Aniroomi 15
15
 vọrọ ka yaa mẹ ịsị ẹ va gụ ọnọhụva ayịị ụvọ
1Â vọrọ ka ẹyị ẹnẹ ẹdọwụ anị katẹngụ, òo ro ịrẹyị aza ẹnẹ ẹdọwụ ẹnịnị ẹ̀yị vavọọ katẹngụ! Asa ahịka ịsị e zé yi eyi kẹnẹ, ị yaa mẹ nị! 2Ama ọzịnya-ọzịnya ayị ọ̀ọ mẹ̀ ịsa ene zé ọnọhụva anị eyi, di ò ree sì ọyịzaa yọ, dị ọ̀ rẹẹ gụ ọọ ụvọ! 3#Ahẹ 69.9Ikirisiti ọyị hyakụ mẹ̀ ịsa ene ze eyi kẹnẹ. Ama ộ mẹ̀, anka a mẹ̀ vịdị chẹrẹẹ tụ́ ini Iwe Ohomorihi ka ụhụ ana aza aa kụ̀ Ohomorihi, ọ zị vẹ ịrẹsụ anị. 4Avaba ịsa anaa ịsa anaa vịdị chẹrẹ tụ́ ini Iwe Ohomorihi vị anaa chẹrẹ tịtẹ ka ya kọ ịrẹyọyẹ hụụnị anị; dị ya rẹ zụ nyị ọyịtureyi, agụvị ka Iwe Ohomorihi aa mẹ ka yaa nyị ọtụtụrụma, dị ya rẹ nyị isuuru. 5Ohomorihi anaā sịị isuuruu yị ọza, dị ọ rẹẹ̄ mẹ ka ọza ọ̀ nyị ọtụtụrụma, ọ̀ navọ ariro awụ nịnị ọ̀ zụ vị ọnya, dụ wa zụụ sị ahụ Ijeesu Ikirisiti hi ẹtẹ nịnị! 6Ọnọọ vaa mẹ ka avaba awụ nịnị ọ̀ zụ nyị ayị ọnya, dụ wa sị irenu tọ̀ ọnya, dụ wa zụụ sị ụgaa yị Ohomorihi, ana vị Ada Ijeesu Ikirisiti Ananyị yị. Aa kà enube ọyịza yị Anigiriki.
Enube Ọyịza yị Anigiriki
7Waa za ẹngụụ gụrị ẹngụ nịnị, anka Íkirisiti mẹ̀ za wụ nịnị gụrị ẹngụ, dị aza ẹ̀ zụụ sị ụgaa yị Ohomorihi. 8Mâ kà a wụ nịnị ka Ikirisiti ọ va gụ Aniju nịnị ụvọ, agụvị dị ọ̀ zụ sị zụ̀ ka Ohomorihi vị ọnịzẹyịza. Ayị zụ nyị ka ọyị vaa mẹ̀ ịsa ọnọọ kà a yị ohiku Aniju nịnị ka ọnị vaa mẹ. 9#2 Ịsa 22.50; Ahẹ 18.49Ọ rẹ vaa mẹ ka Anigiriki ẹ̀ zụ sị ụga yị Ohomorihi, agụvị ka ọọ̄ vayị aza. Â vịdị vavọọ chẹrẹẹ tụ́ ini Iwe Ohomorihi ka, “Agụvị avọọ mị vaa kụ́ wụ avọ ịnị akakana Anigiriki; mị rẹ vaa jị ahẹ ga ịrẹha awụ.” 10#Ọda 32.43A rẹ vịdị kà a tịtẹ ka, “Ẹwụ nịnị Anigiriki, we beri aza Ohomorihi jẹ nịnị!” 11#Ahẹ 117.1A rẹ kà a ka, “Ẹwụ nịnị avaba Anigiriki, waa sị ụgaa yị Ohomorihi nịnị, avaba anẹhẹ ẹ̀ẹ gaa!” 12#Ayị 11.10Ayịsaya ọ rẹ vịdị kà a ka, “Ozi ọnya ana vaa chịị hụụnị ovwoovu Ijeesee vẹ, ọnị ọ vaa kwẹẹtẹ, dị ọ̀ rị ohinọyị tụ́ ịrẹsụ Anigiriki nị. Ọnị ẹ́nịnị vaa sị ayịị tụra nị.” 13Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.
Iruvo ọnị Ịpọọrụ maanị sị chẹrẹ iwe ọnọnị
14Ẹwụ nịnị ẹyịnyara amị, ẹmị ụvọta ộ yẹ ịnị ayị amị ka wâ nyị ebira ozoza nịnị ẹtẹẹtẹrẹ. Ma rẹ yẹ ka wa yẹ ịrẹyị nịnị ẹtẹẹtẹrẹ; we re zụ beri ẹngụ juwe nịnị. 15Ama ini iwe amị ọnọnị, â nyị ịrẹyị ẹnyị, ana ahịka beri ọtụtụrụma mị sị chẹrẹẹ nị, ọnị mị tama wụ nịnị ayị anị. Ayị amị ộ vị́, agụvị ka Ohomorihi ô nyị mị iyi 16ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ. 17Agụvị ka ẹmịrị Ikirisiti ọ sị vị ọnya, ma nyẹngụ aa sịị mẹ ụbanyị ka mị vavọọ aa hẹkẹ Ohomorihi. 18Mẹ yị vaa nyayịnẹ ẹ kà ịsa oni Ikirisiti ọ̀ yị zị oze ịnị ụvọ amị mẹ. Ộ mẹ ka ma kụ́ Anigiriki ka ẹ̀ va dọ ịrẹyị Ohomorihi wụ́ ini oze ịrẹyị amị ọnịrị ịsa ọnị mị mẹ 19ọnịrị ini oze apọtẹrẹwa ẹbanyị-ẹbanyị ọnịrị ụkọrọ ohyozirenu ọnịrị ini oze ụkata Ụhwẹ Ọnịnị. M mẹ̀ ngwọọ hụrẹ Ijerusarẹmị na ngụ Iririkumi, ma raà kà enube ọyịza Ikirisiti avaba aha. 20Ịsị miī sì ọ vị ka ma kà enube ọyịza aha ịzị ọza ọọ̀ yị wụ́ ịrẹyị Ikirisiti da nị. Me yi sì ka ịzị ọza raà ká ẹtẹ irehi tụ́, dị ahịka ị́rẹsụ anị ẹ́mị vana naa dà irehii tụ́ nị. 21#Ayị 52.15Â vịdị vavọọ chẹrẹẹ tụ́ ini Iwe Ohomorihi ka:
“Aza ọnị ọza ọọ̀yị kà ịrẹyị anị yị da, vee re ẹtẹ.
Aza ẹnẹ ẹ yị wụ́ ịrẹyị anị da, rẹ vaa wụ́.”
Ịpọọrụ ka ọnị vaa nọ Iroomi
22 #
Iro 1.13
Agụvị avọọ, miī sì ka me ve hee wu nịnị ụpọsa-ụpọsa, ama di mè yi re oze nị. 23Booro aanị, ma sị ụkọrọ amị mẹ ta éyi ọnọnị. O si kù oni mi hụrẹ ee sì ka me ve hee wu nịnị hụrẹ ịrayị ọrụrụ-ọrụrụ aanị. 24Ụmẹ tụra ụmẹ ọnị màa kụkụ aa nọ Isipeni, mị vaa há ịda awụ nịnị. Mee ro ka ụ vaa gụ mị ụvọ ka ma zụ na nịnị, màa zị oze ịda awụ nịnị, dị mị raà yà ịda awụ nịnị chee nị. 25#1 Ịkọ 16.1-4Booro aanị maa nọ Ijerusarẹmị, dị ma sị ọgụvọ na yị aza Ohomorihi ene hi ịzọọ. 26Anịragụ ene hi Imasedoniya ọnịrị Akaya nịnị ệ sị tụ́ ịnị ayị ka ẹnị ẹ̀ tụ́ ẹkẹhị na mẹ ọgụvọ yị aza Ohomorihi ene hi Ijerusarẹmị ẹnẹ ẹ̀ yị nyị ẹkẹhị. 27#1 Ịkọ 9.11Ẹnị ụvọta ẹ sị ayị sị ọọ ka ẹnị aa mẹẹ nị. Ịzẹyịza â vọrọ ka ẹ̀ vavọọ mẹẹ yị wa. Aniju nịnị ẹnịrị Anigiriki èe dudu gà ịsa Ohomorihi; a rẹ vọrọ ka aza ẹnẹ ẹ̀yị vị Aniju, ẹnịrị Aniju ẹnị ẹ̀ rẹ gà ịsa ẹhẹ ọnọnị. 28Màa sị ụkọrọ amị ọnọnị mẹ ta, dị mị raà sị avaba ẹkẹhị ọnọnị yị wa nị, di mi zị oze ịda awụ nịnị aa nọ Isipeni. 29Mâ yẹ ka màa vẹ, ọnọọ vaa mẹ ka Ikirisiti ọ̀ dà tụ́ ọọ wụ nịnị ẹtẹẹtẹrẹ. 30Ẹwụ nịnị ẹyịnyara amị, aarịhịnị maa dá ịpẹẹ wụ nịnị. Hụ agụvị Ijeesu Ikirisiti Ananyị yị ọnịrị ịrẹyị ọza oyisì ọnị Ụhwẹ Ọnịnị sị yị, wee pe mịị mẹ̀ aduwa ẹtẹẹtẹrẹ hi Ohomorihi nịnị, 31ka ò jị oku kú mi hụụnị ụvọ Anijudiya ẹnẹ ẹ̀ yị dọ wụ́. Rẹ mẹ̀ aduwa ka aza Ohomorihi ene hi Ijerusarẹmị, ẹ̀ dọ ụkọrọ ọnị maa naa mẹ ịzọọ! 32Rẹ mẹ̀ aduwa ka Ohomorihi òo sì, ma sị ịrajẹ vẹ ịda awụ nịnị, dị ẹngụ amị ọ̀ nịya, m mẹ̀ yà ịnị akakana awụ nịnị! 33Ohomorihi anaā sịị ẹngwọọrọọ yị, ọ̀ yà pe avaba awụ nịnị Aamị.
Currently Selected:
Aniroomi 15: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Aniroomi 15
15
 vọrọ ka yaa mẹ ịsị ẹ va gụ ọnọhụva ayịị ụvọ
1Â vọrọ ka ẹyị ẹnẹ ẹdọwụ anị katẹngụ, òo ro ịrẹyị aza ẹnẹ ẹdọwụ ẹnịnị ẹ̀yị vavọọ katẹngụ! Asa ahịka ịsị e zé yi eyi kẹnẹ, ị yaa mẹ nị! 2Ama ọzịnya-ọzịnya ayị ọ̀ọ mẹ̀ ịsa ene zé ọnọhụva anị eyi, di ò ree sì ọyịzaa yọ, dị ọ̀ rẹẹ gụ ọọ ụvọ! 3#Ahẹ 69.9Ikirisiti ọyị hyakụ mẹ̀ ịsa ene ze eyi kẹnẹ. Ama ộ mẹ̀, anka a mẹ̀ vịdị chẹrẹẹ tụ́ ini Iwe Ohomorihi ka ụhụ ana aza aa kụ̀ Ohomorihi, ọ zị vẹ ịrẹsụ anị. 4Avaba ịsa anaa ịsa anaa vịdị chẹrẹ tụ́ ini Iwe Ohomorihi vị anaa chẹrẹ tịtẹ ka ya kọ ịrẹyọyẹ hụụnị anị; dị ya rẹ zụ nyị ọyịtureyi, agụvị ka Iwe Ohomorihi aa mẹ ka yaa nyị ọtụtụrụma, dị ya rẹ nyị isuuru. 5Ohomorihi anaā sịị isuuruu yị ọza, dị ọ rẹẹ̄ mẹ ka ọza ọ̀ nyị ọtụtụrụma, ọ̀ navọ ariro awụ nịnị ọ̀ zụ vị ọnya, dụ wa zụụ sị ahụ Ijeesu Ikirisiti hi ẹtẹ nịnị! 6Ọnọọ vaa mẹ ka avaba awụ nịnị ọ̀ zụ nyị ayị ọnya, dụ wa sị irenu tọ̀ ọnya, dụ wa zụụ sị ụgaa yị Ohomorihi, ana vị Ada Ijeesu Ikirisiti Ananyị yị. Aa kà enube ọyịza yị Anigiriki.
Enube Ọyịza yị Anigiriki
7Waa za ẹngụụ gụrị ẹngụ nịnị, anka Íkirisiti mẹ̀ za wụ nịnị gụrị ẹngụ, dị aza ẹ̀ zụụ sị ụgaa yị Ohomorihi. 8Mâ kà a wụ nịnị ka Ikirisiti ọ va gụ Aniju nịnị ụvọ, agụvị dị ọ̀ zụ sị zụ̀ ka Ohomorihi vị ọnịzẹyịza. Ayị zụ nyị ka ọyị vaa mẹ̀ ịsa ọnọọ kà a yị ohiku Aniju nịnị ka ọnị vaa mẹ. 9#2 Ịsa 22.50; Ahẹ 18.49Ọ rẹ vaa mẹ ka Anigiriki ẹ̀ zụ sị ụga yị Ohomorihi, agụvị ka ọọ̄ vayị aza. Â vịdị vavọọ chẹrẹẹ tụ́ ini Iwe Ohomorihi ka, “Agụvị avọọ mị vaa kụ́ wụ avọ ịnị akakana Anigiriki; mị rẹ vaa jị ahẹ ga ịrẹha awụ.” 10#Ọda 32.43A rẹ vịdị kà a tịtẹ ka, “Ẹwụ nịnị Anigiriki, we beri aza Ohomorihi jẹ nịnị!” 11#Ahẹ 117.1A rẹ kà a ka, “Ẹwụ nịnị avaba Anigiriki, waa sị ụgaa yị Ohomorihi nịnị, avaba anẹhẹ ẹ̀ẹ gaa!” 12#Ayị 11.10Ayịsaya ọ rẹ vịdị kà a ka, “Ozi ọnya ana vaa chịị hụụnị ovwoovu Ijeesee vẹ, ọnị ọ vaa kwẹẹtẹ, dị ọ̀ rị ohinọyị tụ́ ịrẹsụ Anigiriki nị. Ọnị ẹ́nịnị vaa sị ayịị tụra nị.” 13Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.
Iruvo ọnị Ịpọọrụ maanị sị chẹrẹ iwe ọnọnị
14Ẹwụ nịnị ẹyịnyara amị, ẹmị ụvọta ộ yẹ ịnị ayị amị ka wâ nyị ebira ozoza nịnị ẹtẹẹtẹrẹ. Ma rẹ yẹ ka wa yẹ ịrẹyị nịnị ẹtẹẹtẹrẹ; we re zụ beri ẹngụ juwe nịnị. 15Ama ini iwe amị ọnọnị, â nyị ịrẹyị ẹnyị, ana ahịka beri ọtụtụrụma mị sị chẹrẹẹ nị, ọnị mị tama wụ nịnị ayị anị. Ayị amị ộ vị́, agụvị ka Ohomorihi ô nyị mị iyi 16ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ. 17Agụvị ka ẹmịrị Ikirisiti ọ sị vị ọnya, ma nyẹngụ aa sịị mẹ ụbanyị ka mị vavọọ aa hẹkẹ Ohomorihi. 18Mẹ yị vaa nyayịnẹ ẹ kà ịsa oni Ikirisiti ọ̀ yị zị oze ịnị ụvọ amị mẹ. Ộ mẹ ka ma kụ́ Anigiriki ka ẹ̀ va dọ ịrẹyị Ohomorihi wụ́ ini oze ịrẹyị amị ọnịrị ịsa ọnị mị mẹ 19ọnịrị ini oze apọtẹrẹwa ẹbanyị-ẹbanyị ọnịrị ụkọrọ ohyozirenu ọnịrị ini oze ụkata Ụhwẹ Ọnịnị. M mẹ̀ ngwọọ hụrẹ Ijerusarẹmị na ngụ Iririkumi, ma raà kà enube ọyịza Ikirisiti avaba aha. 20Ịsị miī sì ọ vị ka ma kà enube ọyịza aha ịzị ọza ọọ̀ yị wụ́ ịrẹyị Ikirisiti da nị. Me yi sì ka ịzị ọza raà ká ẹtẹ irehi tụ́, dị ahịka ị́rẹsụ anị ẹ́mị vana naa dà irehii tụ́ nị. 21#Ayị 52.15Â vịdị vavọọ chẹrẹẹ tụ́ ini Iwe Ohomorihi ka:
“Aza ọnị ọza ọọ̀yị kà ịrẹyị anị yị da, vee re ẹtẹ.
