Agbamịẹ Apụ 2
2
Fịaye Mgbọlụ Agba Ma
1Tomoniḅọ fịaye mgbọlụ se ḍiepịrịye agbamịẹ seni Nyanaḅọ Ḅe pịrịḅịa ḅẹḅẹ, ọ̀ tatarị anị gbẹịn dẹkịdẹkịmaḅịa. Ori oliv pulo na pịkị insẹnsị na seni anịa ọgọnọ saraḅịa 2anịsịkị mị ori anị ọkịḅo Erọn furoḅie agbamịẹ apụma pịrịḅịaye-ẹ. Fịrịnwẹngịarị agbamịẹḅọ ḅe ḅarakuḅu ḅeinḅịa gbẹịn dẹkịdẹkịma fịye mị na pulo na, pịkị insẹnsị mị mgba na nwọ ọkị se agbamịẹ ẹbẹ mị ọgọnọ dọkịmaḅịa, se ḍiepakụma na anịmgba ini se ḍiepịrịye agbamịẹ Nyanaḅọ Ḅe pịrịmẹ. Mịn fịye agba mị anịa kụnụ mị Nyanaḅọ Ḅe ọ̀ ḅụḅẹlẹḅẹlẹmẹ. 3Kirikọn fịaye mgbọlụ agbamịẹ ḍiepịrịye mị sime agbamịẹ apụma pịrịmẹ; anị opuma osiḅụ omi-ẹ, ini se agbamịẹ Nyanaḅọ Ḅe pịrị fịye mị ḅụ ini anị sinpakụmaḅomẹ nwọḅẹ sịkị.
4Nemikase agbamịẹ ḍiepịrịye mị ini seni fịnị ḅie fọịsa fịturu-ẹ ḅẹḅẹ, fịturu sumaye ngịsị anịa ḅie sọẹkẹ. Oliv pulo ini nwọse fịlawa mị na gwa se fịturu okpokpo ma mịẹ kụrọmaḅịa, anịkanịka ini oliv pulo seni ịkịka ma nwọ tanḅịa.
5Nemikase agbamịẹ ḍiepịrịye mị ini seni finjima ḅẹlẹ ḅie chụọ fịturu-ẹ ḅẹḅẹ, ini oliv pulo se gwa fịlawa mị ini se anị mịẹḅịaye-ẹ, ọkụma fịturu sumaye anịa ḅie sime ẹkẹ. 6Anị pu kọsịma se pulo mị seni anịa ọgọnọ sara ị́ anị seni ḍiepịrịye agbamịẹḅịa sịkị ḅụ.
7Nemikase agbamịẹ ḍiepịrịye mị ini se panị ḅie chụọ fịturu-ẹ ḅẹḅẹ, fịlawa na oliv pulo na mị ini se anị mịẹḅịaye-ẹ. 8Seni ḍiepịrịye agbamịẹ Nyanaḅọ Ḅe pịrịḅịa ḅaraḅụ anị se ḅo, se anị se agbamịẹḅọ ḅe pịrị, anị anị se agbamịẹ ẹbẹ mị dama munḅịaḅọ ḅe. 9Agbamịẹḅọ ḅe ori anịa ḅụ ye ọkịḅịa se ḍiepakụma na anịmgba ini se ḍiepịrịye agbamịẹ Nyanaḅọ Ḅe pịrịmẹ, se ori anị dọkịmaḅịa agbamịẹ ẹbẹ mị ọgọnọ. Mịn fịye agba mị anịa kụnụ mị Nyanaḅọ Ḅe ọ̀ ḅụḅẹlẹḅẹlẹmẹ. 10Kirikọn agbamịẹ ḍiepịrịye mị sime agbamịẹ apụma pịrịmẹ; anị opuma osiḅụ omi-ẹ, ini se agbamịẹ Nyanaḅọ Ḅe pịrị fịye mị ḅụ ini anị sinpakụmaḅomẹ nwọḅẹ sịkị.
11Ó seni fịaye mgbọlụ ḍiepịrịye agbamịẹ Nyanaḅọ Ḅe pịrịarị ayema fịturu sumaye ọ́ nwọse mịẹ ẹkẹ; ó seni agbamịẹ Nyanaḅọ Ḅe pịrịḅịa fịye ḅụ fịturu sumaye anịkanịka ḅẹịn ngịsị sọ ẹkẹ. 12Kụra goyegoye ọ́ tatarị pẹlẹḅịa ịpịamgba ma arịa ḍiepịrịye agba ọ́ nwọ se ḅo Nyanaḅọ Ḅe pịrịḅịa, ọkụma agbamịẹ ẹbẹ mị ọgọnọ ini anị ḍọkịma ẹkẹ. 13Fịaye mgbọlụ agbamịẹ ḍiepịrịye goyegoye fụn seni anịa ḅụ sara, anịatịḅị fụn mị anị ómine na Tamụnọ Ḅe na ogboku sime ọḅọkụ mị ḍiepakụmamẹ. (Ọ́mịna ḍiepịrịye agbama ḅụ mgba fụn sọḅịa gbarịmaka ḅaraḅụ.) 14Ọ́ tatarị pẹlẹ ịpịamgba ma ḅe ḍiepịrịye ọ́ nwọse ḅo Nyanaḅọ Ḅe pịrịḅịa sịkị fọịsa ịpịamgba anịkanịka gbẹịnsa fịye nwọse agba mị mịẹ. 15Oliv pulo seni chụa pịkị insẹnsị se anị ọgọnọ sara. 16Agbamịẹḅọ ḅe fịye mị ḅụ anị pẹkẹrẹ mị ọ̀ dọkịmaḅịa, pịkị se ḍiepakụmaye mịẹḅịa pulo mị na, pịkị insẹnsị mị mgba na sọnị, anị se Nyanaḅọ Ḅe pịrị fịye agbamịẹ ḍiepịrịye ḅaraḅụ.
Currently Selected:
Agbamịẹ Apụ 2: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Agbamịẹ Apụ 2
2
Fịaye Mgbọlụ Agba Ma
1Tomoniḅọ fịaye mgbọlụ se ḍiepịrịye agbamịẹ seni Nyanaḅọ Ḅe pịrịḅịa ḅẹḅẹ, ọ̀ tatarị anị gbẹịn dẹkịdẹkịmaḅịa. Ori oliv pulo na pịkị insẹnsị na seni anịa ọgọnọ saraḅịa 2anịsịkị mị ori anị ọkịḅo Erọn furoḅie agbamịẹ apụma pịrịḅịaye-ẹ. Fịrịnwẹngịarị agbamịẹḅọ ḅe ḅarakuḅu ḅeinḅịa gbẹịn dẹkịdẹkịma fịye mị na pulo na, pịkị insẹnsị mị mgba na nwọ ọkị se agbamịẹ ẹbẹ mị ọgọnọ dọkịmaḅịa, se ḍiepakụma na anịmgba ini se ḍiepịrịye agbamịẹ Nyanaḅọ Ḅe pịrịmẹ. Mịn fịye agba mị anịa kụnụ mị Nyanaḅọ Ḅe ọ̀ ḅụḅẹlẹḅẹlẹmẹ. 3Kirikọn fịaye mgbọlụ agbamịẹ ḍiepịrịye mị sime agbamịẹ apụma pịrịmẹ; anị opuma osiḅụ omi-ẹ, ini se agbamịẹ Nyanaḅọ Ḅe pịrị fịye mị ḅụ ini anị sinpakụmaḅomẹ nwọḅẹ sịkị.
4Nemikase agbamịẹ ḍiepịrịye mị ini seni fịnị ḅie fọịsa fịturu-ẹ ḅẹḅẹ, fịturu sumaye ngịsị anịa ḅie sọẹkẹ. Oliv pulo ini nwọse fịlawa mị na gwa se fịturu okpokpo ma mịẹ kụrọmaḅịa, anịkanịka ini oliv pulo seni ịkịka ma nwọ tanḅịa.
