Ahẹ Ụgama 78
78
Ịrẹyị Ohomorihi ọnịrị aza anị
(Ahẹ Asahwi ana a sịị̄ sị ịsaa zụ̀ aza)
1Ẹwụ nịnị aza amị, wụ́ ịrẹyị ọnị maa sịị zụ̀ wụ nịnị,
mị ka wa sị ụtọ pè mi nịnị.
2 #
Imt 13.35
Mi vee che ụhị ịrẹyị, dị mị sị iruvo ịrẹyị ana a mẹ ịyẹẹyẹ tụ́ ẹhẹ.
3Â nyị ịrẹyị ọnị ị wụ́, yi reè re ịrẹyị.
Ada ayị ẹ raà kà ịrẹyị zụ̀ yị.
4Yẹ yị vaa sị ịrẹyị ẹnẹẹ tẹẹ yị ezi ẹnịnị.
Avaba ụkọrọ ẹbanyị-ẹbanyị ẹnị Ẹnẹyịmavara mẹ ọnịrị ụkata anị vị ọnị ị vaa kà a yị ezi ịrẹma.
5Ohomorihi ộ mẹ̀ ọda anị irenyi-irenyi yị Ijekọvụ ohiku Anisirẹrị
ọda ọnọọ vị ọnị ọ ka Anisirẹrị ẹ̀ sị ụvọ za.
Ọ kà a yị ohiku ayị ka ẹnịnị ẹ̀ẹ sị ọda ọnọọ zụ̀ ezi ẹnịnị,
6di ezi ịrẹma ọnị ọza ọ̀ọ́ yị hyakụ yẹ ka a vaa ma ẹ zụ yẹ,
dị ẹnị ẹ̀ rẹ zụ sị kọ ezi ẹnịnị.
7Ọnọọ vaa mẹ ka ẹ̀ zụ sị ayị tụra Ẹnẹyịmavara
dị asị e hi ayị ịsa ọnị Ẹnẹyịmavara mẹ, dị ẹ̀ zụ sị ụvọ za ọda anị
8Dị asị ẹnịnị na hama ada ẹnịnị ana vị anakamawụ ọnịrị Ananyị ọkatẹngụ.
Ada ẹnịnị ẹ yị sị ayị ẹnịnị yị Ohomorihi tù ịnẹ tù ịnẹ.
9Anehwireemi ệ kà ọpa ẹnịnị kú ịzẹyịza
ama ịhị ịrẹkụ si tù, vi e zwe varẹma nị.
10Ẹnịnị ẹ yị jẹẹ pè ịrẹyị oni Ohomorihi pè wa kà tịtẹ,
ẹ yị zẹẹ ka ẹnị ẹ̀ sị eyi pè ọda anị.
11Aza ẹnẹẹ ê hi ayị ụkọrọ ịvọpa oni Ohomorihi mẹ zụ̀ wa.
12 #
Kụra 7.8—12.32
Óhiku aza ẹnẹẹ mè hi Ijipiti ịnị ẹtẹ Izowanị, Ohomorihi ộ mẹ̀ ụkọrọ ịvọpa éyi ẹnịnị.
13 #
Kụra 14.21,22 Ô che ẹngụ hi ẹẹva dị ọ mẹ ka enyi ẹ̀ kụ́ jẹẹ anka ọvọ avọọ nị,
dị ọ kụ́ aza ẹnẹẹ zi oze ini òkū na para hu nị.
14 #
Kụra 13.21,22 Ẹnịnị màa na, Ohomorihi aa si eguhii zụ̀ wa oze ọọdụ,
ịrahụ dị ọ hu ịra hụrẹ ẹbẹẹba va yị wa.
15E mè tù ịnị ụnọmị, Ohomorihi ọ̀ há ịrẹta,
dị ọ mẹ ka enyi ọ̀ gụ ẹtẹ anka oku avọọ dị aza ẹnẹẹ ee hú ọ nị.
16 #
Kụra 17.1-7; Ịrị 20.2-13 Mị ka ịnị ịda ọ tụ̀ enyi hụrẹ yị wa, di ee sì anka okuha avọọ nị.
17Ịrẹma oni Ohomorihi maanị mị mẹ yị wa,
ẹnịnị vị ana aa mịị mẹ̀ ebira odivii hi Ohomorihi.
Ê hi ini ụnọmị ịzọọ, ẹ ka ẹnị ẹ yị kụkụ zụ dọ ịrẹyị Ohomorihi tụ́ ịzọọ.
