Gyumagyihɛ 10
10
Konelio Abi Wa Petro Wa
1Oyin ɔkʋ letsia Kaesarea ɩnʋ, bʋtɛtɩ mʋ Konelio. Ogyi Romafɔ ɩsa akɔpʋ ɔpasua kʋá bʋtɛtɩ mʋ́ Italia ɔhandɛ. 2Ɔbʋ nsi Bulusum ɩwɩ. Mʋa mʋ woyitɔfɔ fɛ́ɛ́ bʋtosum Bulu. Konelio tekie Yudafɔ ahianfɔ atɔ. Ɔtɔbɔ mpaɩ ha Bulu bregyibrɛ. 3Ɛkɛ ɔkʋ Konelio lowun atɔ ntʋpwɛ dɔsatɔ. Mʋ atowunhɛ amʋtɔ a, olowun Bulu-ɔbɔpʋ ansɩ kaɩn. Bulu-ɔbɔpʋ amʋ lokpoli mʋ ɔbɛɛ, “Konelio!”
4Ifu lɛkɩta mʋ. Mʋ́ sʋ olesi ɔdɛ Bulu-ɔbɔpʋ amʋ kɩ. Mʋʋ ɔlɛfɩtɛ Bulu-ɔbɔpʋ amʋ ɔbɛɛ, “Mɩ Wie, nkalɩ igyi?”
Bulu-ɔbɔpʋ amʋ lɛbla mʋ ɔbɛɛ, “Bulu lahɔ fʋ mpaɩ. Fʋ aha atɔ kie ɛ lagyi mʋ ansɩ. 5Wa abi abʋyɔ Yopa yɛtɩ Simon Petro ba. 6Ɔlɔyɔswɩɩ ɔwʋlʋ-kpakpa ɩwɩ agyʋma ɔyɔpʋ Simon woyitɔ, manta ɔpʋ ɔnɔ.” 7Brɛá Bulu-ɔbɔpʋ amʋ lɛnatɩ a, Konelio lɛtɩ mʋ asumpʋ abanyɔá bʋbʋ mʋ woyitɔ pʋ́ mʋ ɔbɩsʋfɛá ogyi ɩsa ɔkɔpʋ, otenya Bulu ifu. 8Ɔlɛbla amʋ́ asʋn ánɩ́ ɩlaba fɛ́ɛ́, ɔlɔwa amʋ́ sɩsɩ Yopa.
9Mʋ́ ɔyɩkɛhɛ bɔkʋsʋ bɔyɔ Yopa. Bɛta ɩnʋ wie ta, ɩbɔ́bwɛ fɛ ɔpa doduanyɔtɔ. Petro ɛ dɛdʋ ɔyɔ obu awunsʋ mpaɩ ɔbɔkpa. 10Akʋn ɩhɩɛ dɛ mʋ. Mʋ́ sʋ olekleá obénya tɔkʋ wa ɔnɔ. Brɛá bʋdɛ atɔ amʋ nɩna ha mʋ a, Petro lowun atɔ. 11Atowunhɛ amʋtɔ a, olowun ánɩ́ ɔsʋsʋ lafinki, tɔkʋá igyi fɛ ɔhrada tɛɩhɛ, bʋdɛ mʋ nsiebi ana, ɩdɛkplɩ ɩba ɔsʋlʋsʋ. 12Ɔyɩtɔ mbwɩ ɔtsan-ɔtsan, mbwɩá bʋbʋ ayin, tamɛ bʋtɛka abɔnɔ pʋ́ ɔyɩtɔ mbubwi fɛ́ɛ́ bʋbʋ ɔhrada amʋtɔ. 13Mʋʋ olonu ɔmɛ kʋ lɛdalɩ ɔbɛɛ, “Petro, kʋsʋ mɔ mbwɩ anfɩ afʋwɩ.”
14Tamɛ Petro lɛlɛ mʋ́ ɔnɔ ɔbɛɛ, “O-o! Mɩ Wie, bɔkwɩɩ mɩ ɔpá a, mmɔkʋgyi tɔá Yudafɔ amandɩɛ lekisi ntɛ mʋ́ ɩwɩ mɛtɩn kɩ.”