5Nemikase agbamịẹ ḍiepịrịye mị ini seni finjima ḅẹlẹ ḅie chụọ fịturu-ẹ ḅẹḅẹ, ini oliv pulo se gwa fịlawa mị ini se anị mịẹḅịaye-ẹ, ọkụma fịturu sumaye anịa ḅie sime ẹkẹ. 6Anị pu kọsịma se pulo mị seni anịa ọgọnọ sara ị́ anị seni ḍiepịrịye agbamịẹḅịa sịkị ḅụ.
7Nemikase agbamịẹ ḍiepịrịye mị ini se panị ḅie chụọ fịturu-ẹ ḅẹḅẹ, fịlawa na oliv pulo na mị ini se anị mịẹḅịaye-ẹ. 8Seni ḍiepịrịye agbamịẹ Nyanaḅọ Ḅe pịrịḅịa ḅaraḅụ anị se ḅo, se anị se agbamịẹḅọ ḅe pịrị, anị anị se agbamịẹ ẹbẹ mị dama munḅịaḅọ ḅe. 9Agbamịẹḅọ ḅe ori anịa ḅụ ye ọkịḅịa se ḍiepakụma na anịmgba ini se ḍiepịrịye agbamịẹ Nyanaḅọ Ḅe pịrịmẹ, se ori anị dọkịmaḅịa agbamịẹ ẹbẹ mị ọgọnọ. Mịn fịye agba mị anịa kụnụ mị Nyanaḅọ Ḅe ọ̀ ḅụḅẹlẹḅẹlẹmẹ. 10Kirikọn agbamịẹ ḍiepịrịye mị sime agbamịẹ apụma pịrịmẹ; anị opuma osiḅụ omi-ẹ, ini se agbamịẹ Nyanaḅọ Ḅe pịrị fịye mị ḅụ ini anị sinpakụmaḅomẹ nwọḅẹ sịkị.
11Ó seni fịaye mgbọlụ ḍiepịrịye agbamịẹ Nyanaḅọ Ḅe pịrịarị ayema fịturu sumaye ọ́ nwọse mịẹ ẹkẹ; ó seni agbamịẹ Nyanaḅọ Ḅe pịrịḅịa fịye ḅụ fịturu sumaye anịkanịka ḅẹịn ngịsị sọ ẹkẹ. 12Kụra goyegoye ọ́ tatarị pẹlẹḅịa ịpịamgba ma arịa ḍiepịrịye agba ọ́ nwọ se ḅo Nyanaḅọ Ḅe pịrịḅịa, ọkụma agbamịẹ ẹbẹ mị ọgọnọ ini anị ḍọkịma ẹkẹ. 13Fịaye mgbọlụ agbamịẹ ḍiepịrịye goyegoye fụn seni anịa ḅụ sara, anịatịḅị fụn mị anị ómine na Tamụnọ Ḅe na ogboku sime ọḅọkụ mị ḍiepakụmamẹ. (Ọ́mịna ḍiepịrịye agbama ḅụ mgba fụn sọḅịa gbarịmaka ḅaraḅụ.) 14Ọ́ tatarị pẹlẹ ịpịamgba ma ḅe ḍiepịrịye ọ́ nwọse ḅo Nyanaḅọ Ḅe pịrịḅịa sịkị fọịsa ịpịamgba anịkanịka gbẹịnsa fịye nwọse agba mị mịẹ. 15Oliv pulo seni chụa pịkị insẹnsị se anị ọgọnọ sara. 16Agbamịẹḅọ ḅe fịye mị ḅụ anị pẹkẹrẹ mị ọ̀ dọkịmaḅịa, pịkị se ḍiepakụmaye mịẹḅịa pulo mị na, pịkị insẹnsị mị mgba na sọnị, anị se Nyanaḅọ Ḅe pịrị fịye agbamịẹ ḍiepịrịye ḅaraḅụ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria