Ahẹ Ụgama 118
118
Ọza oni Ohomorihi si ehuna yị ộ kụ́ ọ avọ
1 #
1 Ịtọ 16.34; 2 Ịtọ 5.13; 7.3; Ẹzị 3.11; Ahẹ 100.5; 106.1; 107.1; 136.1; Ijer 33.11 Waa kụ́ Ẹnẹyịmavara avọ, agụvị ka ịsa ene zoza ọọ̄ mẹ nị.
Avọọ ọ́ mẹ̀ ree sì ịrẹyị ọza pooro nị.
2Anisirẹrị ẹ̀ẹ vavọọ kà a ka vi óō sì ịrẹyị ọza pooro nị.
3Aneehi Eerọnị ẹnị ẹ̀ rẹẹ kà a ka vi óō sì ịrẹyị ọza pooro nị.
4Avaba aza ana nyị angwahi Ẹnẹyịmavara ẹnị ẹ̀ rẹẹ kà a ka vi óō sì ịrẹyị ọza pooro nị.
5Ịjị ẹngụ amị kata, me nowu na za Ẹnẹyịmavara.
Ộ ba mi owu, dị ọ dọ mị hụrẹ ụvọ ọnịvị nị.
6 #
Ihib 13.6
Ẹnẹyịmavara vị ana jẹẹ mị ịrẹma, agụvị avọọ me yi vee hí angwa.
Mâ yẹ ka ẹ yị nyị ịsị ọza zụ sị mẹ mị.
7Ẹnẹyịmavara vị ana jẹẹ mị ịrẹma dị aa gụ mị ụvọ.
Ẹma vaa nyị ẹbẹẹba ọnịvị amị nị.
8Ọza òo zwe na tẹ̀ ịda Ẹnẹyịmavara, ọnị ọ dà hi hu ka ọ̀ na sị ayị tụra ọza nị.
9Mị ka ọza òo zwe na tẹ̀ ịda Ẹnẹyịmavara ọnị ọ da hi hu ka ọ̀ na sị ayị tụra aza ẹbanyị nị.
10Avaba anẹhẹ ệ kwẹẹtẹ tù mi okiri-okiri,
ama Ẹnẹyịmavara ọ̀ sị ụkata mị ka ma wụ̀ wa va ha.
11Mị ka okiri-okiri ẹ kara mị nị ama Ẹnẹyịmavara ộ sị ụkata mị ka ma wụ̀ wa va ha.
12Ọnịvị amị ẹnẹẹ vị ana gụ kara mị nyụụ anka ẹhụ avọọ.
Avọọ e mè re sú va ha ịsọnị-ịsọnị anka ịra mẹ̀ẹ rị ikeyi avọọ nị.
Ẹnẹyịmavara ộ sị ụkata mị ka ma wụ̀ wa va ha.
13A mẹ̀ tụ́ mị ụvọ nọ ịrẹma, o sị vọ chee ma sị hyẹdụ,
ama Ẹnẹyịmavara ọ raa gụ mị ụvọ.
14 #
Kụra 15.2; Ayị 12.2 Ẹnẹyịmavara ọ raà mẹ ka ma nyị ụkata, ọnị mị vaa jị ahẹ gono nị.
Ọnị aa dọ mịị há nị.
15Aza ana aa mẹ̀ ebira ana vọrọ vị ẹnẹ vee nowu dị ẹ yaa jẹ ịrajẹ ka ẹnị ẹ sị ehuna nyị.
Dị ọ ka Ẹnẹyịmavara ọ raà sị ụkata anị mẹ ịtọmatọpa.
16Ọ raà sị ụkata anị mẹ ka ye huna ọnịvị ayị.
Ọ zụ kụ̀ ịrẹkụ ẹnẹmẹhị.
17Mẹ yị vee sú, aanị m màa yà ẹhẹ dị maa kà ịrẹyị ịsa ọnị Ẹnẹyịmavara mẹ nị.
18Ẹnẹyịmavara ộ tana ụvọ za mị ẹtẹẹtẹrẹ, ama ọ rẹ vaa zẹẹ ka me sú.
19Nā oze ịzị aza ana aā mẹ̀ ebira ana vọrọọ zịị ngụ eehi mị,
dị ma ngụ eehi dị ma na kụ́ Ẹnẹyịmavara avọ.
20Oze ana na ngụ ịzị Ẹnẹyịmavara yà yị, aza ana aā mẹ̀ ebira ana vọrọ ẹ zụ zị avọọ ngụ eehi.
