Agbamịẹ Apụ 1
1
Okorona okorona Ḍọkịma Agba Ma
1Nyanaḅọ Ḅe Moziz ḅe chịnmẹ, Nyanaḅọ Ḅe pakaḅoḅo Ikowarị mị ḅie ḅụ se ma olokoma seni ọ̀ pịrịmẹ, 2mịẹse Izrẹlapụma àrị kokoḅịa ọkụ ini agbamịẹ sịkị goyegoye.
Gbọrịḅọ nemikase nama seni agbamịẹḅịa ḅẹḅẹ, oria nambuloma ḅie gbọrịwu, anịkanịka oria ananama ḅie gbọrịwu, anịkanịka oria oḅorima ḅie gbọrịwu. 3Ò nemikase oria nambuloma ḅie gbọrịwu se agba mị mịẹ-aḅẹ ḅẹḅẹ, anị dọkịma agba ḅara ḅụ, gbọrị ḅẹḅẹye sọnị ḅụ oforika owoi nambulo anị ori ọkịḅoḅịaye-ẹ. Ori ò se ḅo Nyanaḅọ Ḅe pakaḅoḅo Ikowarị mị ḅọkọ ḅụ agba mị mịẹḅịa, mịẹse Nyanaḅọ Ḅe ori ọkịḅịa ọkụ. 4Tomoniḅọ ḅe ọ̀ ḅarama seni nama ḅe tịḅị ọgọnọ gbanaḅịa, anịsịkị oria sima dekisinḅịa agba ḅara ini nwọse anị ọkịḅịa. 5Ori anịanga ḅụ owoi nambulo ḅe ḅaaḅịa se Erọn furoḅie agbamịẹ apụma nama ḅe oju pulo mị ọkị seni agbamịẹ ẹbẹ mị ḅụ inein-a ịkọlị mamgba ḅụ saraḅịa, anị Ikowarị mị ḅọkọ ḅụ simeye mị. 6Anịsịkị ọ̀ nama ḅe oju apụra mị pịnị sin se anị kẹnịḅịa, 7agbamịẹ apụma agbamịẹ ẹbẹ mị ọgọnọ ḅụ fịnị pẹkẹrẹ karakarama se fịnị tọnjị anịaḅụ chụaḅịa. 8Ini nama ḅe ḅụ kẹnị ayema se fịnị mị ọgọnọ gbanaḅịa, tịḅị mị na pịkị ḅẹlẹkị ma sọnị ini se chụaḅịa. 9Tomoniḅọ ḅe ọ̀ ḅụlọ ḅie ayema sịkịrịḅịa, pịkị ọḅụju-a ḅụọma na, anịsịkị agbamịẹḅọ ḅe bebe agbamịẹḅịaye mamgba seni agbamịẹ ẹbẹ mị ọgọnọ dọkịmaḅịa. Mịn fịye agba mị anịa kụnụ mị Nyanaḅọ Ḅe ọ̀ ḅụḅẹlẹḅẹlẹmẹ.
10Tomoniḅọ ḅe ò nemikase oria ananama ḅie gbọrịwu anịkanịka oḅorima ḅie gbọrịwu nwọse agbamịẹaḅẹ ḅẹḅẹ, gbọrị ḅẹḅẹye sọnị ḅụ oforika owoi mị ò se agba mị mịẹḅịaye-ẹ. 11Agbamịẹ ẹbẹ mị ḅụ ereḅara anga daọrụ ḅụ mị ori ọ̀ ḅaaḅịaye-ẹ, se agbamịẹ apụma oria oju pulo mị seni agbamịẹ ẹbẹ mị ḅụ inein-a ịkọlị mamgba ḅụ saraḅịa. 12Ọ̀ nama ḅe kẹnịsosa ḅẹḅẹ, agbamịẹḅọ ḅe ori arịmgba ọkị se fịnị mị ḅie chụaḅịa, tịḅị mị na pịkị ḅẹlẹkị ma sọnị ò se chụaḅịa. 13Tomoniḅọ ḅe ò mengi se nama ḅe ḅụlọ ḅie ayema sịkịrịḅịa, pịkị ọḅụju-a ḅụọma na, se agbamịẹḅọ ḅe bebe agbamịẹḅịaye mamgba se agbamịẹ ẹbẹ mị ọgọnọ gbana se arịmgba dọkịma Nyanaḅọ Ḅe pịrịḅịa. Mịn fịye agba mị anịa kụnụ mị Nyanaḅọ Ḅe ọ̀ ḅụḅẹlẹḅẹlẹmẹ.
