Ịzakaraya 1
1
Ẹnẹyịmavara ộ hị́ Anisirẹrị nịnị ka e ro ịnẹ
1 #
Ẹzị 4.24—5.1; 6.14 Â nyị ọnịsẹ aanị ana a hị́ Ịzakaraya ana vị ozi Ịbẹrẹkiya ana vị ozi Ido. Ịnị ụhwẹ ịhịnta ịnị ịrayị ọhụva ọnị Ịdarịyọsị rị ohinọyị, Ẹnẹyịmavara tụ́ ọ ụtụ hí Anisirẹrị nịnị nị. 2Ọ kà Ẹnẹyịmavara ộ kụ́ ayị hí ohiku Anisirẹrị nịnị ẹtẹẹtẹrẹ, 3avọọ ọ ka ọnị ọ ka yị wa ka, ọnị Ẹnẹyịmavara Ochẹtẹẹngụ ka, ẹnịnị ẹ varẹma ka ọnị vẹ, dị ọnị ọ rẹ varẹma ka wa na. 4Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara. 5Ohiku ẹnịnị ẹnịrị ọnịsẹ ẹnẹẹ ê wusu 6Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị. 7Ịnị ẹkụhị ohurẹẹna ịnị ụhwẹ ẹwụrọnya ana aa hị́ Ịsẹbatị, ịnị ịrayị ọhụva ọnị Ịdarịyọsị rị ohinọyị, Ẹnẹyịmavara kà ịrẹyị yị ọnịsẹ Ịzakaraya ozi Ịbẹrẹkiya ana vị ozi Ido nị. Ịzakaraya ka; 8#Ẹtẹ 6.4; Ẹtẹ 6.2ịrahụ ọnị maa sụ ara, ọnị ò re ọnọrụ ọnya aanị ka ọ tụra umaata ovivi jẹẹ ịnị akakana ọchị ana aa hị́ imatiri ini ozi. Aza ene hi ịrẹma anị vị ana tụra umaata ovivi ọnịrị ọndadu neberi ọvwọọvọ. 9Dị Ịzakaraya họ̀ ọga use ka ịsị ẹsẹnị vị? Dị anggẹẹrị ene ee pe e ka ịrẹyị tụ́ ọ ohi ka, ọnị vaa sị zụ ọ ịsị ẹ jẹẹ yị. 10Dị ọza anaa jẹẹ ịnị akakana ọchị imatiri ẹnẹẹ kà a yọ ka, aza ọnị ọnị ee re aanị ẹ vị aza ọnị Ẹnẹyịmavara tụ́ ụtụ ka ene chire ẹhẹ ahụ zịịzị nị.
11Dị aza ana tụra umaata kà enube yị anggẹẹrị Ẹnẹyịmavara ịpaapa ana jẹẹ ịnị akakana ọchị Imatiri. Ẹ kà ẹnị ẹ raà ngụ avaba ịrẹsụ ẹtẹ, dị ẹnị re ka avaba ẹhẹ vị ana ya ịnị ẹngwọọrọ. 12Dị anggẹẹrị ọnọọ họ̀ Ẹnẹyịmavara Ochẹtẹẹngụ ka ịzị o vee ku ne tù dị ọ vaa nyị ayamva yị Ijerusarẹmị ọnịrị ẹkụra ene hi ịnị ẹtẹ Ijuda? Ộ sị mẹ ịrayị ẹtarẹwụ ọnị ọ hụrẹ aa kụ́ ayị hi anẹkụra ẹnẹẹ. 13Ẹnẹyịmavara ô si ohi ẹngwọọrọ ana zụ sị ayị ọza nẹtẹ yị anggẹẹrị ene pe ka ịrẹyị aanị. 14Dị anggẹẹrị ene pe Ịzakaraya kà ịrẹyị aanị kà ọ nọ́ ka Ẹnẹyịmavara Ochẹtẹẹngụ aa kụ́ ụhị Ijerusarẹmị ọnịrị Ịzayọnị. 15Ọnị nyayịnẹ ee du ayị hi anẹkụra nịnị ana vọ ene ro ka ẹnị ẹ nyị ẹngwọọrọ. Ọnị vị ana kụ́ ayị chee hi aza anị dị ẹnịnị sị ụya rị wa hu avọọ nị. 16Avọọ Ẹnẹyịmavara kà a ọnị vaa varẹma nyị ayamva yị Ijerusarẹmị, dị a varẹma tenyi irehi anị dà. Ẹnẹyịmavara Ochẹtẹẹngụ kà Ijerusarẹmị vị ọnị e vee tenyi dà. 17Anggẹẹrị ọnọọ kà Ịzakaraya ọ rẹ kà a ka Ẹnẹyịmavara Ochẹtẹẹngụ kà ọ varẹma zee yị ẹkụra nịnị. Ọnị vaa gụ Ịzayọnị ụvọ, dị ọnị nyị Ijerusarẹmị ka ọ vị anị. 18Ịzakaraya ka ọnị mẹ kana eyi tụ́ ẹbẹẹba, dị ọnị re ọpanyị ẹẹna nị. 19Dị ọnị họ̀ anggẹẹrị ene ee pe e ka ịrẹyị ka ịsị ẹsẹnị vị aanị? Di o tụ ohi ka ọpanyị ẹnịnị ệ gara Ijuda ọnịrị Isirẹrị beri Ijerusarẹmị ha nị. 20Dị Ẹnẹyịmavara sị angẹrẹ ẹẹna zụ ọnị 21Dị Ịzakaraya họ̀ ọ use ka, sị aza ẹnịnị áá vaa mẹ? Dị Ẹnẹyịmavara kà a vẹ ve chire wa angwa, dị ọ va ụkata anẹkụra ene vu Ijuda dị ẹ gara aza anị hi ẹhẹ nẹtẹ nị.
Currently Selected:
Ịzakaraya 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịzakaraya 1
1
Ẹnẹyịmavara ộ hị́ Anisirẹrị nịnị ka e ro ịnẹ
1 #
Ẹzị 4.24—5.1; 6.14 Â nyị ọnịsẹ aanị ana a hị́ Ịzakaraya ana vị ozi Ịbẹrẹkiya ana vị ozi Ido. Ịnị ụhwẹ ịhịnta ịnị ịrayị ọhụva ọnị Ịdarịyọsị rị ohinọyị, Ẹnẹyịmavara tụ́ ọ ụtụ hí Anisirẹrị nịnị nị. 2Ọ kà Ẹnẹyịmavara ộ kụ́ ayị hí ohiku Anisirẹrị nịnị ẹtẹẹtẹrẹ, 3avọọ ọ ka ọnị ọ ka yị wa ka, ọnị Ẹnẹyịmavara Ochẹtẹẹngụ ka, ẹnịnị ẹ varẹma ka ọnị vẹ, dị ọnị ọ rẹ varẹma ka wa na. 4Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara. 5Ohiku ẹnịnị ẹnịrị ọnịsẹ ẹnẹẹ ê wusu 6Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị. 7Ịnị ẹkụhị ohurẹẹna ịnị ụhwẹ ẹwụrọnya ana aa hị́ Ịsẹbatị, ịnị ịrayị ọhụva ọnị Ịdarịyọsị rị ohinọyị, Ẹnẹyịmavara kà ịrẹyị yị ọnịsẹ Ịzakaraya ozi Ịbẹrẹkiya ana vị ozi Ido nị. Ịzakaraya ka; 8#Ẹtẹ 6.4; Ẹtẹ 6.2ịrahụ ọnị maa sụ ara, ọnị ò re ọnọrụ ọnya aanị ka ọ tụra umaata ovivi jẹẹ ịnị akakana ọchị ana aa hị́ imatiri ini ozi. Aza ene hi ịrẹma anị vị ana tụra umaata ovivi ọnịrị ọndadu neberi ọvwọọvọ. 9Dị Ịzakaraya họ̀ ọga use ka ịsị ẹsẹnị vị? Dị anggẹẹrị ene ee pe e ka ịrẹyị tụ́ ọ ohi ka, ọnị vaa sị zụ ọ ịsị ẹ jẹẹ yị. 10Dị ọza anaa jẹẹ ịnị akakana ọchị imatiri ẹnẹẹ kà a yọ ka, aza ọnị ọnị ee re aanị ẹ vị aza ọnị Ẹnẹyịmavara tụ́ ụtụ ka ene chire ẹhẹ ahụ zịịzị nị.
11Dị aza ana tụra umaata kà enube yị anggẹẹrị Ẹnẹyịmavara ịpaapa ana jẹẹ ịnị akakana ọchị Imatiri. Ẹ kà ẹnị ẹ raà ngụ avaba ịrẹsụ ẹtẹ, dị ẹnị re ka avaba ẹhẹ vị ana ya ịnị ẹngwọọrọ. 12Dị anggẹẹrị ọnọọ họ̀ Ẹnẹyịmavara Ochẹtẹẹngụ ka ịzị o vee ku ne tù dị ọ vaa nyị ayamva yị Ijerusarẹmị ọnịrị ẹkụra ene hi ịnị ẹtẹ Ijuda? Ộ sị mẹ ịrayị ẹtarẹwụ ọnị ọ hụrẹ aa kụ́ ayị hi anẹkụra ẹnẹẹ. 13Ẹnẹyịmavara ô si ohi ẹngwọọrọ ana zụ sị ayị ọza nẹtẹ yị anggẹẹrị ene pe ka ịrẹyị aanị. 14Dị anggẹẹrị ene pe Ịzakaraya kà ịrẹyị aanị kà ọ nọ́ ka Ẹnẹyịmavara Ochẹtẹẹngụ aa kụ́ ụhị Ijerusarẹmị ọnịrị Ịzayọnị. 15Ọnị nyayịnẹ ee du ayị hi anẹkụra nịnị ana vọ ene ro ka ẹnị ẹ nyị ẹngwọọrọ. Ọnị vị ana kụ́ ayị chee hi aza anị dị ẹnịnị sị ụya rị wa hu avọọ nị. 16Avọọ Ẹnẹyịmavara kà a ọnị vaa varẹma nyị ayamva yị Ijerusarẹmị, dị a varẹma tenyi irehi anị dà. Ẹnẹyịmavara Ochẹtẹẹngụ kà Ijerusarẹmị vị ọnị e vee tenyi dà. 17Anggẹẹrị ọnọọ kà Ịzakaraya ọ rẹ kà a ka Ẹnẹyịmavara Ochẹtẹẹngụ kà ọ varẹma zee yị ẹkụra nịnị. Ọnị vaa gụ Ịzayọnị ụvọ, dị ọnị nyị Ijerusarẹmị ka ọ vị anị. 18Ịzakaraya ka ọnị mẹ kana eyi tụ́ ẹbẹẹba, dị ọnị re ọpanyị ẹẹna nị. 19Dị ọnị họ̀ anggẹẹrị ene ee pe e ka ịrẹyị ka ịsị ẹsẹnị vị aanị? Di o tụ ohi ka ọpanyị ẹnịnị ệ gara Ijuda ọnịrị Isirẹrị beri Ijerusarẹmị ha nị. 20Dị Ẹnẹyịmavara sị angẹrẹ ẹẹna zụ ọnị 21Dị Ịzakaraya họ̀ ọ use ka, sị aza ẹnịnị áá vaa mẹ? Dị Ẹnẹyịmavara kà a vẹ ve chire wa angwa, dị ọ va ụkata anẹkụra ene vu Ijuda dị ẹ gara aza anị hi ẹhẹ nẹtẹ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.