Ahẹ Ụgama 79
79
Anisirẹrị ệ da ịpẹ ka Ohomorihi ọ̀ dọ ẹnị tụ́
(Ahẹ ana Asahwi jị)
1 #
2 Ohi 25.8-10; 2 Ịtọ 36.17-19; Ijer 52.12-14 Ohomorihi, wéē re anẹkụra ẹhịmị ẹnẹnị ẹnị ẹ̀ yị yẹ wụ mẹ̀ vẹ dị ẹ kụ́ ịrẹkụ ve tụ́ aza ọnị ụ sị mẹ aza awụ.
Ệ za irehi awụ, e si o du ẹngụ,
dị ẹ za Ijerusarẹmị dị ẹ jị ọ eburu nị. 2Dị ẹ kụ́ oku aza awụ yị ụba ọnịrị uye ịnị avị ka ẹẹ rị wa nị.
3Ệ jị aza awụ kara Ijerusarẹmị anka enyi avọọ,
hyakụ nyị aza ana a vọrọ ka ò nē oku aza awụ.
4Anokokooro ayị ana ra kara yị vị ana kụkụ aa sị yịị mẹ̀ isiya,
di e yee nyị yi unyi.
5Ẹnẹyịmavara aanị ụ wáá mẹ̀ vaa kụ́ ayịị hi yi pooro nị?
Mị ka aanị ụ mẹ vaa kụ́ ayị pooro nịị?
6Wéē re anẹkụra ẹnẹ ẹ̀ yị hí ịrẹyị awụ ịrẹyị,
dị ẹ yaa sị eyii wụ wụ.
Navọ wa mẹ ọyịkụ awụ tụra aza ẹnẹẹ.
7Aza ẹnẹẹ ệ za ezi Ijekọvụ, ẹ kụ́ wa wụ,
dị ẹ chaka ẹkụra ẹnịnị ha nị.
8Navọ asị ụ kà ka waa sị ịvị ohiku ayịị họ̀ yị.
Aarịhịnị, navọ we jintu vayị ayị agụvị ka vị ị nyayịnẹ ee zi ka wa va gụ yị ụvọ nị.
9Ohomorihi, ẹwaā dị yịị ha nọ,
navọ wa hụ agụvị ụbanyị ẹngụ awụ wa gụ yị ụvọ.
Hụ agụvị ụbanyị ẹngụ awụ wa vagu yị, dị wa dọ yị tụ́.
10Asị ụ zẹẹ ka anẹkụra ẹhịmị ẹnẹẹ ẹnẹ ẹ̀ yị yẹ wụ ẹ̀ naa kà a ka ịzị Ohomorihi ọnị ị ka yâ nịya.
Navọ wa sị zụ̀ anẹkụra ẹnẹẹ ini eyi ayị ka u vee si atọ ịrẹyị aza awụ ẹnị ẹ wụ.
11Navọ aza ẹnị ẹ kụ́ hi ịnị ẹngwa ene ee nowu, wa ba wa owu.
A raà mẹ̀ ọkarẹyị aza awụ ẹnyị ka à wụ̀ wa, navọ wa sị ụkata awụ dọ wa tụ́.
12Ẹnẹyịmavara, wê re anokokooro ayị màa sị wụụ mẹ ịyẹyẹ.
Navọ wa vavọọ si wa atọ ịrẹyị ọnọọ oze ịhịmba.
13Ịjọnọọ dị ẹyị aza awụ ọnị waa tẹsị anị anka ọza mẹ̀ẹ tẹsị ịsụpa avọọ,
dị ẹyị aa kú wụ avọ pooro.
Di ezi ịrẹma-ịrẹma ẹnị raa kụ avọ ịrẹyị ọnọnị.
Dị yaa jị ahẹ kụ́ wụ.
Currently Selected:
Ahẹ Ụgama 79: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 79
79
Anisirẹrị ệ da ịpẹ ka Ohomorihi ọ̀ dọ ẹnị tụ́
(Ahẹ ana Asahwi jị)
1 #
2 Ohi 25.8-10; 2 Ịtọ 36.17-19; Ijer 52.12-14 Ohomorihi, wéē re anẹkụra ẹhịmị ẹnẹnị ẹnị ẹ̀ yị yẹ wụ mẹ̀ vẹ dị ẹ kụ́ ịrẹkụ ve tụ́ aza ọnị ụ sị mẹ aza awụ.
Ệ za irehi awụ, e si o du ẹngụ,
dị ẹ za Ijerusarẹmị dị ẹ jị ọ eburu nị. 2Dị ẹ kụ́ oku aza awụ yị ụba ọnịrị uye ịnị avị ka ẹẹ rị wa nị.
3Ệ jị aza awụ kara Ijerusarẹmị anka enyi avọọ,
hyakụ nyị aza ana a vọrọ ka ò nē oku aza awụ.
4Anokokooro ayị ana ra kara yị vị ana kụkụ aa sị yịị mẹ̀ isiya,
di e yee nyị yi unyi.
5Ẹnẹyịmavara aanị ụ wáá mẹ̀ vaa kụ́ ayịị hi yi pooro nị?
Mị ka aanị ụ mẹ vaa kụ́ ayị pooro nịị?
6Wéē re anẹkụra ẹnẹ ẹ̀ yị hí ịrẹyị awụ ịrẹyị,
dị ẹ yaa sị eyii wụ wụ.
Navọ wa mẹ ọyịkụ awụ tụra aza ẹnẹẹ.
7Aza ẹnẹẹ ệ za ezi Ijekọvụ, ẹ kụ́ wa wụ,
dị ẹ chaka ẹkụra ẹnịnị ha nị.
8Navọ asị ụ kà ka waa sị ịvị ohiku ayịị họ̀ yị.
Aarịhịnị, navọ we jintu vayị ayị agụvị ka vị ị nyayịnẹ ee zi ka wa va gụ yị ụvọ nị.
9Ohomorihi, ẹwaā dị yịị ha nọ,
navọ wa hụ agụvị ụbanyị ẹngụ awụ wa gụ yị ụvọ.
Hụ agụvị ụbanyị ẹngụ awụ wa vagu yị, dị wa dọ yị tụ́.
10Asị ụ zẹẹ ka anẹkụra ẹhịmị ẹnẹẹ ẹnẹ ẹ̀ yị yẹ wụ ẹ̀ naa kà a ka ịzị Ohomorihi ọnị ị ka yâ nịya.
Navọ wa sị zụ̀ anẹkụra ẹnẹẹ ini eyi ayị ka u vee si atọ ịrẹyị aza awụ ẹnị ẹ wụ.
11Navọ aza ẹnị ẹ kụ́ hi ịnị ẹngwa ene ee nowu, wa ba wa owu.
A raà mẹ̀ ọkarẹyị aza awụ ẹnyị ka à wụ̀ wa, navọ wa sị ụkata awụ dọ wa tụ́.
12Ẹnẹyịmavara, wê re anokokooro ayị màa sị wụụ mẹ ịyẹyẹ.
Navọ wa vavọọ si wa atọ ịrẹyị ọnọọ oze ịhịmba.
13Ịjọnọọ dị ẹyị aza awụ ọnị waa tẹsị anị anka ọza mẹ̀ẹ tẹsị ịsụpa avọọ,
dị ẹyị aa kú wụ avọ pooro.
Di ezi ịrẹma-ịrẹma ẹnị raa kụ avọ ịrẹyị ọnọnị.
Dị yaa jị ahẹ kụ́ wụ.
Ebira First Bible © Bible Society of Nigeria, 2014.