Pakaso Ḍiepakụmaye
Ḍiepakụmaye
Mịn maịn karama ḍiri mị fiearịye anị “Pakaso,” anị pịkị gbọkọlọma Izrẹl mị ḅụ paka ḅẹrẹ mị nwọ ḍukomẹ, anị mị ḍiri mị ḅie ini ḍukoye mị - Izrẹlapụma Ijipt ḅie pakaso ọkụ mị, anị ini omoniapụ sọ nyọ mị. Ḍiri mị inein-a pẹkẹrẹ ḅụ anị omi-ẹ: (1) Omoniapụ sọ ḅụ Hibruapụ ma ọkịpakụmaḅo mị; (2) Ini so Saịnaị Tụndụ mị mun mị; (3) Tamụnọ Ḅe Saịnaị mị ḅụ oria tomonima na fị ọḅọkụ mị, anị ḅụọlọ na, sẹḍikiḍiki na pịkị Tamụnọ anga mịẹmịẹye olokoma na se ini pịrị na ini se anga-ẹ; (4) Izrẹlapụma Tamụnọ tẹkẹḅịa warị na anị ḅirima mị na, pịkị agbamịẹ apụma na Tamụnọ tẹkẹ ḅara ḅe olokoma na.
Arịmgba ḅụ tẹịnye, mịn ḍiri mị Tamụnọ Ḅe nwẹngị fịrị nwọ ḍukomẹ, anị ọ̀ wẹrị oria tomonima omoni ḅie sime apụma ọkịpakụmaḅo, se ini seni sẹ mịẹ pịkị tọrọkọ ḅụ tọrụse ḍikiḅịaye nwọse ini pịrị ọkụ mị na.
Ḍiri mị dada mịnaḅụ ḅẹrẹ ḍuko ḅọ anị Moziz ḅe-ẹ, Tamụnọ ḅe sẹlẹ na Ijipt mị ḅie oria tomonima ọkịpakụmaḅo nwọḅẹḅọ ḅe. Ḍiri mị ḅie ini iḅiọkụma nemitẹịn anga anị oyi olokoma gịẹịn anga mị-ẹ, si karama ḅẹrẹtịḅị mị ḅụ.
Ḅẹrẹtịḅị Ma Ọrụrụ Ḅụ Sime Ọkụ Mị
Ijipt ḅie Izrẹlapụma ḅụ ḅarasin mị 1.1—15.21
a. Ijipt ḅie sime omoniapụ ma 1.1-22
b. Moziz ḅe yi mị na, ò boka sịkị ḅe ḍumo mị na 2.1—4.31
c. Moziz ḅe na Erọn ḅe na Ijipt Amanyanaḅọ ḅe na ịgbanịa nyanamẹ 5.1—11.10
d. Saḅaḅọrọ mị na Ijipt ḅie pakaso mị na 12.1—15.21
Awụwụ Tọrụ mị ḅụ ọkịmun Saịnaị Tụndụ mị la 15.22—18.27
Oloko mị na Ọḅọkụ mị na 19.1—24.18
Ọḅọkụ mị ḅe Ikowarị mị na Tamụnọ tẹkẹ ḅara ḅe datekerema na 25.1—40.38
Currently Selected:
Pakaso Ḍiepakụmaye: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria