Israelfɔ Ɩlʋ 57
57
Buluá Ɔtɔbwɛ Togyitɔ Mɔ Ɔnɔ
Ɩlʋ ha ɩlʋ osunapʋ. Dawid ɩlʋá bɔ́pʋ “Máyinta atɔ” ɔmɛ wa mʋ́. Ɩlʋá Dawid lɔwa brɛá ɔlɛsrɩ si Owie Saul ibwi-ɔbɔtɔ.
1Wun mɩ nwɛ. Oo Bulu, wun mɩ nwɛ!
Tsufɛ fʋgyi mɩ ɔtanʋkpa.
Fʋ abambasɩ naŋain,
yɛfʋn brɛá alankpla anfɩ ɩlaka itin.
2Ɔsʋsʋʋsʋ Mʋ Wie ndesu kpoli.
Buluá ɔtɔbwɛ togyitɔ mɔ ɔnɔ ha mɩ ndesu kpoli.
3Ɔbɔ́wa tsu ɔsʋsʋ bɔhɔ mɩ.
Ɔbɔ́sʋpa aha ánɩ́ bʋdɛ mɩsʋ tsatsa. Ɩya.
Ɔbɔ́wa mʋ ɔdwɛá ɩma ɔka pʋ́ mʋ ɔnɔkwalɩ sɩsɩ.
4Alupʋá bʋgyi fɛ agyata nsɩnɛ nkplan.
Amʋ́tɛtɩtɩ nyankpʋsa aye.
Amʋ́ ayin gyi fɛ ɩkpan mʋ́a mbɩn.
Amʋ́ ɔnɔ bʋ ogya fɛ ɔdayi.
5Oo Bulu, tsu fʋ ɩwɩ fʋa dafa ɔsʋsʋ,
afʋha fʋ numnyam ɩbʋla ɔsʋlʋsʋ fɛ́ɛ́!
6Bafɩnɩ ayibi mɩ ɔtsʋnkpa.
Awʋrɛhɔ lada mɩ tswɩ.
Bakwi ɔbɔ mɩ ɔkpasʋ,
tamɛ amʋ́ onuto bakpawie mʋ́tɔ. Ɩya.
7Fʋ nkʋlɛsʋ mɩ ansɩ dɩn.
Oo Bulu, mɩ ɩklʋn dɩn fʋsʋ.
Nɔ́wa ɩlʋ, ee nɔ́wa ɩlʋ kanfʋ fʋ.
8Mɩ ɔkla, tsinki.
Akwɛ mʋ́a nsankuo, mlɩtsinki.
Nétsinki bakɛ.
9Mɩ Wie, nɛ́da fʋ ɩpan ahatɔ.
Nɔ́wa ɩlʋ kanfʋ fʋ ɔmá-ɔmátɔ.
10Tsufɛ fʋ ɔdwɛá ɩma ɔka lɔfʋa dafa ɔsʋsʋ.
Fʋ ɔnɔkwalɩ lɔfʋa wɔ nwʋlʋta.
11Oo Bulu, tsu fʋ ɩwɩ fʋa dafa ɔsʋsʋ,
afʋha fʋ numnyam ɩbʋla ɔsʋlʋsʋ fɛ́ɛ́!
Currently Selected:
Israelfɔ Ɩlʋ 57: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 57
57
Buluá Ɔtɔbwɛ Togyitɔ Mɔ Ɔnɔ
Ɩlʋ ha ɩlʋ osunapʋ. Dawid ɩlʋá bɔ́pʋ “Máyinta atɔ” ɔmɛ wa mʋ́. Ɩlʋá Dawid lɔwa brɛá ɔlɛsrɩ si Owie Saul ibwi-ɔbɔtɔ.
1Wun mɩ nwɛ. Oo Bulu, wun mɩ nwɛ!
Tsufɛ fʋgyi mɩ ɔtanʋkpa.
Fʋ abambasɩ naŋain,
yɛfʋn brɛá alankpla anfɩ ɩlaka itin.
2Ɔsʋsʋʋsʋ Mʋ Wie ndesu kpoli.
Buluá ɔtɔbwɛ togyitɔ mɔ ɔnɔ ha mɩ ndesu kpoli.
3Ɔbɔ́wa tsu ɔsʋsʋ bɔhɔ mɩ.
Ɔbɔ́sʋpa aha ánɩ́ bʋdɛ mɩsʋ tsatsa. Ɩya.
Ɔbɔ́wa mʋ ɔdwɛá ɩma ɔka pʋ́ mʋ ɔnɔkwalɩ sɩsɩ.
4Alupʋá bʋgyi fɛ agyata nsɩnɛ nkplan.
Amʋ́tɛtɩtɩ nyankpʋsa aye.
Amʋ́ ayin gyi fɛ ɩkpan mʋ́a mbɩn.
Amʋ́ ɔnɔ bʋ ogya fɛ ɔdayi.
5Oo Bulu, tsu fʋ ɩwɩ fʋa dafa ɔsʋsʋ,
afʋha fʋ numnyam ɩbʋla ɔsʋlʋsʋ fɛ́ɛ́!
6Bafɩnɩ ayibi mɩ ɔtsʋnkpa.
Awʋrɛhɔ lada mɩ tswɩ.
Bakwi ɔbɔ mɩ ɔkpasʋ,
tamɛ amʋ́ onuto bakpawie mʋ́tɔ. Ɩya.
7Fʋ nkʋlɛsʋ mɩ ansɩ dɩn.
Oo Bulu, mɩ ɩklʋn dɩn fʋsʋ.
Nɔ́wa ɩlʋ, ee nɔ́wa ɩlʋ kanfʋ fʋ.
8Mɩ ɔkla, tsinki.
Akwɛ mʋ́a nsankuo, mlɩtsinki.
Nétsinki bakɛ.
9Mɩ Wie, nɛ́da fʋ ɩpan ahatɔ.
Nɔ́wa ɩlʋ kanfʋ fʋ ɔmá-ɔmátɔ.
10Tsufɛ fʋ ɔdwɛá ɩma ɔka lɔfʋa dafa ɔsʋsʋ.
Fʋ ɔnɔkwalɩ lɔfʋa wɔ nwʋlʋta.
11Oo Bulu, tsu fʋ ɩwɩ fʋa dafa ɔsʋsʋ,
afʋha fʋ numnyam ɩbʋla ɔsʋlʋsʋ fɛ́ɛ́!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation