Ụhịrẹyị 5
5
Asị ọza gụrị ọsẹrẹka
1Ozi emi, batọ dị wa wụ́ ịrẹyị ịrẹyọyẹ ọnịrị eyohweyi ọnị maa ka yị wụ, 2agụvị wa yẹ ịsa a vọrọ ka wa mẹ̀, dị ịrẹyị irenu awụ ọọ sị zụ ka wa nyị ịrẹyọyẹ. 3Ịrẹyị irenu ịbẹhị o hine anka ẹhụ, dị ịrarẹ anị swa hụụnị angwẹ nị. 4Ama ẹngụkata anaā vatụra a, ọ̀ nyịrẹyị hu ẹchịpa, dị ọọ̄ tụ̀ ọza ụnava anka ụhwọ ọ nyị eyi ẹẹva avọọ nị. 5Wàa saasa ọsẹrẹka, aa sị ụ na gẹrị ozu awụ nị. Ẹhẹ anị vị ana sị uswọọza gẹ ẹngụ aa zị. 6Ọ sị ha hụrị oze ẹhẹ obooro, dị ọ kụkụ e vu na kẹnẹ nị, ọ yị yẹ ịsa aa mẹ̀. 7Ezi emi, wụ́ ịrẹyị amị. Asị ụ hi ayị ịsa maa kà a wụ aanị. 8Noze hi ẹngụ ọnyẹnẹẹ ọnọọ. Asị ụ zị oze ọgụ anị ne hu vụrụ-vụrụ. 9Ẹ̀ yị vị avọọ, ụ waa tẹ ịnị ụvọ aza nị, dị ọza odivi jị ọyị yị ẹhẹ awụ, 10dị ahịka ọzẹnẹsa kẹnẹ ọ rị ogu ọnị ụ sị ẹhị ẹngụ awụ si nị. 11Ịjị ẹngwẹngụ anị ọ̀ọ vẹ, di u wee tii ịrẹsụ ode, dị ụ ta mẹ pẹpẹpẹ ee zii isu. 12Ịjọnọọ dị ụ kụkụ aa su ụmayịyẹ ka wẹ yị vịdị dọ ịrẹyị ọza tụ ịzọọ. 13Wẹ yị batọ ịrẹyị aza ana aa zụ wụ ịsa. Wẹ yị sị ụtọ nọ ịnị ịrẹyị ẹnịnị vụrụ-vụrụ. 14Ama o me tu odivi booro aanị, ụhị aa nyị ụ eyi ịnọyị-ịnọyị. 15Jẹẹ pe ose ewu kẹnẹ, ẹwụrị ọ kẹnẹ ọọ̄ mẹrị ẹngụ. 16Sị ẹ vẹ dị iruvo awụ e yi ku ẹtẹ aha ọnya? Sị ẹ vẹ dị ụ waa séré-séré zịịzị? 17Ẹwụrị ose ewu kẹnẹ ọọ mẹ ẹvarose, asị ụ rẹ zị ụsẹ ịrẹmarehi. 18Ayị awụ ó hine tu ose ewu. Waa mẹrị ọnẹẹ ọnị ụ nyị hụụnị ozweyi awụ. 19Ọnẹẹ ene zoza vọnọ-vọnọ anka akọnọ avọọ. Navọ ịrẹyị anị ọ dọ wụ ayị, dị oyisì anị ọ vị ụkụ tụ wụ ayị pooro. 20Ozi emi, sị ẹ vẹ dị ịrẹyị ose ọza maanị vị ụkụ tụ wụ ayị? Sị ẹ vẹ dị ahịka ịbẹhị ọ zee wu eyi hụụnị ọsẹ ẹwụ nị? 21Ẹnẹyịmavara ee re avaba ịsa ọnị waa mẹ̀. Ọ yẹ avaba ụsẹ ọnị waa zị. 22Ebira odivi aza ọhịmị vị anaa va ịrẹpa ee zi wa. Ebira ịvị ọnị ẹ yaa mẹ̀ ọ vị ọha ana za wa nị. 23Ụra ọbanyị ẹngụ ẹnịnị ee vu wa ẹtẹ, dị eyọhụrẹ ẹngụ ẹnịnị aa wụ̀ wa ha nị.
Currently Selected:
Ụhịrẹyị 5: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ụhịrẹyị 5
5
Asị ọza gụrị ọsẹrẹka
1Ozi emi, batọ dị wa wụ́ ịrẹyị ịrẹyọyẹ ọnịrị eyohweyi ọnị maa ka yị wụ, 2agụvị wa yẹ ịsa a vọrọ ka wa mẹ̀, dị ịrẹyị irenu awụ ọọ sị zụ ka wa nyị ịrẹyọyẹ. 3Ịrẹyị irenu ịbẹhị o hine anka ẹhụ, dị ịrarẹ anị swa hụụnị angwẹ nị. 4Ama ẹngụkata anaā vatụra a, ọ̀ nyịrẹyị hu ẹchịpa, dị ọọ̄ tụ̀ ọza ụnava anka ụhwọ ọ nyị eyi ẹẹva avọọ nị. 5Wàa saasa ọsẹrẹka, aa sị ụ na gẹrị ozu awụ nị. Ẹhẹ anị vị ana sị uswọọza gẹ ẹngụ aa zị. 6Ọ sị ha hụrị oze ẹhẹ obooro, dị ọ kụkụ e vu na kẹnẹ nị, ọ yị yẹ ịsa aa mẹ̀. 7Ezi emi, wụ́ ịrẹyị amị. Asị ụ hi ayị ịsa maa kà a wụ aanị. 8Noze hi ẹngụ ọnyẹnẹẹ ọnọọ. Asị ụ zị oze ọgụ anị ne hu vụrụ-vụrụ. 9Ẹ̀ yị vị avọọ, ụ waa tẹ ịnị ụvọ aza nị, dị ọza odivi jị ọyị yị ẹhẹ awụ, 10dị ahịka ọzẹnẹsa kẹnẹ ọ rị ogu ọnị ụ sị ẹhị ẹngụ awụ si nị. 11Ịjị ẹngwẹngụ anị ọ̀ọ vẹ, di u wee tii ịrẹsụ ode, dị ụ ta mẹ pẹpẹpẹ ee zii isu. 12Ịjọnọọ dị ụ kụkụ aa su ụmayịyẹ ka wẹ yị vịdị dọ ịrẹyị ọza tụ ịzọọ. 13Wẹ yị batọ ịrẹyị aza ana aa zụ wụ ịsa. Wẹ yị sị ụtọ nọ ịnị ịrẹyị ẹnịnị vụrụ-vụrụ. 14Ama o me tu odivi booro aanị, ụhị aa nyị ụ eyi ịnọyị-ịnọyị. 15Jẹẹ pe ose ewu kẹnẹ, ẹwụrị ọ kẹnẹ ọọ̄ mẹrị ẹngụ. 16Sị ẹ vẹ dị iruvo awụ e yi ku ẹtẹ aha ọnya? Sị ẹ vẹ dị ụ waa séré-séré zịịzị? 17Ẹwụrị ose ewu kẹnẹ ọọ mẹ ẹvarose, asị ụ rẹ zị ụsẹ ịrẹmarehi. 18Ayị awụ ó hine tu ose ewu. Waa mẹrị ọnẹẹ ọnị ụ nyị hụụnị ozweyi awụ. 19Ọnẹẹ ene zoza vọnọ-vọnọ anka akọnọ avọọ. Navọ ịrẹyị anị ọ dọ wụ ayị, dị oyisì anị ọ vị ụkụ tụ wụ ayị pooro. 20Ozi emi, sị ẹ vẹ dị ịrẹyị ose ọza maanị vị ụkụ tụ wụ ayị? Sị ẹ vẹ dị ahịka ịbẹhị ọ zee wu eyi hụụnị ọsẹ ẹwụ nị? 21Ẹnẹyịmavara ee re avaba ịsa ọnị waa mẹ̀. Ọ yẹ avaba ụsẹ ọnị waa zị. 22Ebira odivi aza ọhịmị vị anaa va ịrẹpa ee zi wa. Ebira ịvị ọnị ẹ yaa mẹ̀ ọ vị ọha ana za wa nị. 23Ụra ọbanyị ẹngụ ẹnịnị ee vu wa ẹtẹ, dị eyọhụrẹ ẹngụ ẹnịnị aa wụ̀ wa ha nị.
Ebira First Bible © Bible Society of Nigeria, 2014.