Egberima-Ẹkwẹn 20
20
1Iru ḅụụ ḅaka ị́ mịẹ tẹ í oloku-ma ḅọrọ ḅa, pịkị oḅori-sọ ḅa. Iru ḅuu tọrụ-ḅaamarị ḅọ anie apantu.
2Ịganịarị amadaḅọ ḍiki-ḅalafa-a, ị́ kẹ ekirearị ọkụkụ ḍiki-ḅalafa ḅẹ ḅara pembe ḅara. Ori ịganịma tẹ ị́ ḅụụ ḅaa ma.
3Oḅori ḅọ goḅọ-goḅọ inetẹ ye-nụnụa saakị ḅa; kụn nyana ye tẹ ị́ mịẹ ḅẹ ye anie, ị́ ḅụụ ḅelemaa, anị ḅio.
4Ḍụọ-kọrịḅọ tẹ kọrịnama ḅụụ-lọkọ ḅụ iḅi sakị amịna ḍụọ soku tẹlẹma ḍiḅi pịrị-a ḅọ soku-ḅẹ ye nyana ḅịa soku sakị ḅụ.
5Tomḅọ akuroma ma kịkarị ye anie pokolotẹ suḅe ḅio ḅẹ minji, kụma ye ḅio sime ye-nimiḅọ inetẹ ḍuu pakama-ḅo ḅa.
6Ḅẹḅọ-ḅẹḅọ mḅọ sịḅị-tuu la ḅara na ḅioḅẹngbọ-kẹ-sịrẹrẹ-niḅi ḅara na ḅẹ aị ḍukoarị, kụma ị́yẹrị paa ḅụụkụrọma tẹ karakaramatẹ ọkọ sime ḅọ mẹ ḍọkị-ẹrịị!
7Kịnị mingirima-a, pịkị kuraye mịẹarị ḍaḅọ nyana awọmẹ ma ini iḅi fụḅara sụam.
8Amadaḅọ ḅe lẹgị-lẹgị tẹ ḅẹrẹkọn-arị, ọ̀ pịkị siye nimiarị ori anị ẹrị sakị.
9Tọ gbọrụḅọ inetẹ karakara ḅara kẹ ḅẹẹ ḅa mịnẹ mḅọ tẹmẹ-ḅioḅẹngbọ fịafịa wararị, mịnẹ mḅọ si goyegoye ḅụ ḅara-siin tẹ?
10KỊNỊNYANAḄỌ ḅe kịnị mingirima ye-tọn-aị kẹ ye tọn-arị apụ ḍiki-ḅioḅuarị.
11Kala tụḅọ kịngẹ sọ ọ̀ mịẹarị ye ḅụ ò sime-ḅara ḍie-pakamarị; í inetẹ ḍuko ḅa ọ̀ kịnị mingirima-a tẹ iḅi wararị ḅẹḅẹ.
12KỊNỊNYANAḄỌ ḅe tọrụngbọ kẹ wa pịrịtẹ wa kẹ ye ẹrị, pịkị ḅeri na wa kẹ ye naa.
13Ị́ ị́ nyana sakị kẹ mono fama-fama, í igoin ḅa. Kọrịnama kọrị ma-muu, tẹ ị́ tọnwa fịaị nyana tẹ fị ḅa.
14Ye-fẹarịḅọ mẹ sakị mamgba dẹrị ḅịḅị mẹ iwo ḅakam ḅẹẹarị, kụma anịtẹso mḅọ pịkị-so tẹ ḅụụ-bomarị mḅọ iḅi ḅịḅị kẹ fẹ tẹẹ.
15Ị́ ẹkwẹn-arị ye nimi tẹ ẹkwẹn-arị ḅẹḅẹ, í yela golu na ịn kẹ juwẹlị sịn-arị yela ḅiri aị na nẹngị ye nyana tẹẹ.
16Ḅẹḅọ-ḅẹḅọ tẹ apantu sọ nwenii tẹ minini tẹ kịnị tọrụ-nimi-a ḅọ fị saa ḅẹ onyo-sẹịnḅọ mẹ, ini mḅọ nyana kiri anịanịa warị ọlọ-sịẹma nwenii saa ma gbẹẹ ḅa.
17Kịnị mingirima ḅụ ị́ nyanaḅọ ye mẹ, ẹbịsịya í ḅioḅẹlẹ kẹ anị fị ḅa, iḅi tẹịn fịye ọkụ, kụma ala-a sakị, anịanịa ala sakị ḅụ, anị ị́ ḅịḅị ḅio onwin ḅin wararị ye kịka ḅa.
18Iḅi toluma karakarama ẹkwẹn nyana, anịsakị ye ị́ na iḅi ḅa; ye kẹ ọrụtọn-a ḅara kẹ sakị-paka mu ọmụ gbin ma.
19Ọḅụ-ẹkwẹn kọn-arị ḅọ inetẹ gbala-gbala ḅọị ye koko ḅịa. Ẹkwẹn ḅakarị apụ ḅụụ ị́ ḅụụ ḅelemaa.
20Ị́ ị́ ḍa-na-iyingi-na woriarị ḅẹḅẹ, í ḍumo kunoma ḅarị ḅara kanakana ḅio tọnjọ biin ḅara.
21Ị́ ḅụụ-fụkama-a ḅara kẹ ye kọn ḅẹḅẹ, anie anị kẹ ị́ mịẹ ḅẹ iḅi pịkị ḅo ḅịa ḅara.
22Ḅarana tomḅọ kẹ ị́ mịẹ siye ḅẹ gbẹẹ-ye kẹ mḅọ gbẹẹ ma. KỊNỊNYANAḄỌ ḅe kẹ ḅiokpọmaa, ori anị tẹlẹma ḅa.
23KỊNỊNYANAḄỌ ḅe kịnị mingirima ye-tọn-aị kẹ ye tọn-arị apụ ḍiki-ḅioḅuarị.
24KỊNỊNYANAḄỌ ḅe wa mẹnjị ḅọrọ ḅarị yọ tọn wẹrị wararị; ọkọ kụma ndẹẹ tomḅọ inetẹ mḅọ ḍumo mẹ ọkị ḅarị etela nimi ḅẹ ḅara?
25Iḅiọkụma kuroma lama tẹrẹmẹ ị́ kẹ Tamụnọ pịrị ḅẹ ye mininii. Ẹbịsịya anịtẹso í tiye-ì-gbo ḅẹẹ ḅa.
26Ye-nimi amadaḅọ kura-aye mịẹarị ḅọ ḍọkị pakama-ḅo ḅa, tẹ ọkụrụkụrụ ofori ḅara kẹ ó fomu ḅa.
27KỊNỊNYANAḄỌ ḅe kuroma na tẹmẹ-ḅioḅẹngbọ na kẹ wa pịrịm wa inetẹ ḅụụ ḅọị ḅịa.
28Amadaḅọ da tọrọkọ-tọrọkọ mu ḅa, ori ama-da mẹ ḅụ kịnị mingirima-a na, karakara na, tomḅọ la kiri kẹ mḅọ pịrị na emi ḅẹḅẹ.
29Wa asambịrịma ịnyọ mẹ tokiniarị; pịkị mangịma kẹ omongi ḅụ ḅo iḅulu mẹ pịrịarị.
30Ja sakị ḅụ anị akụye sọ wa pịrịarị wa wa ye mịẹ sime-ḅara ḍima mẹ.
Currently Selected:
Egberima-Ẹkwẹn 20: KBTP
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Nigeria