Ịzakaraya 2
2
Ọnọrụ ana sị obo ọyịmọ̄ ịsa rị ụvọ.
1Ịzakaraya ka ọnị ộ kana eyi va hịrẹ, dị ọnị re ọnọrụ ọnya aanị ana sị obo ọyịmọ̄ ịsa rị ụvọ nị. 2Ọnị ộ họ̀ ọ ka ịzị aa nọ? Dị ọ tụ́ ohi ka, ọnị aa na mọ̀ Ijerusarẹmị, dị ọnị ọ́ yẹ ọ mẹmẹ gana ọnịrị ọ mẹmẹ gọdọ. 3Dị anggẹẹrị ene pe e ka ịrẹyị aanị para ọnị hu, dị anggẹẹrị ọsa ve tụ́ ọnị nị. 4Dị ọ ka oni o zwe na ka yị ozwọọmụha ọnọọ, ka Ijerusarẹmị aa vaa vara ẹkụra ẹnẹ ẹ yị nyị ọvọ. Ọnị ọ vavọọ na kà a agụvị aza ọrụrụ ọnịrị ịsụpa ọdẹngụ ene hi ịzọọ. 5Ẹnẹyịmavara kà a ọnị ụvọta vee sere wa, dị ọnị vị́ ịra kara wa anka ọvọ avọọ. Ụbanyị anị vaa ya ịnị ayị ẹnịnị. 6Ẹnẹyịmavara kà a ẹnịnị e juntu-juntu zwe hụụnị ẹtẹ eyi ẹbẹẹba agụvị ka ọnị ọ raa gara wa tụ́ oze ahị ẹbẹẹba ẹẹna. 7Ọ kà Anịzayọnị nịnị ana ra Ịbabịrọnị e juntu-juntu zwe hụrẹ ịzọọ vẹ Ijerusarẹmị. 8Ịsị Ẹnẹyịmavara Ochẹtẹẹngụ ana nyị ụbanyị kà ya anẹkụra nịnị ana sị ụkata kụ́ ogu aza anị yị; Ọ kà ọza tụra ọza ana a kanyị wa, ọ raà jị ụvọ ngụ ọnị eyi. 9Ẹnẹyịmavara Ochẹtẹẹngụ kà ọnị ụvọta vaa kwẹẹtẹ tù wa, dị ọrịhị ẹnịnị ẹnị rẹ sị ụkata-ụkata kụ́ wa ẹnya. Ịjọnọọ ẹnịnị vaa yẹ ka Ẹnẹyịmavara Ochẹtẹẹngụ ọ tụ́ ọnị ụtụ nị. 10Ẹnẹyịmavara kà aza ene hi Ịzayọnị ẹẹ jị ahẹ, dị ẹẹ jẹ ịrajẹ agụvị ka ọnị aa vaa ra beri wa. 11Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị. 12Ẹnẹyịmavara vaa sị Ijuda vị ogu ọtirenyi yị ẹngụ anị ịnị ẹtẹ anị, dị Ijerusarẹmị vị ẹkụra ọnị o sì ịrẹyị anị hu kere-kere. 13Avaba aza ẹ mẹ hẹẹ ọvịdị Ẹnẹyịmavara, agụvị ka ọ sị kwẹẹtẹ hụrị aha ọnọnị anị aa vẹ.
Currently Selected:
Ịzakaraya 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịzakaraya 2
2
Ọnọrụ ana sị obo ọyịmọ̄ ịsa rị ụvọ.
1Ịzakaraya ka ọnị ộ kana eyi va hịrẹ, dị ọnị re ọnọrụ ọnya aanị ana sị obo ọyịmọ̄ ịsa rị ụvọ nị. 2Ọnị ộ họ̀ ọ ka ịzị aa nọ? Dị ọ tụ́ ohi ka, ọnị aa na mọ̀ Ijerusarẹmị, dị ọnị ọ́ yẹ ọ mẹmẹ gana ọnịrị ọ mẹmẹ gọdọ. 3Dị anggẹẹrị ene pe e ka ịrẹyị aanị para ọnị hu, dị anggẹẹrị ọsa ve tụ́ ọnị nị. 4Dị ọ ka oni o zwe na ka yị ozwọọmụha ọnọọ, ka Ijerusarẹmị aa vaa vara ẹkụra ẹnẹ ẹ yị nyị ọvọ. Ọnị ọ vavọọ na kà a agụvị aza ọrụrụ ọnịrị ịsụpa ọdẹngụ ene hi ịzọọ. 5Ẹnẹyịmavara kà a ọnị ụvọta vee sere wa, dị ọnị vị́ ịra kara wa anka ọvọ avọọ. Ụbanyị anị vaa ya ịnị ayị ẹnịnị. 6Ẹnẹyịmavara kà a ẹnịnị e juntu-juntu zwe hụụnị ẹtẹ eyi ẹbẹẹba agụvị ka ọnị ọ raa gara wa tụ́ oze ahị ẹbẹẹba ẹẹna. 7Ọ kà Anịzayọnị nịnị ana ra Ịbabịrọnị e juntu-juntu zwe hụrẹ ịzọọ vẹ Ijerusarẹmị. 8Ịsị Ẹnẹyịmavara Ochẹtẹẹngụ ana nyị ụbanyị kà ya anẹkụra nịnị ana sị ụkata kụ́ ogu aza anị yị; Ọ kà ọza tụra ọza ana a kanyị wa, ọ raà jị ụvọ ngụ ọnị eyi. 9Ẹnẹyịmavara Ochẹtẹẹngụ kà ọnị ụvọta vaa kwẹẹtẹ tù wa, dị ọrịhị ẹnịnị ẹnị rẹ sị ụkata-ụkata kụ́ wa ẹnya. Ịjọnọọ ẹnịnị vaa yẹ ka Ẹnẹyịmavara Ochẹtẹẹngụ ọ tụ́ ọnị ụtụ nị. 10Ẹnẹyịmavara kà aza ene hi Ịzayọnị ẹẹ jị ahẹ, dị ẹẹ jẹ ịrajẹ agụvị ka ọnị aa vaa ra beri wa. 11Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị. 12Ẹnẹyịmavara vaa sị Ijuda vị ogu ọtirenyi yị ẹngụ anị ịnị ẹtẹ anị, dị Ijerusarẹmị vị ẹkụra ọnị o sì ịrẹyị anị hu kere-kere. 13Avaba aza ẹ mẹ hẹẹ ọvịdị Ẹnẹyịmavara, agụvị ka ọ sị kwẹẹtẹ hụrị aha ọnọnị anị aa vẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.