Ahẹ Ụgama 18
18
Ahẹ ọnị ọ jị yị Ẹnẹyịmavara ịhị ọ dọ ọ tụ́ hụụ ịnị ụvọ Ịsọọrụ.
(2 Ịsa 22.1-51)
1Ẹnẹyịmavara, mê sì ịrẹyị awụ ẹtẹẹtẹrẹ.
Ẹwaa aa sị ụkata yị mị nị.
2Ẹnẹyịmavara ẹwụ ee sere mi nị
Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị.
Ẹwụ aa dọ mịị tụ́ nị
Ohomorihi amị vị aha ẹvagu nganganga
ịda anị mi zwe na tẹ̀ nị
Ẹwụ ee sere mi nị
Ụkata anị aā sịị dọ mịị tụ́ nị
Ịda anị ọ vị aha ẹvagu ọnị mịị̄ naa tẹ nị.
3Mê nowu na za Ẹnẹyịmavara kà ọ̀ ba mi owu
Ọnị ọ dọ mị tụ́ hụụnị ụvọ ọnịvị amị nịnị nị
Ẹnẹyịmavara a vọrọ ka àa sị ụbanyịị yị nị.
4Ọ sị vọ hwẹẹ isu ọ raà sị mị
Iswọọza vị ana sị mị tụ́ irenu ka ọnị ọ̀ mụnẹ mị
5Ọ sị vọ chee ụvọ iswọọza ò reè kú mi, mê ro ka ma sị ngụ ịrẹpa iswọọza.
6Ịjị ẹngụkata maanị tù mi, di mi nowu na za Ẹnẹyịmavara nị
Mị ka ẹwụ Ohomorihi amị, navọ wa ba mi owu
Di Ohomorihi yà ini eehi anị dị ọ wụ́, dị ọ ba mi owu nị.
7Ịjị Ẹnẹyịmavara nyima aa kụ́ ayị, ẹtẹ vi ene ee henyi jigi-jigi
dị ataba nịnị ee zizi di e yee hu iruvo nị.
8Ayị màa kụ́ ọ
ụhwẹ ana aa zị oze ịnị aahị anị tụ́ vị ana sị mẹẹ anka areyi òo rere aa dà avọọ
ana aa zi oze ini irenuu tụ́ vị ana sị mẹẹ anka ịra ana ahịka ọ zụ wụ̀ ọza.
9O mèe chii vẹ, ẹbẹẹba vị ọnị ọ maanị ya vẹ ẹtẹ
di eguhi ojooji piri-piri aanị maanị yà iruvo ahụ anị nị.
10Ịsa ana nyị avaka ana ahịka ahị ọọ tụra aa zị nị.
11Ịrahụ ọnịrị eguhi ana nyayịnẹ ene ee mine jijiji o si kú ẹngụ anị nị.
12Ọ́ mẹ̀ mẹ ka ịnyanya ọ rị, dị ata ihinẹba ọnịrị ịra aa zụ̀ụ hi ẹtẹ hụụnị eguhi ojooji ọnọọ nị.
13Ẹnẹyịmavara mè nowu ini eguhi, aza ệ wụ ọ ịrẹyị
Ata ihinẹba ọnịrị ịra ẹnị vị ana raa zụ̀.
14Ịjị o ne ọpa anị, dị ịnyanya rị vee-vee
ọ kụ́ ọnịvị anị gara hi, ẹnịnị ệ và tụ́ echi.
15Ẹnẹyịmavara, ịjị ụ kụ́ ayị dị ụ kara eyi hi ọnịvị awụ
òkū vị ana maanị tịnọ yaara dị aza ee re iruvo enyi
Ẹtẹ vi ana ha hi, dị aza ee re iruvo ẹtẹ nị.
16Ohomorihi ộ tana ụvọ hụrẹ ẹbẹẹba va za mị,
dị ọ tụ̀ mị hụụnị adagu nị.
17Ọnịvị amị ệ nyị ụkata hu mị, mẹ yị zụ za wa
Ama Ohomorihi ọ raà dọ mị hụrẹ wa ụvọ.
18Ọnịvị amị mè re ka ịrẹyị ô tù mị
dị ahịka ịjọnọọ ẹ kwẹẹtẹ tù mi nị
Ama Ẹnẹyịmavara ọ raà dọ mị tụ́.
19Ọ yị navọ ka ịsa odivi ọ̀ mẹ mị
ộ dọ mị tụ́ agụvị ka ô sì mị.
20Ebira ọnị maa mẹ̀ ộ vọrọ ini eyi Ẹnẹyịmavara
Avọọ ọ mẹ̀ raa sị ọgụ anịị mị nị
Ô re ka mẹ yị nyị ụvọ tụ́ ini ebira odivi
dị ọ rẹ vavọọ aa sị ọgụ ebira amị yị mị nị.
21Mẹ yị mẹ akamawụ hi Ẹnẹyịmavara
Mẹ yị dọ ka me yi Ohomorihi amị tịtẹ
agụvị ka ebira odivi yọ nị.
22Ẹ yị nyị ọda Ohomorihi ikonya ọnị mị jịnẹ
Avaba ọda ọnị ọ mẹ mị sị ụvọ za nị.
23Ohomorihi ô re ka mẹ yị rị ịvị
mẹ yị zẹẹ ka ma mẹ̀ ebira odivi.
24Ẹnẹyịmavara ô re ka mẹ yị mẹ akụvị, ọ vaa sị ịzẹyịza sị mị atọ.
25Ọza aa mẹ ịzẹyịza, di Ohomorihi ọnị raa sị ịzẹyịzaa pè e mẹ
Ọza ẹnẹ ẹ̀ yị mā mẹ akụvị, wẹ yị vaa sị ebira akụvị kanyị ọ.
26Ọza ana àa nyị ayị ọnya, dị waa sị ayị ọnyaa pè e mẹ
Ọza aa mẹ irikichi, irikichi ọnọọ ẹwụ re sii pè e mẹ nị.
27Ọza ọ̀ọ ka ẹngụ anị chi, dị ụ dọ ọ tụ́
ama aza ana aa sị ẹngụ tụ ẹba vị ọnị ụ vaa tẹ.
28Ẹnẹyịmavara, ẹwa sị ẹhẹ amị zoza nị
Ohomorihi amị, wa sị etohozi dụ hụụ ịda amị.
29Ẹwa sị ụkata mị ka ma zụ dụ ọnịvị amị
dị ma chaka aha ụkata ẹnịnị nị.
30Mâ yẹ ka avaba ịsa oni Ohomorihi mẹ, ẹ yị nyị oni oō nye eyi ịnị anị;
nyị ịrẹyị Ẹnẹyịmavara ana vi ireche.
Avaba aza ene èe zwe na vaka vi oni oō sere
a mā nyị ịsị ẹ zụ kanyị wa.
31Ẹnẹyịmavara ịnya kẹnẹ ọ vị Ohomorihi nị
ọnị ịnya kẹnẹ o zụ sere yị nị.
32Ohomorihi ọ vị ụkata amị nị;
oni ee sere mi ini oze tụra oze ọnị màa zị nị.
33 #
Iha 3.19
Ộ mẹ ka ma rẹ́ anka akọnọ
Emee zwe echi ịnị ataba ọ yị zẹẹ ka à nyị ịsị ẹ mẹ̀ mị.
34Ohomorihi ọ rẹ sị ụkata mị ka ma zụ kụ ịrẹkụ
dị ma zụ kụ ọkịta ana a sị enyusẹ mẹ.
35Ẹnẹyịmavara, ẹwụ ee sere mị di ụ dọ mị tụ́ nọ
Ụkata awụ ụ sị za mị jẹẹ nị
Mâ nyị ụbanyị agụvị ka waa tẹsị amị.
36Wẹ yị zẹẹ ka ọnịvị ẹ̀ za mị
wẹ yị rẹ zẹẹ ka ma hyẹdụ.
37Mâ dụ ọnịvị amị
Mẹ yị và ịrẹma ẹnịnị pooro dị ma za wa, dị mee vu wa ẹtẹ.
38M mẹ̀ gụ ịsa chire wa za ẹtẹ
ẹnịnị ẹ yị kụkụ zụ kwẹẹtẹ
Ẹnịnị vị ana maanị hyẹdụ hi ẹtẹ ọvịdị amị.
39Ohomorihi wâ sị ụkata mị ka ma zụ kụ ịrẹkụ
dị ụ mẹ ka me huna ọnịvị amị nịnị nị.
40Wâ mẹ ka ọnịvị amị ẹ̀ vara eyi di èe zwe
dị ẹmị kụkụ aa wụ̀ wa ha nị.
41E yee nowu, ama e yi re ọza ba wa owu
Ê nowu na za Ẹnẹyịmavara
ama o yi tụ́ wa ohi.
42Mâ pa ịva yị wa ana ahịka vị ẹ kụkụ sị mẹ anka ezi ana ahị aa kụ́ụ zị avọọ nị.
Dị mị kụkụ aa kụ́ ahụụ hi wa anka a mẹ̀ẹ zị ụsẹ ini eteesu nị.
43Ọnịvị amị ệ kwẹẹtẹ tù mị
ama wa sị mị dọ tụ́
Wa raà mẹ ka ma rị ohinọyị tụ́ ịrẹsụ aza ẹnẹ ẹ̀ yị yẹ wụ
Ma sị vara ohinọyị tụ́ ịrẹsụ aza ọnị mẹ̀ yị vịdị yẹ.
44Ịsị ẹ̀ẹ wụ́ ka mâ kà kẹnẹ, obobooro ẹ wụsẹ aa mẹ̀ ẹ nị
Ọzọga nịnị ẹ yị hyakụ nyayịnẹ kụ̀rà eyi re mi.
45E si zwe hụrẹ ịzị ẹ na tẹ̀ tụ́
Ẹnịnị aa dà ẹgahịị vẹ áyị màa hụrẹ wa ịnẹ.
46Ẹnẹyịmavara vị ana yara pooro
Ọnị aa dọ mịị tụ́ nị, mâ kụ́ ọ avọ o!
Ohomorihi aa dọ mịị tụ́
ọnị ọ nyị ụbanyị hu keekere nị.
47Ọnị ọ si ọnịvị amị nịnị atọ
dị ọ mẹ ka ma nyị ẹbẹẹba anẹkụra nịnị nị.
48Ọnị ọ rẹ dọ mị tụ́ hụụnị ụvọ ọnịvị amị nịnị,
dị ọ mẹ ka ma nyị ẹbẹẹba ẹnịnị nị.
49 #
Iro 15.9
Ẹnẹyịmavara, agụvị ịsị ụ maanị mẹ aanị
mị vaa sị ụbanyịị wụ ịnị akakana anẹkụra ẹnẹ ẹ̀ yẹ wụ,
dị maa jị ahẹ gono wu.
50Ohomorihi ọ raà mẹ ka ọza ọnị ọ sị rị ohinọyị ọ̀ nyị ehuna ọnịvị anị
Avọọ o mè sì ịrẹyị ọza ọnị ọ nyị mẹ ohinọyị pooro nị
Mị ka Idevidi ọnịrị ezi anị ịrẹma-ịrẹma vi oni o sì pooro.
Currently Selected:
Ahẹ Ụgama 18: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 18
18
Ahẹ ọnị ọ jị yị Ẹnẹyịmavara ịhị ọ dọ ọ tụ́ hụụ ịnị ụvọ Ịsọọrụ.
(2 Ịsa 22.1-51)
1Ẹnẹyịmavara, mê sì ịrẹyị awụ ẹtẹẹtẹrẹ.
Ẹwaa aa sị ụkata yị mị nị.
2Ẹnẹyịmavara ẹwụ ee sere mi nị
Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị.
Ẹwụ aa dọ mịị tụ́ nị
Ohomorihi amị vị aha ẹvagu nganganga
ịda anị mi zwe na tẹ̀ nị
Ẹwụ ee sere mi nị
Ụkata anị aā sịị dọ mịị tụ́ nị
Ịda anị ọ vị aha ẹvagu ọnị mịị̄ naa tẹ nị.
3Mê nowu na za Ẹnẹyịmavara kà ọ̀ ba mi owu
Ọnị ọ dọ mị tụ́ hụụnị ụvọ ọnịvị amị nịnị nị
Ẹnẹyịmavara a vọrọ ka àa sị ụbanyịị yị nị.
4Ọ sị vọ hwẹẹ isu ọ raà sị mị
Iswọọza vị ana sị mị tụ́ irenu ka ọnị ọ̀ mụnẹ mị
5Ọ sị vọ chee ụvọ iswọọza ò reè kú mi, mê ro ka ma sị ngụ ịrẹpa iswọọza.
6Ịjị ẹngụkata maanị tù mi, di mi nowu na za Ẹnẹyịmavara nị
Mị ka ẹwụ Ohomorihi amị, navọ wa ba mi owu
Di Ohomorihi yà ini eehi anị dị ọ wụ́, dị ọ ba mi owu nị.
7Ịjị Ẹnẹyịmavara nyima aa kụ́ ayị, ẹtẹ vi ene ee henyi jigi-jigi
dị ataba nịnị ee zizi di e yee hu iruvo nị.
8Ayị màa kụ́ ọ
ụhwẹ ana aa zị oze ịnị aahị anị tụ́ vị ana sị mẹẹ anka areyi òo rere aa dà avọọ
ana aa zi oze ini irenuu tụ́ vị ana sị mẹẹ anka ịra ana ahịka ọ zụ wụ̀ ọza.
9O mèe chii vẹ, ẹbẹẹba vị ọnị ọ maanị ya vẹ ẹtẹ
di eguhi ojooji piri-piri aanị maanị yà iruvo ahụ anị nị.
10Ịsa ana nyị avaka ana ahịka ahị ọọ tụra aa zị nị.
11Ịrahụ ọnịrị eguhi ana nyayịnẹ ene ee mine jijiji o si kú ẹngụ anị nị.
12Ọ́ mẹ̀ mẹ ka ịnyanya ọ rị, dị ata ihinẹba ọnịrị ịra aa zụ̀ụ hi ẹtẹ hụụnị eguhi ojooji ọnọọ nị.
13Ẹnẹyịmavara mè nowu ini eguhi, aza ệ wụ ọ ịrẹyị
Ata ihinẹba ọnịrị ịra ẹnị vị ana raa zụ̀.
14Ịjị o ne ọpa anị, dị ịnyanya rị vee-vee
ọ kụ́ ọnịvị anị gara hi, ẹnịnị ệ và tụ́ echi.
15Ẹnẹyịmavara, ịjị ụ kụ́ ayị dị ụ kara eyi hi ọnịvị awụ
òkū vị ana maanị tịnọ yaara dị aza ee re iruvo enyi
Ẹtẹ vi ana ha hi, dị aza ee re iruvo ẹtẹ nị.
16Ohomorihi ộ tana ụvọ hụrẹ ẹbẹẹba va za mị,
dị ọ tụ̀ mị hụụnị adagu nị.
17Ọnịvị amị ệ nyị ụkata hu mị, mẹ yị zụ za wa
Ama Ohomorihi ọ raà dọ mị hụrẹ wa ụvọ.
18Ọnịvị amị mè re ka ịrẹyị ô tù mị
dị ahịka ịjọnọọ ẹ kwẹẹtẹ tù mi nị
Ama Ẹnẹyịmavara ọ raà dọ mị tụ́.
19Ọ yị navọ ka ịsa odivi ọ̀ mẹ mị
ộ dọ mị tụ́ agụvị ka ô sì mị.
20Ebira ọnị maa mẹ̀ ộ vọrọ ini eyi Ẹnẹyịmavara
Avọọ ọ mẹ̀ raa sị ọgụ anịị mị nị
Ô re ka mẹ yị nyị ụvọ tụ́ ini ebira odivi
dị ọ rẹ vavọọ aa sị ọgụ ebira amị yị mị nị.
21Mẹ yị mẹ akamawụ hi Ẹnẹyịmavara
Mẹ yị dọ ka me yi Ohomorihi amị tịtẹ
agụvị ka ebira odivi yọ nị.
22Ẹ yị nyị ọda Ohomorihi ikonya ọnị mị jịnẹ
Avaba ọda ọnị ọ mẹ mị sị ụvọ za nị.
23Ohomorihi ô re ka mẹ yị rị ịvị
mẹ yị zẹẹ ka ma mẹ̀ ebira odivi.
24Ẹnẹyịmavara ô re ka mẹ yị mẹ akụvị, ọ vaa sị ịzẹyịza sị mị atọ.
25Ọza aa mẹ ịzẹyịza, di Ohomorihi ọnị raa sị ịzẹyịzaa pè e mẹ
Ọza ẹnẹ ẹ̀ yị mā mẹ akụvị, wẹ yị vaa sị ebira akụvị kanyị ọ.
26Ọza ana àa nyị ayị ọnya, dị waa sị ayị ọnyaa pè e mẹ
Ọza aa mẹ irikichi, irikichi ọnọọ ẹwụ re sii pè e mẹ nị.
27Ọza ọ̀ọ ka ẹngụ anị chi, dị ụ dọ ọ tụ́
ama aza ana aa sị ẹngụ tụ ẹba vị ọnị ụ vaa tẹ.
28Ẹnẹyịmavara, ẹwa sị ẹhẹ amị zoza nị
Ohomorihi amị, wa sị etohozi dụ hụụ ịda amị.
29Ẹwa sị ụkata mị ka ma zụ dụ ọnịvị amị
dị ma chaka aha ụkata ẹnịnị nị.
30Mâ yẹ ka avaba ịsa oni Ohomorihi mẹ, ẹ yị nyị oni oō nye eyi ịnị anị;
nyị ịrẹyị Ẹnẹyịmavara ana vi ireche.
Avaba aza ene èe zwe na vaka vi oni oō sere
a mā nyị ịsị ẹ zụ kanyị wa.
31Ẹnẹyịmavara ịnya kẹnẹ ọ vị Ohomorihi nị
ọnị ịnya kẹnẹ o zụ sere yị nị.
32Ohomorihi ọ vị ụkata amị nị;
oni ee sere mi ini oze tụra oze ọnị màa zị nị.
33 #
Iha 3.19
Ộ mẹ ka ma rẹ́ anka akọnọ
Emee zwe echi ịnị ataba ọ yị zẹẹ ka à nyị ịsị ẹ mẹ̀ mị.
34Ohomorihi ọ rẹ sị ụkata mị ka ma zụ kụ ịrẹkụ
dị ma zụ kụ ọkịta ana a sị enyusẹ mẹ.
35Ẹnẹyịmavara, ẹwụ ee sere mị di ụ dọ mị tụ́ nọ
Ụkata awụ ụ sị za mị jẹẹ nị
Mâ nyị ụbanyị agụvị ka waa tẹsị amị.
36Wẹ yị zẹẹ ka ọnịvị ẹ̀ za mị
wẹ yị rẹ zẹẹ ka ma hyẹdụ.
37Mâ dụ ọnịvị amị
Mẹ yị và ịrẹma ẹnịnị pooro dị ma za wa, dị mee vu wa ẹtẹ.
38M mẹ̀ gụ ịsa chire wa za ẹtẹ
ẹnịnị ẹ yị kụkụ zụ kwẹẹtẹ
Ẹnịnị vị ana maanị hyẹdụ hi ẹtẹ ọvịdị amị.
39Ohomorihi wâ sị ụkata mị ka ma zụ kụ ịrẹkụ
dị ụ mẹ ka me huna ọnịvị amị nịnị nị.
40Wâ mẹ ka ọnịvị amị ẹ̀ vara eyi di èe zwe
dị ẹmị kụkụ aa wụ̀ wa ha nị.
41E yee nowu, ama e yi re ọza ba wa owu
Ê nowu na za Ẹnẹyịmavara
ama o yi tụ́ wa ohi.
42Mâ pa ịva yị wa ana ahịka vị ẹ kụkụ sị mẹ anka ezi ana ahị aa kụ́ụ zị avọọ nị.
Dị mị kụkụ aa kụ́ ahụụ hi wa anka a mẹ̀ẹ zị ụsẹ ini eteesu nị.
43Ọnịvị amị ệ kwẹẹtẹ tù mị
ama wa sị mị dọ tụ́
Wa raà mẹ ka ma rị ohinọyị tụ́ ịrẹsụ aza ẹnẹ ẹ̀ yị yẹ wụ
Ma sị vara ohinọyị tụ́ ịrẹsụ aza ọnị mẹ̀ yị vịdị yẹ.
44Ịsị ẹ̀ẹ wụ́ ka mâ kà kẹnẹ, obobooro ẹ wụsẹ aa mẹ̀ ẹ nị
Ọzọga nịnị ẹ yị hyakụ nyayịnẹ kụ̀rà eyi re mi.
45E si zwe hụrẹ ịzị ẹ na tẹ̀ tụ́
Ẹnịnị aa dà ẹgahịị vẹ áyị màa hụrẹ wa ịnẹ.
46Ẹnẹyịmavara vị ana yara pooro
Ọnị aa dọ mịị tụ́ nị, mâ kụ́ ọ avọ o!
Ohomorihi aa dọ mịị tụ́
ọnị ọ nyị ụbanyị hu keekere nị.
47Ọnị ọ si ọnịvị amị nịnị atọ
dị ọ mẹ ka ma nyị ẹbẹẹba anẹkụra nịnị nị.
48Ọnị ọ rẹ dọ mị tụ́ hụụnị ụvọ ọnịvị amị nịnị,
dị ọ mẹ ka ma nyị ẹbẹẹba ẹnịnị nị.
49 #
Iro 15.9
Ẹnẹyịmavara, agụvị ịsị ụ maanị mẹ aanị
mị vaa sị ụbanyịị wụ ịnị akakana anẹkụra ẹnẹ ẹ̀ yẹ wụ,
dị maa jị ahẹ gono wu.
50Ohomorihi ọ raà mẹ ka ọza ọnị ọ sị rị ohinọyị ọ̀ nyị ehuna ọnịvị anị
Avọọ o mè sì ịrẹyị ọza ọnị ọ nyị mẹ ohinọyị pooro nị
Mị ka Idevidi ọnịrị ezi anị ịrẹma-ịrẹma vi oni o sì pooro.
Ebira First Bible © Bible Society of Nigeria, 2014.