Ahẹ Ụgama 49
49
Aza ana sị ayị tụra ogu ẹnịnị ẹ̀ nyarị iruwa
(Ahẹ ezi Ikora).
1-2Ẹwụ nịnị anẹhẹ, ọzọbanyị ọnịrị onosiye
navọ wa sị ụtọ pè ịrẹyị ọnị maa vaa kà aanị.
3Mee sì ka ma sị ịrẹyọyẹ kà ịrẹyị
Mee sì ka ịrẹyị ọnị mee ro ọ̀ mẹ ka ọza ọ̀ zụ yẹ ịrẹyị.
4Mee sì ka me che ụhịrẹyị
dị ma rẹ sị àgidibò kà iruvo anị.
5Ịjị ụmẹ odivi ọ̀ọ vẹ, ọọ vẹ dị aza edivi ana aa rị mị ẹtẹ ahụ gụ kara mi nị, me yi vee hí angwa.
6Aza edivi ẹnẹẹ vị ana sị ayị tụra ogu ẹnị ẹ nyị
dị ẹ yaa sị ẹkẹhị ẹnịnị wo oto.
7Nyị ọza ana nyẹngụ sị ẹkẹhị hị́ ụhwẹ ọyịnyara anị
Ọ za o yi si ụta ụhwẹ ọza yị Ohomorihi,
8agụvị ka ịsị ee sii si ụta ụhwẹ ọza ộ katarihi ẹnẹmẹhị
nyị ọpa ẹkẹhị ana hụ si ọ,
9ana vaa mẹ ka asị ọza ọnọọ kuku sú pàá.
10Nyị ọza ene è yi re ka ọ́yẹrẹyị mèe sú avọọ ọnụra ẹnị mè ree sú nị.
Èe wusu, dị ẹ navọ ogu ẹnịnị yị ọza ẹnẹsa.
11Aza ẹnẹẹ ana ahịka ệ vịdị nyị ogu dị ẹ hyakụ nyị ẹtẹ ana aa sịị hị́ wa ịrẹha
ama èe wusu dị ahịka ikuta ọ kụkụ vi eehi ẹnịnị pooro nị.
12Wéē re ka ọza ọnịrị ụbanyị ọ yị va ra ẹhẹ pooro
o vee sú anka uye ịnị avị mèe sú avọọ.
13Jẹẹ ma kà a wụ ịsị e vee tù aza ana sị ayị tụra ẹngụ ẹnịnị
ọnịrị aza ana sị ọtụ kà wa ịrẹma ka ịsa ẹnẹ ẹ yaa ka ô zoza.
14Ẹnịnị vi ene vee sú kẹnẹ anka atẹmẹ avọọ
Di Iswọọza kụ́ wa aa nọ ini ikuta
Ọza ana aa mẹ̀ ebira ana vọrọ ọ vaa nyị ẹbẹẹba ẹnịnị Ịjị eyi ọ̀ọ sị nị̄ nị
Aza edivi vị ana vaa vụụ hi ini ikuta.
Ẹnịnị ẹ yị kụkụ vaa yà anka ụbanyị ẹnị ẹ vịdị nyị tụ́ ini irehi ẹnịnị ana vịdị vavọọ zoza.
15Ama Ohomorihi vaa dọ ẹmịị tụ́ hụụnị ụvọ isu
dị ọ sị mi ne pè ẹngụ.
16Wèe re ka ọza aa nyị ogu, di ogu anị aa rụrụụ hu avọọ, asị angwa hụ ụvị avọọ hi wu.
17Ịhị òo sú, ọ yị kú ogu anị za
A yi nyị ogu anị ikonya ene e vee ne vaka a.
18Ọza ọ̀ọ yà ẹhẹ di ee zee yọ nị
ọ nyẹngụ aa kà a ka ẹhẹ anị o si zoza
dị aza hyakụ aa ga a bẹẹ.
19Ama oni vi ene re vee sú anka aza ana vịdị hi ọvịdị anị
ẹnịnị e yi kuku vee re ẹtohweyi.
20Ọza ana nyị ogu dị ọ̀ yị rẹ vaa yẹ ịrẹyị
vị ana sị mẹẹ anka uye ịnị avị ene vee sú nee ta kẹnẹ avọọ.
