Ahẹ Ụgama 148
148
Avaba ịsa ẹ̀ẹ kụ́ Ohomorihi avọ
1Waa kụ́ Ẹnẹyịmavara avọ nịnị.
Ẹwụ nịnị ene hi ẹbẹẹba, waa kụ́ ọ avọ nịnị.
2Avaba ẹwụ nịnị anggẹẹrị anị ọ̀ọ kụ́ ọ avọ
Avaba ẹwụ nịnị ọkọnị ene hi ẹbẹẹba ọ̀ọ kụ́ avọ.
3Ẹwụ ọyị ụhwẹ ọnịrị avaba ẹwụ nịnị ụzọmị ana aa zẹtẹ ọ̀ọ kụ́ ọ avọ.
4Ihinẹba ana nẹba hu keekere ọnịrị enyi ene hi ịrẹsụ eguhi ọ̀ọ kụ́ ọ avọ.
5Avaba awụ nịnị ẹnẹẹ ọ̀ọ kụ́ Ẹnẹyịmavara avọ.
Ọnị ọ mẹ ọda, dị ọ mẹ avaba awụ nịnị nị.
6Ộ mẹ ka ọzọza ọ̀ yà udi anị pooro zịna-zịna.
Ọda ọnị ọ mẹ, ẹ yị nyị ịsị ẹẹ kụ́ ọ kwooze.
7Ẹwụ nịnị ene hi ịrẹsụ ẹtẹ, wa kụ́ Ẹnẹyịmavara avọ nịnị.
Ẹwụ nịnị uye ẹbanyị-ẹbanyị ene hi ini enyi ọnịrị avaba ịsị e hi iruvo oku ọ̀ọ kụ́ Ẹnẹyịmavara avọ.
8Ẹwụ nịnị apaana ihinẹba ọnịrị ata ihinẹba ne beri eguhi ọnịrị opomi ana aā zị ụtụụ yi Ẹnẹyịmavara
ọ̀ọ kụ́ ọ avọ nịnị.
9Ẹwụ nịnị avaba ataba ọnịrị ọchị anaā tụ́ ne beri ọchị ẹbanyị-ẹbanyị ana vọ ẹ̀ẹ kụ́ Ẹnẹyịmavara avọ.
10Ẹwụ nịnị avaba uye ịnị avị ọnịrị imaaru ne beri avaba uye ana vọ ọnịrị inomi nịnị ọ̀ọ kụ́ Ẹnẹyịmavara avọ.
11Avaba ẹwụ nịnị ohinọyị anẹhẹ ne beri aza ẹbanyị-ẹbanyị,
12ọnịrị ezi anọrụ beri ezi anẹẹ ne chire azọkụ ọnịrị ezweyi ọ̀ọ kụ́ Ẹnẹyịmavara avọ.
13Avaba awụ nịnị ọ̀ọ kụ́ Ẹnẹyịmavara avọ,
agụvị ka ọnị ịnyara ọ nyị ụbanyị nị,
Ụbanyị anị ộ para ẹtẹ ọnịrị ihinẹba hu.
14Ọ raà mẹ ka aza anị ẹ̀ nyị ụkata dị avaba ẹnịnị kụkụ aa kụ́ ọ avọ nị.
Mị ka Anisirẹrị ọnị ọ nyayịnẹ sì ịrẹyị anị vị ana aa kụ́ a avọ
Waa kụ́ Ẹnẹyịmavara avọ nịnị.
Currently Selected:
Ahẹ Ụgama 148: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 148
148
Avaba ịsa ẹ̀ẹ kụ́ Ohomorihi avọ
1Waa kụ́ Ẹnẹyịmavara avọ nịnị.
Ẹwụ nịnị ene hi ẹbẹẹba, waa kụ́ ọ avọ nịnị.
2Avaba ẹwụ nịnị anggẹẹrị anị ọ̀ọ kụ́ ọ avọ
Avaba ẹwụ nịnị ọkọnị ene hi ẹbẹẹba ọ̀ọ kụ́ avọ.
3Ẹwụ ọyị ụhwẹ ọnịrị avaba ẹwụ nịnị ụzọmị ana aa zẹtẹ ọ̀ọ kụ́ ọ avọ.
4Ihinẹba ana nẹba hu keekere ọnịrị enyi ene hi ịrẹsụ eguhi ọ̀ọ kụ́ ọ avọ.
5Avaba awụ nịnị ẹnẹẹ ọ̀ọ kụ́ Ẹnẹyịmavara avọ.
Ọnị ọ mẹ ọda, dị ọ mẹ avaba awụ nịnị nị.
6Ộ mẹ ka ọzọza ọ̀ yà udi anị pooro zịna-zịna.
Ọda ọnị ọ mẹ, ẹ yị nyị ịsị ẹẹ kụ́ ọ kwooze.
7Ẹwụ nịnị ene hi ịrẹsụ ẹtẹ, wa kụ́ Ẹnẹyịmavara avọ nịnị.
Ẹwụ nịnị uye ẹbanyị-ẹbanyị ene hi ini enyi ọnịrị avaba ịsị e hi iruvo oku ọ̀ọ kụ́ Ẹnẹyịmavara avọ.
8Ẹwụ nịnị apaana ihinẹba ọnịrị ata ihinẹba ne beri eguhi ọnịrị opomi ana aā zị ụtụụ yi Ẹnẹyịmavara
ọ̀ọ kụ́ ọ avọ nịnị.
9Ẹwụ nịnị avaba ataba ọnịrị ọchị anaā tụ́ ne beri ọchị ẹbanyị-ẹbanyị ana vọ ẹ̀ẹ kụ́ Ẹnẹyịmavara avọ.
10Ẹwụ nịnị avaba uye ịnị avị ọnịrị imaaru ne beri avaba uye ana vọ ọnịrị inomi nịnị ọ̀ọ kụ́ Ẹnẹyịmavara avọ.
11Avaba ẹwụ nịnị ohinọyị anẹhẹ ne beri aza ẹbanyị-ẹbanyị,
12ọnịrị ezi anọrụ beri ezi anẹẹ ne chire azọkụ ọnịrị ezweyi ọ̀ọ kụ́ Ẹnẹyịmavara avọ.
13Avaba awụ nịnị ọ̀ọ kụ́ Ẹnẹyịmavara avọ,
agụvị ka ọnị ịnyara ọ nyị ụbanyị nị,
Ụbanyị anị ộ para ẹtẹ ọnịrị ihinẹba hu.
14Ọ raà mẹ ka aza anị ẹ̀ nyị ụkata dị avaba ẹnịnị kụkụ aa kụ́ ọ avọ nị.
Mị ka Anisirẹrị ọnị ọ nyayịnẹ sì ịrẹyị anị vị ana aa kụ́ a avọ
Waa kụ́ Ẹnẹyịmavara avọ nịnị.
Ebira First Bible © Bible Society of Nigeria, 2014.