14Tomoniḅọ nemikase feni nwọse dọkịma agbamịẹaḅẹ ḅẹḅẹ, okuku anịkanịka elesika anị ò se agba mị mịẹḅịaye-ẹ. 15Agbamịẹḅọ ḅe ò feni ḅe se agbamịẹ ẹbẹ mị tọrọkọ ḅoḅịa, ori ọ̀ kọngọ fọngọlọ pẹlẹḅịa, se tịḅị mị seni agbamịẹ ẹbẹ mị ọgọnọ ḅụ dọkịmaḅịa. Oria oju pulo mị ọ̀ nwọse agbamịẹ ẹbẹ mị anga sịkị saraḅịa. 16Pụkọ ololo mị na anịa ḅie sime ayema na ò se agbamịẹ ẹbẹ mị ḅụ ịrụapakapaka anga da nyọ mị ḅụ gbin wokumaḅịa, anị ini fọn ma se sarasara nyọ mị. 17Ori oria pamba ma ọlọ se oria oju mị pu finjiḅịa, pamba ma kanị sinka ḅara ḅụ, anịsịkị okorona okorona ò se agbamịẹ ẹbẹ mị ọgọnọ dọkịmaḅịa. Mịn fịye agba mị anịa kụnụ mị Nyanaḅọ Ḅe ọ̀ ḅụḅẹlẹḅẹlẹmẹ.
Currently Selected:
Agbamịẹ Apụ 1: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Agbamịẹ Apụ 1
1
Okorona okorona Ḍọkịma Agba Ma
1Nyanaḅọ Ḅe Moziz ḅe chịnmẹ, Nyanaḅọ Ḅe pakaḅoḅo Ikowarị mị ḅie ḅụ se ma olokoma seni ọ̀ pịrịmẹ, 2mịẹse Izrẹlapụma àrị kokoḅịa ọkụ ini agbamịẹ sịkị goyegoye.
Gbọrịḅọ nemikase nama seni agbamịẹḅịa ḅẹḅẹ, oria nambuloma ḅie gbọrịwu, anịkanịka oria ananama ḅie gbọrịwu, anịkanịka oria oḅorima ḅie gbọrịwu. 3Ò nemikase oria nambuloma ḅie gbọrịwu se agba mị mịẹ-aḅẹ ḅẹḅẹ, anị dọkịma agba ḅara ḅụ, gbọrị ḅẹḅẹye sọnị ḅụ oforika owoi nambulo anị ori ọkịḅoḅịaye-ẹ. Ori ò se ḅo Nyanaḅọ Ḅe pakaḅoḅo Ikowarị mị ḅọkọ ḅụ agba mị mịẹḅịa, mịẹse Nyanaḅọ Ḅe ori ọkịḅịa ọkụ. 4Tomoniḅọ ḅe ọ̀ ḅarama seni nama ḅe tịḅị ọgọnọ gbanaḅịa, anịsịkị oria sima dekisinḅịa agba ḅara ini nwọse anị ọkịḅịa. 5Ori anịanga ḅụ owoi nambulo ḅe ḅaaḅịa se Erọn furoḅie agbamịẹ apụma nama ḅe oju pulo mị ọkị seni agbamịẹ ẹbẹ mị ḅụ inein-a ịkọlị mamgba ḅụ saraḅịa, anị Ikowarị mị ḅọkọ ḅụ simeye mị. 6Anịsịkị ọ̀ nama ḅe oju apụra mị pịnị sin se anị kẹnịḅịa, 7agbamịẹ apụma agbamịẹ ẹbẹ mị ọgọnọ ḅụ fịnị pẹkẹrẹ karakarama se fịnị tọnjị anịaḅụ chụaḅịa. 8Ini nama ḅe ḅụ kẹnị ayema se fịnị mị ọgọnọ gbanaḅịa, tịḅị mị na pịkị ḅẹlẹkị ma sọnị ini se chụaḅịa. 9Tomoniḅọ ḅe ọ̀ ḅụlọ ḅie ayema sịkịrịḅịa, pịkị ọḅụju-a ḅụọma na, anịsịkị agbamịẹḅọ ḅe bebe agbamịẹḅịaye mamgba seni agbamịẹ ẹbẹ mị ọgọnọ dọkịmaḅịa. Mịn fịye agba mị anịa kụnụ mị Nyanaḅọ Ḅe ọ̀ ḅụḅẹlẹḅẹlẹmẹ.