15Ɔmɛ amʋ lɛla bla mʋ ɔbɛɛ, “Mátɩ tɔá Bulu latɩn mʋ́ ɩwɩ atokisihɛ.” 16Atowunhɛ amʋ pʋ́ ɔmɛ amʋ lɛba tse sa. Mʋ ansɩtɔ ɩnʋ botsu ɔhrada amʋ ya ɔsʋsʋ ɔtsawʋlɛ pɛ.
17Brɛá Petro dɛ nwuntɔ bu tsu atowunhɛ anfɩ ɩwɩ a, Konelio abi amʋ ɛ bafɩtɛ wun Simon woyitɔ, ba bʋlɩɩ ɔkpa ɔnɔ. 18Konelio abi amʋ bokpoli fɩtɛ bɛɛ, “Ɔfɔɔ ɔkʋ tsie nfɩ, bʋtɛtɩ mʋ Simon Petro?”
19Petro tra ɔdɛ nwuntɔ bu tsu atowunhɛ amʋ ɩwɩ, Ɔŋɛ Wankɩhɛ lɛbla mʋ ɔbɛɛ, “Simon, aha abasa akʋ baba bʋdɛ fʋ dunka. 20Kʋsʋ bwɛ, afʋkplɩ yefia amʋ́ amlɩnatɩ. Mágyi nwɛn, tsufɛ mɩlawa amʋ́ fʋ wa.” 21Ɩnʋ Petro lɛkplɩ yɔtʋ amʋ́, bla amʋ́ ɔbɛɛ, “Mɩgyi ɔha amʋʋ mlɩdedunka amʋ nɩ. Ntogyi sʋ mlɩna?”
22Aha amʋ bɛlɛ mʋ́ ɔnɔ bɛɛ, “Anɩmɛdɛ tsitsa. Ɩsa akɔpʋ ɔhandɛ Konelioá otenya Bulu ifu, Yudafɔ fɛ́ɛ́ bʋtɛtɩ mʋ ɩdayile lɔwa anɩ fʋ wa. Bulu-ɔbɔpʋ ɔkʋ labɛbla mʋ ɔbɛɛ, ɔba bɛtɩ fʋ afʋba mʋ woyitɔ, mɛnɩ obónu asʋn ánɩ́ fʋbʋ blɩ.” 23Mʋʋ Petro lɛkpa amʋ́ wa woyitɔ, ɔlɛha amʋ́ ɔdɩkpa.
Ɔyɩ kɛhɛ a, Petro mʋa amʋ́nyɔ bɔkʋsʋ pʋ ɔkpa bɔyɔ Kaesarea. Brɛá bɔyɔ a, ahogyipʋ akʋá bʋbʋ Yopa ɩnʋ ɛ bobuo amʋ́ yɔ. 24Mʋ́ ɔyɩkɛhɛ a, boyowie Kaesarea wulutɔ. Botsutsua abʋwie ɩnʋ a, Konelio latɩ mʋ woyitɔ aha pʋ́ mʋ anyawie klakla befia, ɔdɛ amʋ́ ɔkpa kɩ. 25Brɛá Petro lowie-woyi amʋ ɔnɔ a, Konelio lɔkʋsʋ yefia mʋ, da akpawunu mʋ ayabitɔ sum mʋ. 26Tamɛ Petro lɛha mʋ ɔlɔkʋsʋ. Ɔlɛbla mʋ ɔbɛɛ, “Kʋsʋ, máda akpawunu ha mɩ. Nyankpʋsa mɩ ɛ ngyi.” 27Petro mʋa mʋnyɔ bʋna bʋdɛtɔɩ alɩɩ olowie-woyitɔ. Ɩnʋ olowun ánɩ́ aha tsɔtsɔɔtsɔ bafia. 28Mʋʋ ɔlɛbla amʋ́ ɔbɛɛ, “Mlɩ onuto mlɩyin ánɩ́ Yudafɔ mbla mɛha ɔkpa ánɩ́ Yudayin mʋa ɔmá bambatɔyin bʋbwɛ anyawie ntɛ ɔbɔ́yɔ mʋ wa kpan. Tamɛ Bulu laha mɩ nabɩ ánɩ́ mmákɩ mbɛɛ, ɔkʋ ɩwɩ mɛtɩn ntɛ ɔmɔfʋn amandɩɛ ɔkpasʋ. 29Mʋ́ sʋ brɛá fɔwa abi fɛɛ bʋbɛtɩ mɩ a, mmɔkpʋkpʋ nwuntɔ nɩ. Amansʋ igyi? Bla mɩ.”
30Mʋʋ Konelio lɛbla mʋ ɔbɛɛ, “Ndɛ ɛkɛ nasɩ, ntʋpwɛ dɔsatɔ mbʋ woyitɔ ndɛ mpaɩ bɔ. Ɔtsawʋlɛ pɛ a, nowun oyin ɔkʋ lɩɩ mɩ ansɩtɔ. Oyin amʋ lɔwa atadɩɛ fututu. 31Oyin amʋ lɛbla mɩ ɔbɛɛ, ‘Konelio, Bulu lanu fʋ mpaɩ. Fʋ aha atokie ɛ lagyi mʋ ansɩ. 32Mʋ́ sʋ wa abi abʋyɔ Yopa wulutɔ yɛtɩ Simon Petro ba. Ɔwʋlʋ-kpakpa ɩwɩ agyʋma ɔyɔpʋ Simon woyi ɔlɔswɩɩ. Otsie manta ɔpʋ ɔnɔ.> 33Mʋ́ sʋ ɩnʋnʋ nɔwa abi sɩsɩ fʋ. Ɩbʋ alɛá faba. Sei a, anɩ fɛ́ɛ́ anɩlafia Bulu ɩdatɔ. Anɩgyo anɩ Wie asʋn ánɩ́ alapʋha fʋ ɔbɛɛ, fʋbla anɩ.”
Petro Asʋn Blɩhɛ
34Mʋʋ Petro lotsu ɔnɔ blɩ ɔbɛɛ, “Nawun ánɩ́ lɛlɛ Bulu tamakɩ ɔhaa ansɩtɔ. 35Mboun ɔha ánɩ́ otenya mʋ ifu, ɔtɔbwɛ yile asʋn otekle ɔmágyiɔmátɔ. 36Mlɩyin asʋn wanklaan ánɩ́ Bulu lɔpʋha Israelfɔ. Asʋn amʋ gyi, Bulu lapʋ iwilwii ba tsʋn Yesu Kristo, aha fɛ́ɛ́ Owie amʋsʋ. 37Mlɩyin asʋn kpɔnkpɔntɩá ɩlɛba Yudea ɔmátɔ fɛ́ɛ́. Ilotsu asɩ tsu Galilea ɔmátɔ, brɛá Asu Ɔbɔpʋ Yohane lɛda asubɔ ɔkan ɔma. 38Mlɩyin anɩ Wie Yesu Nasaretyin amʋ. Mlɩyin ánɩ́ Bulu lɔpʋ mʋ Ɔŋɛ Wankɩhɛ pʋ́ tumi wa mʋtɔ, oleki ɔtɩnɛgyiɔtɩnɛ bwɛ yile, tsa aha ánɩ́ bʋbʋ ɔbʋnsam tumi asɩ ɩlɔ, tsufɛ Bulu buo mʋ. 39Anɩgyi aha ánɩ́ anɩlowun mʋ bwɛhɛá ɔlɔbwɛ Yudea pʋ́ Yerusalem ɔmátɔ fɛ́ɛ́ nɩ. Bɛda mʋ manta oyikpalihɛsʋ mɔ mʋ. 40Tamɛ mʋ́ ɛkɛ sasɩ a, Bulu lɔkʋsʋa mʋ, lɛ mʋ ɔwan, aha bowun mʋ. 41Megyi ɔyɩtɔ aha fɛ́ɛ́ lowun mʋ, tamɛ anɩ aha amʋʋ Bulu lɛlɛ yaɩ ɔbɛɛ, abwɛ mʋ adansɩfɔ amʋ mʋ́ anɩlowun mʋ. Mʋ kʋsʋ tsu afulitɔ ɔma a, anɩa mʋnyɔ legyi, anɩlɔwɩ nɩ. 42Ɔlɛhɩɛ anɩ ɔbɛɛ, ada mʋ asʋn wanklaan amʋ ɔkan suna aha, agyi mʋ ɩwɩ adansɩɛ ánɩ́ mʋgyi ɔha ánɩ́ Bulu lalɛá obégyi akɩankpapʋ pʋ́ awupʋ fɛ́ɛ́ asʋn nɩ. 43Bulu ɔnɔsʋ atɔɩpʋ amʋ fɛ́ɛ́ bɛblɩ bɛɛ lɛlɛ, ɔhagyiɔha ánɩ́ ɔlɔhɔ Kristo gyi a, Bulu obési mʋ lakpan fɛ́ɛ́ kie mʋ Kristo ɩdatɔ.”
