Ụhịrẹyị 21
21
Ịsavịsavị vị ana yị ịnị ụvọ Ohomorihi
1Ayị ohinọyị sị mẹ anka okuha ịnị ụvọ Ẹnẹyịmavara avọọ nị. Ịzị o zee eyi kẹnẹ ọ vaa ịrẹsụ ka nị. 2Ọza ọ nyẹngụ e ro ka ịsị ọnị aa mẹ ọ vọrọ, ama Ẹnẹyịmavara ọ zama ayị ọza re nị. 3Ọza ọ̀ mẹ̀ ịsị ẹ vọrọ o hine Ẹnẹyịmavara hu ịsọvọ ọyịmẹ̀ nị. 4Aza anaa mẹ odivi vi anaā sịị ẹngụ tụ́ ẹba di e yee wu. Ịrẹyị odivi kẹnẹ ọ jị wa areyi nị. 5Ọza ana kụ ẹngụ hi ịsa ana aa mẹ vana nyị rị ụvọ ama eneyiha vi ọnị ọ jị za a. 6Ọgụ ọnị ọza sị asuvu nyị vị anaa ta hi ẹtẹ anka areyi avọọ, usu vị ọnị ọ sịị gẹ ọbẹ. 7Aza ọhịmị ẹ yị dọ ka ẹnị ẹ mẹ̀ ịsa ọyịza. Ẹẹ̄ kụ́ ẹngụkata tu aza pooro nị, ebira odivi ẹnịnị ọ vaa wụ̀ wa nị. 8Oze anakụvị ọọ̄ ma vọrọ ama ọnịzẹyịza vana ra ẹhẹ anị a mẹ vọrọ. 9Ọza o si oboka ọnya kara tụ́ ọ mẹ hu ka ọnịrị ọnyẹnẹẹ ọnịrẹyị ẹ raa ịnị eehi ọnyara nị. 10Aza ọhịmị vị ọnị odivi ọyịmẹ̀ hụ ẹngụ. Ẹ yị ma vayị ọza vụrụ-vụrụ. 11Ịjị Ẹnẹyịmavara ọ sị ụya rị ọza anaa sị ịrẹyị mẹ enyinyi, ọnụra vaa kọsẹ Ịrẹyọyẹ. Ọnịrẹyọyẹ vana kọsẹ hụụnị ịrẹyị ana sị zụ ọ. 12Ohomorihi ana vị ọnịrẹyịzẹyịza ọ̀ yẹ ịsa anaa na ịnị eehi ọza ọhịmị. Ọ́ vaa va aza edivi nọ ẹtẹ nị. 13Ọza ọnị ẹ yị gụ onosiye ụvọ, ọ yị vee re ọnọgụvọ anị. 14Were-were sị ẹyịza na yị ọza anaa kụ ayị hi wụ agụvị ayị anị ọ nẹtẹ. 15Ọkarẹyị ịzẹyịza vene hine ọnị ịrẹyịzẹyịza ayị ama dị ọ vị ayodu yị aza ọhịmị. 16Ọza ene yi ịzẹyịza tịtẹ vị ana gụrị usu. 17Ọza enee sị ẹngwọmẹ vene vee re osiye ọza ana dụ ịsọyịrị ọnịrị eche zị ọ yị zụ nyị ịsa rị ụvọ. 18Aza ọhịmị ẹ vaa rị ụya ọnị e kú tu ọza ọyịza nị. 19Ọza ọ̀ vana na raa ịnị ụnọmị ọ rọ̀ ọ ẹngụ hụụnị ka ọnịrị ọnyẹnẹẹ ọnịrẹyị anaa rị uhuhu ọ ra ịnị eehi ọnyara nị. 20Ọnịrẹyọyẹ ọọ̄ nyị ẹkẹhị dị ọ̀ nyị ẹngwọọrọ nị. Ama ọnụra vene du ẹkẹhị ha. 21Ọza anaā mẹ ịzẹyịza, dị ọ vayị ọza vị ọnị aza vavọọ vaa mẹ̀ yị dị ẹhẹ anị è zee yọ. 22Ọza ana yẹ ịrẹyị ọ zụ rị ẹkụra ọnị Isoja nịnị è sere, dị ọ gara aha ọyị tẹ ene sị eyi tụra ha. 23Wàa sị irenu awụ kwoku, wẹ yị vaa ngụ ịrẹyị. 24Ọza anaa sị ẹngụ tụ ẹba vene wu, dị aa mẹ̀ ọjịnọka. 25Onuworo nịnị eneē yị mē si ka ẹnị ẹ mẹ̀ ụkọrọ, vana wụ ẹngụ ẹnịnị kẹnẹ. 26Aza odivi vana dụ ịsa ọza gogogo pooro kẹnẹ ama ọnịrẹyịzẹyịza ọ yị ma sị ụvọ ku oku. 27Ẹnẹyịmavara ọ̀ nyị ịhyẹrẹ ịsọvọ ọnị aza edivi aa mẹ̀ dị ọ vaa sị vị ka agụvị ịsa odivi ẹ yaa mẹ̀ ẹ nị. 28Ọza anaa dọ ivenu ireche vaa rị ụya anị ama ọza anaa nyị ịzẹyịza a vaa dọ ịrẹyị anị tụ ịzọọ nị. 29Ọza odivi vana mẹ̀ eyidaku ama ọnịzẹyịza ọ yị jị ẹngụ anị ịrẹka. 30Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara. 31Ọza ọ zụ kanyị ọpa aa nọ ịrẹkụ ama Ẹnẹyịmavara ọ sị ọzaa nyị ẹbẹẹba ịrẹkụ nị.
Currently Selected:
Ụhịrẹyị 21: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ụhịrẹyị 21
21
Ịsavịsavị vị ana yị ịnị ụvọ Ohomorihi
1Ayị ohinọyị sị mẹ anka okuha ịnị ụvọ Ẹnẹyịmavara avọọ nị. Ịzị o zee eyi kẹnẹ ọ vaa ịrẹsụ ka nị. 2Ọza ọ nyẹngụ e ro ka ịsị ọnị aa mẹ ọ vọrọ, ama Ẹnẹyịmavara ọ zama ayị ọza re nị. 3Ọza ọ̀ mẹ̀ ịsị ẹ vọrọ o hine Ẹnẹyịmavara hu ịsọvọ ọyịmẹ̀ nị. 4Aza anaa mẹ odivi vi anaā sịị ẹngụ tụ́ ẹba di e yee wu. Ịrẹyị odivi kẹnẹ ọ jị wa areyi nị. 5Ọza ana kụ ẹngụ hi ịsa ana aa mẹ vana nyị rị ụvọ ama eneyiha vi ọnị ọ jị za a. 6Ọgụ ọnị ọza sị asuvu nyị vị anaa ta hi ẹtẹ anka areyi avọọ, usu vị ọnị ọ sịị gẹ ọbẹ. 7Aza ọhịmị ẹ yị dọ ka ẹnị ẹ mẹ̀ ịsa ọyịza. Ẹẹ̄ kụ́ ẹngụkata tu aza pooro nị, ebira odivi ẹnịnị ọ vaa wụ̀ wa nị. 8Oze anakụvị ọọ̄ ma vọrọ ama ọnịzẹyịza vana ra ẹhẹ anị a mẹ vọrọ. 9Ọza o si oboka ọnya kara tụ́ ọ mẹ hu ka ọnịrị ọnyẹnẹẹ ọnịrẹyị ẹ raa ịnị eehi ọnyara nị. 10Aza ọhịmị vị ọnị odivi ọyịmẹ̀ hụ ẹngụ. Ẹ yị ma vayị ọza vụrụ-vụrụ. 11Ịjị Ẹnẹyịmavara ọ sị ụya rị ọza anaa sị ịrẹyị mẹ enyinyi, ọnụra vaa kọsẹ Ịrẹyọyẹ. Ọnịrẹyọyẹ vana kọsẹ hụụnị ịrẹyị ana sị zụ ọ. 12Ohomorihi ana vị ọnịrẹyịzẹyịza ọ̀ yẹ ịsa anaa na ịnị eehi ọza ọhịmị. Ọ́ vaa va aza edivi nọ ẹtẹ nị. 13Ọza ọnị ẹ yị gụ onosiye ụvọ, ọ yị vee re ọnọgụvọ anị. 14Were-were sị ẹyịza na yị ọza anaa kụ ayị hi wụ agụvị ayị anị ọ nẹtẹ. 15Ọkarẹyị ịzẹyịza vene hine ọnị ịrẹyịzẹyịza ayị ama dị ọ vị ayodu yị aza ọhịmị. 16Ọza ene yi ịzẹyịza tịtẹ vị ana gụrị usu. 17Ọza enee sị ẹngwọmẹ vene vee re osiye ọza ana dụ ịsọyịrị ọnịrị eche zị ọ yị zụ nyị ịsa rị ụvọ. 18Aza ọhịmị ẹ vaa rị ụya ọnị e kú tu ọza ọyịza nị. 19Ọza ọ̀ vana na raa ịnị ụnọmị ọ rọ̀ ọ ẹngụ hụụnị ka ọnịrị ọnyẹnẹẹ ọnịrẹyị anaa rị uhuhu ọ ra ịnị eehi ọnyara nị. 20Ọnịrẹyọyẹ ọọ̄ nyị ẹkẹhị dị ọ̀ nyị ẹngwọọrọ nị. Ama ọnụra vene du ẹkẹhị ha. 21Ọza anaā mẹ ịzẹyịza, dị ọ vayị ọza vị ọnị aza vavọọ vaa mẹ̀ yị dị ẹhẹ anị è zee yọ. 22Ọza ana yẹ ịrẹyị ọ zụ rị ẹkụra ọnị Isoja nịnị è sere, dị ọ gara aha ọyị tẹ ene sị eyi tụra ha. 23Wàa sị irenu awụ kwoku, wẹ yị vaa ngụ ịrẹyị. 24Ọza anaa sị ẹngụ tụ ẹba vene wu, dị aa mẹ̀ ọjịnọka. 25Onuworo nịnị eneē yị mē si ka ẹnị ẹ mẹ̀ ụkọrọ, vana wụ ẹngụ ẹnịnị kẹnẹ. 26Aza odivi vana dụ ịsa ọza gogogo pooro kẹnẹ ama ọnịrẹyịzẹyịza ọ yị ma sị ụvọ ku oku. 27Ẹnẹyịmavara ọ̀ nyị ịhyẹrẹ ịsọvọ ọnị aza edivi aa mẹ̀ dị ọ vaa sị vị ka agụvị ịsa odivi ẹ yaa mẹ̀ ẹ nị. 28Ọza anaa dọ ivenu ireche vaa rị ụya anị ama ọza anaa nyị ịzẹyịza a vaa dọ ịrẹyị anị tụ ịzọọ nị. 29Ọza odivi vana mẹ̀ eyidaku ama ọnịzẹyịza ọ yị jị ẹngụ anị ịrẹka. 30Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara. 31Ọza ọ zụ kanyị ọpa aa nọ ịrẹkụ ama Ẹnẹyịmavara ọ sị ọzaa nyị ẹbẹẹba ịrẹkụ nị.
Ebira First Bible © Bible Society of Nigeria, 2014.