18 #
Kụra 16.2-15; Ịrị 11.4-23,31-35 Ẹnịnị ệ yẹ, dị ẹ yaa zama Ohomorihii re nị.
Ẹ ka ẹngụ ịsọyịrị ẹnị ẹnị ee sì, Ohomorihi ọ̀ sị yị ẹnị.
19Ẹ yaa kà a chire Ohomorihi, ẹ ka aanị ka Ohomorihi ọ zụ sị ịsọyịrị yị ọza ịnị ụnọmị ịzẹnị?
20Ẹ ka ẹnị ệ yẹ ka Ohomorihi mẹ̀ nya ịda ịsa, enyi ộ chaka hi ẹtẹ, di ee sì vụụ-vụụ nị
Ama ọ́ọ́ rẹ zụ sị ịsọyịrị yị ẹnị?
Ẹ ka ọ́ọ́ zụ sị uye yị aza anị?
21Ịjị Ẹnẹyịmavara maanị wụ́ ayị ọ sị ọ.
Ayị anị aa dà ọva ka ọnị ọ̀ sị ụya rị irima ezi Ijekọvụ ẹnẹnị ama vị Anisirẹrị
22Iruvo ọ vị ka ẹnịnị ẹ yị sị ayị tụra Ohomorihi,
ẹ yị dọ ka ọ zụ dọ ẹnị tụ́.
23Ama di Ohomorihi mẹ ka oze ihinẹba ọ̀ na ẹbẹẹba,
24 #
Ịjọ 6.31
dị ọ mẹ ka ịsọyịrị ana aā hị́ ịmana ọ̀ zụ̀ hị́ ẹtẹ yị wa nị.
25Mị ka aza ẹnẹẹ ệ rị ịsa ana anggẹẹrị nịnị rị.
Ohomorihi ộ sị ịsa yị wa ka ẹ̀ rị, ẹ̀ mẹ̀ zụ.
26Ohomorihi ộ mẹ̀ ka ahị ọ̀ tụ́ hụrẹ ẹbẹẹba eyi ọnị ọyịị̄ hụrẹẹ vẹ.
Dị ọ rẹ sị ụkata anị mẹ ka ahị ọ̀ zị oze ụvẹtẹ tụ̀ vẹ nị.
27Di Ohomorihi zụ̀ uye hi ẹtẹ yị wa, dị ọ gụ ẹtẹ anka ààrẹ ụtọ ókụ̄ avọọ nị.
28Ọ̀ mẹ ka uye ẹnẹẹ ẹ̀ zụ̀ hi ịnị ajẹngụ ẹnịnị ọnịrị ojesi kara udi ẹnịnị.
29Aza ẹnẹẹ ệ rị uye pooro, ẹ rẹ zụ rị.
Uye ẹnị ẹ ka ẹnị ee sì, Ohomorihi ộ sị yị wa.
30Ẹnịnị ệ yị va tụ̀ ụvọ hụụnị ịsa ẹnị ẹ yaa rị,
mị ka ịsa vị ẹnị ẹ sị sị tụ́ irenu,
31dị ọyịkụ Ohomorihi chaka kú wa ịrẹsụ nị. Dị ọ za aza ana nyị ụkata hụ ịnị ẹnịnị, dị ọ wụ̀ wa va ha nị.
Mị ka ọmụha Anisirẹrị vị oni Ohomorihi sẹ̀ va ha.
32Dị avaba ịsa ẹnẹnị maanị mị mẹ aanị, ẹnịnị vị ana aa mịị̄ mẹ̀ ebira odivii hi Ohomorihi.
Ẹnịnị ê re avaba ịvọpa ẹnịnị, ama ẹ yị sị sị ayị tụra Ohomorihi.
33Di Ohomorihi mẹ ka avaba ẹhẹ ẹnịnị ò vi osusu dị ẹ̀ẹ rị ụya nị.
34Ịjị Ohomorihi òo si nyima aa wụ̀ wa dị ẹnị ana vọ rẹ và ká Ohomorihi vẹ,
di e ro ịnẹ varẹma, dị ẹ yaa dá ịpẹ.
35Ịjọnọọ dị ẹ sị tamayị ka Ohomorihi ọ zụ sị ẹnị tẹ ka asị a nyị ịsị ẹ mẹ̀ ẹnị nị.
36Ẹnịnị ẹ̀ẹ vavọọ vẹ, dị ẹ yaa kụ́ hworo-hworo, di e yee cheeche.