Ɔmá Bambasʋfɔ Ɔŋɛ Wankɩhɛ Nya
44Brɛá Petro dɛ asʋn anfɩ blɩ a, Ɔŋɛ Wankɩhɛ lɛba aha amʋʋ bʋdɛ mʋ asʋn amʋ nu amʋ fɛ́ɛ́sʋ. 45Ɔnɔ lobwie Yudafɔ ahogyipʋ amʋʋ bobuo Petro ba ɩnʋ amʋ ánɩ́ Bulu lapʋ mʋ Ɔŋɛ Wankɩhɛ amʋ kie aha ánɩ́ bʋmegyi Yudafɔ. 46Tsufɛ bowun ánɩ́ aha amʋ bʋdɛ ɔblɩ bamba blɩ, bʋhɩɛ bʋdɛ Bulu kanfʋ. Mʋ́ sʋ Petro lɛbla amʋ́ ɔbɛɛ, 47“Bulu laha aha anfɩ ɛ Ɔŋɛ Wankɩhɛ fɛ anɩ. Ɔkʋ ɔbɛ́talɩ tin amʋ́ ɔkpa ɔbɛɛ, bʋmábɔ amʋ́ asu?” 48Mʋ́ sʋ ɔlɛblɩ ɔbɛɛ, bʋbɔ amʋ́ asu Yesu Kristo ɩdatɔ. Mʋ́ ɔma a, bokokoli Petro bɛɛ, otsia amʋ́ wa kpalobi.
Currently Selected:
Gyumagyihɛ 10: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Gyumagyihɛ 10
10
Konelio Abi Wa Petro Wa
1Oyin ɔkʋ letsia Kaesarea ɩnʋ, bʋtɛtɩ mʋ Konelio. Ogyi Romafɔ ɩsa akɔpʋ ɔpasua kʋá bʋtɛtɩ mʋ́ Italia ɔhandɛ. 2Ɔbʋ nsi Bulusum ɩwɩ. Mʋa mʋ woyitɔfɔ fɛ́ɛ́ bʋtosum Bulu. Konelio tekie Yudafɔ ahianfɔ atɔ. Ɔtɔbɔ mpaɩ ha Bulu bregyibrɛ. 3Ɛkɛ ɔkʋ Konelio lowun atɔ ntʋpwɛ dɔsatɔ. Mʋ atowunhɛ amʋtɔ a, olowun Bulu-ɔbɔpʋ ansɩ kaɩn. Bulu-ɔbɔpʋ amʋ lokpoli mʋ ɔbɛɛ, “Konelio!”
4Ifu lɛkɩta mʋ. Mʋ́ sʋ olesi ɔdɛ Bulu-ɔbɔpʋ amʋ kɩ. Mʋʋ ɔlɛfɩtɛ Bulu-ɔbɔpʋ amʋ ɔbɛɛ, “Mɩ Wie, nkalɩ igyi?”
Bulu-ɔbɔpʋ amʋ lɛbla mʋ ɔbɛɛ, “Bulu lahɔ fʋ mpaɩ. Fʋ aha atɔ kie ɛ lagyi mʋ ansɩ. 5Wa abi abʋyɔ Yopa yɛtɩ Simon Petro ba. 6Ɔlɔyɔswɩɩ ɔwʋlʋ-kpakpa ɩwɩ agyʋma ɔyɔpʋ Simon woyitɔ, manta ɔpʋ ɔnɔ.” 7Brɛá Bulu-ɔbɔpʋ amʋ lɛnatɩ a, Konelio lɛtɩ mʋ asumpʋ abanyɔá bʋbʋ mʋ woyitɔ pʋ́ mʋ ɔbɩsʋfɛá ogyi ɩsa ɔkɔpʋ, otenya Bulu ifu. 8Ɔlɛbla amʋ́ asʋn ánɩ́ ɩlaba fɛ́ɛ́, ɔlɔwa amʋ́ sɩsɩ Yopa.
9Mʋ́ ɔyɩkɛhɛ bɔkʋsʋ bɔyɔ Yopa. Bɛta ɩnʋ wie ta, ɩbɔ́bwɛ fɛ ɔpa doduanyɔtɔ. Petro ɛ dɛdʋ ɔyɔ obu awunsʋ mpaɩ ɔbɔkpa. 10Akʋn ɩhɩɛ dɛ mʋ. Mʋ́ sʋ olekleá obénya tɔkʋ wa ɔnɔ. Brɛá bʋdɛ atɔ amʋ nɩna ha mʋ a, Petro lowun atɔ. 11Atowunhɛ amʋtɔ a, olowun ánɩ́ ɔsʋsʋ lafinki, tɔkʋá igyi fɛ ɔhrada tɛɩhɛ, bʋdɛ mʋ nsiebi ana, ɩdɛkplɩ ɩba ɔsʋlʋsʋ. 12Ɔyɩtɔ mbwɩ ɔtsan-ɔtsan, mbwɩá bʋbʋ ayin, tamɛ bʋtɛka abɔnɔ pʋ́ ɔyɩtɔ mbubwi fɛ́ɛ́ bʋbʋ ɔhrada amʋtɔ. 13Mʋʋ olonu ɔmɛ kʋ lɛdalɩ ɔbɛɛ, “Petro, kʋsʋ mɔ mbwɩ anfɩ afʋwɩ.”
14Tamɛ Petro lɛlɛ mʋ́ ɔnɔ ɔbɛɛ, “O-o! Mɩ Wie, bɔkwɩɩ mɩ ɔpá a, mmɔkʋgyi tɔá Yudafɔ amandɩɛ lekisi ntɛ mʋ́ ɩwɩ mɛtɩn kɩ.”
15Ɔmɛ amʋ lɛla bla mʋ ɔbɛɛ, “Mátɩ tɔá Bulu latɩn mʋ́ ɩwɩ atokisihɛ.” 16Atowunhɛ amʋ pʋ́ ɔmɛ amʋ lɛba tse sa. Mʋ ansɩtɔ ɩnʋ botsu ɔhrada amʋ ya ɔsʋsʋ ɔtsawʋlɛ pɛ.
17Brɛá Petro dɛ nwuntɔ bu tsu atowunhɛ anfɩ ɩwɩ a, Konelio abi amʋ ɛ bafɩtɛ wun Simon woyitɔ, ba bʋlɩɩ ɔkpa ɔnɔ. 18Konelio abi amʋ bokpoli fɩtɛ bɛɛ, “Ɔfɔɔ ɔkʋ tsie nfɩ, bʋtɛtɩ mʋ Simon Petro?”
19Petro tra ɔdɛ nwuntɔ bu tsu atowunhɛ amʋ ɩwɩ, Ɔŋɛ Wankɩhɛ lɛbla mʋ ɔbɛɛ, “Simon, aha abasa akʋ baba bʋdɛ fʋ dunka. 20Kʋsʋ bwɛ, afʋkplɩ yefia amʋ́ amlɩnatɩ. Mágyi nwɛn, tsufɛ mɩlawa amʋ́ fʋ wa.” 21Ɩnʋ Petro lɛkplɩ yɔtʋ amʋ́, bla amʋ́ ɔbɛɛ, “Mɩgyi ɔha amʋʋ mlɩdedunka amʋ nɩ. Ntogyi sʋ mlɩna?”
22Aha amʋ bɛlɛ mʋ́ ɔnɔ bɛɛ, “Anɩmɛdɛ tsitsa. Ɩsa akɔpʋ ɔhandɛ Konelioá otenya Bulu ifu, Yudafɔ fɛ́ɛ́ bʋtɛtɩ mʋ ɩdayile lɔwa anɩ fʋ wa. Bulu-ɔbɔpʋ ɔkʋ labɛbla mʋ ɔbɛɛ, ɔba bɛtɩ fʋ afʋba mʋ woyitɔ, mɛnɩ obónu asʋn ánɩ́ fʋbʋ blɩ.” 23Mʋʋ Petro lɛkpa amʋ́ wa woyitɔ, ɔlɛha amʋ́ ɔdɩkpa.
Ɔyɩ kɛhɛ a, Petro mʋa amʋ́nyɔ bɔkʋsʋ pʋ ɔkpa bɔyɔ Kaesarea. Brɛá bɔyɔ a, ahogyipʋ akʋá bʋbʋ Yopa ɩnʋ ɛ bobuo amʋ́ yɔ. 24Mʋ́ ɔyɩkɛhɛ a, boyowie Kaesarea wulutɔ. Botsutsua abʋwie ɩnʋ a, Konelio latɩ mʋ woyitɔ aha pʋ́ mʋ anyawie klakla befia, ɔdɛ amʋ́ ɔkpa kɩ. 25Brɛá Petro lowie-woyi amʋ ɔnɔ a, Konelio lɔkʋsʋ yefia mʋ, da akpawunu mʋ ayabitɔ sum mʋ. 26Tamɛ Petro lɛha mʋ ɔlɔkʋsʋ. Ɔlɛbla mʋ ɔbɛɛ, “Kʋsʋ, máda akpawunu ha mɩ. Nyankpʋsa mɩ ɛ ngyi.” 27Petro mʋa mʋnyɔ bʋna bʋdɛtɔɩ alɩɩ olowie-woyitɔ. Ɩnʋ olowun ánɩ́ aha tsɔtsɔɔtsɔ bafia. 28Mʋʋ ɔlɛbla amʋ́ ɔbɛɛ, “Mlɩ onuto mlɩyin ánɩ́ Yudafɔ mbla mɛha ɔkpa ánɩ́ Yudayin mʋa ɔmá bambatɔyin bʋbwɛ anyawie ntɛ ɔbɔ́yɔ mʋ wa kpan. Tamɛ Bulu laha mɩ nabɩ ánɩ́ mmákɩ mbɛɛ, ɔkʋ ɩwɩ mɛtɩn ntɛ ɔmɔfʋn amandɩɛ ɔkpasʋ. 29Mʋ́ sʋ brɛá fɔwa abi fɛɛ bʋbɛtɩ mɩ a, mmɔkpʋkpʋ nwuntɔ nɩ. Amansʋ igyi? Bla mɩ.”
30Mʋʋ Konelio lɛbla mʋ ɔbɛɛ, “Ndɛ ɛkɛ nasɩ, ntʋpwɛ dɔsatɔ mbʋ woyitɔ ndɛ mpaɩ bɔ. Ɔtsawʋlɛ pɛ a, nowun oyin ɔkʋ lɩɩ mɩ ansɩtɔ. Oyin amʋ lɔwa atadɩɛ fututu. 31Oyin amʋ lɛbla mɩ ɔbɛɛ, ‘Konelio, Bulu lanu fʋ mpaɩ. Fʋ aha atokie ɛ lagyi mʋ ansɩ. 32Mʋ́ sʋ wa abi abʋyɔ Yopa wulutɔ yɛtɩ Simon Petro ba. Ɔwʋlʋ-kpakpa ɩwɩ agyʋma ɔyɔpʋ Simon woyi ɔlɔswɩɩ. Otsie manta ɔpʋ ɔnɔ.> 33Mʋ́ sʋ ɩnʋnʋ nɔwa abi sɩsɩ fʋ. Ɩbʋ alɛá faba. Sei a, anɩ fɛ́ɛ́ anɩlafia Bulu ɩdatɔ. Anɩgyo anɩ Wie asʋn ánɩ́ alapʋha fʋ ɔbɛɛ, fʋbla anɩ.”
Petro Asʋn Blɩhɛ
34Mʋʋ Petro lotsu ɔnɔ blɩ ɔbɛɛ, “Nawun ánɩ́ lɛlɛ Bulu tamakɩ ɔhaa ansɩtɔ. 35Mboun ɔha ánɩ́ otenya mʋ ifu, ɔtɔbwɛ yile asʋn otekle ɔmágyiɔmátɔ. 36Mlɩyin asʋn wanklaan ánɩ́ Bulu lɔpʋha Israelfɔ. Asʋn amʋ gyi, Bulu lapʋ iwilwii ba tsʋn Yesu Kristo, aha fɛ́ɛ́ Owie amʋsʋ. 37Mlɩyin asʋn kpɔnkpɔntɩá ɩlɛba Yudea ɔmátɔ fɛ́ɛ́. Ilotsu asɩ tsu Galilea ɔmátɔ, brɛá Asu Ɔbɔpʋ Yohane lɛda asubɔ ɔkan ɔma. 38Mlɩyin anɩ Wie Yesu Nasaretyin amʋ. Mlɩyin ánɩ́ Bulu lɔpʋ mʋ Ɔŋɛ Wankɩhɛ pʋ́ tumi wa mʋtɔ, oleki ɔtɩnɛgyiɔtɩnɛ bwɛ yile, tsa aha ánɩ́ bʋbʋ ɔbʋnsam tumi asɩ ɩlɔ, tsufɛ Bulu buo mʋ. 39Anɩgyi aha ánɩ́ anɩlowun mʋ bwɛhɛá ɔlɔbwɛ Yudea pʋ́ Yerusalem ɔmátɔ fɛ́ɛ́ nɩ. Bɛda mʋ manta oyikpalihɛsʋ mɔ mʋ. 40Tamɛ mʋ́ ɛkɛ sasɩ a, Bulu lɔkʋsʋa mʋ, lɛ mʋ ɔwan, aha bowun mʋ. 41Megyi ɔyɩtɔ aha fɛ́ɛ́ lowun mʋ, tamɛ anɩ aha amʋʋ Bulu lɛlɛ yaɩ ɔbɛɛ, abwɛ mʋ adansɩfɔ amʋ mʋ́ anɩlowun mʋ. Mʋ kʋsʋ tsu afulitɔ ɔma a, anɩa mʋnyɔ legyi, anɩlɔwɩ nɩ. 42Ɔlɛhɩɛ anɩ ɔbɛɛ, ada mʋ asʋn wanklaan amʋ ɔkan suna aha, agyi mʋ ɩwɩ adansɩɛ ánɩ́ mʋgyi ɔha ánɩ́ Bulu lalɛá obégyi akɩankpapʋ pʋ́ awupʋ fɛ́ɛ́ asʋn nɩ. 43Bulu ɔnɔsʋ atɔɩpʋ amʋ fɛ́ɛ́ bɛblɩ bɛɛ lɛlɛ, ɔhagyiɔha ánɩ́ ɔlɔhɔ Kristo gyi a, Bulu obési mʋ lakpan fɛ́ɛ́ kie mʋ Kristo ɩdatɔ.”
Ɔmá Bambasʋfɔ Ɔŋɛ Wankɩhɛ Nya
44Brɛá Petro dɛ asʋn anfɩ blɩ a, Ɔŋɛ Wankɩhɛ lɛba aha amʋʋ bʋdɛ mʋ asʋn amʋ nu amʋ fɛ́ɛ́sʋ. 45Ɔnɔ lobwie Yudafɔ ahogyipʋ amʋʋ bobuo Petro ba ɩnʋ amʋ ánɩ́ Bulu lapʋ mʋ Ɔŋɛ Wankɩhɛ amʋ kie aha ánɩ́ bʋmegyi Yudafɔ. 46Tsufɛ bowun ánɩ́ aha amʋ bʋdɛ ɔblɩ bamba blɩ, bʋhɩɛ bʋdɛ Bulu kanfʋ. Mʋ́ sʋ Petro lɛbla amʋ́ ɔbɛɛ, 47“Bulu laha aha anfɩ ɛ Ɔŋɛ Wankɩhɛ fɛ anɩ. Ɔkʋ ɔbɛ́talɩ tin amʋ́ ɔkpa ɔbɛɛ, bʋmábɔ amʋ́ asu?” 48Mʋ́ sʋ ɔlɛblɩ ɔbɛɛ, bʋbɔ amʋ́ asu Yesu Kristo ɩdatɔ. Mʋ́ ɔma a, bokokoli Petro bɛɛ, otsia amʋ́ wa kpalobi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation