Romu 2
2
Tamụnọ Ḅẹrẹkọn
1 #
Mat 7.1; Luk 6.37 Ì ikiaḅọ, ị́ jen-apụ kọn, kọn ḅẹḅẹ, ḅọrọ tụḅọ-o, tụḅọ-o sọ, ị́ ḅarị gotẹ so ḅẹ ye nyana-a, í gotẹ ḅẹrẹ-ḅarasii pẹlẹ jen-apụ pịrị ye mẹ sọ mịẹarị sakị goyegoye ị́ pịkị ḅẹrẹ-ḅarasii pẹlẹ ị́ ḅụụ sọ pịrịarị. 2Tamụnọ ḅẹrẹ-ḅarasii pẹlẹ ọkọ sime apụ pịrịarị sakị, wa ẹrịm ọ̀ karakara ḅụ emi. 3Kụma, ị́yẹrị ì ikiaḅọ, ị́ kẹ ḅẹrẹ-ḅarasii pẹlẹ jen-apụ pịrịarị aị ma mie ị́yẹrị sọ mịẹarị aị sakị, ị́ sịn-arị Tamụnọ ḅẹrẹkọn ị́ gbarị ḅẹ? 4Anịanịa, ori iḅi-yemịẹ-ḅara na, ò kiri foofoma mẹ na, ò ye inema mẹ na ị́ tọrụ-ḅaarị ḅoto. Í nimi lama wararị, Tamụnọ amịna iḅi ḅụ ị́ mịẹ tẹ í si ḅụ pịkị ḅẹ ḅara kẹ í ḍiearị. 5Kụma ị́ kọngọ kụrọ na kụrọ ḅioḅẹngbọ na nyana wararị, miemẹ mịẹtẹ Tamụnọ ịganị na ọ̀ karakara ḅẹrẹkọn mẹ na ḅo ḅẹ Ene mẹ ḅụ anị si ị́ pịrị tẹịn ḅa. 6#Dev 62.12; Egb 24.12Gbala ọrụḅọ-ọrụḅọ mịẹ ye anie Tamụnọ ḍiki tẹ mḅọ gbẹẹ ḅarịye. 7Japụ sakị mamgba mịẹtẹ iḅi ẹrẹ na, kụn na sime gbamaso ḍumo na sime ịn pịrị ḅẹ ye ḍọkịarị: sime gbamaso ḍumo anie Tamụnọ pịkị kẹ ịn pịrị ḅarị ye. 8Osi apụ sime tọrụ-kpọ na karakara sịkị tẹ kura-aye fịnama na pịrịm; ini ma Tamụnọ ori opu ịganị kẹ ịna ọgọnọ sara ḅa. 9Siye mịẹarị apụ mamgba tọrụsiẹrị na akụ na da ḅa; anị tarị ọkọ sime Juu-ḅẹ-apụ ma pịrị ḅa, anịtẹso anị pịkị ḅo Ja asịẹ ḅẹ apụ ma la ḅa. 10Kụma iḅiye mịẹarị apụ mamgba Tamụnọ ebube na, kụn na, dein na kẹ ịn pịrị ḅa. Ọ̀ tarị Juu-ḅẹ apụ ma pịrị tẹ so sakị, ọ̀ pịkị Ja asịẹ ḅẹ apụ ma sọ pịrị ḅa. 11#Dit 10.17Kẹ gotẹ ọkọ ḅẹẹarị, gbọrụ ḅara anie Tamụnọ kẹ kịnị mamgba kọn ḅarịye.
