Lẹvitikọsị 12
12
Tụḅọ Iyi Ẹrẹḅọ Mịẹ Fịafịama Ḅara
1KỊNỊNYANAḄỌ ḅe nwẹnị Mozizi ḅẹ 2“Izirẹlịapụ ma ḅẹẹ, ẹrẹḅọ sime-kọn tẹ owiḅọtụḅọ iyi-iyi anị sakị mẹ á so ẹrịarị sakị ḅụ á fịafịa-a ḅara mie sọnọma aḍin ḅụ á fịafịa ḅịa ḅara. 3#Suk 17.12; Luk 2.21Anịsakị nine aḍin karama ene ḅụ ịn tụḅọ ḅe tarị-ḅụụ sin ḅa, 4Anịtẹso á ḅụụ ḅụ sara ọmbie mẹ ḅụ á ḅụụ mịẹ fịafịama ḅẹ ẹrẹsị á ḍin suei, tẹra aḍin finji kẹ sime ma-mu ḅa; sikima Tamụnọ fịrị mẹnjị pịrị gbọrụ fịafịa ye sọ á ḅara kẹ lama ma, á pịkị fịafịa yọ mẹ sọ ma nwenii árị á ḅụụ mịẹ fịafịama ene ma kara ḅa. 5Kụma á nwẹnị ẹrẹḅọtụḅọ iyi ḅẹḅẹ, anịrẹ á So ẹrịarị sakị ḅụ á fịafịa-a ḅara, á maa fẹnị-anga kẹ fịafịa ḅịa ye. Anịtẹso á ḅụụ sararị ọmbie mẹ ḅụ á ḅụụ mịẹ fịafịama ḅẹ ẹrẹsị, arị inia aḍin ofori ḍin atesi oyi finji (66) kẹ sime tọrọkọ mu ḅa.
6“Á ḅụụ mẹ fịafịama ene ma kara tẹso, anị ḅọrọ owiḅọtụḅọ-o, ẹrẹḅọtụḅọ-o, á nwẹnị Kobiri Akpụrụ-warị mẹ ḅọkọ ḅụ tụḅọ mẹ gotẹ gbọrụ kụra sịḅị ḅụ ḅọrọtẹ anana ọkị-ḅo agbamịẹḅọ ḅe pịrị ḅa dọkịma-agba mịẹ gotẹ, á pịkị si sin agba mịẹ gotẹ asambịrịma gbọrụ nwẹẹrẹsị, anịanịa gbọrụ olosịkịya ọkị-ḅo ḅa. 7Anịsakị ọ̀ KỊNỊNYANAḄỌ ḅe tọrọkọ ḅụ agba mẹ mịẹ ḅa, tẹ si-wẹrịso ḅẹrẹ fama á pịrị ḅa anịtẹrẹmẹ arị á ḅụụ sara ọmbie mẹ ḅụ fịafịa ḅa. Miemẹ anie sime arị ma tẹ sime kọn tẹ owiḅọtụḅọ-o, ẹrẹḅọtụḅọ-o iyi ẹrẹḅọ ma pịrị oloko mẹ. 8#Luk 2.24Á nwẹnị inetẹ anana nyanatẹ ọkị-ḅo ḅịa ḅẹḅẹ, anịrẹ arị asambịrịma nwẹẹrẹsị amẹngbọ, anịanịa olosịkịya amẹngbọ ọkị ḅa, gberie sime dọkịma-agba mẹ pịrịm, osi ye sime si sin agba mẹ pịrịm; tẹ agbamịẹḅọ ḅe si-wẹrịso ḅẹrẹ fama á pịrị ḅa, tẹ á fịafịa ḅa.”
Currently Selected:
Lẹvitikọsị 12: KBTP
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria
