Hosiya 6
6
Tomi ma Tẹmẹ-la-a Si-ḅụ-pịkị Mẹ
1Tomi ma ḅẹẹarị, “Ó yee wa pịkị KỊNỊNYANAḄỌ ḅe dama-mu! Ó ye kẹ wa lama tẹ, kụma piki-pikiye-ofori ò wa gwọ ḅa; ọ̀ wamịna ḅụụ ịnọ pakama tẹ, kụma ọ̀ wamịna ịnọ ma fịna ḅa, ori ọkọ mịẹ ḅịa aro? 2Maa aḍin anịanịa tẹra aḍin sakị ḅụ ọ̀ mịẹ tẹ wa naa saakị ḅa, tẹ wa ọ̀ tọrọkọ anga ḅa. 3Ó yee wa ḅụụkụrọma tẹ KỊNỊNYANAḄỌ ḅe nimi. Gbarịma-a ḅara ḅụ ó ḅo wa la ḅa ḅaaene ḅo ḅara ḅụ, opuma sara tẹ kiri pisimarị eene ḅara ḅụ.”
4Kụma KỊNỊNYANAḄỌ ḅe ḅẹẹarị, “Izirẹlị na Juda na, àrị ọ́ kẹ mịẹ ḅẹ-yearị ye tiye? Ọ́ nyana ị̀ pịrị ḅẹlẹma sarama soarị ḅara dede si-so kaan-so ḅara anị dede igirigi kịkarị anie dede-funfun ịmaịn-faarị ye mẹ. 5Anie mie à gotẹ ị̀ ịkịankoroapụ kẹ ọ́ fịrịmarị ini ị̀ ḅẹrẹkọn na guluguluma na oku kẹ ḅo ọ́ pịrị. Àrị ọmịna ḅara ḅiiarị ye banabana wararị pịkị giregire wararị: 6#Mat 9.13; 12.7Àrị ọmịna ḅara ḅiiarị ye sakị mamgba emi ḅẹlẹma, nama agba-a. À ḅiim ị̀ atomi ị̀ nimi, dọkịma-agba mịẹ-mịẹ ị̀ pịrị-a.”
7Ini amakiri mẹ sọ-mu gbọrụ-kirikiri, ini Adamụ kịka tẹ àrị ini na mịẹ ọḅọkụ mẹ kanm. 8Giliyadi opu ama mẹ ḅio si-mịẹapụ na kịnị-ḅaapụ na ḅin wararị. 9Agbamịẹapụ ma kịkarị apụ kụrọ-ḅara kẹ ja apụ aị ọkị ḅẹ tẹ piri akaka tomḅọ ẹbịarị apụ ogbo. Mẹnjị Sẹkẹmụ ḅụ ḅọrọ mu fịafịa yọ la-la etela ogbo mẹ kịngẹ ḅụ sọ ịn kịnị ḅaarị. Tẹ mị si mẹmgba ịn tọrụ-gelegele mịẹarị! 10À sịḅị-jịrịmaye ẹrị tẹẹ Izirẹlị ḅụ: ị̀ atomi ịna aḅụụ pilematẹ sunsin oru-afụḅara pịrị ḅụ.
11Tẹ ọmịnị Juda ḅẹ apụ kịngẹ kụma à fomu-ḅara kẹ ọmịnị sọ pịrị ḅẹ sakị tọn-pẹlẹ tẹ ọ́ mịẹarị aị gotẹ.
Currently Selected:
Hosiya 6: KBTP
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Nigeria