Romu 3
3
1Juu-ḅẹ-apụ sikima fịarị sọye tẹ Ja asịẹ ḅẹ apụ la-a ye emi? Anịanịa, tarị-ḅụụ sin tọ iḅi mịẹarị? 2Karakara-ḅara-ḅụ ḅọkọ, ḅọkọ ḅụ anị nyana iḅi ḅakam. Tarị ye, Tamụnọ ori oku mẹ kẹ Juu-ḅẹ-apụ ma ḅara sụam. 3Kụma ini ḅẹ ja apụ nwẹnị Tamụnọ ḅii ḅara mịẹ-a, kụma ọ́ sịn-arị Tamụnọ sọ anị gotẹ amịna ḅịḅị sima ḅẹ? 4#Dev 51.4Gbala-gbala ọkọ sime ye ofori. Inweni-mgba iruo apụ sọ tẹ sọ, Tamụnọ rẹ ọ̀ ḅịḅị ḍima ḍima-a. Fịafịa Ḍiri mẹ ḅẹẹm,
“Ị́ ẹkwẹn sakị tomi nimi ḅa ị́ karakaraye ḍukoarị;
ini ị́ kọn sakị ị́ ḅẹrẹ-ḅaraiḅi nyana ḅa.”
5Mịọkụ wamịna amịẹ-irima nwẹnị iḅiọkụ Tamụnọ karakara mẹ pakama-ḅo ḅelema kụma, wa tiye ḍuko ḅẹ? Wa inetẹ ḅẹẹ ḅa Tamụnọ kẹ wa pịrịarị fomu-ḅara mẹ kura-a? (À nwẹn gbelarị ye mẹ, tomi kẹ ye gbela, gbela ḅara mie à gbelarị.) 6Gbọrụ ḅọkọ sọ ḅụ-a! Tamụnọ ḅarị kuraye mịẹ-a kụma, ọ̀ tọ-ḅara kẹ inetẹ tomikiri mẹ kọn ḅẹ?
7Kụma mịọkụ à kọn-arị nwẹn ḅẹẹ iruo mẹ mịẹtẹ Tamụnọ ebube na ọ̀ karakara na ḅịya paka banabana kụma ndẹẹ anị sime ḅẹ ḅara? À paa si mịẹ ḅọ ẹrẹ fị na-iḅi? 8Ẹbịsịya gbọrụḅọ ḅẹẹ ḅa, ọkọ ḅẹḅẹ ó yee wa ḅẹẹ, “Ó yee wa siye mịẹ tẹ iḅiye anị ḅio paka-ḅo.” Ja apụ da-da kẹ ị̀ mịẹ-sima gotẹ ḅẹẹarị mịnẹ mie ị̀ ḅịḅị paka ye mẹ, yẹrị ọkọ kẹ in tolumam; ini ma ḅẹrẹ-ḅarasii sime ịn pịrị ḅa, anị sime na-iḅi ḅara ḅụ.
Karakara Mịẹarị Gbọrụḅọ Sọ Ofori
9Wa ẹrị tẹ ḅara ḅụ ọ́ sịn-arị wamịnị Juu-ḅẹ-apụ ma kẹ iḅi kiri sịẹ Ja asịẹ ḅẹ apụ ma nẹngị anga emi? Gbala-gbala ọkọ sime ye ofori. À kẹ ó ḍie ḅọrọma tẹ ḅara ḅụ, Juu-ḅẹ-apụ na Ja asịẹ ḅẹ apụ na gbọrụ ḅara kẹ si mịẹ pọkọ tarị kụrọ mẹ suku-ḅio emii. 10#Dev 14.1-3; 53.1-3Fịafịa Ḍiri mẹ ḅẹẹm:
“Karakara mịẹarị gbọrụḅọ-sọ ofori,
11gbọrụḅọ-sọ ye fieye naa-a,
anịanịa sunsin Tamụnọ pịrịarị gbọrụḅọ-sọ ofori.
12Tomi mamgba Tamụnọ ḅụ mangị-so tẹ;
inimgba etela-iri tẹ;
kuraye mịẹarị ḅọ ofori, kpọkpọ gbọrụḅọ-sọ ofori.
13 #
Dev 5.9;
Dev 140.3
Ịna ẹkwẹn ḅio kịnị toluma ḅaa aị ḅin wararị;
ini ịna aḅẹlẹ kẹ si kẹ ja apụ mịẹ ḅẹ iruo kọn, kọn sararị,
ịna ḅịḅị-ḅio paka-ḅoarị si ẹkwẹn ododo ḅịḅị ḅẹ fịla kịkam;
14 #
Dev 10.7
gbo-aị mie ịn kẹ ẹkwẹn sọma tẹ kọn-arị.
15 #
Ayị 59.7,8 Ye kẹ kịnị lama na ḅaa na ịna ḅụụ sarasara ḅakam,
16ịn la anga, la anga in sima kọsịmam.
17Ịna ḍumo ḅụ dein ofori,
18 #
Dev 36.1
ịn pịkị Tamụnọ mangịma, fa ḅara nimi-a.”
19Mịọkụ wa nimi tẹ mịnẹ Oloko mẹ ḅio kẹẹ koro wararị aị ma sime Oloko mẹ suku-ḅio sime apụ pịrịm. Miemẹ anie gbọrụḅọ sọ ḅarị kẹ gotẹ so aị nyana ḅịa ye Tamụnọ tomi mamgba kọn ḅarị sakị. 20#Dev 143.2; Gal 2.16Oloko mẹ koko ẹrẹsị Tamụnọ tọrọkọ karakara ḅẹ ḅọ ofori; Oloko mẹ bebe kọrịarị ye anie mịẹtẹ tomḅọ nimi mịnẹ mḅọ si mịẹ tẹ.
Tamụnọ Kẹ Ọ̀ Ḅụụ Ḅụ Wa Daa-karakaramarị Ḅara
21Kụma mịọkụ Tamụnọ ọ̀ kẹ tomi kẹ ọ̀ ḅụụ karakara ḅara wẹrịarị ḅara kẹ wa ḍie tẹ. Anị gbala-gbala oloko mẹ na gboloma-a, karakaraye, Mozizi Oloko mẹ na ịkịankoroapụ ma na anị gbolomaye ḍuko tẹ sọ. 22#Gal 2.16Jizọsị Kịrayịsị ḅụụ minini nyana anie Tamụnọ kẹ kịnị kẹ karakara ḅụ wẹrịarị. Kịrayịsị minini apụ mamgba Tamụnọ ọkọ mịẹ ịn pịrịarị, gbala-gbala ọ̀ kịrị pakama-a. 23Ḅẹḅọ-ḅẹḅọ si mịẹ tẹ Tamụnọ iḅi ḅụ ḅele tẹ. 24Kụma Kịrayịsị Jizọsị ịn pakịrịḅọ ḅe anie Tamụnọ gotẹ ye ḍiki-a ḅara kẹ tomi mamgba ḍiki-ḅụụjịrị tẹ ịn kẹ karakara ḅụ wẹrị ye. 25Kụma Tamụnọ ọ̀ kẹ tomina si sịkịrị sin ḅẹ agba mịẹm, anie ịn Kịrayịsị ḅụ nyana ḅẹ minini ḅụ. Ò gotẹ miemẹ mịẹ ye, kẹ ọ̀ karakara mịẹ mẹ ḍie-pakama ḅẹm, anie ò ye-inema la ḅara ḅụ ori elemu ịn mịẹ asi ma wẹrịso tẹ ye ẹrẹsị. 26Ò gotẹ miemẹ mịẹ ye, kẹ ọ̀ karakara mịẹ mẹ ḍie-pakama mị sakị mẹ ḅụ, mie ḅụ ọ̀ karakara mịẹḅọ sọ tẹ, ọ̀ pịkị Jizọsị ḅụụ minini nyana tomḅọ mẹ sọ kẹ karakara mịẹ ḅọ sọma tẹ.
27Wa tiye kẹ ḅụụ-boma ḅẹ? Gberie-sọ ofori! Tiegotẹ? Wa Oloko mẹ koko ye mụnọọ? Ẹn-ẹn, kụma minini gotẹ. 28Wa paa ḍukoarị, mịnẹ tomḅọ kẹ Tamụnọ ḅụ karakara ḅarịye minini, Oloko koko-a. 29Anịanịa Tamụnọ ḅe Juu-ḅẹ-apụ ngẹrị Tamụnọ mụnọọ? Ori Ja asịẹ ḅẹ apụ ma sọ Tamụnọ-a? Inn, ori Ja asịẹ ḅẹ apụ sọ Tamụnọọ. 30#Dit 6.4; Gal 3.20Gbọrụ Tamụnọ ngẹrị anie emi ye ḅẹ sakị, ori anie Juu-ḅẹ-apụ ma kẹ karakara ḅụ wẹrịarị ịna minini ḅụ, pịkị Ja asịẹ ḅẹ apụ ma sọ kẹ karakara ḅụ wẹrịarị ịn nyana minini ḅụ. 31Anị kụma wa ḅọrọ minini mẹ gotẹ Oloko mẹ kẹ papaaye sịn ḅẹ mụnọọ? Gbala-gbala ọkọ-a! Anie nakara wa Oloko mẹ rẹ ọlọ kụrọmarị.
Currently Selected:
Romu 3: KBTP
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria
Romu 3
3
1Juu-ḅẹ-apụ sikima fịarị sọye tẹ Ja asịẹ ḅẹ apụ la-a ye emi? Anịanịa, tarị-ḅụụ sin tọ iḅi mịẹarị? 2Karakara-ḅara-ḅụ ḅọkọ, ḅọkọ ḅụ anị nyana iḅi ḅakam. Tarị ye, Tamụnọ ori oku mẹ kẹ Juu-ḅẹ-apụ ma ḅara sụam. 3Kụma ini ḅẹ ja apụ nwẹnị Tamụnọ ḅii ḅara mịẹ-a, kụma ọ́ sịn-arị Tamụnọ sọ anị gotẹ amịna ḅịḅị sima ḅẹ? 4#Dev 51.4Gbala-gbala ọkọ sime ye ofori. Inweni-mgba iruo apụ sọ tẹ sọ, Tamụnọ rẹ ọ̀ ḅịḅị ḍima ḍima-a. Fịafịa Ḍiri mẹ ḅẹẹm,
“Ị́ ẹkwẹn sakị tomi nimi ḅa ị́ karakaraye ḍukoarị;
ini ị́ kọn sakị ị́ ḅẹrẹ-ḅaraiḅi nyana ḅa.”
5Mịọkụ wamịna amịẹ-irima nwẹnị iḅiọkụ Tamụnọ karakara mẹ pakama-ḅo ḅelema kụma, wa tiye ḍuko ḅẹ? Wa inetẹ ḅẹẹ ḅa Tamụnọ kẹ wa pịrịarị fomu-ḅara mẹ kura-a? (À nwẹn gbelarị ye mẹ, tomi kẹ ye gbela, gbela ḅara mie à gbelarị.) 6Gbọrụ ḅọkọ sọ ḅụ-a! Tamụnọ ḅarị kuraye mịẹ-a kụma, ọ̀ tọ-ḅara kẹ inetẹ tomikiri mẹ kọn ḅẹ?
7Kụma mịọkụ à kọn-arị nwẹn ḅẹẹ iruo mẹ mịẹtẹ Tamụnọ ebube na ọ̀ karakara na ḅịya paka banabana kụma ndẹẹ anị sime ḅẹ ḅara? À paa si mịẹ ḅọ ẹrẹ fị na-iḅi? 8Ẹbịsịya gbọrụḅọ ḅẹẹ ḅa, ọkọ ḅẹḅẹ ó yee wa ḅẹẹ, “Ó yee wa siye mịẹ tẹ iḅiye anị ḅio paka-ḅo.” Ja apụ da-da kẹ ị̀ mịẹ-sima gotẹ ḅẹẹarị mịnẹ mie ị̀ ḅịḅị paka ye mẹ, yẹrị ọkọ kẹ in tolumam; ini ma ḅẹrẹ-ḅarasii sime ịn pịrị ḅa, anị sime na-iḅi ḅara ḅụ.
Karakara Mịẹarị Gbọrụḅọ Sọ Ofori
9Wa ẹrị tẹ ḅara ḅụ ọ́ sịn-arị wamịnị Juu-ḅẹ-apụ ma kẹ iḅi kiri sịẹ Ja asịẹ ḅẹ apụ ma nẹngị anga emi? Gbala-gbala ọkọ sime ye ofori. À kẹ ó ḍie ḅọrọma tẹ ḅara ḅụ, Juu-ḅẹ-apụ na Ja asịẹ ḅẹ apụ na gbọrụ ḅara kẹ si mịẹ pọkọ tarị kụrọ mẹ suku-ḅio emii. 10#Dev 14.1-3; 53.1-3Fịafịa Ḍiri mẹ ḅẹẹm:
“Karakara mịẹarị gbọrụḅọ-sọ ofori,
11gbọrụḅọ-sọ ye fieye naa-a,
anịanịa sunsin Tamụnọ pịrịarị gbọrụḅọ-sọ ofori.
12Tomi mamgba Tamụnọ ḅụ mangị-so tẹ;
inimgba etela-iri tẹ;
kuraye mịẹarị ḅọ ofori, kpọkpọ gbọrụḅọ-sọ ofori.
13 #
Dev 5.9;
Dev 140.3
Ịna ẹkwẹn ḅio kịnị toluma ḅaa aị ḅin wararị;
ini ịna aḅẹlẹ kẹ si kẹ ja apụ mịẹ ḅẹ iruo kọn, kọn sararị,
ịna ḅịḅị-ḅio paka-ḅoarị si ẹkwẹn ododo ḅịḅị ḅẹ fịla kịkam;
14 #
Dev 10.7
gbo-aị mie ịn kẹ ẹkwẹn sọma tẹ kọn-arị.
15 #
Ayị 59.7,8 Ye kẹ kịnị lama na ḅaa na ịna ḅụụ sarasara ḅakam,
16ịn la anga, la anga in sima kọsịmam.
17Ịna ḍumo ḅụ dein ofori,
18 #
Dev 36.1
ịn pịkị Tamụnọ mangịma, fa ḅara nimi-a.”
19Mịọkụ wa nimi tẹ mịnẹ Oloko mẹ ḅio kẹẹ koro wararị aị ma sime Oloko mẹ suku-ḅio sime apụ pịrịm. Miemẹ anie gbọrụḅọ sọ ḅarị kẹ gotẹ so aị nyana ḅịa ye Tamụnọ tomi mamgba kọn ḅarị sakị. 20#Dev 143.2; Gal 2.16Oloko mẹ koko ẹrẹsị Tamụnọ tọrọkọ karakara ḅẹ ḅọ ofori; Oloko mẹ bebe kọrịarị ye anie mịẹtẹ tomḅọ nimi mịnẹ mḅọ si mịẹ tẹ.
Tamụnọ Kẹ Ọ̀ Ḅụụ Ḅụ Wa Daa-karakaramarị Ḅara
21Kụma mịọkụ Tamụnọ ọ̀ kẹ tomi kẹ ọ̀ ḅụụ karakara ḅara wẹrịarị ḅara kẹ wa ḍie tẹ. Anị gbala-gbala oloko mẹ na gboloma-a, karakaraye, Mozizi Oloko mẹ na ịkịankoroapụ ma na anị gbolomaye ḍuko tẹ sọ. 22#Gal 2.16Jizọsị Kịrayịsị ḅụụ minini nyana anie Tamụnọ kẹ kịnị kẹ karakara ḅụ wẹrịarị. Kịrayịsị minini apụ mamgba Tamụnọ ọkọ mịẹ ịn pịrịarị, gbala-gbala ọ̀ kịrị pakama-a. 23Ḅẹḅọ-ḅẹḅọ si mịẹ tẹ Tamụnọ iḅi ḅụ ḅele tẹ. 24Kụma Kịrayịsị Jizọsị ịn pakịrịḅọ ḅe anie Tamụnọ gotẹ ye ḍiki-a ḅara kẹ tomi mamgba ḍiki-ḅụụjịrị tẹ ịn kẹ karakara ḅụ wẹrị ye. 25Kụma Tamụnọ ọ̀ kẹ tomina si sịkịrị sin ḅẹ agba mịẹm, anie ịn Kịrayịsị ḅụ nyana ḅẹ minini ḅụ. Ò gotẹ miemẹ mịẹ ye, kẹ ọ̀ karakara mịẹ mẹ ḍie-pakama ḅẹm, anie ò ye-inema la ḅara ḅụ ori elemu ịn mịẹ asi ma wẹrịso tẹ ye ẹrẹsị. 26Ò gotẹ miemẹ mịẹ ye, kẹ ọ̀ karakara mịẹ mẹ ḍie-pakama mị sakị mẹ ḅụ, mie ḅụ ọ̀ karakara mịẹḅọ sọ tẹ, ọ̀ pịkị Jizọsị ḅụụ minini nyana tomḅọ mẹ sọ kẹ karakara mịẹ ḅọ sọma tẹ.
27Wa tiye kẹ ḅụụ-boma ḅẹ? Gberie-sọ ofori! Tiegotẹ? Wa Oloko mẹ koko ye mụnọọ? Ẹn-ẹn, kụma minini gotẹ. 28Wa paa ḍukoarị, mịnẹ tomḅọ kẹ Tamụnọ ḅụ karakara ḅarịye minini, Oloko koko-a. 29Anịanịa Tamụnọ ḅe Juu-ḅẹ-apụ ngẹrị Tamụnọ mụnọọ? Ori Ja asịẹ ḅẹ apụ ma sọ Tamụnọ-a? Inn, ori Ja asịẹ ḅẹ apụ sọ Tamụnọọ. 30#Dit 6.4; Gal 3.20Gbọrụ Tamụnọ ngẹrị anie emi ye ḅẹ sakị, ori anie Juu-ḅẹ-apụ ma kẹ karakara ḅụ wẹrịarị ịna minini ḅụ, pịkị Ja asịẹ ḅẹ apụ ma sọ kẹ karakara ḅụ wẹrịarị ịn nyana minini ḅụ. 31Anị kụma wa ḅọrọ minini mẹ gotẹ Oloko mẹ kẹ papaaye sịn ḅẹ mụnọọ? Gbala-gbala ọkọ-a! Anie nakara wa Oloko mẹ rẹ ọlọ kụrọmarị.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria