Ịrịka 32
32
Anirubẹnị ọnịrị Anigadi ee họ̀ use ẹtẹ akẹnẹ Okuha Ịjọdanị
(Ọda 3.12-22)
1Ẹtẹ Irubẹnị ọnịrị Igadi nịnị ẹ̀ nyị ịsụpa rụrụ hu nị. Ịjị ẹnịnị re ka ẹtẹ Ijaza ọnịrị Igiriyadi o zoza ọyị kụ́ ịsụpa rị nị, 2dị e nee tù Imosiisi ọnịrị Eriyaza ne beri ọdọvịdị okokoro nị. Dị ẹ kà. 3Ataroti, Idiboni, Inimira, Ịhẹsịbọnị, Erire, Isebami, Inebo ọnịrị Ịbẹyọ, 4vị ẹtẹ ọnị Ẹnẹyịmavara nyị ehuna anị yị Anisirẹrị. Aha ẹnịị ee zoza yị ịsụpa, dị ẹnị nyị ịsụpa nị. 5Dị ẹnịnị da ịpẹ yị Imosiisi ọnịrị Eriyaza ne beri ọdọvịdị ẹkụra nịnị ka ẹ sị ẹtẹ ọnọnị yị ẹnị. Asị ẹ kà a ka ẹnị ẹ jịnẹ tụ́ akẹnẹ okuha Ijodana. 6Dị Imosiisi họ̀ wa ka, ẹnịnị wáá ya ịzọọ dị ẹ ha ẹtẹ tụ́ Anisirẹrị ana vọ ka ẹẹ nọ ịrẹkụ? 7Àa vị avọọ yọ nị, ẹnịnị ẹ yị tụ́ Anisirẹrị nịnị ọtụtụrụma ka ẹ na dọ ẹtẹ ọnị Ẹnẹyịmavara raà sị yị wa. 8#Ịrị 13.17-33Dị Imosiisi kà a, ẹngụ ebira ọnị ohiku ẹnịnị mẹ̀ dị ọnị sị tụ́ aza hụrị Ịkẹdẹsị Ibaneya ka ene re ẹtẹ va ka yị wa yị. 9Dị aza ẹnẹẹ na na ngụ inozi Esikori dị e re ẹtẹ nị. Dị ẹnịnị ve chire Anisirẹrị ana vọ angwa ka asị ẹ ngụ ẹtẹ ọnị Ẹnẹyịmavara raà sị yị wa nị. 10#Ịrị 14.26-35Dị ayị kụ́ Ẹnẹyịmavara ịhị ọnọọ, dị ọ hị́ eku ka, 11ẹ yị vaa nyị ọza ẹhụ ịrayị oohu da a va hịrẹ ịnị ẹngụ ẹnịnị ana hụrị Ijipiti ene vee re ẹtẹ ọnị ọnị wo oto anị yị Abụrahamị, ọnịrị Ayiziiki ne beri Ijekọvụ. Ịrẹyị ọ́ maanị tu wa agụvị ka ẹnịnị ẹ yị sị ayị ọnya saasa ọnị. 12Ịkarẹbị ozi Ijẹhwunẹ Anikeni ọnịrị Ijosuwa ozi Inuni kẹnẹ ẹ vaa ngụ ẹtẹ ọnọọ nị, ọ vavọọ mẹ agụvị ka ẹnị ẹyịva ẹnẹnị kẹnẹ ẹ sị ayị ọnya saasa Ẹnẹyịmavara nị. 13Ka Ẹnẹyịmavara ee du ayị hí Anisirẹrị nịnị, dị ọ mẹ̀ wa ka ee doodo ngụ ịnị ụnọmị zị ịrayị ẹbẹẹva pooro dị ana mẹ̀ ebira odivi hi ọnị aanị e su va ha. 14Dị Imosiisi kà, Anirubẹnị ọnịrị Anigadi ẹnẹẹ vị ana sị mẹ̀ anka ohiku ẹnịnị. Ẹ yaa mẹ̀ ebira odivi ana rẹẹ̀ vaa mẹ̀ ayị kụ́ Ẹnẹyịmavara hị́ Anisirẹrị nịnị. 15Ẹnịnị ẹ̀ẹ va hụrẹ ịrẹma Ẹnẹyịmavara, dị ọnị rẹ hụrẹ avaba Anisirẹrị nịnị ụvọ tụ ịnị ụnọmị. Ama ẹnịnị ẹ vaa nyị ohuvọ anị nị. 16Dị ẹnịnị tụ́ ohi ka, ẹnị vaa da irehi yị ịsụpa ẹnịnị, dị ẹnị rẹ da ẹkụra yị ezweyi ẹnịnị, 17dị ẹnị jị ọvọ kara wa agụvị anẹkụra ene hi ịzọọ. Ẹnị ẹ̀ vavọọ sị ọ mẹ̀, dị ẹnị kụ́ ẹnya ịrẹkụ ẹnịnị tụ́ ọvịdị Anisirẹrị ana vọ aa nọ ịrẹkụ. 18Ẹ kà ẹnị vaa ya pe wa pooro di avaba Anisirẹrị nịnị ana vọ ẹ nyị ẹtẹ ẹnịnị. 19Ẹnị ẹ yị vaa nyị tụ́ ịnị ẹtẹ ana ya akẹnẹ Okuha Ịjọdanị agụvị ka ẹnị ẹ raà nyị ẹnịnị tụ́ eyi akẹnẹ Ijodani ọsa. 20Dị Imosiisi tụ́ wa ohi ka, ẹ vavọọ dọ, ẹ kụ́ ẹnya ịrẹkụ ẹnịnị, dị ẹ na kụ́ ịrẹkụ yị Ẹnẹyịmavara kẹ. 21Avaba ọkụrẹkụ ẹnịnị vaa jịnẹ Okuha Ịjọdanị anka Ẹnẹyịmavara mẹ kà a, dị ẹ gẹ ịrẹkụ tu ọnịvị ẹnịnị pooro di Ẹnẹyịmavara ọ sị wa nyị ẹbẹẹba ẹnịnị. 22Ịjị Ẹnẹyịmavara ọ́ raà gụ ẹnịnị ụvọ dị ẹ dọ ẹtẹ ta nị, di e re oze varẹma vẹ eehi agụvị ka ẹnịnị ẹ ra mẹ ịsị Ẹnẹyịmavara kà ọnịrị ịsị a vọrọ ka ẹ mẹ yị anda ẹnịnị Anisirẹrị. Ịjọnọọ, dị Ẹtẹ ọnọọ vaa vị ẹnịnị. 23Ama ẹnịnị ẹ yị vavọọ mẹ, ẹ raà rị ịvị Ẹnẹyịmavara, dị ọ sị ụya anị rị wa. 24Avọọ ẹnịnị ẹ da ẹkụra yị ezi ẹnịnị, dị ẹ da irehi yị ịsụpa ẹnịnị. 25Ịjọnọọ dị Anigadi ọnịrị Anirubẹnị kà yị Imosiisi ka ẹnị vaa mẹ̀ ịsa ọnị ọ ka. 26Ẹ kà ese ẹnịnị ọnịrị ezi ne beri ịsụpa ẹnịnị vee hi ini ubooro Igiriyadi. 27Ama avaba ẹnịnị è tenyi ẹngụ ịrẹkụ ka ẹnị aa jịnẹ Okuha Ịjọdanị na kú ịrẹkụ anka Ẹnẹyịmavara mẹ kà a tịtẹ.
28 #
Ijos 1.12-15
Avọọ dị Imosiisi mẹ ọda yị Eriyaza ana vị ohirẹsụ irehi Ohomorihi ọnịrị Ijosuwa ozi Inuni ne beri avaba ohirẹsụ Anisirẹrị nịnị. 29Ọ kà, avaba anọrụ Anigadi ọnịrị Anirubẹnị nịnị ana sị hụ ọ tụ́ ịrẹkụ ẹ̀ẹ saasa wa jịnẹ Okuha Ịjọdanị nọ ịrẹkụ. Ẹnẹyịmavara kà a sị ẹtẹ Igiriyadi yị wa ịjị Anisirẹrị nịnị ẹ raa dọ avaba ẹtẹ ta. 30Ama Anigadi ọnịrị Anirubẹnị nịnị ẹ yị saasa Anisirẹrị nịnị ana vọ, ẹ sị ẹtẹ yị wa ịnị ẹtẹ Anikenaani akẹnẹ Ijodani. 31Dị Anigadi ọnịrị Anirubẹnị nịnị tụ́ Imosiisi ohi ka, ẹnị vaa mẹ̀ ịsa ọnị Ẹnẹyịmavara kà nị. 32Ẹ ka ẹnị vaa jịnẹ Ijodani na akẹnẹ ne beri Anikenaani kụ́ ịrẹkụ, ama asị a dọ ẹnị ẹtẹ ana vị ẹnịnị aanị. 33Ịzẹyịza, dị Imosiisi sị ẹtẹ Isihoni ohinọyị Anamọrị ọnịrị ẹtẹ Ọgị ohinọyị Ịbasanị ne beri avaba ẹtẹ ọnịrị ẹkụra-ẹkụra ana kara wa yị Anigadi ọnịrị Anirubẹnị nịnị ne beri acheva Ịmanasẹ ana vị ezi Ijosẹẹhụ nị. 34Dị Anigadi nịnị tenyi ẹkụra Idiboni, Ataroti, aroyeri, 35Atiroti, Isohwana, Ijazeeri, Ijobeha, 36Ịbẹtị Inimira, ọnịrị Ịbẹtị Ịharanị dà nị. 37Dị Anirubẹnị nịnị ẹnị re tenyi dà ẹkụra Ịhẹsịbọnị, Erire, Ikiriyatayimi, 38Inebo ọnịrị Ịbaarị-Imeyoni neberi Isibima vị ene ree tenyi dà, dị ẹ sị ịrẹha ọwọọwa yị wa. 39Dị ịrẹsụ Animakiri nịnị ana ezi Ịmanasẹ kụ́ ịrẹkụ tù Igiriyadi nịnị dị ẹ dọ wa ẹtẹ, dị ra ịzọọ nị. Avọọ ẹ mẹ rẹẹ̀ dụ Anamọrị ene hi ịzọọ nị. 40Avọọ Imosiisi sị ẹtẹ Igiriyadi ọnọọ yị Animakiri nịnị dị ra a nị. 41Ezi Ịjarị ana vị ozi Ịmanasẹ ẹnẹ ẹ rẹẹ̀ rị ẹkụra eweyi-eweyi ene hi ịzọọ, dị ẹ sị ịrẹha ada ẹnịnị yị ẹkụra ẹnẹẹ nị. 42Aninoba ẹnị vị ana kụ́ ịrẹkụ ne tù Anẹkụra Ikenati ẹnịrị ẹkụra eweyi-eweyi ene hi ịzọọ, dị ẹnị rẹ sị ịrẹha ada ẹnịnị Inoba yị ẹtẹ ọnọọ nị.
Currently Selected:
Ịrịka 32: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 32
32
Anirubẹnị ọnịrị Anigadi ee họ̀ use ẹtẹ akẹnẹ Okuha Ịjọdanị
(Ọda 3.12-22)
1Ẹtẹ Irubẹnị ọnịrị Igadi nịnị ẹ̀ nyị ịsụpa rụrụ hu nị. Ịjị ẹnịnị re ka ẹtẹ Ijaza ọnịrị Igiriyadi o zoza ọyị kụ́ ịsụpa rị nị, 2dị e nee tù Imosiisi ọnịrị Eriyaza ne beri ọdọvịdị okokoro nị. Dị ẹ kà. 3Ataroti, Idiboni, Inimira, Ịhẹsịbọnị, Erire, Isebami, Inebo ọnịrị Ịbẹyọ, 4vị ẹtẹ ọnị Ẹnẹyịmavara nyị ehuna anị yị Anisirẹrị. Aha ẹnịị ee zoza yị ịsụpa, dị ẹnị nyị ịsụpa nị. 5Dị ẹnịnị da ịpẹ yị Imosiisi ọnịrị Eriyaza ne beri ọdọvịdị ẹkụra nịnị ka ẹ sị ẹtẹ ọnọnị yị ẹnị. Asị ẹ kà a ka ẹnị ẹ jịnẹ tụ́ akẹnẹ okuha Ijodana. 6Dị Imosiisi họ̀ wa ka, ẹnịnị wáá ya ịzọọ dị ẹ ha ẹtẹ tụ́ Anisirẹrị ana vọ ka ẹẹ nọ ịrẹkụ? 7Àa vị avọọ yọ nị, ẹnịnị ẹ yị tụ́ Anisirẹrị nịnị ọtụtụrụma ka ẹ na dọ ẹtẹ ọnị Ẹnẹyịmavara raà sị yị wa. 8#Ịrị 13.17-33Dị Imosiisi kà a, ẹngụ ebira ọnị ohiku ẹnịnị mẹ̀ dị ọnị sị tụ́ aza hụrị Ịkẹdẹsị Ibaneya ka ene re ẹtẹ va ka yị wa yị. 9Dị aza ẹnẹẹ na na ngụ inozi Esikori dị e re ẹtẹ nị. Dị ẹnịnị ve chire Anisirẹrị ana vọ angwa ka asị ẹ ngụ ẹtẹ ọnị Ẹnẹyịmavara raà sị yị wa nị. 10#Ịrị 14.26-35Dị ayị kụ́ Ẹnẹyịmavara ịhị ọnọọ, dị ọ hị́ eku ka, 11ẹ yị vaa nyị ọza ẹhụ ịrayị oohu da a va hịrẹ ịnị ẹngụ ẹnịnị ana hụrị Ijipiti ene vee re ẹtẹ ọnị ọnị wo oto anị yị Abụrahamị, ọnịrị Ayiziiki ne beri Ijekọvụ. Ịrẹyị ọ́ maanị tu wa agụvị ka ẹnịnị ẹ yị sị ayị ọnya saasa ọnị. 12Ịkarẹbị ozi Ijẹhwunẹ Anikeni ọnịrị Ijosuwa ozi Inuni kẹnẹ ẹ vaa ngụ ẹtẹ ọnọọ nị, ọ vavọọ mẹ agụvị ka ẹnị ẹyịva ẹnẹnị kẹnẹ ẹ sị ayị ọnya saasa Ẹnẹyịmavara nị. 13Ka Ẹnẹyịmavara ee du ayị hí Anisirẹrị nịnị, dị ọ mẹ̀ wa ka ee doodo ngụ ịnị ụnọmị zị ịrayị ẹbẹẹva pooro dị ana mẹ̀ ebira odivi hi ọnị aanị e su va ha. 14Dị Imosiisi kà, Anirubẹnị ọnịrị Anigadi ẹnẹẹ vị ana sị mẹ̀ anka ohiku ẹnịnị. Ẹ yaa mẹ̀ ebira odivi ana rẹẹ̀ vaa mẹ̀ ayị kụ́ Ẹnẹyịmavara hị́ Anisirẹrị nịnị. 15Ẹnịnị ẹ̀ẹ va hụrẹ ịrẹma Ẹnẹyịmavara, dị ọnị rẹ hụrẹ avaba Anisirẹrị nịnị ụvọ tụ ịnị ụnọmị. Ama ẹnịnị ẹ vaa nyị ohuvọ anị nị. 16Dị ẹnịnị tụ́ ohi ka, ẹnị vaa da irehi yị ịsụpa ẹnịnị, dị ẹnị rẹ da ẹkụra yị ezweyi ẹnịnị, 17dị ẹnị jị ọvọ kara wa agụvị anẹkụra ene hi ịzọọ. Ẹnị ẹ̀ vavọọ sị ọ mẹ̀, dị ẹnị kụ́ ẹnya ịrẹkụ ẹnịnị tụ́ ọvịdị Anisirẹrị ana vọ aa nọ ịrẹkụ. 18Ẹ kà ẹnị vaa ya pe wa pooro di avaba Anisirẹrị nịnị ana vọ ẹ nyị ẹtẹ ẹnịnị. 19Ẹnị ẹ yị vaa nyị tụ́ ịnị ẹtẹ ana ya akẹnẹ Okuha Ịjọdanị agụvị ka ẹnị ẹ raà nyị ẹnịnị tụ́ eyi akẹnẹ Ijodani ọsa. 20Dị Imosiisi tụ́ wa ohi ka, ẹ vavọọ dọ, ẹ kụ́ ẹnya ịrẹkụ ẹnịnị, dị ẹ na kụ́ ịrẹkụ yị Ẹnẹyịmavara kẹ. 21Avaba ọkụrẹkụ ẹnịnị vaa jịnẹ Okuha Ịjọdanị anka Ẹnẹyịmavara mẹ kà a, dị ẹ gẹ ịrẹkụ tu ọnịvị ẹnịnị pooro di Ẹnẹyịmavara ọ sị wa nyị ẹbẹẹba ẹnịnị. 22Ịjị Ẹnẹyịmavara ọ́ raà gụ ẹnịnị ụvọ dị ẹ dọ ẹtẹ ta nị, di e re oze varẹma vẹ eehi agụvị ka ẹnịnị ẹ ra mẹ ịsị Ẹnẹyịmavara kà ọnịrị ịsị a vọrọ ka ẹ mẹ yị anda ẹnịnị Anisirẹrị. Ịjọnọọ, dị Ẹtẹ ọnọọ vaa vị ẹnịnị. 23Ama ẹnịnị ẹ yị vavọọ mẹ, ẹ raà rị ịvị Ẹnẹyịmavara, dị ọ sị ụya anị rị wa. 24Avọọ ẹnịnị ẹ da ẹkụra yị ezi ẹnịnị, dị ẹ da irehi yị ịsụpa ẹnịnị. 25Ịjọnọọ dị Anigadi ọnịrị Anirubẹnị kà yị Imosiisi ka ẹnị vaa mẹ̀ ịsa ọnị ọ ka. 26Ẹ kà ese ẹnịnị ọnịrị ezi ne beri ịsụpa ẹnịnị vee hi ini ubooro Igiriyadi. 27Ama avaba ẹnịnị è tenyi ẹngụ ịrẹkụ ka ẹnị aa jịnẹ Okuha Ịjọdanị na kú ịrẹkụ anka Ẹnẹyịmavara mẹ kà a tịtẹ.
28 #
Ijos 1.12-15
Avọọ dị Imosiisi mẹ ọda yị Eriyaza ana vị ohirẹsụ irehi Ohomorihi ọnịrị Ijosuwa ozi Inuni ne beri avaba ohirẹsụ Anisirẹrị nịnị. 29Ọ kà, avaba anọrụ Anigadi ọnịrị Anirubẹnị nịnị ana sị hụ ọ tụ́ ịrẹkụ ẹ̀ẹ saasa wa jịnẹ Okuha Ịjọdanị nọ ịrẹkụ. Ẹnẹyịmavara kà a sị ẹtẹ Igiriyadi yị wa ịjị Anisirẹrị nịnị ẹ raa dọ avaba ẹtẹ ta. 30Ama Anigadi ọnịrị Anirubẹnị nịnị ẹ yị saasa Anisirẹrị nịnị ana vọ, ẹ sị ẹtẹ yị wa ịnị ẹtẹ Anikenaani akẹnẹ Ijodani. 31Dị Anigadi ọnịrị Anirubẹnị nịnị tụ́ Imosiisi ohi ka, ẹnị vaa mẹ̀ ịsa ọnị Ẹnẹyịmavara kà nị. 32Ẹ ka ẹnị vaa jịnẹ Ijodani na akẹnẹ ne beri Anikenaani kụ́ ịrẹkụ, ama asị a dọ ẹnị ẹtẹ ana vị ẹnịnị aanị. 33Ịzẹyịza, dị Imosiisi sị ẹtẹ Isihoni ohinọyị Anamọrị ọnịrị ẹtẹ Ọgị ohinọyị Ịbasanị ne beri avaba ẹtẹ ọnịrị ẹkụra-ẹkụra ana kara wa yị Anigadi ọnịrị Anirubẹnị nịnị ne beri acheva Ịmanasẹ ana vị ezi Ijosẹẹhụ nị. 34Dị Anigadi nịnị tenyi ẹkụra Idiboni, Ataroti, aroyeri, 35Atiroti, Isohwana, Ijazeeri, Ijobeha, 36Ịbẹtị Inimira, ọnịrị Ịbẹtị Ịharanị dà nị. 37Dị Anirubẹnị nịnị ẹnị re tenyi dà ẹkụra Ịhẹsịbọnị, Erire, Ikiriyatayimi, 38Inebo ọnịrị Ịbaarị-Imeyoni neberi Isibima vị ene ree tenyi dà, dị ẹ sị ịrẹha ọwọọwa yị wa. 39Dị ịrẹsụ Animakiri nịnị ana ezi Ịmanasẹ kụ́ ịrẹkụ tù Igiriyadi nịnị dị ẹ dọ wa ẹtẹ, dị ra ịzọọ nị. Avọọ ẹ mẹ rẹẹ̀ dụ Anamọrị ene hi ịzọọ nị. 40Avọọ Imosiisi sị ẹtẹ Igiriyadi ọnọọ yị Animakiri nịnị dị ra a nị. 41Ezi Ịjarị ana vị ozi Ịmanasẹ ẹnẹ ẹ rẹẹ̀ rị ẹkụra eweyi-eweyi ene hi ịzọọ, dị ẹ sị ịrẹha ada ẹnịnị yị ẹkụra ẹnẹẹ nị. 42Aninoba ẹnị vị ana kụ́ ịrẹkụ ne tù Anẹkụra Ikenati ẹnịrị ẹkụra eweyi-eweyi ene hi ịzọọ, dị ẹnị rẹ sị ịrẹha ada ẹnịnị Inoba yị ẹtẹ ọnọọ nị.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.