Ụhịrẹyị 20
20
Ịrẹyọyẹ o huni igooru nị
1Ọza ọnị e hu eche ahaahara vị ọnị echee jị ụra. Ọnụra oō hu eche dị a mẹrị ọ nị. 2Hi angwa ohinọyị ana a kụ ayị anka ọza meē hí angwa idu avọọ, ọza ene e du ohinọyị ayị vi ene si ẹngụ anị usu. 3Ọza enee zwe yị ịrẹyị vị ana sị ụbanyị yị ẹngụ anị, ama ọnụra kẹnẹ o si ka ọnịrị ọza ẹ zyaazị nị. 4Onuworo ẹnẹ ẹ yị da aarẹ ịnị ụmẹ ụrụkụ ọ yị mā nyị ịsa ịnị aarẹ. 5Ayị ọza ọ nyịnẹ hụụnị ịkangga, ama ọza ọnị eyi anị hweyi ọ zụ yẹ nị. 6Ọzọza vị anaa kà a ka ọnị ọ wụra chị ayị za, ama ene kụkụ zụ re ọza ana wụra chi ayị tụra kẹ? 7Ọza ọyịza vị anaā ra a mẹ vọrọ, ịrẹma anị vị eneē zee yị ezi anị. 8Ohinọyị ana ya ịrẹsụ ode aa mẹ̀ ọkarẹyị, ọ yẹ ịsa ẹnẹ ẹ yị vị ịzẹyịza. 9Áá nyị ọza ana zụ sị ụvọ nya ịrachị ka ayị anị ọ nị saka-saka? Ẹnẹ zụ kà a ka ọnị ẹ yị nyị ebira odivi ọnyọọnyị? 10Ẹnẹyịmavara ọ nyị ịhyẹrẹ ọza anaā mẹ ọzaa rị ịnị ịsa anaa ná. 11Ebira ezweyi a sịị̄ yẹ wa nị, ịsị ẹnịnị à mẹ ọ̀ọ vọrọ dị ọ rẹ vị ịzẹyịza nị. 12Ẹnẹyịmavara ọ mẹ eyi yị ka ye sii re ẹtẹ, dị ọ rẹ mẹ ụtọ yị ka ya sịị wụ́ ịrẹyị nị. 13Ọza anaā sịị avaba ụmẹẹ sụ ara vị enee re osiye, ọza anaā mẹ̀ ịsa ọọ̄ rịị vọ ku nị. 14Ọza anaa hị́ ịsa vị anaā jị ọza anaa na ụra òo si hu dị a gá ẹngụ anị ka ọnị ọ yara hị́ ịsa. 15Ịrẹyọyẹ o huna ẹkẹhị nị. 16Ọza anaa kụ ụra ẹngụ anị na jẹẹ yị ọnụta ọnị ẹ yị yẹ vị ana vọrọ ka a dọ awuru anị sị ụta. 17Ịsa ọnị ọza sị asịvu nyị vị ene hine ẹtẹẹtẹrẹ ama dị ọvavịrẹma anị sị mẹẹ ọza ọ̀ọ ka ata hi irenu aa rị avọọ nị. 18Ajuwe ọyịza vị anaā sịị ọzaa ha. Ọza ọ̀ họ̀ use ajuwe obooro dị ọ vaa nọ ịrẹkụ. 19Ọza ọnị irenu anị ọ yị ma tịtẹ hẹẹ vị anaā kụ ọza iruvoo hi ẹhẹ. Asị ụ zị ògù anị o. 20Ọza ana àa kụ ada anị ọnịrị ọnyị anị ụhụ, vị anaa jị ọyị yị ẹngụ anị. 21Ọza ọ zụ sị ọhọha ne si ogu ẹnẹnẹ viri-viri ama ẹzẹtẹ anị o me zoza. 22Asị ụ kà a ka wee si atọ odivi ọnị ọza mẹ wụ, sị chire Ẹnẹyịmavara ụvọ, o vee si atọ yị wụ. 23Ẹnẹyịmavara ọ nyị ịhyẹrẹ aza anaa mẹ ọzaa rị ịnị ịsa anaa ná. Amẹrị ẹ yị zoza. 24Ẹnẹ ka ọnị ọ yẹ oze ẹhẹ anị kẹ? Ẹnẹyịmavara kẹnẹ ọọ̄ zụ ọza oze nị. 25Ròo dị wa va zẹ ịzẹzẹ yị Ẹnẹyịmavara, ẹyị vavọọ ụ vana sụ ụmayịyẹ ịrẹma anị. 26Ohinọyị ana yẹ ịrẹyị vị enee si iruvo aza ana mẹ odivi, dị ẹ yị tẹsị aa sị ụyaa rị wa. 27Ẹnẹyịmavara ọ nyị ayị ọnịrị ivehu ayị nị, agụvị avọọ yẹ yị zụ tẹ yọ. 28Ohinọyị anaā mẹ ịzẹyịza dị ọ rẹ vayị ọza vị eneē ku orubo ịrẹsụ ode. 29Ụkata ezwọọmụha nịnị ọ vị ụbanyị ẹnịnị nị, ama ẹwa ịrẹsụ ọzọkụ ọ vị ụbanyị anị nị. 30Á mẹẹ̄ nya ọza ịsa ka ọ zị ọ, avọọ a mẹẹ sị ụya rị ọza agụvị ọ ngụ ịhyẹrẹ odivi ha nị.
Currently Selected:
Ụhịrẹyị 20: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ụhịrẹyị 20
20
Ịrẹyọyẹ o huni igooru nị
1Ọza ọnị e hu eche ahaahara vị ọnị echee jị ụra. Ọnụra oō hu eche dị a mẹrị ọ nị. 2Hi angwa ohinọyị ana a kụ ayị anka ọza meē hí angwa idu avọọ, ọza ene e du ohinọyị ayị vi ene si ẹngụ anị usu. 3Ọza enee zwe yị ịrẹyị vị ana sị ụbanyị yị ẹngụ anị, ama ọnụra kẹnẹ o si ka ọnịrị ọza ẹ zyaazị nị. 4Onuworo ẹnẹ ẹ yị da aarẹ ịnị ụmẹ ụrụkụ ọ yị mā nyị ịsa ịnị aarẹ. 5Ayị ọza ọ nyịnẹ hụụnị ịkangga, ama ọza ọnị eyi anị hweyi ọ zụ yẹ nị. 6Ọzọza vị anaa kà a ka ọnị ọ wụra chị ayị za, ama ene kụkụ zụ re ọza ana wụra chi ayị tụra kẹ? 7Ọza ọyịza vị anaā ra a mẹ vọrọ, ịrẹma anị vị eneē zee yị ezi anị. 8Ohinọyị ana ya ịrẹsụ ode aa mẹ̀ ọkarẹyị, ọ yẹ ịsa ẹnẹ ẹ yị vị ịzẹyịza. 9Áá nyị ọza ana zụ sị ụvọ nya ịrachị ka ayị anị ọ nị saka-saka? Ẹnẹ zụ kà a ka ọnị ẹ yị nyị ebira odivi ọnyọọnyị? 10Ẹnẹyịmavara ọ nyị ịhyẹrẹ ọza anaā mẹ ọzaa rị ịnị ịsa anaa ná. 11Ebira ezweyi a sịị̄ yẹ wa nị, ịsị ẹnịnị à mẹ ọ̀ọ vọrọ dị ọ rẹ vị ịzẹyịza nị. 12Ẹnẹyịmavara ọ mẹ eyi yị ka ye sii re ẹtẹ, dị ọ rẹ mẹ ụtọ yị ka ya sịị wụ́ ịrẹyị nị. 13Ọza anaā sịị avaba ụmẹẹ sụ ara vị enee re osiye, ọza anaā mẹ̀ ịsa ọọ̄ rịị vọ ku nị. 14Ọza anaa hị́ ịsa vị anaā jị ọza anaa na ụra òo si hu dị a gá ẹngụ anị ka ọnị ọ yara hị́ ịsa. 15Ịrẹyọyẹ o huna ẹkẹhị nị. 16Ọza anaa kụ ụra ẹngụ anị na jẹẹ yị ọnụta ọnị ẹ yị yẹ vị ana vọrọ ka a dọ awuru anị sị ụta. 17Ịsa ọnị ọza sị asịvu nyị vị ene hine ẹtẹẹtẹrẹ ama dị ọvavịrẹma anị sị mẹẹ ọza ọ̀ọ ka ata hi irenu aa rị avọọ nị. 18Ajuwe ọyịza vị anaā sịị ọzaa ha. Ọza ọ̀ họ̀ use ajuwe obooro dị ọ vaa nọ ịrẹkụ. 19Ọza ọnị irenu anị ọ yị ma tịtẹ hẹẹ vị anaā kụ ọza iruvoo hi ẹhẹ. Asị ụ zị ògù anị o. 20Ọza ana àa kụ ada anị ọnịrị ọnyị anị ụhụ, vị anaa jị ọyị yị ẹngụ anị. 21Ọza ọ zụ sị ọhọha ne si ogu ẹnẹnẹ viri-viri ama ẹzẹtẹ anị o me zoza. 22Asị ụ kà a ka wee si atọ odivi ọnị ọza mẹ wụ, sị chire Ẹnẹyịmavara ụvọ, o vee si atọ yị wụ. 23Ẹnẹyịmavara ọ nyị ịhyẹrẹ aza anaa mẹ ọzaa rị ịnị ịsa anaa ná. Amẹrị ẹ yị zoza. 24Ẹnẹ ka ọnị ọ yẹ oze ẹhẹ anị kẹ? Ẹnẹyịmavara kẹnẹ ọọ̄ zụ ọza oze nị. 25Ròo dị wa va zẹ ịzẹzẹ yị Ẹnẹyịmavara, ẹyị vavọọ ụ vana sụ ụmayịyẹ ịrẹma anị. 26Ohinọyị ana yẹ ịrẹyị vị enee si iruvo aza ana mẹ odivi, dị ẹ yị tẹsị aa sị ụyaa rị wa. 27Ẹnẹyịmavara ọ nyị ayị ọnịrị ivehu ayị nị, agụvị avọọ yẹ yị zụ tẹ yọ. 28Ohinọyị anaā mẹ ịzẹyịza dị ọ rẹ vayị ọza vị eneē ku orubo ịrẹsụ ode. 29Ụkata ezwọọmụha nịnị ọ vị ụbanyị ẹnịnị nị, ama ẹwa ịrẹsụ ọzọkụ ọ vị ụbanyị anị nị. 30Á mẹẹ̄ nya ọza ịsa ka ọ zị ọ, avọọ a mẹẹ sị ụya rị ọza agụvị ọ ngụ ịhyẹrẹ odivi ha nị.
Ebira First Bible © Bible Society of Nigeria, 2014.