37 #
Ụkọ 8.21
Ẹnịnị ẹ yị sị ịnẹ zụ̀ Ohomorihi, ẹ yị rẹ jẹẹ pè ịrẹyị ọnị ẹnịrị Ohomorihi kà tịtẹ.
38Ama Ohomorihi ọ vị vayị ẹnịnị, dị ọ vagu wa ini ebira odivi ẹnị ẹ yaa mẹ nị.
Ọ yị wụ̀ avaba ẹnịnị ha.
Ụpẹ ọsa ụpẹ ọsa Ohomorihi sii nyị isuuru nị
ọ mà zẹẹ ka ọnị ọ̀ kụ́ ayị tù ịzị eyi za a ne tù.
39Ohomorihi ộ yẹ ka ọzarẹyịrẹsụ ẹ vị nị.
Vị ẹ sị mẹẹ ahị ana aa tụ́ parahu, dị ọ yị kụkụ vavẹ avọọ nị.
40Ọza ọ yị yẹ ụpẹ ịrịka yà ẹnị ẹ sị kwẹẹtẹ tù Ohomorihi ịnị ụnọmị, dị ẹ yaa mẹ ka ayị anị ò du.
41Ẹnịnị ệ zama Ohomorihi re ụpẹ akawụ ẹkẹhị, dị ẹ yaa kụ́ ẹngụkataa tù ọ.
42Ẹnịnị ẹ yị kụkụ tamayị ụkata Ohomorihi,
ẹ yị tamayị ịhị ọnị ọ dọ wa tụ́ hụụnị ụvọ aza ama aa chamayịị yị wa.
43Ịnị ụmẹ ọnọọ, Ohomorihi ộ mẹ̀ ụkọrọ ịvọpa ịnị ẹtẹ Anijipiti,
mị ka Anizowa ê re ịta mā ta pa.
44 #
Kụra 7.17-21
Ohomorihi ộ mẹ̀ ka avaba okuha Anijipiti ọ̀ vị.
Ẹnịnị e yi kuku re enyi hú,
45 #
Kụra 8.20-24;
Kụra 8.1-6
Ohomorihi ọ rẹ tụ́ ka ịsị ọ̀ na pa ịva yị wa.
Di iruvu ẹnị rẹ na, dị ọ tana ụvọ za wa nị.
46 #
Kụra 10.12-15
Ọ rẹ mẹ ka akụvarịva ẹ̀ nọ ịnị aarẹ ẹnịnị, di e du wa ịsọyịrị ha nị.
47 #
Kụra 9.22-25
Aarẹ ẹnị ẹ kụ́ ọchị ịvayịnị ọnịrị ihwigi tụ́ vị ana ata ihinẹba za di e du wa ha.
48Avọọ ọ́ mẹ̀ sị apaana ihinẹba dị ọ sị wụ̀ ịsụpa ẹnịnị va ha nị.
49Ộ tụ́ anggẹẹrị anị anaā wụ̀ ọza ka ẹ̀ na mẹ ọyịkụ anị tụra aza ẹnẹẹ ịrẹsụ.
50Ohomorihi ô tenyi ẹngụ ka ọnị aa kụ́ ayị,
dị ọ navọ ka ụkụ ọ̀ za wa dị ọ̀ wụ̀ wa nị.
51 #
Kụra 12.29
Ộ za ezi ọzọkụ Anijipiti dị ọ wụ̀ wa nị.
Dị ọ ngụ ịnị ajẹngụ Ihami, dị ọ wụ ezi ọzọkụ anị nị.
52 #
Kụra 13.17-22
Di Ohomorihi kụ́ aza anị jịnẹ aa na ịnị ụnọmị
anka ọza ene ee sere atẹmẹ mẹ̀ẹ kụ́ atẹmẹ anịị zị avọọ nị.
53 #
Kụra 14.26-28
Ô sere wa ka asị a nyị ịsị ẹ mẹ̀ wa, agụvị avọọ angwa ọ yị hị́ wa.
Ama ọnịvị ẹnịnị vi oni okuha mụnẹ.
54 #
Kụra 15.17; Ijos 3.14-17 Avọọ Ohomorihi mẹmẹ kụ́ aza anị va ngụ ụtọ ẹkụra anị nị.
Ụkata anị ọ sị dọ ẹkụra ataba-ataba ọnọọ nị.
55 #
Ijos 11.16-23
Anẹkụra ọnọọ vị ọnị ọ dụ hụụ ịzọọ,
dị ọ gà ẹtẹ anị yị aza anị ka ọ̀ vị ogu ẹnịnị nị.
Dị ọ kụ́ Anisirẹrị ka è hi ini eehi aza ẹnẹẹ nị.
56 #
Ọdọ 2.11-15
Ama Anisirẹrị aa zama Ohomorihi re, ẹ yị zẹẹ ka ẹnị ẹ̀ dọ ịrẹyị Ohomorihi tụ́ ịzọọ.
Ẹnịnị ẹ yị sị ụvọ za ọda anị.
57Ẹnịnị ọnị ẹ yị rẹ sị ịnẹ yị Ohomorihi,
ẹ yaa mẹ̀ ebira ohiku ẹnịnị
Ẹnịnị vị ana sị mẹẹ anka ọpa ana rara avọ,
ọza ọ yị zụ sị ayị tụra wa.
58Ẹnịnị ệ mẹ ayị kụ́ Ohomorihi agụvị aha ahẹkẹ ori ẹnị ẹ dà hi ịrẹsụ ataba irenyi-irenyi.
Ori ẹnịnị vị ana mẹ̀ ẹ kụ́ ụhị.
59Ịjị ọ maanị re wa, ayị ộ kụ́ ọ ẹtẹẹtẹrẹ,
di o yi Anisirẹrị ka ẹ yị kụkụ vị aza ẹnị ẹ vị vụrụ-vụrụ nị.
60 #
Ijos 18.1; Ijer 7.12-14; 26.6 Ohomorihi ọ sị wa hụrẹ ụvọ tụ́ Isiro ịzị ẹnịrị wa vịdị kụ́ udi tụ́, dị ọ ra ịzọọ.
61 #
1 Ịsa 4.4-22
Ohomorihi ộ zẹẹ ka apoti anị ọnị ọ sịị mẹ̀ ụkọrọ ịvọpa aza ẹ̀ dọ ọ éyi ịrẹkụ.
Ộ zẹẹ ka ọnịvị ẹ̀ dọ ịsa ana vị ụbanyị anị.
62Ayị ộ kụ́ ọ tù aza anị pooro, dị ọ navọ ka ịrẹkụ ọ̀ rị wa nị.
63Ịrẹkụ ọ sị ozwọọmụha ẹnịnị rị, ozwoorihi ẹnịnị e yi kuku re ọza ana aa nyị wa.
64A raà wụ̀ ohirẹsụ irehi Ohomorihi ẹnịnị,
ese ẹnịnị ẹ yị hyakụ zụ jị òrèrè.
65Kẹnẹ dị Ananyị yị vana kwẹẹtẹ anka ọza ana hā hụụnị ara avọọ nị.
Dị aa mẹ ọmụha, anka ọza eni eche raà sị ụkata yị nị.
66Dị ọ za ọnịvị anị dị ọ dụ wa varẹma,
dị ahịka vị ụhị kụkụ aa nyị wa pooro-pooro nị.
67Ohomorihi ô yi ezi Ijosẹẹhụ tịtẹ,
ọ ka ọnị ọ yị kụkụ nyị ọza hụụnị ovwoovu Ehwireemi.
68Dị ọ kụkụ na nyị anovwoovu Ijuda ọnịrị ataba Ịzayọnị ịzị o sì ịrẹyị anị nị.
69Dị ọ dà irehi anị tụ́ ịzọọ anka irehi anị ana yà ẹbẹẹba nị.
Ộ sị ọ jẹẹ geri-geri anka ọ́ mẹ̀ sị ẹhẹ ịnyẹmba jẹẹ pooro.
70 #
1 Ịsa 16.11,12; 2 Ịsa 7.8; 1 Ịtọ 17.7 Ộ hị́ Idevidi ozi ahụ anị hụrẹ ịzị ọ yà aa tẹsị ịsụpa,
71dị ọ sị ọ ka ọ̀ kụkụ vaa tẹsị aza anị ana vi ezi Ijekọvụ nị.
Mị ka ẹnị ẹ vị Anisirẹrị ana vi ogu Ohomorihi nị.
72Ịzẹyịza dị ahịka ayị ọnya Idevidi aa sịị si eyii pè aza ẹnẹẹ nị,
dị ọ rẹ yẹ á mẹ̀ vọrọ ka ọ̀ọ tẹsị ẹnịnị nị.
Currently Selected:
Ahẹ Ụgama 78: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 78
78
Ịrẹyị Ohomorihi ọnịrị aza anị
(Ahẹ Asahwi ana a sịị̄ sị ịsaa zụ̀ aza)
1Ẹwụ nịnị aza amị, wụ́ ịrẹyị ọnị maa sịị zụ̀ wụ nịnị,
mị ka wa sị ụtọ pè mi nịnị.
2 #
Imt 13.35
Mi vee che ụhị ịrẹyị, dị mị sị iruvo ịrẹyị ana a mẹ ịyẹẹyẹ tụ́ ẹhẹ.
3Â nyị ịrẹyị ọnị ị wụ́, yi reè re ịrẹyị.
Ada ayị ẹ raà kà ịrẹyị zụ̀ yị.
4Yẹ yị vaa sị ịrẹyị ẹnẹẹ tẹẹ yị ezi ẹnịnị.
Avaba ụkọrọ ẹbanyị-ẹbanyị ẹnị Ẹnẹyịmavara mẹ ọnịrị ụkata anị vị ọnị ị vaa kà a yị ezi ịrẹma.
5Ohomorihi ộ mẹ̀ ọda anị irenyi-irenyi yị Ijekọvụ ohiku Anisirẹrị
ọda ọnọọ vị ọnị ọ ka Anisirẹrị ẹ̀ sị ụvọ za.
Ọ kà a yị ohiku ayị ka ẹnịnị ẹ̀ẹ sị ọda ọnọọ zụ̀ ezi ẹnịnị,
6di ezi ịrẹma ọnị ọza ọ̀ọ́ yị hyakụ yẹ ka a vaa ma ẹ zụ yẹ,
dị ẹnị ẹ̀ rẹ zụ sị kọ ezi ẹnịnị.
7Ọnọọ vaa mẹ ka ẹ̀ zụ sị ayị tụra Ẹnẹyịmavara
dị asị e hi ayị ịsa ọnị Ẹnẹyịmavara mẹ, dị ẹ̀ zụ sị ụvọ za ọda anị
8Dị asị ẹnịnị na hama ada ẹnịnị ana vị anakamawụ ọnịrị Ananyị ọkatẹngụ.
Ada ẹnịnị ẹ yị sị ayị ẹnịnị yị Ohomorihi tù ịnẹ tù ịnẹ.
9Anehwireemi ệ kà ọpa ẹnịnị kú ịzẹyịza
ama ịhị ịrẹkụ si tù, vi e zwe varẹma nị.
10Ẹnịnị ẹ yị jẹẹ pè ịrẹyị oni Ohomorihi pè wa kà tịtẹ,
ẹ yị zẹẹ ka ẹnị ẹ̀ sị eyi pè ọda anị.
11Aza ẹnẹẹ ê hi ayị ụkọrọ ịvọpa oni Ohomorihi mẹ zụ̀ wa.
12 #
Kụra 7.8—12.32
Óhiku aza ẹnẹẹ mè hi Ijipiti ịnị ẹtẹ Izowanị, Ohomorihi ộ mẹ̀ ụkọrọ ịvọpa éyi ẹnịnị.
13 #
Kụra 14.21,22 Ô che ẹngụ hi ẹẹva dị ọ mẹ ka enyi ẹ̀ kụ́ jẹẹ anka ọvọ avọọ nị,
dị ọ kụ́ aza ẹnẹẹ zi oze ini òkū na para hu nị.
14 #
Kụra 13.21,22 Ẹnịnị màa na, Ohomorihi aa si eguhii zụ̀ wa oze ọọdụ,
ịrahụ dị ọ hu ịra hụrẹ ẹbẹẹba va yị wa.
15E mè tù ịnị ụnọmị, Ohomorihi ọ̀ há ịrẹta,
dị ọ mẹ ka enyi ọ̀ gụ ẹtẹ anka oku avọọ dị aza ẹnẹẹ ee hú ọ nị.
16 #
Kụra 17.1-7; Ịrị 20.2-13 Mị ka ịnị ịda ọ tụ̀ enyi hụrẹ yị wa, di ee sì anka okuha avọọ nị.
17Ịrẹma oni Ohomorihi maanị mị mẹ yị wa,
ẹnịnị vị ana aa mịị mẹ̀ ebira odivii hi Ohomorihi.
Ê hi ini ụnọmị ịzọọ, ẹ ka ẹnị ẹ yị kụkụ zụ dọ ịrẹyị Ohomorihi tụ́ ịzọọ.
18 #
Kụra 16.2-15; Ịrị 11.4-23,31-35 Ẹnịnị ệ yẹ, dị ẹ yaa zama Ohomorihii re nị.
Ẹ ka ẹngụ ịsọyịrị ẹnị ẹnị ee sì, Ohomorihi ọ̀ sị yị ẹnị.
19Ẹ yaa kà a chire Ohomorihi, ẹ ka aanị ka Ohomorihi ọ zụ sị ịsọyịrị yị ọza ịnị ụnọmị ịzẹnị?
20Ẹ ka ẹnị ệ yẹ ka Ohomorihi mẹ̀ nya ịda ịsa, enyi ộ chaka hi ẹtẹ, di ee sì vụụ-vụụ nị
Ama ọ́ọ́ rẹ zụ sị ịsọyịrị yị ẹnị?
Ẹ ka ọ́ọ́ zụ sị uye yị aza anị?
21Ịjị Ẹnẹyịmavara maanị wụ́ ayị ọ sị ọ.
Ayị anị aa dà ọva ka ọnị ọ̀ sị ụya rị irima ezi Ijekọvụ ẹnẹnị ama vị Anisirẹrị
22Iruvo ọ vị ka ẹnịnị ẹ yị sị ayị tụra Ohomorihi,
ẹ yị dọ ka ọ zụ dọ ẹnị tụ́.
23Ama di Ohomorihi mẹ ka oze ihinẹba ọ̀ na ẹbẹẹba,
24 #
Ịjọ 6.31
dị ọ mẹ ka ịsọyịrị ana aā hị́ ịmana ọ̀ zụ̀ hị́ ẹtẹ yị wa nị.
25Mị ka aza ẹnẹẹ ệ rị ịsa ana anggẹẹrị nịnị rị.
Ohomorihi ộ sị ịsa yị wa ka ẹ̀ rị, ẹ̀ mẹ̀ zụ.
26Ohomorihi ộ mẹ̀ ka ahị ọ̀ tụ́ hụrẹ ẹbẹẹba eyi ọnị ọyịị̄ hụrẹẹ vẹ.
Dị ọ rẹ sị ụkata anị mẹ ka ahị ọ̀ zị oze ụvẹtẹ tụ̀ vẹ nị.
27Di Ohomorihi zụ̀ uye hi ẹtẹ yị wa, dị ọ gụ ẹtẹ anka ààrẹ ụtọ ókụ̄ avọọ nị.
28Ọ̀ mẹ ka uye ẹnẹẹ ẹ̀ zụ̀ hi ịnị ajẹngụ ẹnịnị ọnịrị ojesi kara udi ẹnịnị.
29Aza ẹnẹẹ ệ rị uye pooro, ẹ rẹ zụ rị.
Uye ẹnị ẹ ka ẹnị ee sì, Ohomorihi ộ sị yị wa.
30Ẹnịnị ệ yị va tụ̀ ụvọ hụụnị ịsa ẹnị ẹ yaa rị,
mị ka ịsa vị ẹnị ẹ sị sị tụ́ irenu,
31dị ọyịkụ Ohomorihi chaka kú wa ịrẹsụ nị. Dị ọ za aza ana nyị ụkata hụ ịnị ẹnịnị, dị ọ wụ̀ wa va ha nị.
Mị ka ọmụha Anisirẹrị vị oni Ohomorihi sẹ̀ va ha.
32Dị avaba ịsa ẹnẹnị maanị mị mẹ aanị, ẹnịnị vị ana aa mịị̄ mẹ̀ ebira odivii hi Ohomorihi.
Ẹnịnị ê re avaba ịvọpa ẹnịnị, ama ẹ yị sị sị ayị tụra Ohomorihi.
33Di Ohomorihi mẹ ka avaba ẹhẹ ẹnịnị ò vi osusu dị ẹ̀ẹ rị ụya nị.
34Ịjị Ohomorihi òo si nyima aa wụ̀ wa dị ẹnị ana vọ rẹ và ká Ohomorihi vẹ,
di e ro ịnẹ varẹma, dị ẹ yaa dá ịpẹ.
35Ịjọnọọ dị ẹ sị tamayị ka Ohomorihi ọ zụ sị ẹnị tẹ ka asị a nyị ịsị ẹ mẹ̀ ẹnị nị.
36Ẹnịnị ẹ̀ẹ vavọọ vẹ, dị ẹ yaa kụ́ hworo-hworo, di e yee cheeche.
37 #
Ụkọ 8.21
Ẹnịnị ẹ yị sị ịnẹ zụ̀ Ohomorihi, ẹ yị rẹ jẹẹ pè ịrẹyị ọnị ẹnịrị Ohomorihi kà tịtẹ.
38Ama Ohomorihi ọ vị vayị ẹnịnị, dị ọ vagu wa ini ebira odivi ẹnị ẹ yaa mẹ nị.
Ọ yị wụ̀ avaba ẹnịnị ha.
Ụpẹ ọsa ụpẹ ọsa Ohomorihi sii nyị isuuru nị
ọ mà zẹẹ ka ọnị ọ̀ kụ́ ayị tù ịzị eyi za a ne tù.
39Ohomorihi ộ yẹ ka ọzarẹyịrẹsụ ẹ vị nị.
Vị ẹ sị mẹẹ ahị ana aa tụ́ parahu, dị ọ yị kụkụ vavẹ avọọ nị.
40Ọza ọ yị yẹ ụpẹ ịrịka yà ẹnị ẹ sị kwẹẹtẹ tù Ohomorihi ịnị ụnọmị, dị ẹ yaa mẹ ka ayị anị ò du.
41Ẹnịnị ệ zama Ohomorihi re ụpẹ akawụ ẹkẹhị, dị ẹ yaa kụ́ ẹngụkataa tù ọ.
42Ẹnịnị ẹ yị kụkụ tamayị ụkata Ohomorihi,
ẹ yị tamayị ịhị ọnị ọ dọ wa tụ́ hụụnị ụvọ aza ama aa chamayịị yị wa.
43Ịnị ụmẹ ọnọọ, Ohomorihi ộ mẹ̀ ụkọrọ ịvọpa ịnị ẹtẹ Anijipiti,
mị ka Anizowa ê re ịta mā ta pa.
44 #
Kụra 7.17-21
Ohomorihi ộ mẹ̀ ka avaba okuha Anijipiti ọ̀ vị.
Ẹnịnị e yi kuku re enyi hú,
45 #
Kụra 8.20-24;
Kụra 8.1-6
Ohomorihi ọ rẹ tụ́ ka ịsị ọ̀ na pa ịva yị wa.
Di iruvu ẹnị rẹ na, dị ọ tana ụvọ za wa nị.
46 #
Kụra 10.12-15
Ọ rẹ mẹ ka akụvarịva ẹ̀ nọ ịnị aarẹ ẹnịnị, di e du wa ịsọyịrị ha nị.
47 #
Kụra 9.22-25
Aarẹ ẹnị ẹ kụ́ ọchị ịvayịnị ọnịrị ihwigi tụ́ vị ana ata ihinẹba za di e du wa ha.
48Avọọ ọ́ mẹ̀ sị apaana ihinẹba dị ọ sị wụ̀ ịsụpa ẹnịnị va ha nị.
49Ộ tụ́ anggẹẹrị anị anaā wụ̀ ọza ka ẹ̀ na mẹ ọyịkụ anị tụra aza ẹnẹẹ ịrẹsụ.
50Ohomorihi ô tenyi ẹngụ ka ọnị aa kụ́ ayị,
dị ọ navọ ka ụkụ ọ̀ za wa dị ọ̀ wụ̀ wa nị.
51 #
Kụra 12.29
Ộ za ezi ọzọkụ Anijipiti dị ọ wụ̀ wa nị.
Dị ọ ngụ ịnị ajẹngụ Ihami, dị ọ wụ ezi ọzọkụ anị nị.
52 #
Kụra 13.17-22
Di Ohomorihi kụ́ aza anị jịnẹ aa na ịnị ụnọmị
anka ọza ene ee sere atẹmẹ mẹ̀ẹ kụ́ atẹmẹ anịị zị avọọ nị.
53 #
Kụra 14.26-28
Ô sere wa ka asị a nyị ịsị ẹ mẹ̀ wa, agụvị avọọ angwa ọ yị hị́ wa.
Ama ọnịvị ẹnịnị vi oni okuha mụnẹ.
54 #
Kụra 15.17; Ijos 3.14-17 Avọọ Ohomorihi mẹmẹ kụ́ aza anị va ngụ ụtọ ẹkụra anị nị.
Ụkata anị ọ sị dọ ẹkụra ataba-ataba ọnọọ nị.
