Aniroomi 14
14
Asị ụ jị ịvị yị ọdọwụ ini oze ịsị òo ro!
1 #
Ikor 2.16
Àa nyị ọza ẹnẹ ẹdọwụ anị ọ̀ yị katẹngụ, dọ ọ pe ẹngụ nịnị! Asị u beri ọọ nyị ahankata ini oze ịsa ọnị ọnị òo ro, ọ̀ọ daka jị áawụ nịnị nyee. 2Aza ẹnyị ệ dọ wụ́ ka ẹ yị nyị ịsị ẹnị ẹ̀ yị zụ rị. Ama aza ẹnyị ẹnẹ ẹdọwụ anị ọ̀ yị katẹngụ, ệ dọ ka avị kẹnẹ a vọrọ ka ẹnị ẹ̀ẹ rị nị. 3Ọza ana dọ ka ọnị ọ zụ rị avaba ịsa, asị ọ sị eyi wụ̀ ọza ẹnẹ ẹ̀ yị vavọọ dọ! Ayị rẹ vọrọ ka ọza ẹnẹ ẹ̀ yị mā rị avaba ịsa, ọ̀ọ jị ịvịị yị ọza ana ka ọnịị̄ rị avaba ịsa! Wâ yẹ ka Ohomorihi ộ dọ ọ. 4Ẹnẹ vị ẹwụ ana aa naa jị ịvị yị ozi ahụ ọza ẹnẹsa? Ọ̀ọ mẹ ẹtẹẹrẹ, ọ̀ọ mẹ divi, ọga anị ọ vaa kà a nị. Ọ hyakụ vaa mẹ ẹtẹẹrẹ, agụvị ka Ohomorihi ọ vaa mẹẹ ka ọ̀ mẹ ẹtẹẹrẹ nị. 5Aza ẹnyị e zụ re ka ẹkụhị ẹnyị ô huna ọsa. Dị aza ẹnyị ẹnị ka avaba ẹkụhị vị ẹbẹẹbẹ. Ọzọza ọ̀ yẹ ịnị ayị anị ẹtẹẹtẹrẹ ini oze ịsị òo ro! 6Ọza ana àa sị ẹkụhị ẹnyị tụ́ irenyi, agụvị Ananyị yị ọ vavọọ aa sịị mẹẹ nị nị. Ọza ana ka ọnịị̄ rị avaba ịsa, Ananyị yị ọ́nị rẹ vavọọ aa mẹẹ yị nị, agụvị ka àaa rị ọọ, ọ vaa kụ́ Ohomorihi avọ. Ọza ana ka ọnị ọ mā rị avaba ịsa, Ananyị yị ọ́nị rẹ vavọọ aa mẹẹ yị nị; ọnị va na raa kụ́ Ohomorihi avọ. 7Ẹ yị nyị ọza ịnya ayị ana yàra yị ẹngụ anị; ayị rẹ nyị ọza ene sú yị ẹngụ anị. 8Yàa yàra, Ananyị yị ị yàra yị nị. Yèe re ve sú, Ananyị yị i re sú yị nị. Agụvị avọọ, yèe sú, yàa yàra, Áananyị yị ị yị vị nị. 9Ikirisiti ô sú, dị ọ rẹ ha kwẹẹtẹ hụụnị isu nị, agụvị avaba aza ẹ̀ zụụ hị́ ọọ Ananyị yị, ẹ̀ẹ vị anẹhẹ, ẹ̀ẹ vị aneku. 10#2 Ịkọ 5.10Sị ẹ vavẹ, dị waa jị ịvịị yị ọnọhụva awụ? Sị ẹ vẹ dị waa sị eyii wụ ọnọhụva awụ? Avaba ayị ọ va naa jẹẹ ọvịdị Ohomorihi, dị aa mẹ̀ ọkarẹyị ayị nị. 11#Ayị 45.23Â vịdị vavọọ chẹrẹẹ ka Ohomorihi ka, “Màa yị yàra, avaba aza vee ku ẹtẹ ọ́vịdị amị, avaba aza rẹ vaa dọ irenu ka, hịịn, ẹma vị Ohomorihi nị.” 12Agụvị avọọ, avaba ayị vaa kà enube ẹngụ ayị ọ́vịdị Ohomorihi.
Asị ụ mẹ Anikirisiti ọsa ka ọ̀ mẹ ịvị!
13Asị ị rẹ̀ kụkụ jị ịvị yị ẹngụ! Ịsị a vọrọ ka ya kụkụụ ro ịrẹyị anị, yị: Asị ị mẹ̀ ịsa ọnyọọnyị ana vaa mẹ ka ẹnẹbẹnị ayị ọ̀ hyẹdụ, àa vị ka ọ̀ mẹ ịvị! 14Ijeesu Ananyị yị o raà mẹ ka ma yẹ ịnị ayị amị ka ẹ yị nyị ịsa ana ahịka ọnị ụvọta ọyị nị. Ama ọza ene èe re ka ịsa ọ̀yị nị, ini eyi ọza ọnọọ kẹnẹ ọọ̀ yị nị nị. 15Ẹngụ ịsa ọnị ụ waa rị, àaa mẹ ka ọhụva awụ òo du ayị, wẹ yị kụkụ mẹ̀ ebira ịrẹyị ọza oyisì. Ọza oni Ikirisiti hụ ụvị anị sú, asị ụ kụkụ na sị ẹngụ ịsọyịrị awụ mẹ ka ò vu ẹtẹ! 16Ịsa ene ewu ro ka óo zoza, asị ụ zẹẹ ka ọ̀ rị ịrẹha odivi! 17Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị. 18Ọza ana àa vavọọ aa hẹkẹ Ikirisiti, óo zé Ohomorihi eyi, aza ẹ rẹ sị ụvọ tụ́ ọọ bẹẹ. 19Agụvị avọọ, â vọrọ ka ya sị ayị tụ́ ịnị ịsị ẹẹ̄ sị ẹngwọọrọọ vẹ, dị ị rẹ zụ sị gụ ẹngụụ ụvọ. 20Asị ụ hụ agụvị ịsọyịrị ẹnyị du ịsa ọnị Ohomorihi mẹ và ha! Avaba ịsọyịrị ọ nị nị; ama ayị vọrọ ka ọza ọ̀ na rị ịsị ẹ vaa mẹ ka ọza ẹnẹsa ọ̀ na mẹ ịvị. 21Ọyị rẹ vọrọ ka ọza ọ̀ uye, à vị ka ò hú eche, àa vị ka ọ̀ mẹ̀ ịsa ọnyọọnyị ana vaa mẹ ka ọhụva anị ọ̀ mẹ ịvị. 22Ịsụ wàa dọ wụ́ ịnị ịrẹyị ọnọnị, ọ̀ yà ịnị akakana ẹwụrị Ohomorihi! Wàaa mẹ̀ ịsa ọnị ụ sị ụvọ tụ́, dụ wẹ̀ yị rẹ varẹma jị ịvị yị ẹngụ awụ nị, ụ vaa daa jẹ. 23Wàaa rị ịsa ẹnyị, dị ụ raa mẹ ayị ẹẹva tụ́ ịnị anị nị, wàa rị ịsa ọnọọ, vị Ohomorihi aa jị ịvịị yị wụ nị, agụvị ka ịsị ụ waa mẹ, ọyị jẹẹ tụ́ ịrẹsụ ịsụ ụ dọ wụ́. Ịsa tụra ịsa ọnị ọza ọ̀ọ mẹ, dị ọ̀ yị mẹẹ agụvị ka ộ vavọọ dọ wụ́ nị, ịvị ọ vị nị.
Currently Selected:
Aniroomi 14: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Aniroomi 14
14
Asị ụ jị ịvị yị ọdọwụ ini oze ịsị òo ro!
1 #
Ikor 2.16
Àa nyị ọza ẹnẹ ẹdọwụ anị ọ̀ yị katẹngụ, dọ ọ pe ẹngụ nịnị! Asị u beri ọọ nyị ahankata ini oze ịsa ọnị ọnị òo ro, ọ̀ọ daka jị áawụ nịnị nyee. 2Aza ẹnyị ệ dọ wụ́ ka ẹ yị nyị ịsị ẹnị ẹ̀ yị zụ rị. Ama aza ẹnyị ẹnẹ ẹdọwụ anị ọ̀ yị katẹngụ, ệ dọ ka avị kẹnẹ a vọrọ ka ẹnị ẹ̀ẹ rị nị. 3Ọza ana dọ ka ọnị ọ zụ rị avaba ịsa, asị ọ sị eyi wụ̀ ọza ẹnẹ ẹ̀ yị vavọọ dọ! Ayị rẹ vọrọ ka ọza ẹnẹ ẹ̀ yị mā rị avaba ịsa, ọ̀ọ jị ịvịị yị ọza ana ka ọnịị̄ rị avaba ịsa! Wâ yẹ ka Ohomorihi ộ dọ ọ. 4Ẹnẹ vị ẹwụ ana aa naa jị ịvị yị ozi ahụ ọza ẹnẹsa? Ọ̀ọ mẹ ẹtẹẹrẹ, ọ̀ọ mẹ divi, ọga anị ọ vaa kà a nị. Ọ hyakụ vaa mẹ ẹtẹẹrẹ, agụvị ka Ohomorihi ọ vaa mẹẹ ka ọ̀ mẹ ẹtẹẹrẹ nị. 5Aza ẹnyị e zụ re ka ẹkụhị ẹnyị ô huna ọsa. Dị aza ẹnyị ẹnị ka avaba ẹkụhị vị ẹbẹẹbẹ. Ọzọza ọ̀ yẹ ịnị ayị anị ẹtẹẹtẹrẹ ini oze ịsị òo ro! 6Ọza ana àa sị ẹkụhị ẹnyị tụ́ irenyi, agụvị Ananyị yị ọ vavọọ aa sịị mẹẹ nị nị. Ọza ana ka ọnịị̄ rị avaba ịsa, Ananyị yị ọ́nị rẹ vavọọ aa mẹẹ yị nị, agụvị ka àaa rị ọọ, ọ vaa kụ́ Ohomorihi avọ. Ọza ana ka ọnị ọ mā rị avaba ịsa, Ananyị yị ọ́nị rẹ vavọọ aa mẹẹ yị nị; ọnị va na raa kụ́ Ohomorihi avọ. 7Ẹ yị nyị ọza ịnya ayị ana yàra yị ẹngụ anị; ayị rẹ nyị ọza ene sú yị ẹngụ anị. 8Yàa yàra, Ananyị yị ị yàra yị nị. Yèe re ve sú, Ananyị yị i re sú yị nị. Agụvị avọọ, yèe sú, yàa yàra, Áananyị yị ị yị vị nị. 9Ikirisiti ô sú, dị ọ rẹ ha kwẹẹtẹ hụụnị isu nị, agụvị avaba aza ẹ̀ zụụ hị́ ọọ Ananyị yị, ẹ̀ẹ vị anẹhẹ, ẹ̀ẹ vị aneku. 10#2 Ịkọ 5.10Sị ẹ vavẹ, dị waa jị ịvịị yị ọnọhụva awụ? Sị ẹ vẹ dị waa sị eyii wụ ọnọhụva awụ? Avaba ayị ọ va naa jẹẹ ọvịdị Ohomorihi, dị aa mẹ̀ ọkarẹyị ayị nị. 11#Ayị 45.23Â vịdị vavọọ chẹrẹẹ ka Ohomorihi ka, “Màa yị yàra, avaba aza vee ku ẹtẹ ọ́vịdị amị, avaba aza rẹ vaa dọ irenu ka, hịịn, ẹma vị Ohomorihi nị.” 12Agụvị avọọ, avaba ayị vaa kà enube ẹngụ ayị ọ́vịdị Ohomorihi.
Asị ụ mẹ Anikirisiti ọsa ka ọ̀ mẹ ịvị!
13Asị ị rẹ̀ kụkụ jị ịvị yị ẹngụ! Ịsị a vọrọ ka ya kụkụụ ro ịrẹyị anị, yị: Asị ị mẹ̀ ịsa ọnyọọnyị ana vaa mẹ ka ẹnẹbẹnị ayị ọ̀ hyẹdụ, àa vị ka ọ̀ mẹ ịvị! 14Ijeesu Ananyị yị o raà mẹ ka ma yẹ ịnị ayị amị ka ẹ yị nyị ịsa ana ahịka ọnị ụvọta ọyị nị. Ama ọza ene èe re ka ịsa ọ̀yị nị, ini eyi ọza ọnọọ kẹnẹ ọọ̀ yị nị nị. 15Ẹngụ ịsa ọnị ụ waa rị, àaa mẹ ka ọhụva awụ òo du ayị, wẹ yị kụkụ mẹ̀ ebira ịrẹyị ọza oyisì. Ọza oni Ikirisiti hụ ụvị anị sú, asị ụ kụkụ na sị ẹngụ ịsọyịrị awụ mẹ ka ò vu ẹtẹ! 16Ịsa ene ewu ro ka óo zoza, asị ụ zẹẹ ka ọ̀ rị ịrẹha odivi! 17Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị. 18Ọza ana àa vavọọ aa hẹkẹ Ikirisiti, óo zé Ohomorihi eyi, aza ẹ rẹ sị ụvọ tụ́ ọọ bẹẹ. 19Agụvị avọọ, â vọrọ ka ya sị ayị tụ́ ịnị ịsị ẹẹ̄ sị ẹngwọọrọọ vẹ, dị ị rẹ zụ sị gụ ẹngụụ ụvọ. 20Asị ụ hụ agụvị ịsọyịrị ẹnyị du ịsa ọnị Ohomorihi mẹ và ha! Avaba ịsọyịrị ọ nị nị; ama ayị vọrọ ka ọza ọ̀ na rị ịsị ẹ vaa mẹ ka ọza ẹnẹsa ọ̀ na mẹ ịvị. 21Ọyị rẹ vọrọ ka ọza ọ̀ uye, à vị ka ò hú eche, àa vị ka ọ̀ mẹ̀ ịsa ọnyọọnyị ana vaa mẹ ka ọhụva anị ọ̀ mẹ ịvị. 22Ịsụ wàa dọ wụ́ ịnị ịrẹyị ọnọnị, ọ̀ yà ịnị akakana ẹwụrị Ohomorihi! Wàaa mẹ̀ ịsa ọnị ụ sị ụvọ tụ́, dụ wẹ̀ yị rẹ varẹma jị ịvị yị ẹngụ awụ nị, ụ vaa daa jẹ. 23Wàaa rị ịsa ẹnyị, dị ụ raa mẹ ayị ẹẹva tụ́ ịnị anị nị, wàa rị ịsa ọnọọ, vị Ohomorihi aa jị ịvịị yị wụ nị, agụvị ka ịsị ụ waa mẹ, ọyị jẹẹ tụ́ ịrẹsụ ịsụ ụ dọ wụ́. Ịsa tụra ịsa ọnị ọza ọ̀ọ mẹ, dị ọ̀ yị mẹẹ agụvị ka ộ vavọọ dọ wụ́ nị, ịvị ọ vị nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.