2 ꞌThê‑ꞌsa‑ꞌlôn 1

1ꞌSúm khỏi ꞌchư Pôn, ꞌSi‑ꞌla cắp Ti‑ꞌmô‑ꞌthiêu, ꞌmí sư ꞌmá ha ꞌpứng ꞌpi ꞌnọng ꞌsúm ꞌhốm Chảu ꞌGiê‑ꞌsu nẳng ꞌmướng ꞌThê‑ꞌsa‑ꞌlôn, pên mốt ꞌcốn dú cuông ꞌhôm ꞌngáu Chảu Pua ꞌPhạ phủ pên ꞌPo ꞌsúm ꞌháu cắp ꞌGiê‑ꞌsu ꞌKha‑ꞌlịt phủ pên Chảu Chom#ꞌháu. 2ꞌSúm khỏi đé so Chảu Pua ꞌPhạ phủ pên ꞌPo cắp ꞌGiê‑ꞌsu ꞌKha‑ꞌlịt phủ pên Chảu Chom, phớng ꞌdứa hảư ꞌpi ꞌnọng đảy công ꞌphún, dú súc sáng bang#chaư.

ꞌQuám đảy ꞌdọn Chảu Pua ꞌPhạ ꞌpưa ꞌpi ꞌnọng

3ꞌPi ꞌnọng ꞌhặc ꞌpéng, ꞌpi ꞌnọng ꞌmí chaư ꞌchưa Chảu ꞌGiê‑ꞌsu tứm ꞌtén lai#khửn, phaư#ꞌcọ ꞌnhương ꞌhặc căn#máư, ꞌsướng ꞌnặn ꞌsúm khỏi ꞌcọ ꞌchọ đảy ꞌdọn Chảu Pua ꞌPhạ ꞌpưa ꞌpi ꞌnọng ꞌlớng#ꞌlớng ꞌcọ chắng#ꞌmen. 4ꞌMưa ꞌchớ ꞌpi ꞌnọng chuốp sáu ꞌnạp#têng, ꞌpọ ꞌviạk báp ꞌmo khổ#khốn, ꞌpi ꞌnọng ꞌcọ đảy ốt#au, cắp ꞌcọ ꞌnhắng mẳn chaư ꞌchưa Chảu ꞌGiê‑ꞌsu#dú, ꞌsướng ꞌnặn chảu tô ꞌsúm khỏi chắng au nả ꞌpi ꞌnọng ꞌmá ảng ꞌpứng mốt ꞌsúm ꞌhốm ꞌnặn#lo. 5ꞌPi ꞌnọng ꞌdệt ꞌsướng ꞌnặn ꞌcọ pên lắc pên mai hảư ꞌchu ꞌcốn ꞌhụ chẻng ꞌviạk Chảu Pua ꞌPhạ sét ꞌván ꞌluống#ꞌmen. ꞌPi ꞌnọng chuốp báp ꞌmo ꞌpưa phén ꞌhôm ꞌngáu Chảu Pua#ꞌPhạ, ꞌTan chảu ꞌcọ ꞌchí ꞌnặp#ꞌva ꞌpi ꞌnọng sôm đáng đảy khảu dú phén ꞌhôm ꞌngáu ꞌTan chảu ꞌnặn#lo. 6Chảu Pua ꞌPhạ đảy hên đi hên ꞌmen ꞌlẹo#ꞌva ꞌchí au báp tóp ꞌpứng ꞌcốn đảy ꞌdệt báp hảư ꞌpi ꞌnọng#ꞌnặn. 7Suốn ꞌpứng ꞌpi#ꞌnọng, ꞌchăm#ꞌva ꞌnhắng chuốp sáu ꞌdệt báp ꞌmo hảư ꞌcọ#đi, hák#ꞌva ꞌTan chảu ꞌchí hảư ꞌpi ꞌnọng cắp ꞌsúm khỏi đảy súc#sáng, ꞌmưa ꞌchớ ꞌchu#ꞌcốn hên ꞌGiê‑ꞌsu phủ pên Chảu Chom dú cá ꞌmướng ꞌphạ ꞌlống ꞌmá ꞌpọm cắp ꞌpứng tiên ꞌchạư chăm phép ꞌTan#chảu, cang peo ꞌpháy nháư#ꞌhọn, 8ꞌpưa ꞌmá sáư ꞌsội tóp ꞌpứng phủ đaư báu#ꞌhụ chắc Chảu Pua ꞌPhạ, báu#ꞌnhóm ꞌphắng au kháo ꞌhung saư ꞌviạk ꞌGiê‑ꞌsu phủ pên Chảu Chom#ꞌháu. 9ꞌCốn ꞌnéo ꞌnặn sau ꞌchí đảy thứk ꞌsội ꞌmen ꞌviạk đắp siêu ꞌlới#ꞌlới, dú háng sia ꞌGiê‑ꞌsu phủ pên Chảu#Chom, báu#đảy dú bón ꞌhung ꞌhướng ꞌhôm chức nháư ꞌquiến luông khong ꞌTan#chảu. 10ꞌChí hên pên ók cuông ꞌchớ ꞌTan chảu táo ꞌlống ꞌmá ꞌpưa hảư dên ꞌpay sỏng ꞌnhó ꞌchư siêng ꞌTan#chảu, ꞌpứng ꞌcốn ꞌchưa phaư ꞌcọ ꞌchí ꞌnặp nả ꞌtứ ta ꞌTan#chảu, ꞌcọ ꞌmen ꞌtếng cá ꞌpi ꞌnọng é#lo, ꞌpưa#ꞌva ꞌpi ꞌnọng đảy ꞌchưa ꞌquám ꞌsúm khỏi ꞌdệt chứng nẳng nả ꞌviạk ꞌTan chảu#ꞌnặn.

11ꞌSướng ꞌnặn ꞌsúm khỏi ꞌcọ ꞌlớng ꞌchớ đé so Chảu Pua ꞌPhạ Chảu Chom ꞌsúm#ꞌháu, hảư ꞌnặp#ꞌva ꞌpi ꞌnọng sôm đáng pên ꞌcốn ꞌTan chảu đảy ꞌhiạk au#ꞌnặn. So Chảu Pua ꞌPhạ au phép ꞌquiến ꞌchoi ꞌpi ꞌnọng ꞌdệt đảy đi ꞌtoi ꞌláng áo ꞌchu#ꞌnéo. ꞌPi ꞌnọng ꞌchưa ꞌcọ đảy ꞌdệt ꞌtoi ꞌquám ꞌTan#chảu, đé so ꞌTan chảu ꞌchoi ꞌpi ꞌnọng ꞌdệt ꞌpứng nả ꞌviạk ꞌnặn hảư ꞌmắn đảy#đi, 12ꞌpưa ꞌpi ꞌnọng ꞌchí ꞌdệt hảư ꞌchư siêng ꞌGiê‑ꞌsu phủ pên Chảu Chom ꞌháu đảy ꞌhung#ꞌhướng, Chảu Pua ꞌPhạ cắp ꞌGiê‑ꞌsu ꞌKha‑ꞌlịt phủ pên Chảu Chom ꞌháu ꞌcọ ꞌchí phớng ꞌdứa công ꞌphún hảư ꞌpi ꞌnọng đảy ꞌhung nả ꞌmá ta ꞌhuôm ꞌTan#chảu.

Currently Selected:

2 ꞌThê‑ꞌsa‑ꞌlôn 1: bltTDM

Highlight

Copy

Compare

Want to have your highlights saved across all your devices? Sign up or sign in

Learn More About Tai Dam

2 ꞌThê‑ꞌsa‑ꞌlôn 1

Popular Bible Verses from
2 ꞌThê‑ꞌsa‑ꞌlôn 1

Listen to 2 ꞌThê‑ꞌsa‑ꞌlôn 1

Bible:

Tai Dam

Version: Tai Dam - bltTDM