Israelfɔ Ɩlʋ 128
128
Iwilwii Ɩtʋ Israelfɔ
Yerusalem-yɔ ɩlʋ.
1Ansɩ igyi ɔha ánɩ́ otenya Nana Bulu ifu,
ɔtɛnatɩ mʋ ɔkpasʋ.
2Fégyi fʋ ɩbɩ ɔnɔ gyumagyihɛ.
Ansɩ bégyi fʋ, ɩbɔ́wa alɛ ha fʋ.
3Fʋ ka ɔbɔ́kwɩɩ tsɔtsɔɔtsɔ fʋ woyitɔ, fɛ oyiá ɩlahɩɛ swie kɔtsɔɔ.
Fʋ abi bóbomli fʋ ɔpʋnʋ, fɛ ɔbɛá ɩbʋ awaimbi tsɔtsɔ.
4Alɩ Nana Bulu obóyula ɔha
ánɩ́ otenya mʋ ifu nɩ.
5Nana Bulu oyula fʋ bregyibrɛ tsu Sion,
afʋwun alɩá ɩbɔ́wa alɛ ha Yerusalem, fʋ nkpatɔ fɛ́ɛ́.
6Ɔha afʋwun fʋ aná,
iwilwii ɩtʋ Israelfɔ!
Currently Selected:
Israelfɔ Ɩlʋ 128: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