21Ẹnẹyịmavara, mị vaa kụ́ wụ avọ.
We reè tụ́ mi ohi, wa sị mị dọ tụ́.
22 #
Irk 20.17; Ụkọ 4.11; 1 Ipi 2.7 #
Imt 21.42; Ịmk 12.10,11 Ịrẹta ana aza anaa tụra irehi yi tịtẹ ka ẹ yị nyị ịsị ọ rụra mẹ ọ vana vị ọzẹnya irehi nị.
23Ẹnẹyịmavara ọ vavọọ mẹ nị, ịrẹyị ịtọmatọpa ọ vị ini eyi ayị nị.
24Ẹnẹyịmavara ọ maanị mẹ ka ya nyị ehuna ajịnị nị, à vẹ vị yaa jẹ dị yaa mẹrị ajịnị.
25 #
Imt 21.9; Ịmk 11.9; Ịjọ 12.13 Ẹnẹyịmavara navọ wa dọ yị tụ́, navọ di ye re mẹ.
26 #
Imt 21.9; 23.39; Ịmk 11.9; Irk 13.35; 19.38; Ịjọ 12.13 Ọza ẹnị Ẹnẹyịmavara tụ́ aa vẹ aanị vi oni o vee zee yị.
Ẹyị hi ini eehi Ẹnẹyịmavara, yaa kà a ka ò zee wu.
27Ẹnẹyịmavara ọ vi Ohomorihi nị.
Ọ raà mẹ ka ò zoza yị.
Jị avị rị ụvọ, dị waa jẹ ịrajẹ nịnị, dị waa nyị ẹzẹẹ kara aha ịsọvọ nịnị.
28Ẹwa vi Ohomorihi amị nị, mị vaa kụ́ wụ avọ,
mị ka ẹwa vị Ohomorihi amị nị, maa sị ụbanyịị wụ.
29Waa kụ́ Ẹnẹyịmavara avọ nịnị agụvị ka ịsa ene zoza ọọ̄ mẹ nị,
avọọ ò mè ree sì ịrẹyị ọza pooro nị.
Currently Selected:
Ahẹ Ụgama 118: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 118
118
Ọza oni Ohomorihi si ehuna yị ộ kụ́ ọ avọ
1 #
1 Ịtọ 16.34; 2 Ịtọ 5.13; 7.3; Ẹzị 3.11; Ahẹ 100.5; 106.1; 107.1; 136.1; Ijer 33.11 Waa kụ́ Ẹnẹyịmavara avọ, agụvị ka ịsa ene zoza ọọ̄ mẹ nị.
Avọọ ọ́ mẹ̀ ree sì ịrẹyị ọza pooro nị.
2Anisirẹrị ẹ̀ẹ vavọọ kà a ka vi óō sì ịrẹyị ọza pooro nị.
3Aneehi Eerọnị ẹnị ẹ̀ rẹẹ kà a ka vi óō sì ịrẹyị ọza pooro nị.
4Avaba aza ana nyị angwahi Ẹnẹyịmavara ẹnị ẹ̀ rẹẹ kà a ka vi óō sì ịrẹyị ọza pooro nị.
5Ịjị ẹngụ amị kata, me nowu na za Ẹnẹyịmavara.
Ộ ba mi owu, dị ọ dọ mị hụrẹ ụvọ ọnịvị nị.
6 #
Ihib 13.6
Ẹnẹyịmavara vị ana jẹẹ mị ịrẹma, agụvị avọọ me yi vee hí angwa.
Mâ yẹ ka ẹ yị nyị ịsị ọza zụ sị mẹ mị.
7Ẹnẹyịmavara vị ana jẹẹ mị ịrẹma dị aa gụ mị ụvọ.
Ẹma vaa nyị ẹbẹẹba ọnịvị amị nị.
8Ọza òo zwe na tẹ̀ ịda Ẹnẹyịmavara, ọnị ọ dà hi hu ka ọ̀ na sị ayị tụra ọza nị.
9Mị ka ọza òo zwe na tẹ̀ ịda Ẹnẹyịmavara ọnị ọ da hi hu ka ọ̀ na sị ayị tụra aza ẹbanyị nị.
10Avaba anẹhẹ ệ kwẹẹtẹ tù mi okiri-okiri,
ama Ẹnẹyịmavara ọ̀ sị ụkata mị ka ma wụ̀ wa va ha.
11Mị ka okiri-okiri ẹ kara mị nị ama Ẹnẹyịmavara ộ sị ụkata mị ka ma wụ̀ wa va ha.
12Ọnịvị amị ẹnẹẹ vị ana gụ kara mị nyụụ anka ẹhụ avọọ.
Avọọ e mè re sú va ha ịsọnị-ịsọnị anka ịra mẹ̀ẹ rị ikeyi avọọ nị.
Ẹnẹyịmavara ộ sị ụkata mị ka ma wụ̀ wa va ha.
13A mẹ̀ tụ́ mị ụvọ nọ ịrẹma, o sị vọ chee ma sị hyẹdụ,
ama Ẹnẹyịmavara ọ raa gụ mị ụvọ.
14 #
Kụra 15.2; Ayị 12.2 Ẹnẹyịmavara ọ raà mẹ ka ma nyị ụkata, ọnị mị vaa jị ahẹ gono nị.
Ọnị aa dọ mịị há nị.
15Aza ana aa mẹ̀ ebira ana vọrọ vị ẹnẹ vee nowu dị ẹ yaa jẹ ịrajẹ ka ẹnị ẹ sị ehuna nyị.
Dị ọ ka Ẹnẹyịmavara ọ raà sị ụkata anị mẹ ịtọmatọpa.
16Ọ raà sị ụkata anị mẹ ka ye huna ọnịvị ayị.
Ọ zụ kụ̀ ịrẹkụ ẹnẹmẹhị.
17Mẹ yị vee sú, aanị m màa yà ẹhẹ dị maa kà ịrẹyị ịsa ọnị Ẹnẹyịmavara mẹ nị.
18Ẹnẹyịmavara ộ tana ụvọ za mị ẹtẹẹtẹrẹ, ama ọ rẹ vaa zẹẹ ka me sú.
19Nā oze ịzị aza ana aā mẹ̀ ebira ana vọrọọ zịị ngụ eehi mị,
dị ma ngụ eehi dị ma na kụ́ Ẹnẹyịmavara avọ.
20Oze ana na ngụ ịzị Ẹnẹyịmavara yà yị, aza ana aā mẹ̀ ebira ana vọrọ ẹ zụ zị avọọ ngụ eehi.
21Ẹnẹyịmavara, mị vaa kụ́ wụ avọ.
We reè tụ́ mi ohi, wa sị mị dọ tụ́.
22 #
Irk 20.17; Ụkọ 4.11; 1 Ipi 2.7 #
Imt 21.42; Ịmk 12.10,11 Ịrẹta ana aza anaa tụra irehi yi tịtẹ ka ẹ yị nyị ịsị ọ rụra mẹ ọ vana vị ọzẹnya irehi nị.
23Ẹnẹyịmavara ọ vavọọ mẹ nị, ịrẹyị ịtọmatọpa ọ vị ini eyi ayị nị.
24Ẹnẹyịmavara ọ maanị mẹ ka ya nyị ehuna ajịnị nị, à vẹ vị yaa jẹ dị yaa mẹrị ajịnị.
25 #
Imt 21.9; Ịmk 11.9; Ịjọ 12.13 Ẹnẹyịmavara navọ wa dọ yị tụ́, navọ di ye re mẹ.
26 #
Imt 21.9; 23.39; Ịmk 11.9; Irk 13.35; 19.38; Ịjọ 12.13 Ọza ẹnị Ẹnẹyịmavara tụ́ aa vẹ aanị vi oni o vee zee yị.
Ẹyị hi ini eehi Ẹnẹyịmavara, yaa kà a ka ò zee wu.
27Ẹnẹyịmavara ọ vi Ohomorihi nị.
Ọ raà mẹ ka ò zoza yị.
Jị avị rị ụvọ, dị waa jẹ ịrajẹ nịnị, dị waa nyị ẹzẹẹ kara aha ịsọvọ nịnị.
28Ẹwa vi Ohomorihi amị nị, mị vaa kụ́ wụ avọ,
mị ka ẹwa vị Ohomorihi amị nị, maa sị ụbanyịị wụ.
29Waa kụ́ Ẹnẹyịmavara avọ nịnị agụvị ka ịsa ene zoza ọọ̄ mẹ nị,
avọọ ò mè ree sì ịrẹyị ọza pooro nị.
Ebira First Bible © Bible Society of Nigeria, 2014.