55 #
Ijos 11.16-23
Anẹkụra ọnọọ vị ọnị ọ dụ hụụ ịzọọ,
dị ọ gà ẹtẹ anị yị aza anị ka ọ̀ vị ogu ẹnịnị nị.
Dị ọ kụ́ Anisirẹrị ka è hi ini eehi aza ẹnẹẹ nị.
56 #
Ọdọ 2.11-15
Ama Anisirẹrị aa zama Ohomorihi re, ẹ yị zẹẹ ka ẹnị ẹ̀ dọ ịrẹyị Ohomorihi tụ́ ịzọọ.
Ẹnịnị ẹ yị sị ụvọ za ọda anị.
57Ẹnịnị ọnị ẹ yị rẹ sị ịnẹ yị Ohomorihi,
ẹ yaa mẹ̀ ebira ohiku ẹnịnị
Ẹnịnị vị ana sị mẹẹ anka ọpa ana rara avọ,
ọza ọ yị zụ sị ayị tụra wa.
58Ẹnịnị ệ mẹ ayị kụ́ Ohomorihi agụvị aha ahẹkẹ ori ẹnị ẹ dà hi ịrẹsụ ataba irenyi-irenyi.
Ori ẹnịnị vị ana mẹ̀ ẹ kụ́ ụhị.
59Ịjị ọ maanị re wa, ayị ộ kụ́ ọ ẹtẹẹtẹrẹ,
di o yi Anisirẹrị ka ẹ yị kụkụ vị aza ẹnị ẹ vị vụrụ-vụrụ nị.
60 #
Ijos 18.1; Ijer 7.12-14; 26.6 Ohomorihi ọ sị wa hụrẹ ụvọ tụ́ Isiro ịzị ẹnịrị wa vịdị kụ́ udi tụ́, dị ọ ra ịzọọ.
61 #
1 Ịsa 4.4-22
Ohomorihi ộ zẹẹ ka apoti anị ọnị ọ sịị mẹ̀ ụkọrọ ịvọpa aza ẹ̀ dọ ọ éyi ịrẹkụ.
Ộ zẹẹ ka ọnịvị ẹ̀ dọ ịsa ana vị ụbanyị anị.
62Ayị ộ kụ́ ọ tù aza anị pooro, dị ọ navọ ka ịrẹkụ ọ̀ rị wa nị.
63Ịrẹkụ ọ sị ozwọọmụha ẹnịnị rị, ozwoorihi ẹnịnị e yi kuku re ọza ana aa nyị wa.
64A raà wụ̀ ohirẹsụ irehi Ohomorihi ẹnịnị,
ese ẹnịnị ẹ yị hyakụ zụ jị òrèrè.
65Kẹnẹ dị Ananyị yị vana kwẹẹtẹ anka ọza ana hā hụụnị ara avọọ nị.
Dị aa mẹ ọmụha, anka ọza eni eche raà sị ụkata yị nị.
66Dị ọ za ọnịvị anị dị ọ dụ wa varẹma,
dị ahịka vị ụhị kụkụ aa nyị wa pooro-pooro nị.
67Ohomorihi ô yi ezi Ijosẹẹhụ tịtẹ,
ọ ka ọnị ọ yị kụkụ nyị ọza hụụnị ovwoovu Ehwireemi.
68Dị ọ kụkụ na nyị anovwoovu Ijuda ọnịrị ataba Ịzayọnị ịzị o sì ịrẹyị anị nị.
69Dị ọ dà irehi anị tụ́ ịzọọ anka irehi anị ana yà ẹbẹẹba nị.
Ộ sị ọ jẹẹ geri-geri anka ọ́ mẹ̀ sị ẹhẹ ịnyẹmba jẹẹ pooro.
70 #
1 Ịsa 16.11,12; 2 Ịsa 7.8; 1 Ịtọ 17.7 Ộ hị́ Idevidi ozi ahụ anị hụrẹ ịzị ọ yà aa tẹsị ịsụpa,
71dị ọ sị ọ ka ọ̀ kụkụ vaa tẹsị aza anị ana vi ezi Ijekọvụ nị.
Mị ka ẹnị ẹ vị Anisirẹrị ana vi ogu Ohomorihi nị.
72Ịzẹyịza dị ahịka ayị ọnya Idevidi aa sịị si eyii pè aza ẹnẹẹ nị,
dị ọ rẹ yẹ á mẹ̀ vọrọ ka ọ̀ọ tẹsị ẹnịnị nị.
Ebira First Bible © Bible Society of Nigeria, 2014.