Ụhịrẹyị 6
6
Asị ụ jẹẹ yị ọnụta
1Ozi emi, wàa jẹẹ yị ọnụta ẹnyẹnyị, 2ịrẹyị irenu awụ aa vị ịrẹpa za wụ nị. 3Ka wa sị ngụ ọza ọnọọ ụvọ, ịsị vaa mẹ dị wa ha yị. Na da ịpẹ yọ, dị wa tụ ụvọ awụ hụụnị anị. 4Asị u du ụmẹ ha, asị ụ sụ ara tụra ịrẹsụ. 5Tụ̀ ẹngụ awụ hụrẹ ẹ ụvọ anka akọnọ mee zwe yị ozube avọọ, a vị inomi mẹẹ tụ̀ ọza ụvọ avọọ. 6Ẹwụ nịnị onuworo, ne re ihine dị wa kọsẹ ịrẹyọyẹ hụụnị ẹhẹ ẹnịnị. 7Ẹnịnị ẹ yị nyị ọdọvịdị ẹnyẹnyị. 8Ama ẹnịnị vị ana kụ ịsọyịrị ẹnịnị tẹ ịnị ụmẹ ọnị ịsa ịnị aarẹ ọ̀ọ sị hụrẹ. 9Onuworo, ụ́ụ́ sụ ara pooro kẹnẹ nị? Yere ụmẹ ọnị ụ vaa ha hụụnị ara? 10#Ụhị 24.33,34Waa sụ ara, dị ụ ha nị, dị ụ jị ụvọ za ẹngụ tụ ịnị osusu. 11Osiye vị ana vaa tụ wụ ahwaahụ anka anako nịnị mẹẹ̄ dọ ọza ịsa ọnị ọ nyị avọọ. 12Aza odivi vị ene eē cheeche yẹrẹ-yẹrẹ zị. 13Ẹ sị eyi kà a, dị ẹ sị ahụ kà a, dị ẹ sị ụvọọ jị uwe. 14Ẹnịnị vi eneē ro ịrẹyị odivi ọza pooro, dị ẹ yaa kụ aza ịrẹsụ nya ẹngụ; 15avọọ, odivi vị ana sụ wa avaavo, dị ẹ yị zụ ha.
Ịsa ịhịmba ọnị Ẹnẹyịmavara nyị ịhyẹrẹ anị.
16Aa nyị ịsa ịhịnọnyị ọnị Ẹnẹyịmavara nyị ịhyẹrẹ anị. Dị a nyị ịhịmba ana vị enyisi yị ọ nị. 17Ẹnẹyịmavara ọ nyị ịhyẹrẹ ọza ana a sị ẹngụ tụ ẹba, ọza ene cheeche ọnịrị ọza ana a wụ̀ ọza kẹnẹ-kẹnẹ. 18Avọọ ọ mẹ rẹ nyị ịhyẹrẹ ọza anaā sịị ọhịmị ọza tu ịnị ayị ọnịrị ọza ọnị ahịka odivi ọọ hụụ ọ ịra mẹ̀ nị. 19Dị ọ rẹ nyị ịhyẹrẹ ọza anaā dọ ivenu ireche, dị ọ tụ́ ịrẹyị tụ ịnị akakana ẹyịnyara.
Ọgụ ọza ana wụ́ ịrẹyị aza ana ma a
20Ozi emi, wụ́ ịrẹyị ada awụ. Asị ụ hi ayị ịrẹyị ọnị ọnyị awụ kà yị wụ. 21Waa tamayị anị ụmẹ tụra ụmẹ, dị asị ụ hi ayị anị. 22Navọ ịrẹyị ẹnịnị ọọ zụ wụ oze, dị ọọ sere wụ ịrahụ, dị ọ vị ọnịwọjị awụ ọọdụ. 23Ịrẹyị ọnị ẹ yaa sị zụ ọza vị ana sị eyi ọzaa hweyi tu ịrẹyị, dị ohuvọ ọnị ẹ tụ́ ezii mẹ ka ọza ọ yẹ tu ẹhẹ nị.
Asị ụ sẹ̀ ịrẹka
24Ịrẹyị ẹnẹẹ vaa dọ wụ ha hụụnị ụvọ anẹẹ odivi anaā sịị ịbẹhị vene ọnọrụ zị. 25Asị ụ zẹ ka uzoza anị ọ dọ wụ ayị. Asị ụ zẹ ka eyi ọyịmẹ̀ anị o vene wu ngụ ọ ụvọ. 26Ọnọrụ ọ hyakụ nyẹngụ sị apapa sị ọsẹrẹka, ama ịbẹhị vị anaā va ọnọrụ hu. 27Ọza ọ́ọ́ zụ ka ịra hi ịta vwụ dị asị ịra rị ọ? 28Ọza ọ́ọ́ zụ zị ụsẹ ịrẹsụ akịna dị ahụ anị ẹ yị hụ? 29Avọọ ọza ana dụ ose ọzaa zị mẹ vee re nị. Ọ yị zụ mẹ̀ ẹ dị ọọ sị rị.
Ọgụ ịrẹkọyịsẹ
30Ẹ yị divi, ọza ọnị ụngwẹ aa kụ òo nee yi ịsọyịrị na rị. 31Ama aa za a, dị ọ si ụta ụpẹ ịhịmba, dị aa dọ avaba ọnị ọ nyị tụ ịnị eehi anị. 32Ọnọrụ ana aa sị ose ọza ọ yị yẹ ịrẹyị. Ẹngụ anị kẹnẹ aa va nẹtẹ nị. 33Ẹngụ ọza ọnọọ vị anaa tọ ụnava, dị aa mẹ̀ ụhị nyị ọ, dị ọ vị ụhụ yọ pooro. 34Ọva ọnẹẹ ana a za ọnịrị ọ, ọ yị vaa va ịrẹma anị. Ayị anị vee du agụvị ka a kụ́ ụ́hị́. 35Ọ yị vaa dọ ịsa ẹnyẹẹnyị sị ụta ịsị ana mẹ̀ ẹ. Ọ yị vaa dọ ochirerenu, ọ̀ọ daka banyị.
Currently Selected:
Ụhịrẹyị 6: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ụhịrẹyị 6
6
Asị ụ jẹẹ yị ọnụta
1Ozi emi, wàa jẹẹ yị ọnụta ẹnyẹnyị, 2ịrẹyị irenu awụ aa vị ịrẹpa za wụ nị. 3Ka wa sị ngụ ọza ọnọọ ụvọ, ịsị vaa mẹ dị wa ha yị. Na da ịpẹ yọ, dị wa tụ ụvọ awụ hụụnị anị. 4Asị u du ụmẹ ha, asị ụ sụ ara tụra ịrẹsụ. 5Tụ̀ ẹngụ awụ hụrẹ ẹ ụvọ anka akọnọ mee zwe yị ozube avọọ, a vị inomi mẹẹ tụ̀ ọza ụvọ avọọ. 6Ẹwụ nịnị onuworo, ne re ihine dị wa kọsẹ ịrẹyọyẹ hụụnị ẹhẹ ẹnịnị. 7Ẹnịnị ẹ yị nyị ọdọvịdị ẹnyẹnyị. 8Ama ẹnịnị vị ana kụ ịsọyịrị ẹnịnị tẹ ịnị ụmẹ ọnị ịsa ịnị aarẹ ọ̀ọ sị hụrẹ. 9Onuworo, ụ́ụ́ sụ ara pooro kẹnẹ nị? Yere ụmẹ ọnị ụ vaa ha hụụnị ara? 10#Ụhị 24.33,34Waa sụ ara, dị ụ ha nị, dị ụ jị ụvọ za ẹngụ tụ ịnị osusu. 11Osiye vị ana vaa tụ wụ ahwaahụ anka anako nịnị mẹẹ̄ dọ ọza ịsa ọnị ọ nyị avọọ. 12Aza odivi vị ene eē cheeche yẹrẹ-yẹrẹ zị. 13Ẹ sị eyi kà a, dị ẹ sị ahụ kà a, dị ẹ sị ụvọọ jị uwe. 14Ẹnịnị vi eneē ro ịrẹyị odivi ọza pooro, dị ẹ yaa kụ aza ịrẹsụ nya ẹngụ; 15avọọ, odivi vị ana sụ wa avaavo, dị ẹ yị zụ ha.
Ịsa ịhịmba ọnị Ẹnẹyịmavara nyị ịhyẹrẹ anị.
16Aa nyị ịsa ịhịnọnyị ọnị Ẹnẹyịmavara nyị ịhyẹrẹ anị. Dị a nyị ịhịmba ana vị enyisi yị ọ nị. 17Ẹnẹyịmavara ọ nyị ịhyẹrẹ ọza ana a sị ẹngụ tụ ẹba, ọza ene cheeche ọnịrị ọza ana a wụ̀ ọza kẹnẹ-kẹnẹ. 18Avọọ ọ mẹ rẹ nyị ịhyẹrẹ ọza anaā sịị ọhịmị ọza tu ịnị ayị ọnịrị ọza ọnị ahịka odivi ọọ hụụ ọ ịra mẹ̀ nị. 19Dị ọ rẹ nyị ịhyẹrẹ ọza anaā dọ ivenu ireche, dị ọ tụ́ ịrẹyị tụ ịnị akakana ẹyịnyara.
Ọgụ ọza ana wụ́ ịrẹyị aza ana ma a
20Ozi emi, wụ́ ịrẹyị ada awụ. Asị ụ hi ayị ịrẹyị ọnị ọnyị awụ kà yị wụ. 21Waa tamayị anị ụmẹ tụra ụmẹ, dị asị ụ hi ayị anị. 22Navọ ịrẹyị ẹnịnị ọọ zụ wụ oze, dị ọọ sere wụ ịrahụ, dị ọ vị ọnịwọjị awụ ọọdụ. 23Ịrẹyị ọnị ẹ yaa sị zụ ọza vị ana sị eyi ọzaa hweyi tu ịrẹyị, dị ohuvọ ọnị ẹ tụ́ ezii mẹ ka ọza ọ yẹ tu ẹhẹ nị.
Asị ụ sẹ̀ ịrẹka
24Ịrẹyị ẹnẹẹ vaa dọ wụ ha hụụnị ụvọ anẹẹ odivi anaā sịị ịbẹhị vene ọnọrụ zị. 25Asị ụ zẹ ka uzoza anị ọ dọ wụ ayị. Asị ụ zẹ ka eyi ọyịmẹ̀ anị o vene wu ngụ ọ ụvọ. 26Ọnọrụ ọ hyakụ nyẹngụ sị apapa sị ọsẹrẹka, ama ịbẹhị vị anaā va ọnọrụ hu. 27Ọza ọ́ọ́ zụ ka ịra hi ịta vwụ dị asị ịra rị ọ? 28Ọza ọ́ọ́ zụ zị ụsẹ ịrẹsụ akịna dị ahụ anị ẹ yị hụ? 29Avọọ ọza ana dụ ose ọzaa zị mẹ vee re nị. Ọ yị zụ mẹ̀ ẹ dị ọọ sị rị.
Ọgụ ịrẹkọyịsẹ
30Ẹ yị divi, ọza ọnị ụngwẹ aa kụ òo nee yi ịsọyịrị na rị. 31Ama aa za a, dị ọ si ụta ụpẹ ịhịmba, dị aa dọ avaba ọnị ọ nyị tụ ịnị eehi anị. 32Ọnọrụ ana aa sị ose ọza ọ yị yẹ ịrẹyị. Ẹngụ anị kẹnẹ aa va nẹtẹ nị. 33Ẹngụ ọza ọnọọ vị anaa tọ ụnava, dị aa mẹ̀ ụhị nyị ọ, dị ọ vị ụhụ yọ pooro. 34Ọva ọnẹẹ ana a za ọnịrị ọ, ọ yị vaa va ịrẹma anị. Ayị anị vee du agụvị ka a kụ́ ụ́hị́. 35Ọ yị vaa dọ ịsa ẹnyẹẹnyị sị ụta ịsị ana mẹ̀ ẹ. Ọ yị vaa dọ ochirerenu, ọ̀ọ daka banyị.
Ebira First Bible © Bible Society of Nigeria, 2014.