10Tomoniḅọ ḅe ò nemikase oria ananama ḅie gbọrịwu anịkanịka oḅorima ḅie gbọrịwu nwọse agbamịẹaḅẹ ḅẹḅẹ, gbọrị ḅẹḅẹye sọnị ḅụ oforika owoi mị ò se agba mị mịẹḅịaye-ẹ. 11Agbamịẹ ẹbẹ mị ḅụ ereḅara anga daọrụ ḅụ mị ori ọ̀ ḅaaḅịaye-ẹ, se agbamịẹ apụma oria oju pulo mị seni agbamịẹ ẹbẹ mị ḅụ inein-a ịkọlị mamgba ḅụ saraḅịa. 12Ọ̀ nama ḅe kẹnịsosa ḅẹḅẹ, agbamịẹḅọ ḅe ori arịmgba ọkị se fịnị mị ḅie chụaḅịa, tịḅị mị na pịkị ḅẹlẹkị ma sọnị ò se chụaḅịa. 13Tomoniḅọ ḅe ò mengi se nama ḅe ḅụlọ ḅie ayema sịkịrịḅịa, pịkị ọḅụju-a ḅụọma na, se agbamịẹḅọ ḅe bebe agbamịẹḅịaye mamgba se agbamịẹ ẹbẹ mị ọgọnọ gbana se arịmgba dọkịma Nyanaḅọ Ḅe pịrịḅịa. Mịn fịye agba mị anịa kụnụ mị Nyanaḅọ Ḅe ọ̀ ḅụḅẹlẹḅẹlẹmẹ.
14Tomoniḅọ nemikase feni nwọse dọkịma agbamịẹaḅẹ ḅẹḅẹ, okuku anịkanịka elesika anị ò se agba mị mịẹḅịaye-ẹ. 15Agbamịẹḅọ ḅe ò feni ḅe se agbamịẹ ẹbẹ mị tọrọkọ ḅoḅịa, ori ọ̀ kọngọ fọngọlọ pẹlẹḅịa, se tịḅị mị seni agbamịẹ ẹbẹ mị ọgọnọ ḅụ dọkịmaḅịa. Oria oju pulo mị ọ̀ nwọse agbamịẹ ẹbẹ mị anga sịkị saraḅịa. 16Pụkọ ololo mị na anịa ḅie sime ayema na ò se agbamịẹ ẹbẹ mị ḅụ ịrụapakapaka anga da nyọ mị ḅụ gbin wokumaḅịa, anị ini fọn ma se sarasara nyọ mị. 17Ori oria pamba ma ọlọ se oria oju mị pu finjiḅịa, pamba ma kanị sinka ḅara ḅụ, anịsịkị okorona okorona ò se agbamịẹ ẹbẹ mị ọgọnọ dọkịmaḅịa. Mịn fịye agba mị anịa kụnụ mị Nyanaḅọ Ḅe ọ̀ ḅụḅẹlẹḅẹlẹmẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria