Ahẹ Ụgama 17
17
Aduwa oni Idevidi mẹ
Ahẹ Idevidi ọnị ọ sị gono Ohomorihi
1Ẹnẹyịmavara, ayị ọnya m maa sịị dá ịpẹ nọ
navọ we tụ́ mi ohi.
Navọ m mèe nowu aanị wa ba mi owu
M màa mẹ̀ aduwa ọnọnị aanị, mẹ yị mẹ apẹ
Aarịhịnị navọ wa wụ́ aduwa amị. 2Wee re ịsa ana vị ịzẹyịza
wẹ yị vaa jị ịvịị mị.
3We ve tù mị ịrahụ dị ụ zama mi re nị.
Wâ yẹ ayị amị, wâ yẹ ka me yi sì ka ma sị irenu amị ka ịsa odivi.
4Anka ịrẹyị ọnị ụ kà, mẹ yị zẹẹ ka ma saasa ebira odivi ana aza aā mẹ
Mẹ yị dọ ka ma nyị ụvọ tụ́ ini ebira aza ana aā chamayị.
5Oze ọnị ụ ka ma zị mị và tụra nị
mẹ yị zẹẹ ka ma ha hụrẹ oze.
6Ohomorihi, ẹwụ m maa hị́ nọ
mâ yẹ ka ụ vaa ba mi owu
Aarịhịnị navọ we batọ dị wa wụ́ aduwa amị.
7Navọ aza è re e ka wê sì ịrẹyị aza ẹnẹmẹhị
Aza ene èe zwe va vaka wụ, ụkata awụ ụ sịị dọ waa tụ́ hụụnị ụvọ ọnịvị ẹnịnị nị.
8-9Navọ anka u mè si eyi pè igoreyi awụ
dị wẹ̀ yị zẹẹ ka à nyị ịsị ẹ jị ngụ ọ avọọ
wa vavọọ sị eyi pe mi
Navọ wa gana avaka kú mi agụvị
asị aza edivi zụ sị ịsa ọnyọọnyị mẹ mị
Wâ yẹ ka ọbarọza ẹnẹẹ ana kara amị avọọ ẹ zụ wụ̀ ọza.
10Ẹnịnị ẹ yị mā vayị ọza
vị ẹnịnịị̄ nyị irenuu zị nị.
11Ịzị màa zị dị ẹ dà kara mị
e yee sì oze ẹnị ẹ va zịị gụ mịị hyẹdụ.
12Ẹnịnị vị ana sị mẹẹ anka idu avọọ
e yee bè mi ka ẹnị ẹ̀ za mị dị ẹnị ẹ̀ gara mị ha.
13Ẹnẹyịmavara, navọ wa kwẹẹtẹ tù wa, dị wa gụ wa hyẹdụ
Navọ wa tụ̀ ụhwọ tù aza edivi ẹnẹnị dị wa dọ mị tụ́ de.
14Ẹnẹyịmavara, navọ aza è re mẹ pooro ịnị ẹhẹ
Navọ wa mẹ ogu yị wa dị ọ̀ hụ̄ wa.
Navọ ezi ẹnịnị è re rị, dị ẹ̀ vọ tẹ ezi ịrẹma
15Ama emi vee re wu agụvị ka wâ yẹ ka mẹ yị mẹ̀ ebira odivi
Màa sị há ini uhwoto awụ, ọnọọ vaa há mị ịnẹ.
Currently Selected:
Ahẹ Ụgama 17: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 17
17
Aduwa oni Idevidi mẹ
Ahẹ Idevidi ọnị ọ sị gono Ohomorihi
1Ẹnẹyịmavara, ayị ọnya m maa sịị dá ịpẹ nọ
navọ we tụ́ mi ohi.
Navọ m mèe nowu aanị wa ba mi owu
M màa mẹ̀ aduwa ọnọnị aanị, mẹ yị mẹ apẹ
Aarịhịnị navọ wa wụ́ aduwa amị. 2Wee re ịsa ana vị ịzẹyịza
wẹ yị vaa jị ịvịị mị.
3We ve tù mị ịrahụ dị ụ zama mi re nị.
Wâ yẹ ayị amị, wâ yẹ ka me yi sì ka ma sị irenu amị ka ịsa odivi.
4Anka ịrẹyị ọnị ụ kà, mẹ yị zẹẹ ka ma saasa ebira odivi ana aza aā mẹ
Mẹ yị dọ ka ma nyị ụvọ tụ́ ini ebira aza ana aā chamayị.
5Oze ọnị ụ ka ma zị mị và tụra nị
mẹ yị zẹẹ ka ma ha hụrẹ oze.
6Ohomorihi, ẹwụ m maa hị́ nọ
mâ yẹ ka ụ vaa ba mi owu
Aarịhịnị navọ we batọ dị wa wụ́ aduwa amị.
7Navọ aza è re e ka wê sì ịrẹyị aza ẹnẹmẹhị
Aza ene èe zwe va vaka wụ, ụkata awụ ụ sịị dọ waa tụ́ hụụnị ụvọ ọnịvị ẹnịnị nị.
8-9Navọ anka u mè si eyi pè igoreyi awụ
dị wẹ̀ yị zẹẹ ka à nyị ịsị ẹ jị ngụ ọ avọọ
wa vavọọ sị eyi pe mi
Navọ wa gana avaka kú mi agụvị
asị aza edivi zụ sị ịsa ọnyọọnyị mẹ mị
Wâ yẹ ka ọbarọza ẹnẹẹ ana kara amị avọọ ẹ zụ wụ̀ ọza.
10Ẹnịnị ẹ yị mā vayị ọza
vị ẹnịnịị̄ nyị irenuu zị nị.
11Ịzị màa zị dị ẹ dà kara mị
e yee sì oze ẹnị ẹ va zịị gụ mịị hyẹdụ.
12Ẹnịnị vị ana sị mẹẹ anka idu avọọ
e yee bè mi ka ẹnị ẹ̀ za mị dị ẹnị ẹ̀ gara mị ha.
13Ẹnẹyịmavara, navọ wa kwẹẹtẹ tù wa, dị wa gụ wa hyẹdụ
Navọ wa tụ̀ ụhwọ tù aza edivi ẹnẹnị dị wa dọ mị tụ́ de.
14Ẹnẹyịmavara, navọ aza è re mẹ pooro ịnị ẹhẹ
Navọ wa mẹ ogu yị wa dị ọ̀ hụ̄ wa.
Navọ ezi ẹnịnị è re rị, dị ẹ̀ vọ tẹ ezi ịrẹma
15Ama emi vee re wu agụvị ka wâ yẹ ka mẹ yị mẹ̀ ebira odivi
Màa sị há ini uhwoto awụ, ọnọọ vaa há mị ịnẹ.
Ebira First Bible © Bible Society of Nigeria, 2014.