Hosiya 1
1
1 #
2 Ama 15.1-7; 2 Pkị 26.1-23;
2 Ama 15.32-38; 2 Pkị 27.1-8;
2 Ama 16.1-20; 2 Pkị 28.1-27;
2 Ama 18.1—20.21; 2 Pkị 29.1—32.33;
2 Ama 14.23-29
Mie KỊNỊNYANAḄỌ ḅe kẹ Hosiya, Bẹrị tụḅọ ḅe pịrị oku mẹ, Uzaya na, Jotamụ na, Ahazi na Hẹzịkaya na Juda ḅụ ama-da sime asakị mẹ, tẹ Jerobohamụ, Jehohazị tụḅọ ḅe pịkị Izirẹlị ḅụ ama-da sime sakị mẹ.
Hosiya Ẹrẹḅọ-sime Tẹ Awọmẹ Iyim
2KỊNỊNYANAḄỌ ḅe tarị-tarị Hosiya ḅụ ḅọrọ tẹ ẹkwẹn Izirẹlị pịrị sakị, ori Hosiya ḅẹẹm, “Mu ẹrẹḅọ simee; ị́ ta ma á sẹfị ḍumo kọn ḅa, tẹ ị́ awọmẹ sọ á kịka tẹ á sime-ḅara sime ḅa. Anị gbọrụ ḅara ḅụ, ị̀ atomi sẹfị#1.2 Sẹfị fiearị ye mịanga anie, oru-atamụnọ tẹkẹ tẹ ì koroma-so tẹẹ.”
3Mie ḅụ Hosiya nwẹnị Goma, Dibilemu ẹrẹḅọtụḅọ ma sime. Árị á tarị tụḅọ iyim, owiḅọtụḅọ. 4#2 Ama 10.11KỊNỊNYANAḄỌ ḅe nwẹnị Hosiya ḅẹẹ, “Jẹzirili#1.4 Jẹzirili fiearị ye, Tamụnọ ḍiḅiarị kẹ ọ̀ sịịn, kẹ gotẹ ọkọ ḅẹẹarị, ala ḅịa sakị ḅụ, àrị ori elemu ḍaḅọ Jehu Jẹzirili ḅụ kura-a ḅara kẹ ḅaa apụ ma gbẹẹfị fomu-ḅara kẹ Izirẹlị ḅẹ amadaḅọ ḅe pịrị ḅa. À Jehu amada-furo mẹ kunoma ḅa. 5Tẹ Jẹzirili tụndụ-suku mẹ ḅụ àrị Izirẹlị ọmụ kụrọ mẹ guluguluma ḅa anị ene mẹ ḅụ.”
6Goma maaịn karama tụḅọ iyim; mị sakị ẹrẹḅọtụḅọ. KỊNỊNYANAḄỌ ḅe Hosiya ḅẹẹm, “Á sịịn, Lo-ruhama#1.6 Lo-ruhama fiearị ye, Ọkụrụkụrụ Nyana-a, kẹ gotẹ ọkọ ḅẹẹarị, à ḅarị jen kẹ ọkụrụkụrụ nyana Izirẹlịapụ ma pịrị ḅịa, anịanịa si-wẹrịso ịn pịrị. 7Kụma Juda ḅẹ apụ ma, yẹrị KỊNỊNYANAḄỌ ịna Tamụnọ ḅe ọkụrụkụrụ nyana ịn pịrị tẹ ịn ḅọrọma ḅa — àrị iboli na, okologie na, ọmụ na, asụ na, asụ-ọgọnọ ọmụgbin-apụ na kụrọ kẹ ịn ḅọrọma ḅịa.”
8Goma ẹrẹḅọtụḅọ ma ndo-kụma tẹso, á jen fura tẹ pịkị jen owiḅọtụḅọ iyim. 9KỊNỊNYANAḄỌ ḅe Hosiya ḅẹẹm, “Ọ̀ sịịn, Lo-ami#1.9 Lo-ami fiearị ye, Ị̀ atomi-a, kẹ gotẹ ọkọ ḅẹẹarị, Izirẹlịapụ ma ị̀ atomi-a, tẹ yẹrị sọ pịkị ịna Tamụnọ-a.”
Izirẹlịapụ Ma Siin Pịkịma-ḅo Ḅa
10 #
Rom 9.26
Izirẹlịapụ ma ḅo tọrụ-kọngọ ḅẹ onwi na kịka ḅa, ịn ḅaka ḅarị ḅara kịẹnkịẹn-ọkụ-ofori ḅara anịanịa iku-la-ḅara tọn-ḍikiḍiki-a ḅara. Mịọkụ Tamụnọ ịn ḅẹẹm, “Ọmịnị ị̀ atomi-a,” kụma gbọrụ ene ḅụ ori ịn ḅẹẹ ḅa, “Ọmịnị ḍumo wararị Tamụnọ ḅe awọmẹ!” 11Juda ḅẹ apụ ma na Izirẹlịapụ ma na gbọrụ apụ sọ ḅa. Ịn gbọrụ sịḅịdaḅọ sẹlẹ-pakama-ḅo ịna aḅụụ pịrị ḅa, tẹ gbọrụ sakị kẹ siin ịna amakiri mẹ ḅụ gburo-gburotẹ lolo ḅa. Inn, Jẹzirili ene mẹ gburo-gburotẹ ene sọ ḅa!
Currently Selected:
Hosiya 1: KBTP
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Nigeria