Aza ẹnẹ ẹ yị wụ́ ịrẹyị anị da, rẹ vaa wụ́.”
Ịpọọrụ ka ọnị vaa nọ Iroomi
22 #
Iro 1.13
Agụvị avọọ, miī sì ka me ve hee wu nịnị ụpọsa-ụpọsa, ama di mè yi re oze nị. 23Booro aanị, ma sị ụkọrọ amị mẹ ta éyi ọnọnị. O si kù oni mi hụrẹ ee sì ka me ve hee wu nịnị hụrẹ ịrayị ọrụrụ-ọrụrụ aanị. 24Ụmẹ tụra ụmẹ ọnị màa kụkụ aa nọ Isipeni, mị vaa há ịda awụ nịnị. Mee ro ka ụ vaa gụ mị ụvọ ka ma zụ na nịnị, màa zị oze ịda awụ nịnị, dị mị raà yà ịda awụ nịnị chee nị. 25#1 Ịkọ 16.1-4Booro aanị maa nọ Ijerusarẹmị, dị ma sị ọgụvọ na yị aza Ohomorihi ene hi ịzọọ. 26Anịragụ ene hi Imasedoniya ọnịrị Akaya nịnị ệ sị tụ́ ịnị ayị ka ẹnị ẹ̀ tụ́ ẹkẹhị na mẹ ọgụvọ yị aza Ohomorihi ene hi Ijerusarẹmị ẹnẹ ẹ̀ yị nyị ẹkẹhị. 27#1 Ịkọ 9.11Ẹnị ụvọta ẹ sị ayị sị ọọ ka ẹnị aa mẹẹ nị. Ịzẹyịza â vọrọ ka ẹ̀ vavọọ mẹẹ yị wa. Aniju nịnị ẹnịrị Anigiriki èe dudu gà ịsa Ohomorihi; a rẹ vọrọ ka aza ẹnẹ ẹ̀yị vị Aniju, ẹnịrị Aniju ẹnị ẹ̀ rẹ gà ịsa ẹhẹ ọnọnị. 28Màa sị ụkọrọ amị ọnọnị mẹ ta, dị mị raà sị avaba ẹkẹhị ọnọnị yị wa nị, di mi zị oze ịda awụ nịnị aa nọ Isipeni. 29Mâ yẹ ka màa vẹ, ọnọọ vaa mẹ ka Ikirisiti ọ̀ dà tụ́ ọọ wụ nịnị ẹtẹẹtẹrẹ. 30Ẹwụ nịnị ẹyịnyara amị, aarịhịnị maa dá ịpẹẹ wụ nịnị. Hụ agụvị Ijeesu Ikirisiti Ananyị yị ọnịrị ịrẹyị ọza oyisì ọnị Ụhwẹ Ọnịnị sị yị, wee pe mịị mẹ̀ aduwa ẹtẹẹtẹrẹ hi Ohomorihi nịnị, 31ka ò jị oku kú mi hụụnị ụvọ Anijudiya ẹnẹ ẹ̀ yị dọ wụ́. Rẹ mẹ̀ aduwa ka aza Ohomorihi ene hi Ijerusarẹmị, ẹ̀ dọ ụkọrọ ọnị maa naa mẹ ịzọọ! 32Rẹ mẹ̀ aduwa ka Ohomorihi òo sì, ma sị ịrajẹ vẹ ịda awụ nịnị, dị ẹngụ amị ọ̀ nịya, m mẹ̀ yà ịnị akakana awụ nịnị! 33Ohomorihi anaā sịị ẹngwọọrọọ yị, ọ̀ yà pe avaba awụ nịnị Aamị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.