Kịẹn-aḅịḅị 26
26
Maaịn Karama Kịnị Kịẹn Mẹ
1 #
Kịẹ 1.1-46
Obi fomu-ḅara mẹ ḅọrọ tẹso, KỊNỊNYANAḄỌ ḅe nwẹnị Mozizi na, Agbamịẹḅọ Erọnị owiḅọtụḅọ Ẹlịyeza na ḅẹẹ, 2“Izirẹlị ḅẹ tomina-ogbo mẹmgba kịẹẹn, si akụra sịḅị ḅụ ḅọrọtẹ apụ ḅụ saakị iwoo, ịna aḍapụ awarị ḅụ inimgba tẹ Izirẹlị ḅụ inetẹ ọmụ mu ḅarị apụ.” 3Mozizi na, Ẹlịyeza agbamịẹḅọ ḅe na nwẹnị tomi ma na ẹkwẹn Jeriko ḅụ, Jodanị akaka, Mohabụ ḅẹ ele mẹ ḅio ḅụ, tẹ ḅẹẹm, 4Ó tomi ma kịẹn-ḅịḅị ọkịị. Si akụra sịḅị ḅụ ḅọrọtẹ apụ ḅụ saakị iwoo, KỊNỊNYANAḄỌ ḅe wẹrịtẹ tọn Mozizi pịrị tẹ ḅara ḅụ.
Izirẹlịapụ tẹ Ijiputi ḅẹ ama mẹ ḅụ paka-ḅo apụ anie:
5Rubẹnị, Izirẹlị tarị iyi tụḅọ ḅe. Rubẹnị owiapụ-awọmẹ: Hanọkụ furo-ḅẹ-apụ na, Palụ furo-ḅẹ-apụ na, 6Hẹzịrọnị furo-ḅẹ-apụ na; Kami furo-ḅẹ-apụ na. 7Mịna apụ ma anie Rubẹnị ḅụ paka-ḅo afuro ma ḅẹ apụ; anịsakị ịna kịẹn-ḅịḅị anie: owiapụ sọnọ apuku, esenia ẹndẹ finji na kịnị sonioa asi oyi finji na (43,730). 8Anịsakị Palụ owiḅọtụḅọ anie Ẹlịyabụ. 9Ẹlịyabụ owiapụ-awọmẹ anie Nẹmụwẹlị na, Detanị na, pịkị Abiramu na. Mịna apụ ma anie Detanị na Abiramu amẹẹ ma tẹ tomina-ogbo mẹ ḅụ ịn sẹlẹ-ọkị tẹ mu Kora na ogbo sọ tẹ mu Mozizi na Erọnị na ịgbanịya nyana apụ ma, ịn KỊNỊNYANAḄỌ ḅe na ịgbanịya sakị mẹ, 10tẹ kiri mẹ amịna ḅịḅị finjim, tẹ Kora kẹ ini na sụa mẹnị ọkị gbolomam. Anị ogbo mẹ fị sakị ḅụ, fịnị owiapụ oyia asi na kịnị amesi oyi finji dọkịmam, tẹ ịn ḅo ḅeri nụnụ apụ sọm. 11Anị sime-ḅara sime-ḅara sọ, Kora owiapụ-awọmẹ ma ịn fịị-a.
12Simiyọnị owiapụ-awọmẹ afuro ma wẹrịtẹ sime-ḅara anie: Nẹmụwẹlị furo-ḅẹ-apụ na, Jemịnị furo-ḅẹ-apụ na, Jekini furo-ḅẹ-apụ na, 13Zera furo-ḅẹ-apụ na, Sọlụ furo-ḅẹ-apụ na; 14mịna apụ ma anie Simiyọnị ḅụ paka-ḅo afuro ma ḅẹ apụ; ịna kịẹn-ḅịḅị anie owiapụ maa apuku na jeia ẹndẹ finji na kịnị oyia asi na (22,200).
15Gadi owiapụ-awọmẹ afuro ma wẹrịtẹ sime-ḅara anie: Zifọnị furo-ḅẹ-apụ na, Hagayi furo-ḅẹ-apụ na; Suni furo-ḅẹ-apụ na, 16Ozinayị furo-ḅẹ-apụ na, Iri furo-ḅẹ-apụ na, 17Arọdị furo-ḅẹ-apụ na, Arẹlị furo-ḅẹ-apụ na; 18mịna apụ ma anie Gadi owiapụ-awọmẹ ma afuro ma ḅẹ apụ ma: ịna kịẹn-ḅịḅị anie owiapụ sọnọa apuku na kịnị ẹndẹ sọnọa asi finji (40,500).
19Juda owiapụ-awọmẹ ma anie Ẹrị̀ na Ọnanị na. Kenanị ḅẹ ama ḅụ ịn fịịm. 20Anịsakị Juda jen owiapụ-awọmẹ iyim, tẹ ịna afuro ma wẹrịtẹ sime-ḅara anie: Sẹla furo-ḅẹ-apụ na, Pẹrẹzi furo-ḅẹ-apụ na, Zera furo-ḅẹ-apụ na. 21Pẹrẹzi ḅe owiapụ-awọmẹ anie: Ezirọnị furo-ḅẹ-apụ na, Emulu furo-ḅẹ-apụ na. 22Mịna apụ ma anie Juda afuro ma; ịna kịẹn-ḅịḅị wẹrịtẹ sime-ḅara anie: owiapụ esenia apuku na oyi ngei ẹndẹ finji na kịnị sọnọa asi na (76,500).
23Ịsaka owiapụ-awọmẹ ma, ịna afuro wẹrịtẹ sime-ḅara anie: Tola furo-ḅẹ-apụ na, Puva furo-ḅẹ-apụ na, 24Jesubu furo-ḅẹ-apụ na, Simirọnị furo-ḅẹ-apụ na. 25Mịna apụ ma anie Ịsaka afuro ma, ịna kịẹn-ḅịḅị wẹrịtẹ sime-ḅara anie: owiapụ ninea apuku na jeia asi finji (64,300).
26Zẹbulọnị owiapụ-awọmẹ ma, ịna afuro wẹrịtẹ sime-ḅara anie: Sẹrẹdi furo-ḅẹ-apụ na, Ẹlọnị furo-ḅẹ-apụ na, Jalili furo-ḅẹ-apụ na. 27Mịna apụ ma anie Zẹbulọnị afuro ma ḅẹ apụ ma, ịna kịẹn-ḅịḅị wẹrịtẹ sime-ḅara anie: owiapụ sọnọma apuku oyia ngei ẹndẹ finji na kịnị sọnọa asi na (60,500).
28Josẹfụ owiapụ-awọmẹ ma, ịna afuro wẹrịtẹ sime-ḅara anie: Manasẹ na Iferemu na. 29Manasẹ owiapụ-awọmẹ ma anie: Mahaka furo-ḅẹ-apụ na; anịsakị Mahaka anie pịkị Gilẹdị ḍa; 30mịna apụ ma anie Gilẹdị furo-ḅẹ-apụ ma: Iyeze furo-ḅẹ-apụ na, Hẹlẹkị furo-ḅẹ-apụ na, 31Asiriyẹlị furo-ḅẹ-apụ na, Sẹkẹmụ furo-ḅẹ-apụ na, 32Sẹmida furo-ḅẹ-apụ na, Ẹfa furo-ḅẹ-apụ na. 33Mịọkụ Zelofehadi, Ẹfa owiḅọtụḅọ ḅe gbọrụ owiḅọtụḅọ sọ iyi-a, kụma eremịna-awọmẹ; anịsakị Zelofehadi eremịna-awọmẹ ma ẹrẹ anie Mala na, Noha na, Hogila na, Milika na, Tariza na. 34Mịna apụ ma anie Manasẹ ḅe furo-ḅẹ-apụ ma; anịsakị ịna kịẹn-ḅịḅị anie: owiapụ sonioa apuku oyia ngei ẹndẹ finji na kịnị jeia asi na (52,700).
35Mịna apụ ma anie Iferemu owiapụ-awọmẹ ma, ịna afuro ma wẹrịtẹ sime-ḅara ḅụ anie: Sutela furo-ḅẹ-apụ na, Bika furo-ḅẹ-apụ na, Teyanị furo-ḅẹ-apụ na. 36Anịsakị mịna apụ ma anie Sutela owiapụ-awọmẹ ma: Eranị furo-ḅẹ-apụ ma. 37Mịna apụ ma anie Iferemu ḅẹ owiapụ-awọmẹ ma afuro ma, ịna kịẹn-ḅịḅị wẹrịtẹ sime-ḅara anie: owiapụ inia apuku gbọrụ ẹndẹ na sọnọa asi finji (32,500). Mịna apụ ma anie Josẹfụ owiapụ-awọmẹ ma, ịna afuro ma wẹrịtẹ sime-ḅara ḅụ.
38Benijamịnị owiapụ-awọmẹ ma, ịna afuro ma wẹrịtẹ sime-ḅara ḅụ anie: Bila furo-ḅẹ-apụ na, Asịbẹlị furo-ḅẹ-apụ na, Ayiramụ furo-ḅẹ-apụ na, 39Sẹfufamụ furo-ḅẹ-apụ na, Ufamụ furo-ḅẹ-apụ na. 40Anịsakị Bẹla owiapụ-awọmẹ ma anie Aridi na Nahamanị na. Aridi furo-ḅẹ-apụ na, Nahamanị furo-ḅẹ-apụ na. 41Mịna apụ ma anie Benijamịnị owiapụ-awọmẹ ma, ịna afuro ma wẹrịtẹ sime-ḅara ḅụ ịna kịẹn-ḅịḅị anie: owiapụ sọnọa apuku na ngei ẹndẹ fa jei na (45,600).
42Mịna apụ ma anie Danị owiapụ-awọmẹ ma, ịna afuro ma wẹrịtẹ sime-ḅara ḅụ anie: Suyamụ furo-ḅẹ-apụ ma. Mịna apụ ma anie Danị afuro ma ḅụ furo-furo ma wẹrịtẹ sime-ḅara. 43Suyamụ furo-ḅẹ-apụ mamgba afuro ma wẹrịtẹ sime-ḅara ḅụ ịna kịẹn-ḅịḅị anie owiapụ ninea apuku na gbọrụ ẹndẹ na (64,400).
44Asa owiapụ-awọmẹ ma ịna afuro ma wẹrịtẹ sime-ḅara ḅụ anie; Ịma furo-ḅẹ-apụ na, Isivi furo-ḅẹ-apụ na, Bẹraya furo-ḅẹ-apụ na. 45Bẹraya owiapụ-awọmẹ ma anie: Hẹba furo-ḅẹ-apụ na, Malikịyẹlị furo-ḅẹ-apụ na. 46Anịsakị Asa ẹrẹḅọtụḅọ ma ẹrẹ anie Sera. 47Mịna apụ ma anie Asa owiapụ-awọmẹ ma afuro ma, ịna sime-ḅara ḅụ ịna kịẹn-ḅịḅị anie owiapụ sonioa apuku oyi tẹra ẹndẹ finji na kịnị oyia asi na (53,400).
48Nafutali owiapụ-awọmẹ ma, ịna afuro wẹrịtẹ sime-ḅara anie: Jazili furo-ḅẹ-apụ na, Guni furo-ḅẹ-apụ na, 49Jizẹ furo-ḅẹ-apụ na, Silemu furo-ḅẹ-apụ na. 50Mịna apụ ma anie Nafutali afuro ma ḅụ furo-furo ma wẹrịtẹ sime-ḅara ḅụ ịna kịẹn-ḅịḅị anie: owiapụ sọnọa apuku oyi tẹra ẹndẹ finji na oyia asi na (45,400).
51Miemẹ anie Izirẹlịapụ ma kịẹn-ḅịḅị mẹ anị sakị mẹ ḅụ: owiapụ puku atesi oyi finji na sọnọa apuku na, inia ẹndẹ na sọnọa asi suei finji na (601,730).
52 #
Kịẹ 34.13; Jọs 14.1,2 KỊNỊNYANAḄỌ ḅe nwẹnị Mozizi ḅẹẹ, 53“Mịna apụ ma mie sime-anga gotẹ ị́ ama ma ḍiema pịrị ḅarị apụ ẹrẹ, ẹrẹ ma kịẹn-ḅịḅị wẹrịtẹ la ḅara ḅụ. 54Ị́ ḍụḅatẹ sime-anga kẹ opu furo pịrị ḅa, anịsakị ị́ kala sime-anga kẹ kala furo piri ḅa; furo goyegoye ḅẹ kịẹn-ḅịḅị la ḅara mie anị ḅẹ sime-anga pịkị pịrị ḅarị ḅara. 55Kụma apịan sụa ḅụ mie í kiri mẹ ḍie ḅarịye ịna aḍapụ ma afuro ma ẹrẹ ma wẹrịtẹ sime-ḅara ḅụ mie ịn ḍuu mẹ fị ḅarị ḅara. 56Ịna sime-anga mẹ apịan sụa ḅụ mie ḍụḅatẹ ye mẹ na, kalịye mẹ na ogboku ḅụ anị ḍiema ịn pịrị ḅarịye.”
57Mịna apụ ma anie ịn wẹrịtẹ kịẹn ḅara ḅụ Livayị furo-ḅẹ-apụ ịna afuro ḅụ; Gasọnị ḅụ, Gasọnị furo-ḅẹ-apụ na; Kohatị ḅụ, Kohatị furo-ḅẹ-apụ na; Mẹrarị ḅụ, Mẹrarị furo-ḅẹ-apụ na. 58Mịna apụ ma anie Livayị afuro ma: Libini furo-ḅẹ-apụ na, Hẹbụrọnị furo-ḅẹ-apụ na, Mali furo-ḅẹ-apụ na, Musi furo-ḅẹ-apụ na, Kora furo-ḅẹ-apụ na. Kohatị anie Amụramụ ḍa. 59Amụramụ ta ma ẹrẹ anie Jokibẹdị, Livayị ẹrẹḅọtụḅọ, tẹ Ijiputi ḅụ ini iyi ọ̀ pịrị ḅọ, tẹ arị Erọnị na, Mozizi na, ịna ịyịmbara Mirihamụ na iyi Amụramụ pịrịm. 60#Kịẹ 3.2Anịsakị ini iyi Erọnị pịrị apụ anie Nadabụ na, Abihu na, Ẹlịyeza na, Itama na. 61#Lẹv 10.1,2; Kịẹ 3.4Kụma Nadabụ na, Abihu na fịịm, ịn fịafịa-a fịnị kẹ KỊNỊNYANAḄỌ ḅe tọrọkọ agba mịẹ sakị ḅụ. 62Anịsakị Livayị furo-ḅẹ-apụ ma ḅụ ịn kịẹn apụ anie kịnị maa ẹndẹ oyia asi finji ofori kịnị tẹra apuku (23,000). Gbọrụ akalụ sịḅị ḅụ ḅọrọtẹ owiḅọ ḅụ saakị iwo ịn kịẹnm, ịn kẹ gotẹ ọkọ kịẹn ye, ịn sime-anga sikima in pịrị-a ẹrẹsị ini in kẹ Izirẹlịapụ ma ogbo-ḅio ḅụ kịẹn suu-a.
63Mịna apụ ma anie ini ma tẹ Mozizi na Ẹlịyeza, agbamịẹḅọ ḅe na tẹ Jeriko ḅụ, Jodanị mẹ akaka, Mohabụ ḅẹ ele mẹ ḅio Izirẹlịapụ ma kịẹn wararị apụ ma, kịẹn apụ ma. 64Kụma mịna apụ ma ogbo-ḅio ḅụ Mozizi na Erọnị agbamịẹḅọ ḅe na tẹ Sayịnayị ḅẹ Ịkpa mẹ ḅio Izirẹlịapụ ma kịẹn apụ ma ḅụ ḅẹ gbọrụḅọ tẹ ịn kịẹn ḅọ ofori. 65#Kịẹ 14.26-35Anị kẹ gotẹ ọkọ mịẹ ye ịn gbolomaye ḅụ KỊNỊNYANAḄỌ ḅe ḅẹẹ tẹ, “Ịkpa mẹ ḅio ịn fịị ḅa.” Gbọrụ tomḅọ sọ ịna aḅụụ kọn-a, Kẹlẹbụ, Jefune owiḅọtụḅọ ḅe na, Jọsụwa, Nọnị owiḅọtụḅọ ḅe na sikima.
Currently Selected:
Kịẹn-aḅịḅị 26: KBTP
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria
