Ahẹ Ụgama 48
48
Ana vị ẹkụra Ohomorihi
(Ahẹ ezi Ikora)
1Ẹnẹyịmavara vị ana nyayịnẹ nyị ụbanyị
Ọnị a vọrọ ka aza ẹ̀ẹ sị ụbanyịị yị ịnị ẹkụra Ohomorihi ayị ịzị ataba anị yà nị.
2 #
Imt 5.35
Ataba ọnọọ ộ nẹba ẹtẹẹtẹrẹ, avọọ o mè re zoza nị
Ọnị aa mẹ ka avaba anẹhẹ ẹ̀ẹ jẹ nị.
Ataba ọnọọ vị ana yà ẹbẹẹba huu ịnị ẹkụra oni Ohomorihi ana vị ohinọyị ene hu keekere yà.
3Ohomorihi ọ raà sị zụ̀ ka ọnị yà ịnị ẹkụra ọnọọ
agụvị avọọ ọnị ọ yị vaa zẹẹ ka à nyị ịsị ẹ kanyị aza ene hi ịzọọ.
4Ụmẹ ọnya dị ohinọyị ana vọ kụ́ ẹngụ gụ
dị ẹ ka ẹnị aa kụ́ ịrẹkụ nee tù aza ene hi ini ataba nị.
5Ama Ịjị e tù, di e re e, o si hi wa irenu
Angwahi ọ sị ngụ wa ẹngụ, di e si zwe varẹma nị.
6Ẹgahị mẹ̀ sụ wa ẹngụ, ẹngụ ẹnịnị ộ kata anka ọnẹẹ ana aa ba ịrẹẹ avọọ.
7Ohomorihi, aza ẹnẹẹ vị ọnị ụ gara và ha
anka ahị ọbanyị ana aā tụ́ụ hụrẹ oze ọnị ọyịị̄ zịị mẹ̀ẹ ẹpa Anitasisi ha avọọ.
8Yâ vịdị wụ́ ọ ịsa oni Ohomorihi vịdị mẹ
ya rẹ vavọọ sị o re booro aanị, ka Ohomorihi ayị vị ana nyayịnẹ nyị ụkata ịnị ẹkụra anị
Ọ yị vaa zẹẹ ka à nyị ịsị e zizi ẹkụra anị ọnọọ pooro.
9Ohomorihi, i mè hi ini irehi awụ
di yee ro o ú memeē sì ịrẹyị ọza pooro dị ọ̀ yị mā tụ́ wụ nị.
10Ohomorihi, anka ịrẹha awụ mẹ̀ ngụ ịrẹyị na ngụ avaba ẹhẹ
avọọ aza mẹ̀ raa sị ụbanyịị wụ nị
Ịzẹyịza ụ waa sịị mẹ ohinọyịị tụra aza nị.
11Aza ana ra hi ịnị ataba ẹ̀ẹ jẹ
dị aza ana ra hi ẹkụra Ijuda ẹnị ẹ̀ rẹẹ jẹ
agụvị ka ịzẹyịza ụ sịị̄ mẹ̀ ọkarẹyị nị.
12Maanị jesi kara ẹkụra
dị wa za irehi ọgọdọ ịzị oserẹtẹ nịnị yà ịrịka.
13Rẹ zama ohweje anị re, dị wa hịrẹ nọ ẹbẹẹba anị.
Wèe si o re, dị wa zụ kà enube anị yị ezi ịrẹma.
14Ohomorihi ọnọnị ọ vị Ohomorihi ayị pooro zịna-zịna nị
Ọnị ọ vaa zụ̀ yị oze pooro ịnị ẹhẹ nị.
Currently Selected:
Ahẹ Ụgama 48: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 48
48
Ana vị ẹkụra Ohomorihi
(Ahẹ ezi Ikora)
1Ẹnẹyịmavara vị ana nyayịnẹ nyị ụbanyị
Ọnị a vọrọ ka aza ẹ̀ẹ sị ụbanyịị yị ịnị ẹkụra Ohomorihi ayị ịzị ataba anị yà nị.
2 #
Imt 5.35
Ataba ọnọọ ộ nẹba ẹtẹẹtẹrẹ, avọọ o mè re zoza nị
Ọnị aa mẹ ka avaba anẹhẹ ẹ̀ẹ jẹ nị.
Ataba ọnọọ vị ana yà ẹbẹẹba huu ịnị ẹkụra oni Ohomorihi ana vị ohinọyị ene hu keekere yà.
3Ohomorihi ọ raà sị zụ̀ ka ọnị yà ịnị ẹkụra ọnọọ
agụvị avọọ ọnị ọ yị vaa zẹẹ ka à nyị ịsị ẹ kanyị aza ene hi ịzọọ.
4Ụmẹ ọnya dị ohinọyị ana vọ kụ́ ẹngụ gụ
dị ẹ ka ẹnị aa kụ́ ịrẹkụ nee tù aza ene hi ini ataba nị.
5Ama Ịjị e tù, di e re e, o si hi wa irenu
Angwahi ọ sị ngụ wa ẹngụ, di e si zwe varẹma nị.
6Ẹgahị mẹ̀ sụ wa ẹngụ, ẹngụ ẹnịnị ộ kata anka ọnẹẹ ana aa ba ịrẹẹ avọọ.
7Ohomorihi, aza ẹnẹẹ vị ọnị ụ gara và ha
anka ahị ọbanyị ana aā tụ́ụ hụrẹ oze ọnị ọyịị̄ zịị mẹ̀ẹ ẹpa Anitasisi ha avọọ.
8Yâ vịdị wụ́ ọ ịsa oni Ohomorihi vịdị mẹ
ya rẹ vavọọ sị o re booro aanị, ka Ohomorihi ayị vị ana nyayịnẹ nyị ụkata ịnị ẹkụra anị
Ọ yị vaa zẹẹ ka à nyị ịsị e zizi ẹkụra anị ọnọọ pooro.
9Ohomorihi, i mè hi ini irehi awụ
di yee ro o ú memeē sì ịrẹyị ọza pooro dị ọ̀ yị mā tụ́ wụ nị.
10Ohomorihi, anka ịrẹha awụ mẹ̀ ngụ ịrẹyị na ngụ avaba ẹhẹ
avọọ aza mẹ̀ raa sị ụbanyịị wụ nị
Ịzẹyịza ụ waa sịị mẹ ohinọyịị tụra aza nị.
11Aza ana ra hi ịnị ataba ẹ̀ẹ jẹ
dị aza ana ra hi ẹkụra Ijuda ẹnị ẹ̀ rẹẹ jẹ
agụvị ka ịzẹyịza ụ sịị̄ mẹ̀ ọkarẹyị nị.
12Maanị jesi kara ẹkụra
dị wa za irehi ọgọdọ ịzị oserẹtẹ nịnị yà ịrịka.
13Rẹ zama ohweje anị re, dị wa hịrẹ nọ ẹbẹẹba anị.
Wèe si o re, dị wa zụ kà enube anị yị ezi ịrẹma.
14Ohomorihi ọnọnị ọ vị Ohomorihi ayị pooro zịna-zịna nị
Ọnị ọ vaa zụ̀ yị oze pooro ịnị ẹhẹ nị.
Ebira First Bible © Bible Society of Nigeria, 2014.