Israelfɔ Ɩlʋ 60
60
Bulu, Pʋ Fʋ Tumi Ha Anɩ Agyi Ɩsʋ
Dawid atosuna ɩlʋ ha ɩlʋ osunapʋ. Dimbisʋ-saprada ntam ɩlʋ. Ɔlɔwa mʋ́ brɛá mʋa Aram-Naharaim pʋ́ Aram-Sobafɔ bɔkɔ, Yoab leyinki bɔmɔ Edomfɔ ɩsa akɔpʋ mpɩm duanyɔ Nfɔlɩ Ɔpʋ bʋnkpatɔ.
1Ao Bulu, fasi anɩ wa ɔkpa, fabwii ɩbɩ anɩsʋ.
Fanya ɔblɔ wa anɩ, lakpa anɩ wa.
2Fʋlɛha ɔsʋlʋ lɛkpɩnkɩ, ɩlɛbaba.
Yinkia mʋ́ tsa aba, tsufɛ idekle ɩmaɩn-maɩn.
3Faha fʋ aha bahɩɛ wun ipian.
Faha anɩ nta anɩlanun bʋ, anɩna anɩdɛ ntinta bɔ.
4Fʋlayi ɔfranka ha fʋ ifu anyapʋ,
mɛnɩ bɛ́srɩ yɔ mʋ́ asɩ,
amʋ́ alupʋ mbɩn mɛ́ɛda amʋ́. Ɩya.
5Pʋ fʋ tumi ha anɩ agyi ɩsʋ, afʋsɔ anɩ ɔnɔ,
mɛnɩ fɛ́lɛ fʋ adwɛpʋ.
6Bulu latɔɩ tsu mʋ otsiakpa ɔbɛɛ,
“Néye Sekem wulutɔ ansigyisʋ.
Nósusu Sukot tsonkoli, ye mʋ́tɔ.
7Mɩbʋ Gilead pʋ́ Manase.
Efraim gyi mɩ kʋtʋpa.
Yuda ɛ gyi mɩ akɔnfra.
8Tamɛ Moab gyi mɩ atɔ ɔfwɩkpa.
Edom gyi mɩ ntʋkʋta ɔwɔɩtswɩkpa.
Filistifɔsʋ ntɔwa ɔkpayi.”
9Oo Bulu, ma ɔbɛ́kpa mɩ ya wulu anfɩ bɔpwɛ abunti kpekple fʋahɛ wa mʋ́ anfɩtɔ?
Ma ɔbɛ́kpa mɩ négyi Edomsʋ?
10Bulu, megyi fʋlasi anɩ wa ɔkpa?
Fasi anɩ akɔpʋ kpa.
11Tsa anɩ agyi anɩ alupʋsʋ.
Nyankpʋsa mbʋa mʋ́ kpalɩ igyi.
12Anɩ hayinhɛbwɛ itsu Bulu wa,
tsufɛ mʋ ɔbɛ́tsatsa anɩ alupʋsʋ.
Currently Selected:
Israelfɔ Ɩlʋ 60: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
