋ,
ha mʋ́ ɩtɔwa nfɔ.
Fʋtɛha ntsu tɔbʋla fʋ abʋnkpa,
ɩtɛha amʋ́ atɔ-abi tɔwa alɛ.
Tsufɛ alɩ fɛhɩɛ mʋ́ nɩ.
10Fʋtɔwʋlɩ ntsu amʋ́ flɛsʋ, ha mʋ́ ɩtɔwɔɩ.
Fʋtɛha nyankpʋntsubi tɔwɔɩ mʋ́tɔ aklun.
Fʋtoyula amʋ́ atɔ-abi, ɩtɔkɔsɩ dan.
11Atɔ-abi tsɔtsɔɔtsɔ fʋtɔpʋmɔ ofi ɔnɔ.
Fʋ oyula tɔwʋlɩ fʋ ɔtsʋnkpa, ɩnʋ atɔ tɔwa alɛ.
12Mbwɩ ogyikpa ánɩ́ ɩbʋ ɔsʋlʋkpansʋ kʋraa bʋ nfɔ,
ansigyi tɛba nkukusʋ.
13Akufa baklɛɩ bʋla amʋ́ atɔ ogyikpa.
Atɔ-abi lahɩɛ wa alɛ ntsu ɔtɩakpa.
Ansɩ ɩdɛ amʋ́ fɛ́ɛ́ gyi, bʋdɛkplʋn wa ɩlʋ.
Currently Selected:
Israelfɔ Ɩlʋ 65: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
