Israelfɔ Ɩlʋ 109
109
Bulu Tɛlɩɩ Ohiani Ɔma
Dawid kanfʋ-ɩlʋ ha ɩlʋ osunapʋ.
1Mɩ Buluá ntɛkanfʋ,
mási tsia kɩ,
2tsufɛ aha lalahɛ pʋ́ afunupʋ ɔnɔ dɛ mɩsʋ,
bʋdɛ asʋn ka dɩnka mɩsʋ.
3Baka asʋn fia mɩ,
bʋdɛ mɩ kɔ kʋkʋ kpalɩ.
4Balɛ mɩ ɩla pʋka ɔdwɛá mbʋ ha amʋ́ ɩkɔ,
tamɛ mɩ mʋ́ ntɔbɔ mpaɩ ha amʋ́.
5Bʋtɔpʋ lalahɛ ka mɩ yile ɩkɔ,
pʋ olu ka ɔdwɛá mbʋ ha amʋ́ ɩkɔ.
6Bʋdɛblɩ bɛɛ, “Ha ɔha lalahɛ ɔkʋsʋ lɩɩ mʋsʋ,
ɩla ɔlɛpʋ ɔbwɛ mʋ ɔma ɔlɩɩpʋ.
7Begyi mʋ asʋn a, ogyi ɩpɔn.
Mʋ mpaɩ kʋraa ɩbwɛ tsitsa.
8Mʋ nkɛsʋ ɩdɩnkɩ,
ɔha bamba otsia mʋ otsiakpa.
9Mʋ abi bʋbwɛ awumbi,
mʋ ka ɔbwɛ ɔsʋrapʋ.
10Mʋ abi bʋbwɛ ahakpan, natɩ kʋlɩ atɔ.
Bʋgya amʋ́ lɛ amʋ́ abuntisʋ.
11Mʋ akɔ awie bʋswɩɩ mʋ mʋ atɔ fɛ́ɛ́ wa amʋ́ akɔ nwun.
Afɔɔ bʋwan mʋ atonyahɛ.
12Ɔhaa máwa awɩtɔlɛ ha mʋ,
ntɛ wun mʋ awumbi nwɛ.
13Mʋ abi-aná bʋwu,
mʋ ɩda ɩfwɩ lɛ mʋ ɔma, aha ánɩ́ bɛ́ba bɛlɩntɔ.
14Nana Bulu, fʋ ansɩ ɩdɩnka mʋ anain lalahɛsʋ.
Mátsitsi mʋ yin ɛ klɛ ɛkɛkɛɛkɛ.
15Dɩnka ansɩ amʋ́ lalahɛ amʋsʋ ekekegyiɛkɛ.
Ɔhaa ɛ mátra kaɩn mʋsʋ ɔyɩtɔ.”
16“Tsufɛ ɔmɛkaɩn wa awɩtɔlɛ,
mboun ɔtɛdɩnka aha ánɩ́ bʋbʋ nwɛ, bʋma tɔtɔ, ɩladʋn amʋ́sʋ,
kleá mɔ́mɔ amʋ́.
17Olekle aha lwɩɩ,
ɩlwɩɩ ɩkɩta mʋ.
Omekle oyula.
Mʋ́ sʋ oyula ɩwa ɩfɔ mʋ wa.
18Aha lwɩɩ lemli mʋ atadɩɛ wahɛ,
imli mʋ ntsu nunhɛ,
iwie mʋ awútɔ fɛ nfɔ.
19Ɩlwɩɩ ibun mʋsʋ fɛ tati,
ɩklɩ mʋ osiesʋ fɛ abɔsʋɔ,
ɩmásankɩ ɛkɛkɛɛkɛ.”
20Alɩ Nana Bulu ɔka mɩ ɩla alɛpʋ
mʋ́a mɩ ɩwɩ asʋn ablɩpʋ ɩkɔ nɩ.
21Mɩ Wie Nana Bulu,
fʋ ɩda sʋ bwɛ yile ha mɩ.
Fʋ ɔdwɛá ɩma ɔka bʋ alɛ,
mʋ́ sʋ hɔ mɩ,
22tsufɛ mɩ ɩla bʋ nwɛ, mma tɔtɔ.
Mɩ klʋn lahɔ ɔlɔ.
23Nabwɛ fɛ ntʋpwɛ yiyiá ɩdɛtsʋn.
Bakpʋkpʋ mɩ tsitsa, fɛ tsantsankʋ.
24Akʋndɩ sʋ mɩ akpawunutɔ labwɛ yɔyɔɔyɔ,
nawʋlɩ si awú.
25Namli tɔkʋ odu ha mɩ ɩla alɛpʋ.
Benya wun mɩ bawa nwuntɔ kpʋkpʋ bɩ.
26Nana Bulu, mɩ Bulu, gyi mɩ bʋalɛ.
Fʋ ɔdwɛá ɩma ɔka sʋ hɔ mɩ.
27Oo Nana Bulu, ha amʋ́ abʋbɩá fʋlahɔ mɩ.
28Bʋlwɩɩ mɩ, fʋ mʋ́ afʋyula mɩ.
Nɩ bɔkʋsʋ lɩɩ mɩsʋ a, pɛlɩ ɩkɩta amʋ́,
tamɛ mɩ fʋ osumbi mʋ́ a, ansɩ igyi mɩ.
29Nsʋpa ɩbwɛ mɩ ɩla alɛpʋ tati dɩdahɛ,
pɛlɩ ɩbwɛ amʋ́ atadɩɛ tɩntɩn,
30tamɛ mɩ mʋ́ mméesi ɩpan kpɔnkpɔntɩ pʋha Nana Bulu,
kanfʋ mʋ brɛá mʋ aha befia,
31tsufɛ ɔtɛlɩɩ ohiani ɔma,
mɛnɩ ɔbɔ́hɔ mʋ lɛ mʋ ɩpɔn ahapʋ ɩbɩtɔ.
Currently Selected:
Israelfɔ Ɩlʋ 109: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
