Israelfɔ Ɩlʋ 64
64
Bulu, Gyo Mɩ Ɩwɩ
Dawid kanfʋ-ɩlʋ ha ɩlʋ osunapʋ.
1Oo Bulu, nu mɩ kokoli. Mbʋ ɩkplantɔ.
Gyo mɩ ɩwɩ, mɛnɩ mɩ alupʋ bʋmɔ́ɔwa mɩ ifu.
2Ŋain mɩ, mɛnɩ awuntɔlɩnpʋá batsu agywɩɩn lalahɛ mɩsʋ
bʋméenya mɩ.
3Baya amʋ́ ɔnɔ klakla fɛ ɔdayi.
Bama amʋ́ ɔnɔtɔ asʋn kɩtakɩta fɛ mbɩn.
4Bʋteŋain tswɩ ɔha ánɩ́ mʋ asʋn da ɔkpa.
Bʋtɔtswɩ amʋ́ mbɩn hwim, bʋtamanya ifu.
5Bʋdɛ amʋ́ agywɩɩn lalahɛtɔ kinkiinkin.
Bʋtɛblɩá bɛ́fɩnɩ agbla ŋaintɔ,
bʋtɛfɩtɛ ɩwɩ bɛɛ, “Ma obówun anɩ?”
6Bʋtɔbwɛ agywɩɩn lalahɛ blɩ bɛɛ, “Anɩlahɩɛ bwɛ agywɩɩn wanklaan!”
Tsufɛ nyankpʋsa klʋntɔ mʋ́a mʋ agywɩɩntɔ bʋ oklu.
7Tamɛ Bulu ɔbɔ́tswɩ mbɩn wɔ amʋ́,
bépilan ɔtsawʋlɛ pɛ.
8Amʋ́ onuto ɔnɔtɔ asʋn blɩhɛ sʋ bɛ́dɩda.
Amʋ́ awunpʋ fɛ́ɛ́ bɛ́kpɩnkɩ kpakpakpa.
9Anyankpʋsa fɛ́ɛ́ bénya ifu.
Bɛ́lɛ Bulu gyumagyihɛ blɩ,
gywɩɩn mʋ bwɛhɛ ɩwɩ.
10Aha yile bénya Nana Bulu ɩwɩ ansigyi, srɩ tanʋ mʋ.
Aha ánɩ́ amʋ́ asʋn da ɔkpa fɛ́ɛ́ bʋkanfʋ mʋ.
Currently Selected:
Israelfɔ Ɩlʋ 64: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
