Ahẹ Ụgama 147
147
Ohomorihi Ochẹtẹngụ avọ
1Waa kụ́ Ẹnẹyịmavara avọ nịnị.
Ộ dà zoza kẹnẹ ka yaa jị ahẹ kụ́ Ohomorihi ayị avọ.
Ô hine, ọ rẹ vọrọ ka yaa kụ́ ọ avọ.
2Ẹnẹyịmavara aa sị Ijerusarẹmị vaa vẹ udi anị.
Avaba aza ana a va kụ́ ọrịhị vị ọnị ọ vaa kụ́ụ vaa vẹ.
3Aza ana ayị anị kú du vi oni o vee hunẹnẹ ayị, di o si isuuru yị wa.
4Ẹnẹyịmavara o kà a ka ọpa ụzọmị ana a vaa nyị yị nị.
Ụzọmị ọzọza vị ọnị ọ yị ịrẹha.
5Ananyị yị ộ nyị ụbanyị, avọọ ọ mẹ̀ rẹ nyị ụkata nị.
Ọza ọ yị nyẹngụ kà a ịzị ọ yẹ ịrẹyị ne tù.
6Aza ana kà ẹngụ ẹnịnị chi vi ẹnị Ẹnẹyịmavara gụ ụvọ,
ama aza ana aa mẹ̀ ebira odivi vị ọnị ọ vaa gụụ hyẹdụ.
7Waa jị ahẹ kụ́ Ẹnẹyịmavara avọ.
Sị àgidibò di wee hú ọ kụ́ ọ.
8Ẹnẹyịmavara ọ sị eguhi kú ẹbẹẹba nị,
dị aa mẹ ka orihi ọ̀ọ zụ̀ụ hi ẹtẹ nị.
Ọnị aa mẹ ka avị ee nyii hi ịnị ataba nị.
9Ọnị aa sị ịsaa yị ịsụpa nịnị nị.
I Inomi ana aā hị́ ọrụ ẹ̀ẹ hị́ ọ, dị ọ rẹ sị ịsa yị wa.
10A yi vị umaata ana nyị ụkata ọnịrị isoja ana zụ kụ́ ịrẹkụ ọ vị ịsa ana ngụ ọ eyi.
11Aza ẹnị Ẹnẹyịmavara sị̀ ịrẹyị anị ẹ vị́ aza ana nyị angwahi anị dị ẹ sị ayị tụra nị,
agụvị ka ệ yẹ ka vi oō sì ịrẹyị ọza pooro nị.
12Ẹwụ nịnị Anijerusarẹmị, waa sị ụbanyịị yị Ẹnẹyịmavara.
Anịzayọnị, waa kụ́ Ohomorihi awụ nịnị avọ.
13O raà mẹ ka ukere ene e si chire oze awụ nịnị ọ̀ katẹngụ.
Dị ọ rẹ mẹ ka ò zee yị ẹwụ nịnị ana ra hi ịnị ịnẹ ẹkụra nị.
14Ọ yị zẹẹ ka aza ana kara wụ nịnị ẹ̀ kú ịrẹkụ re tù wu nịnị,
di aa sị ịsọyịrị ana aā hị́ ihwiti ene zozaa wụ nịnị nị.
15Ộ mẹ ọda yị anẹhẹ, dị ẹ wụsẹ mẹ ịsị ọ kà nị.
16Ộ gara ata ihinẹba hi ẹtẹ, dị ẹ chaka kú avaba aha nị.
17Ọ màa zụ̀ ata ihinẹba ẹnẹẹ vị ọ sị mẹẹ ịrẹta avọọ nị.
Ô hunẹnẹ pooro ẹ yị nyị ọza ana zụ jẹẹ ịnị anị.
18Ẹnẹyịmavara mẹ̀ kà ịrẹyị kẹnẹ, di ẹ nā nị.
Dị ọ rẹ mẹ ka ahị ọ̀ tụ́, di enyi ee sì nị.
19Ộ sị ịrẹyị anị zụ̀ Ijekọvụ,
mị ka avaba ọda anị vị ọnị ọ sị zụ̀ Isirẹrị.
20Nyị anẹkụra ọsa ọnị ọ maanị mẹ yị;
ẹnịnị ẹ yị yẹ ọda ọnị ọ mẹ
Waa kụ́ Ẹnẹyịmavara avọ nịnị.
Currently Selected:
Ahẹ Ụgama 147: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 147
147
Ohomorihi Ochẹtẹngụ avọ
1Waa kụ́ Ẹnẹyịmavara avọ nịnị.
Ộ dà zoza kẹnẹ ka yaa jị ahẹ kụ́ Ohomorihi ayị avọ.
Ô hine, ọ rẹ vọrọ ka yaa kụ́ ọ avọ.
2Ẹnẹyịmavara aa sị Ijerusarẹmị vaa vẹ udi anị.
Avaba aza ana a va kụ́ ọrịhị vị ọnị ọ vaa kụ́ụ vaa vẹ.
3Aza ana ayị anị kú du vi oni o vee hunẹnẹ ayị, di o si isuuru yị wa.
4Ẹnẹyịmavara o kà a ka ọpa ụzọmị ana a vaa nyị yị nị.
Ụzọmị ọzọza vị ọnị ọ yị ịrẹha.
5Ananyị yị ộ nyị ụbanyị, avọọ ọ mẹ̀ rẹ nyị ụkata nị.
Ọza ọ yị nyẹngụ kà a ịzị ọ yẹ ịrẹyị ne tù.
6Aza ana kà ẹngụ ẹnịnị chi vi ẹnị Ẹnẹyịmavara gụ ụvọ,
ama aza ana aa mẹ̀ ebira odivi vị ọnị ọ vaa gụụ hyẹdụ.
7Waa jị ahẹ kụ́ Ẹnẹyịmavara avọ.
Sị àgidibò di wee hú ọ kụ́ ọ.
8Ẹnẹyịmavara ọ sị eguhi kú ẹbẹẹba nị,
dị aa mẹ ka orihi ọ̀ọ zụ̀ụ hi ẹtẹ nị.
Ọnị aa mẹ ka avị ee nyii hi ịnị ataba nị.
9Ọnị aa sị ịsaa yị ịsụpa nịnị nị.
I Inomi ana aā hị́ ọrụ ẹ̀ẹ hị́ ọ, dị ọ rẹ sị ịsa yị wa.
10A yi vị umaata ana nyị ụkata ọnịrị isoja ana zụ kụ́ ịrẹkụ ọ vị ịsa ana ngụ ọ eyi.
11Aza ẹnị Ẹnẹyịmavara sị̀ ịrẹyị anị ẹ vị́ aza ana nyị angwahi anị dị ẹ sị ayị tụra nị,
agụvị ka ệ yẹ ka vi oō sì ịrẹyị ọza pooro nị.
12Ẹwụ nịnị Anijerusarẹmị, waa sị ụbanyịị yị Ẹnẹyịmavara.
Anịzayọnị, waa kụ́ Ohomorihi awụ nịnị avọ.
13O raà mẹ ka ukere ene e si chire oze awụ nịnị ọ̀ katẹngụ.
Dị ọ rẹ mẹ ka ò zee yị ẹwụ nịnị ana ra hi ịnị ịnẹ ẹkụra nị.
14Ọ yị zẹẹ ka aza ana kara wụ nịnị ẹ̀ kú ịrẹkụ re tù wu nịnị,
di aa sị ịsọyịrị ana aā hị́ ihwiti ene zozaa wụ nịnị nị.
15Ộ mẹ ọda yị anẹhẹ, dị ẹ wụsẹ mẹ ịsị ọ kà nị.
16Ộ gara ata ihinẹba hi ẹtẹ, dị ẹ chaka kú avaba aha nị.
17Ọ màa zụ̀ ata ihinẹba ẹnẹẹ vị ọ sị mẹẹ ịrẹta avọọ nị.
Ô hunẹnẹ pooro ẹ yị nyị ọza ana zụ jẹẹ ịnị anị.
18Ẹnẹyịmavara mẹ̀ kà ịrẹyị kẹnẹ, di ẹ nā nị.
Dị ọ rẹ mẹ ka ahị ọ̀ tụ́, di enyi ee sì nị.
19Ộ sị ịrẹyị anị zụ̀ Ijekọvụ,
mị ka avaba ọda anị vị ọnị ọ sị zụ̀ Isirẹrị.
20Nyị anẹkụra ọsa ọnị ọ maanị mẹ yị;
ẹnịnị ẹ yị yẹ ọda ọnị ọ mẹ
Waa kụ́ Ẹnẹyịmavara avọ nịnị.
Ebira First Bible © Bible Society of Nigeria, 2014.