1 Kọrịntị Suku-saakị Ẹkwẹn
Suku-saakị Ẹkwẹn
Pọlụ kẹẹ tẹ kẹ Kọrịntị ḅẹ apụ fịrịma Tarị Ḍiri mẹ ọ̀ kẹẹ tẹ kẹ Kịrayịsị ḍukamẹnjịapụ ḍumo na mininiye na ḅụ simearị ḅụụ-fụkama aị tẹlẹma ḅẹm, anie Kọrịntị ḅẹ sọsị mẹ tẹ Pọlụ ḅarana pakama ye mẹ ḅio sime aị. Anị sakị ḅụ Kọrịntị anie ama sịẹ-sịẹ ḅẹ apụ anga sime Girisi ḅẹ opu ama, anie Romu ḅẹ apụ da sime yọ mẹ tẹ Akaya nwẹn-sịn ibe mẹ ḅẹ sịḅịda ama. Kịnị kẹ kpọma anị nimi aị anie opu tuḅokọn, kẹ ḅụụ-tọn tọn ama mịẹ mịẹye na, kiki ofori ḅara kẹ sẹfị bebe ama mẹ ḅụ, na kịrị-kịrị atamụnọ tẹkẹ ḅara na.
Fịrịmẹnjịḅọ ḅe ḅụụ kụrọ-tẹịn aị anie, ḅụụ-fụkama aị tẹ pua na sẹfị na tẹ sọsị mẹ ḅio sime aị ma, pịkị owiḅọ na ẹrẹḅọ na gboloma na sime na gboloma gbela aị na, tẹmẹ ḅioḅẹngbọ gboloma aị na, sọsị ọrụtọn ḅara, na Fịafịa Tẹmẹ ḅe ḍiepịrị-aị na fị-ḅụ-saakị mẹ na. Pokolotẹ ḅara kẹ ye ḍiki ḅụ ó ḍie-pakamarị Iḅi Oku mẹ wẹrịtẹ ẹkwẹn mịna aị ma gbela aị ma pịrịarị ḅara.
Oyi tẹrẹị finji (13) karama ḅẹrẹ-sịḅị, tẹ ḅẹlẹma anie Tamụnọ kẹ ori atomi pịrịarị ḍiepịrị-aị ma ḅụ tẹịn ye nwẹn ḅẹẹ ḅara ḍie-pakamarị ye mẹ, anie, ye sime-ḅara kẹ anị ḍiki ḅụ, mị ḍiri mẹ ḅio kịnị nimi tẹịn anga.
Ḍiri Mẹ Ḅio Simearị-aị
Suku-saakị Ẹkwẹn 1.1-9
Sọsị mẹ ḅio sime gbọrụ-ḅịḅị-fiea kịrị-kịrị ogbo 1.10—4.21
Owiḅọ na ẹrẹḅọ na kura ḅara kẹ gboloma na diḅọ na anga gboloma ḍumo na 5.1—7.40
Kịrayịsị ḍukamẹnjịapụ na Tamụnọ minini-a apụ na 8.1—11.1
Sọsị ḍumo ḅara na sunsin Tamụnọ pịrị na 11.2—14.40
Kịrayịsị fị-ḅụ-saakị mẹ na ò minini apụ fị-ḅụ-saakị na 15.1-58
Oso Judiya ḅụ sime Kịrayịsị ḍukamẹnjịapụ pịrị igbigi mẹ 16.1-4
Tomḅọ sịḅị-sịḅị gboloma aị na gbaịn na 16.5-24
Currently Selected:
1 Kọrịntị Suku-saakị Ẹkwẹn: KBTP
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Nigeria