Currently Selected:
Ahẹ Ụgama 49: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 49
49
Aza ana sị ayị tụra ogu ẹnịnị ẹ̀ nyarị iruwa
(Ahẹ ezi Ikora).
1-2Ẹwụ nịnị anẹhẹ, ọzọbanyị ọnịrị onosiye
navọ wa sị ụtọ pè ịrẹyị ọnị maa vaa kà aanị.
3Mee sì ka ma sị ịrẹyọyẹ kà ịrẹyị
Mee sì ka ịrẹyị ọnị mee ro ọ̀ mẹ ka ọza ọ̀ zụ yẹ ịrẹyị.
4Mee sì ka me che ụhịrẹyị
dị ma rẹ sị àgidibò kà iruvo anị.
5Ịjị ụmẹ odivi ọ̀ọ vẹ, ọọ vẹ dị aza edivi ana aa rị mị ẹtẹ ahụ gụ kara mi nị, me yi vee hí angwa.
6Aza edivi ẹnẹẹ vị ana sị ayị tụra ogu ẹnị ẹ nyị
dị ẹ yaa sị ẹkẹhị ẹnịnị wo oto.
7Nyị ọza ana nyẹngụ sị ẹkẹhị hị́ ụhwẹ ọyịnyara anị
Ọ za o yi si ụta ụhwẹ ọza yị Ohomorihi,
8agụvị ka ịsị ee sii si ụta ụhwẹ ọza ộ katarihi ẹnẹmẹhị
nyị ọpa ẹkẹhị ana hụ si ọ,
9ana vaa mẹ ka asị ọza ọnọọ kuku sú pàá.
10Nyị ọza ene è yi re ka ọ́yẹrẹyị mèe sú avọọ ọnụra ẹnị mè ree sú nị.
Èe wusu, dị ẹ navọ ogu ẹnịnị yị ọza ẹnẹsa.
11Aza ẹnẹẹ ana ahịka ệ vịdị nyị ogu dị ẹ hyakụ nyị ẹtẹ ana aa sịị hị́ wa ịrẹha
ama èe wusu dị ahịka ikuta ọ kụkụ vi eehi ẹnịnị pooro nị.
12Wéē re ka ọza ọnịrị ụbanyị ọ yị va ra ẹhẹ pooro
o vee sú anka uye ịnị avị mèe sú avọọ.
13Jẹẹ ma kà a wụ ịsị e vee tù aza ana sị ayị tụra ẹngụ ẹnịnị
ọnịrị aza ana sị ọtụ kà wa ịrẹma ka ịsa ẹnẹ ẹ yaa ka ô zoza.
14Ẹnịnị vi ene vee sú kẹnẹ anka atẹmẹ avọọ
Di Iswọọza kụ́ wa aa nọ ini ikuta
Ọza ana aa mẹ̀ ebira ana vọrọ ọ vaa nyị ẹbẹẹba ẹnịnị Ịjị eyi ọ̀ọ sị nị̄ nị
Aza edivi vị ana vaa vụụ hi ini ikuta.
Ẹnịnị ẹ yị kụkụ vaa yà anka ụbanyị ẹnị ẹ vịdị nyị tụ́ ini irehi ẹnịnị ana vịdị vavọọ zoza.
15Ama Ohomorihi vaa dọ ẹmịị tụ́ hụụnị ụvọ isu
dị ọ sị mi ne pè ẹngụ.
16Wèe re ka ọza aa nyị ogu, di ogu anị aa rụrụụ hu avọọ, asị angwa hụ ụvị avọọ hi wu.
17Ịhị òo sú, ọ yị kú ogu anị za
A yi nyị ogu anị ikonya ene e vee ne vaka a.
18Ọza ọ̀ọ yà ẹhẹ di ee zee yọ nị
ọ nyẹngụ aa kà a ka ẹhẹ anị o si zoza
dị aza hyakụ aa ga a bẹẹ.
19Ama oni vi ene re vee sú anka aza ana vịdị hi ọvịdị anị
ẹnịnị e yi kuku vee re ẹtohweyi.
20Ọza ana nyị ogu dị ọ̀ yị rẹ vaa yẹ ịrẹyị
vị ana sị mẹẹ anka uye ịnị avị ene vee sú nee ta kẹnẹ avọọ.
Ebira First Bible © Bible Society of Nigeria, 2014.