12Ja asịẹ ḅẹ apụ ma, Mozizi Oloko mẹ ịn la-a. Oloko mẹ nyana-a ḅara ḅụ in si ḅụ ḅọrọ faarị. Juu-ḅẹ-apụ Oloko mẹ nyana wararị; in si mịẹ-mịẹ, Oloko mẹ anie in ḍiki tẹ ịn kọn ḅarịye. 13Ḅeri ngẹrị kẹ Oloko mẹ naa anie Tamụnọ tọrọkọ tomi kẹ karakara apụ sọmarị ye-a; kụma Oloko mẹ tọn ye mịẹ. 14Ja asịẹ ḅẹ apụ ma Oloko mẹ nyana-a, kụma ịna tẹmẹ aḅioḅẹngbọ ịn ḅẹẹ tẹ ini Oloko mẹ tọn ḅara mịẹ-mịẹ, ini oloko sọ amịna ḅụụ pịrị tẹ, ini Oloko mẹ ḅioju nyana-a sọ. 15Ịna ye-mịẹ-ḅara ḍiearị mịnẹ Oloko mẹ ịna aḅioḅẹngbọ jụ ḅụ kẹẹ wararị. Ịna tẹmẹ aḅioḅẹngbọ sọ ọkọ ọkị wararị, anie ịna akuroma gotẹ ja sakị ḅẹrẹ-ḅarasii pẹlẹ ịn pịrịarị tẹ pịkị ja sakị ịn ḍụarị. 16Mie ḅụ à kẹ ḅo Iḅi Oku mẹ sime-ḅara anie, Tamụnọ Jizọsị Kịrayịsị ḅụ ḅọrọ tẹ tomikiri mẹ kọn ḅarị Ene mẹ, ọrụḅọ-ọrụḅọ ḅioḅẹngbọ suku-ḅio sime ḅọị wararị aị mie ọ̀ kẹ mḅọ kọn ḅarịye.
Juu-ḅẹ-apụ Ma Na Oloko Mẹ Na
17Ị́yẹrị ị́ tọ-ḅara sime? Í Juu-ḅẹ-ḅọ kẹ ị́ ḅụụ sịn-arị. Í Oloko mẹ kẹ ḅiokpọma tẹ Tamụnọ kẹ ḅụụ-bomarịị; 18Tamụnọ ị́ ḅẹẹm mịẹ ḅẹ ye í nimi wararịị; tẹ Oloko mẹ pịkị karakara mịẹ-mịẹ ḅara kẹ í toluma tẹẹ, 19ị́ pịkị ị́ ḅụụ ọkị wararị mịnẹ í etela kẹ tọrụngbọ-pụụntẹ-apụ ḍie tẹ pịkị kanakana ḅio bele sọ tomi pịrị ḅa, 20í ye kẹ oḅori atomi na ye nimi-a apụ na tolumarị. Ị́ ọkị wararị mịnẹ Oloko mẹ ḅụ í nimi mamgba na karakara mẹ na nyana ḅinma wararị. 21Ị́yẹrị ye kẹ ja apụ tolumarị ḅọ, tiye ẹrẹsị ị́ ḅarị ị́ ḅụụ toluma-a? Ị́yẹrị ḍuko jen-apụ pịrịarị, “Ó furu ma,” í furu-a? 22Ị́yẹrị jen-apụ ḅẹẹarị, “Ọ́ ja apụ ereme na tii ma.” Ị́yẹrị í tiegotẹ ja apụ ereme na tii-arị? Í oru-afụḅara tọn-tọnm; í oru awarị fọịn ya? 23Ị́ Tamụnọ oloko mẹ kẹ ḅụụ-bomarị; kụma ị́ arị kan-kan tẹ ḅụụ-jịrị dogi-ḅo Tamụnọ pịrị-a? 24#Ayị 52.5Fịafịa Ḍiri mẹ ḅẹẹm, “Ọmịnị Juu-ḅẹ-apụ ma mie Ja asịẹ ḅẹ apụ gotẹ Tamụnọ fie-simarị ye.”
25Í Oloko mẹ kokoarị ḅẹḅẹ ị́ Tamụnọ gotẹ sin-arị tarị-ḅụụ mẹ sọye mịẹ ị́ pịrị tẹ, kụma í Oloko mẹ kan-arị ḅẹḅẹ ị́ tarị-ḅụụ sin-a iḅi tẹịnm. 26Jen sịẹ ḅẹ ḅọ tarị-ḅụụ sin-a tẹ Oloko mẹ koko kụma Tamụnọ mḅọ kẹ tarị-ḅụụ sin tẹ ḅọ ḅara ọkị ḅịa? 27Anie ḅụ ọmịnị Juu-ḅẹ-apụ, Ja asịẹ ḅẹ apụ ma ọ́ kẹ si kiri sịẹma tẹ, ọmịnị Oloko mẹ kan-arị gotẹ; anị kẹẹ koro ọ́ pịrị tẹ ọ́ pịkị ọmịna tarị-ḅụụ sin tẹ sọ; kụma ini meni-oju ḅẹ tarị-ḅụụ mẹ sin-a apụ ma Oloko mẹ koko tẹ. 28Sụntẹ karakara ḅara kẹ tarị-ḅụụ sin tẹ Juu-ḅẹ-ḅọ anie tụḅọ? Anie Juu-ḅẹ ḅọ tẹ tọrụngbọ ẹrịarị tomḅọ tẹ meni-oju ḅẹ tarị-ḅụụ sin wararị ḅọ ḅe-a. 29#Dit 30.6Anie nakara, karakara Juu-ḅẹ ḅọ anie suku-ḅio jụ ḅụ Juu-ḅẹ ḅọ sọ tẹ ḅọ, anie fiearị ye, mḅọ ḅioḅẹngbọ ḅụ mḅọ tarị-ḅụụ sin tẹ; mie mẹ anie Tamụnọ Tẹmẹ ḅe kọrịnama, kẹẹ koro wararị Oloko mẹ-a. Ọkọ sime ḅọ mẹ Tamụnọ anie mḅọ tokiniarị ye, tomi mḅọ tokini-a.
Currently Selected:
Romu 2: KBTP
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria
Romu 2
2
Tamụnọ Ḅẹrẹkọn
1 #
Mat 7.1; Luk 6.37 Ì ikiaḅọ, ị́ jen-apụ kọn, kọn ḅẹḅẹ, ḅọrọ tụḅọ-o, tụḅọ-o sọ, ị́ ḅarị gotẹ so ḅẹ ye nyana-a, í gotẹ ḅẹrẹ-ḅarasii pẹlẹ jen-apụ pịrị ye mẹ sọ mịẹarị sakị goyegoye ị́ pịkị ḅẹrẹ-ḅarasii pẹlẹ ị́ ḅụụ sọ pịrịarị. 2Tamụnọ ḅẹrẹ-ḅarasii pẹlẹ ọkọ sime apụ pịrịarị sakị, wa ẹrịm ọ̀ karakara ḅụ emi. 3Kụma, ị́yẹrị ì ikiaḅọ, ị́ kẹ ḅẹrẹ-ḅarasii pẹlẹ jen-apụ pịrịarị aị ma mie ị́yẹrị sọ mịẹarị aị sakị, ị́ sịn-arị Tamụnọ ḅẹrẹkọn ị́ gbarị ḅẹ? 4Anịanịa, ori iḅi-yemịẹ-ḅara na, ò kiri foofoma mẹ na, ò ye inema mẹ na ị́ tọrụ-ḅaarị ḅoto. Í nimi lama wararị, Tamụnọ amịna iḅi ḅụ ị́ mịẹ tẹ í si ḅụ pịkị ḅẹ ḅara kẹ í ḍiearị. 5Kụma ị́ kọngọ kụrọ na kụrọ ḅioḅẹngbọ na nyana wararị, miemẹ mịẹtẹ Tamụnọ ịganị na ọ̀ karakara ḅẹrẹkọn mẹ na ḅo ḅẹ Ene mẹ ḅụ anị si ị́ pịrị tẹịn ḅa. 6#Dev 62.12; Egb 24.12Gbala ọrụḅọ-ọrụḅọ mịẹ ye anie Tamụnọ ḍiki tẹ mḅọ gbẹẹ ḅarịye. 7Japụ sakị mamgba mịẹtẹ iḅi ẹrẹ na, kụn na sime gbamaso ḍumo na sime ịn pịrị ḅẹ ye ḍọkịarị: sime gbamaso ḍumo anie Tamụnọ pịkị kẹ ịn pịrị ḅarị ye. 8Osi apụ sime tọrụ-kpọ na karakara sịkị tẹ kura-aye fịnama na pịrịm; ini ma Tamụnọ ori opu ịganị kẹ ịna ọgọnọ sara ḅa. 9Siye mịẹarị apụ mamgba tọrụsiẹrị na akụ na da ḅa; anị tarị ọkọ sime Juu-ḅẹ-apụ ma pịrị ḅa, anịtẹso anị pịkị ḅo Ja asịẹ ḅẹ apụ ma la ḅa. 10Kụma iḅiye mịẹarị apụ mamgba Tamụnọ ebube na, kụn na, dein na kẹ ịn pịrị ḅa. Ọ̀ tarị Juu-ḅẹ apụ ma pịrị tẹ so sakị, ọ̀ pịkị Ja asịẹ ḅẹ apụ ma sọ pịrị ḅa. 11#Dit 10.17Kẹ gotẹ ọkọ ḅẹẹarị, gbọrụ ḅara anie Tamụnọ kẹ kịnị mamgba kọn ḅarịye.
12Ja asịẹ ḅẹ apụ ma, Mozizi Oloko mẹ ịn la-a. Oloko mẹ nyana-a ḅara ḅụ in si ḅụ ḅọrọ faarị. Juu-ḅẹ-apụ Oloko mẹ nyana wararị; in si mịẹ-mịẹ, Oloko mẹ anie in ḍiki tẹ ịn kọn ḅarịye. 13Ḅeri ngẹrị kẹ Oloko mẹ naa anie Tamụnọ tọrọkọ tomi kẹ karakara apụ sọmarị ye-a; kụma Oloko mẹ tọn ye mịẹ. 14Ja asịẹ ḅẹ apụ ma Oloko mẹ nyana-a, kụma ịna tẹmẹ aḅioḅẹngbọ ịn ḅẹẹ tẹ ini Oloko mẹ tọn ḅara mịẹ-mịẹ, ini oloko sọ amịna ḅụụ pịrị tẹ, ini Oloko mẹ ḅioju nyana-a sọ. 15Ịna ye-mịẹ-ḅara ḍiearị mịnẹ Oloko mẹ ịna aḅioḅẹngbọ jụ ḅụ kẹẹ wararị. Ịna tẹmẹ aḅioḅẹngbọ sọ ọkọ ọkị wararị, anie ịna akuroma gotẹ ja sakị ḅẹrẹ-ḅarasii pẹlẹ ịn pịrịarị tẹ pịkị ja sakị ịn ḍụarị. 16Mie ḅụ à kẹ ḅo Iḅi Oku mẹ sime-ḅara anie, Tamụnọ Jizọsị Kịrayịsị ḅụ ḅọrọ tẹ tomikiri mẹ kọn ḅarị Ene mẹ, ọrụḅọ-ọrụḅọ ḅioḅẹngbọ suku-ḅio sime ḅọị wararị aị mie ọ̀ kẹ mḅọ kọn ḅarịye.
Juu-ḅẹ-apụ Ma Na Oloko Mẹ Na
17Ị́yẹrị ị́ tọ-ḅara sime? Í Juu-ḅẹ-ḅọ kẹ ị́ ḅụụ sịn-arị. Í Oloko mẹ kẹ ḅiokpọma tẹ Tamụnọ kẹ ḅụụ-bomarịị; 18Tamụnọ ị́ ḅẹẹm mịẹ ḅẹ ye í nimi wararịị; tẹ Oloko mẹ pịkị karakara mịẹ-mịẹ ḅara kẹ í toluma tẹẹ, 19ị́ pịkị ị́ ḅụụ ọkị wararị mịnẹ í etela kẹ tọrụngbọ-pụụntẹ-apụ ḍie tẹ pịkị kanakana ḅio bele sọ tomi pịrị ḅa, 20í ye kẹ oḅori atomi na ye nimi-a apụ na tolumarị. Ị́ ọkị wararị mịnẹ Oloko mẹ ḅụ í nimi mamgba na karakara mẹ na nyana ḅinma wararị. 21Ị́yẹrị ye kẹ ja apụ tolumarị ḅọ, tiye ẹrẹsị ị́ ḅarị ị́ ḅụụ toluma-a? Ị́yẹrị ḍuko jen-apụ pịrịarị, “Ó furu ma,” í furu-a? 22Ị́yẹrị jen-apụ ḅẹẹarị, “Ọ́ ja apụ ereme na tii ma.” Ị́yẹrị í tiegotẹ ja apụ ereme na tii-arị? Í oru-afụḅara tọn-tọnm; í oru awarị fọịn ya? 23Ị́ Tamụnọ oloko mẹ kẹ ḅụụ-bomarị; kụma ị́ arị kan-kan tẹ ḅụụ-jịrị dogi-ḅo Tamụnọ pịrị-a? 24#Ayị 52.5Fịafịa Ḍiri mẹ ḅẹẹm, “Ọmịnị Juu-ḅẹ-apụ ma mie Ja asịẹ ḅẹ apụ gotẹ Tamụnọ fie-simarị ye.”
25Í Oloko mẹ kokoarị ḅẹḅẹ ị́ Tamụnọ gotẹ sin-arị tarị-ḅụụ mẹ sọye mịẹ ị́ pịrị tẹ, kụma í Oloko mẹ kan-arị ḅẹḅẹ ị́ tarị-ḅụụ sin-a iḅi tẹịnm. 26Jen sịẹ ḅẹ ḅọ tarị-ḅụụ sin-a tẹ Oloko mẹ koko kụma Tamụnọ mḅọ kẹ tarị-ḅụụ sin tẹ ḅọ ḅara ọkị ḅịa? 27Anie ḅụ ọmịnị Juu-ḅẹ-apụ, Ja asịẹ ḅẹ apụ ma ọ́ kẹ si kiri sịẹma tẹ, ọmịnị Oloko mẹ kan-arị gotẹ; anị kẹẹ koro ọ́ pịrị tẹ ọ́ pịkị ọmịna tarị-ḅụụ sin tẹ sọ; kụma ini meni-oju ḅẹ tarị-ḅụụ mẹ sin-a apụ ma Oloko mẹ koko tẹ. 28Sụntẹ karakara ḅara kẹ tarị-ḅụụ sin tẹ Juu-ḅẹ-ḅọ anie tụḅọ? Anie Juu-ḅẹ ḅọ tẹ tọrụngbọ ẹrịarị tomḅọ tẹ meni-oju ḅẹ tarị-ḅụụ sin wararị ḅọ ḅe-a. 29#Dit 30.6Anie nakara, karakara Juu-ḅẹ ḅọ anie suku-ḅio jụ ḅụ Juu-ḅẹ ḅọ sọ tẹ ḅọ, anie fiearị ye, mḅọ ḅioḅẹngbọ ḅụ mḅọ tarị-ḅụụ sin tẹ; mie mẹ anie Tamụnọ Tẹmẹ ḅe kọrịnama, kẹẹ koro wararị Oloko mẹ-a. Ọkọ sime ḅọ mẹ Tamụnọ anie mḅọ tokiniarị ye, tomi mḅọ tokini-a.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria