Ịrịka 31
31
Anisirẹrị ê pe Animidiya kụ́ ịrẹkụ
1Ẹnẹyịmavara ộ kà yị Imosiisi ka, 2o re ka ọnị ọ họ̀ oponu ịsị Animidiya nịnị mẹ Anisirẹrị dị o vee su. 3Avọọ, dị Imosiisi kà yị Anisirẹrị nịnị ka e tenyi ẹngụ ịrẹkụ ka Ẹnẹyịmavara kà ẹnị ẹ na họ̀ oponu ịsị Animidiya nịnị mẹ ẹnị. 4Ịrẹsụ ọnyọọnya ẹ tụ́ anọrụ akahị nọ ịrẹkụ. 5Avaba anọrụ ana tenyi ẹngụ ịrẹkụ ọnọọ vị akahị-akahị oze ẹwụrẹva. 6Dị Imosiisi tụ́ Ịhwịnẹhasị ozi Eriyaza ka ọ kụ́ aza akahị hụụnị ịrẹsụ ọnyọọnya nọ ịrẹkụ nị. Dị ẹ kụ́ ẹnya hụụnị irehi Ẹnẹyịmavara beri ịkakanchị eneē hụ́ ka ọnọ eyi ịrẹkụ. 7Dị ẹ beri Animidiya nini kụ́ ịrẹkụ anka Ẹnẹyịmavara mẹ mẹ̀ ọda yị Imosiisi. Dị ẹ wụ́ avaba anọrụ ẹnịnị 8ọnịrị ohinọyị ẹnịnị ẹẹhị: Evi, Irekemi, Izuri, Ihuri, Ireba. Ịhyọnọọ ẹ rẹẹ̀ wụ́ Ịbaraamị ana vị ozi Ịbẹyọ. 9Ịjị ẹ vavọọ sị wa wụ́, dị za ese ẹnịnị ọnịrị ezi ẹnịnị ọrịhị nị; dị ẹ kụ́ ịsụpa ẹnịnị beri ogu ẹnịnị. 10Dị ẹ rị avaba ẹkụra ẹnịnị ọnịrị avaba udi ẹnịnị ịra saka-saka nị. 11Avọọ ẹ́ mẹ kụ́ avaba ogu ẹnịnị ọnịrị ịsụpa ẹnịnị ne beri aza ẹnịnị.
Isoja ana nọ ịrẹkụ ệ vavẹ eehi
12Ve tù Imosiisi ọnịrị Eriyaza ne beri ịragụ Anisirẹrị ịnị inozi Imowabi akẹnẹ Ijodani ana va eyi ka Ijeriko nị. 13Dị Imosiisi ọnịrị ọdọvịdị ịragụ nịnị jịnẹ na gẹrị wa nị. 14Imosiisi me re wa, dị ọ kụ́ ayị hí ọgọọga isoja ene sị eyi pe aza ẹnị akahị-akahị ọnịrị aza ẹchẹhị-ẹchẹhị ana hụrị eyi ịrẹkụ vẹ nị. 15Dị ọ́ họ̀ wa ka, sị ẹ vẹ dị ẹnịnị ẹ yị wụ́ anẹẹ Animidiya nịnị va ha? 16#Ịrị 25.1-9 Ẹnịnị Ịbaraamị tụ́ ịrẹyị ka e vene Anisirẹrị nịnị na hẹkẹ ori ịzị aā hị́ Ịpẹyọ nị. Akamawụ ọnọọ ẹ̀ mẹ̀ hí Ẹnẹyịmavara ana vị isu aza ọrụrụ-ọrụrụ ẹnịnị nị. 17Dị ọ mẹ ọda ka ẹnịnị wụ́ avaba ezi anọrụ Animidiya ọnịrị anẹẹ ẹnịnị ana sị ọnọrụ yẹ. 18Ama ẹ̀ navọ ezi anẹẹ ẹnẹ ẹ yị yẹ ọnọrụ tịtẹ yị ẹngụ ẹnịnị. 19Avaba aza ana wụ́ ọza, a vị aza ana sị ụvọ kanyị oku vee hí ịrẹma ẹkụra ẹkụhị ịhịmba. Ịhyẹgwẹta anị ẹ mẹ ẹngụ ẹnịnị ọnịrị ẹnyẹnẹẹ ẹnẹ kụ́ vẹ ọnịnị. 20Ẹnịnị ẹ̀ nyịna avaba achị ọnịrị avaba ịsa ana sị ịtụmpaha mẹ a vị ipako.
21Di Eriyaza ana vị ohirẹsụ irehi Ohomorihi kà yị ẹnị ana hụrị eyi ịrẹkụ vẹ ka ọda ẹnẹnị Ẹnẹyịmavara sị yị Imosiisi nị. 22Ọ kà Igooru, isiriva, ọswẹ, enyusẹ, oje, ọnịrị ịrẹdị 23ne beri avaba ịsa ẹnẹ ẹ yị zụ rịra vị ana aā sị ịra ọnịrị enyi nya a. Ama avaba ịsa ana zụ rịra vị ana aā sị enyi kẹnẹ nyịna a. 24Ịhyẹgwịhịmba anị, dị ọzọza nyịna achị anị. A nyị ka ẹ nị dị ẹ vavẹ va ngụ ịnị akakana aza ana vọ.
A mẹmẹ ga ogu ana a kụ́ hụrị eyi ịrẹkụ
25Ẹnẹyịmavara o ka yị Imosiisi ka, 26ọnịrị Eriyaza ne beri ọdọvịdị Anisirẹrị nịnị ẹ̀ za avaba ogu ọnịrị aza ne beri ịsụpa ana kụ́ hụrị eyi ịrẹkụ vẹ ịrịka. 27Dị ẹ ga a ẹbẹẹbẹ hí oze ẹẹva, dị aza ana nọ ịrẹkụ ẹ kụ́ oze ọnya, dị aza ene hí inehi ẹ kụ́ ọsa. 28Ịnị ogu irenyi-irenyi ene tù aza ana nọ ịrẹkụ, Imosiisi ọ sị ịsa ikonya hụụnị ịsa akavarẹchẹhị yị ọnị. Ọ̀ọ daka vị ọza, ụnọ, ịkẹrịkẹtẹ, atẹmẹ, a vị ẹvụ. 29Ẹnẹyịmavara kà Imosiisi ọ kụ́ ịsa ẹnẹẹ yị Eriyaza anka ẹyịza ọnị ọnị sị yọ. 30Ama ịnị ogu ana vị aza ene hí inehi, Imosiisi ọ sị ọza ikonya hụụnị ọrịhị ẹvarẹwụ (50). Ọ vavọọ sị ọ hụụnị ịsa irenyi-irenyi ana vọ yị Anireevi nịnị ene si eyi pe ajẹngụ anị. 31Ịzẹyịza, dị Imosiisi ọnịrị Eriyaza mẹ̀ ịsa ọnị Ẹnẹyịmavara kà nị.
32Avaba ogu Animidiya ọnị ẹ kụ́ vẹ eehi vị atẹmẹ akahị-akahị oze akata tụra ẹtarẹwụ tụra ẹẹhị (675,000), 33ụnọ akahị-akahị oze ẹtarẹwụ tụra ẹẹva (72,000), 34Ịkẹrịkẹtẹ akahị-akahị oze ẹbẹẹta tụra ọnya (61,000), 35ezi anẹẹ akahị-akahị ohurẹẹwụ tụra ẹẹva (32,000) ẹnẹ ẹ yị yẹ ọnọrụ.
36Achẹva ogu ẹnẹẹ ene tụ́ ẹnị ana nọ ịrẹkụ vị atẹmẹ ọnịrị ẹvụ akahị-akahị oze ịrẹkarẹchẹhị tụra ohurẹẹwụ tụra ịhịmba ọnịrị akanarẹchẹhị (337,500). 37Ana vị Ẹnẹyịmavara ịnị anị vị akata tụra ẹtarẹwụ tụra ẹẹhị (675). 38Ụnọ vị akahị-akahị oze ohurẹẹwụ tụra ịhịnọnyị (36,000), dị ana vị Ẹnẹyịmavara vị ẹtarẹwụ tụra ẹẹwụ (72); 39ịkẹrịkẹtẹ vị akahị-akahị oze ohurẹẹwụ tụra akavarẹchẹhị (30,500), dị ana vị Ẹnẹyịmavara vị ẹbẹẹta tụra ọnya (61) nị. 40Ezi anẹẹ vị akahị-akahị oze ẹwụrịhịnọnyị (61), dị ana vị Ẹnẹyịmavara vị ohurẹẹwụ tụra ẹẹva (32). 41Dị Imosiisi sị ẹyịza ana vị Ẹnẹyịmavara yị Eriyaza ana vị ohirẹsụ irehi anị anka ọ mẹ vịdị ka yọ nị. 42Achẹva ogu ana vọ ana vị Anisirẹrị vị ọnị Imosiisi sị tụ aha irenyi. 43Ene tu wa vị atẹmẹ ọnịrị ẹvụ akahị-akahị oze ịrẹkarẹchẹhị tụra ịhịmba tụra akavarẹchẹhị (337,500), 44ụnọ akahị-akahị oze ohurẹẹwụ tụra ịhịnọnyị, 45ịkẹrịkẹtẹ akahị-akahị oze ohurẹẹwụ tụra akavarẹchẹhị, 46ezi anẹẹ akahị-akahị oze ẹwụrịhịnọnyị. 47Hụụnị achẹva ịsa ẹnẹnị ana vị Anisirẹrị ana vọ, Imosiisi sị ịsa ikonya hụụnị ịsa ẹvarẹwụ ịnị ịsa irenyi-irenyi anka ezi anẹẹ ọnịrị ịsụpa, dị ọ́ sị yị Anireevi nịnị ana sị eyi pe ajẹngụ Ẹnẹyịmavara anka ọ̀ mẹ ọda anị yị Imosiisi.
48Ịrẹma ịsa ọnọnị, ọgọọga isoja nịnị kụ ẹngụ ne tù Imosiisi 49dị ẹ kà a, ẹnị ẹ raà za avaba isoja ana nọ ịrẹkụ ịrịka, dị ẹ yị nyị ọza ana vọ nị. 50Avaba ẹnịnị ẹ̀ sị ẹnya ọvị igooru irenyi-irenyi va yị Ẹnẹyịmavara. Ệ sị ịsụvọ, ịsọbẹ, ochirigege, ịsụtọ ọnịrị ịsọbẹ va yị Ẹnẹyịmavara agụvị ụhwẹ ẹnịnị. 51Imosiisi ọnịrị Eriyaza ana vị ohirẹsụ irehi Ohomorihi dọ avaba ẹnya ọvị igooru ẹnẹẹ nị. 52Avaba igooru ẹnẹẹ ẹ rata hụụnị ikirogirami ịrẹka. 53Isoja nịnị ẹ kụ́ ogu ẹnyị yị ẹngụ ẹnịnị. 54Imosiisi ọnịrị Eriyaza ẹ̀ dọ ẹyịza ẹnẹẹ hụụnị ụvọ ọga isoja na tụ ịnị irehi Ẹnẹyịmavara agụvị dị ọ dọ wa ha.
Currently Selected:
Ịrịka 31: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 31
31
Anisirẹrị ê pe Animidiya kụ́ ịrẹkụ
1Ẹnẹyịmavara ộ kà yị Imosiisi ka, 2o re ka ọnị ọ họ̀ oponu ịsị Animidiya nịnị mẹ Anisirẹrị dị o vee su. 3Avọọ, dị Imosiisi kà yị Anisirẹrị nịnị ka e tenyi ẹngụ ịrẹkụ ka Ẹnẹyịmavara kà ẹnị ẹ na họ̀ oponu ịsị Animidiya nịnị mẹ ẹnị. 4Ịrẹsụ ọnyọọnya ẹ tụ́ anọrụ akahị nọ ịrẹkụ. 5Avaba anọrụ ana tenyi ẹngụ ịrẹkụ ọnọọ vị akahị-akahị oze ẹwụrẹva. 6Dị Imosiisi tụ́ Ịhwịnẹhasị ozi Eriyaza ka ọ kụ́ aza akahị hụụnị ịrẹsụ ọnyọọnya nọ ịrẹkụ nị. Dị ẹ kụ́ ẹnya hụụnị irehi Ẹnẹyịmavara beri ịkakanchị eneē hụ́ ka ọnọ eyi ịrẹkụ. 7Dị ẹ beri Animidiya nini kụ́ ịrẹkụ anka Ẹnẹyịmavara mẹ mẹ̀ ọda yị Imosiisi. Dị ẹ wụ́ avaba anọrụ ẹnịnị 8ọnịrị ohinọyị ẹnịnị ẹẹhị: Evi, Irekemi, Izuri, Ihuri, Ireba. Ịhyọnọọ ẹ rẹẹ̀ wụ́ Ịbaraamị ana vị ozi Ịbẹyọ. 9Ịjị ẹ vavọọ sị wa wụ́, dị za ese ẹnịnị ọnịrị ezi ẹnịnị ọrịhị nị; dị ẹ kụ́ ịsụpa ẹnịnị beri ogu ẹnịnị. 10Dị ẹ rị avaba ẹkụra ẹnịnị ọnịrị avaba udi ẹnịnị ịra saka-saka nị. 11Avọọ ẹ́ mẹ kụ́ avaba ogu ẹnịnị ọnịrị ịsụpa ẹnịnị ne beri aza ẹnịnị.
Isoja ana nọ ịrẹkụ ệ vavẹ eehi
12Ve tù Imosiisi ọnịrị Eriyaza ne beri ịragụ Anisirẹrị ịnị inozi Imowabi akẹnẹ Ijodani ana va eyi ka Ijeriko nị. 13Dị Imosiisi ọnịrị ọdọvịdị ịragụ nịnị jịnẹ na gẹrị wa nị. 14Imosiisi me re wa, dị ọ kụ́ ayị hí ọgọọga isoja ene sị eyi pe aza ẹnị akahị-akahị ọnịrị aza ẹchẹhị-ẹchẹhị ana hụrị eyi ịrẹkụ vẹ nị. 15Dị ọ́ họ̀ wa ka, sị ẹ vẹ dị ẹnịnị ẹ yị wụ́ anẹẹ Animidiya nịnị va ha? 16#Ịrị 25.1-9 Ẹnịnị Ịbaraamị tụ́ ịrẹyị ka e vene Anisirẹrị nịnị na hẹkẹ ori ịzị aā hị́ Ịpẹyọ nị. Akamawụ ọnọọ ẹ̀ mẹ̀ hí Ẹnẹyịmavara ana vị isu aza ọrụrụ-ọrụrụ ẹnịnị nị. 17Dị ọ mẹ ọda ka ẹnịnị wụ́ avaba ezi anọrụ Animidiya ọnịrị anẹẹ ẹnịnị ana sị ọnọrụ yẹ. 18Ama ẹ̀ navọ ezi anẹẹ ẹnẹ ẹ yị yẹ ọnọrụ tịtẹ yị ẹngụ ẹnịnị. 19Avaba aza ana wụ́ ọza, a vị aza ana sị ụvọ kanyị oku vee hí ịrẹma ẹkụra ẹkụhị ịhịmba. Ịhyẹgwẹta anị ẹ mẹ ẹngụ ẹnịnị ọnịrị ẹnyẹnẹẹ ẹnẹ kụ́ vẹ ọnịnị. 20Ẹnịnị ẹ̀ nyịna avaba achị ọnịrị avaba ịsa ana sị ịtụmpaha mẹ a vị ipako.
21Di Eriyaza ana vị ohirẹsụ irehi Ohomorihi kà yị ẹnị ana hụrị eyi ịrẹkụ vẹ ka ọda ẹnẹnị Ẹnẹyịmavara sị yị Imosiisi nị. 22Ọ kà Igooru, isiriva, ọswẹ, enyusẹ, oje, ọnịrị ịrẹdị 23ne beri avaba ịsa ẹnẹ ẹ yị zụ rịra vị ana aā sị ịra ọnịrị enyi nya a. Ama avaba ịsa ana zụ rịra vị ana aā sị enyi kẹnẹ nyịna a. 24Ịhyẹgwịhịmba anị, dị ọzọza nyịna achị anị. A nyị ka ẹ nị dị ẹ vavẹ va ngụ ịnị akakana aza ana vọ.
A mẹmẹ ga ogu ana a kụ́ hụrị eyi ịrẹkụ
25Ẹnẹyịmavara o ka yị Imosiisi ka, 26ọnịrị Eriyaza ne beri ọdọvịdị Anisirẹrị nịnị ẹ̀ za avaba ogu ọnịrị aza ne beri ịsụpa ana kụ́ hụrị eyi ịrẹkụ vẹ ịrịka. 27Dị ẹ ga a ẹbẹẹbẹ hí oze ẹẹva, dị aza ana nọ ịrẹkụ ẹ kụ́ oze ọnya, dị aza ene hí inehi ẹ kụ́ ọsa. 28Ịnị ogu irenyi-irenyi ene tù aza ana nọ ịrẹkụ, Imosiisi ọ sị ịsa ikonya hụụnị ịsa akavarẹchẹhị yị ọnị. Ọ̀ọ daka vị ọza, ụnọ, ịkẹrịkẹtẹ, atẹmẹ, a vị ẹvụ. 29Ẹnẹyịmavara kà Imosiisi ọ kụ́ ịsa ẹnẹẹ yị Eriyaza anka ẹyịza ọnị ọnị sị yọ. 30Ama ịnị ogu ana vị aza ene hí inehi, Imosiisi ọ sị ọza ikonya hụụnị ọrịhị ẹvarẹwụ (50). Ọ vavọọ sị ọ hụụnị ịsa irenyi-irenyi ana vọ yị Anireevi nịnị ene si eyi pe ajẹngụ anị. 31Ịzẹyịza, dị Imosiisi ọnịrị Eriyaza mẹ̀ ịsa ọnị Ẹnẹyịmavara kà nị.
32Avaba ogu Animidiya ọnị ẹ kụ́ vẹ eehi vị atẹmẹ akahị-akahị oze akata tụra ẹtarẹwụ tụra ẹẹhị (675,000), 33ụnọ akahị-akahị oze ẹtarẹwụ tụra ẹẹva (72,000), 34Ịkẹrịkẹtẹ akahị-akahị oze ẹbẹẹta tụra ọnya (61,000), 35ezi anẹẹ akahị-akahị ohurẹẹwụ tụra ẹẹva (32,000) ẹnẹ ẹ yị yẹ ọnọrụ.
36Achẹva ogu ẹnẹẹ ene tụ́ ẹnị ana nọ ịrẹkụ vị atẹmẹ ọnịrị ẹvụ akahị-akahị oze ịrẹkarẹchẹhị tụra ohurẹẹwụ tụra ịhịmba ọnịrị akanarẹchẹhị (337,500). 37Ana vị Ẹnẹyịmavara ịnị anị vị akata tụra ẹtarẹwụ tụra ẹẹhị (675). 38Ụnọ vị akahị-akahị oze ohurẹẹwụ tụra ịhịnọnyị (36,000), dị ana vị Ẹnẹyịmavara vị ẹtarẹwụ tụra ẹẹwụ (72); 39ịkẹrịkẹtẹ vị akahị-akahị oze ohurẹẹwụ tụra akavarẹchẹhị (30,500), dị ana vị Ẹnẹyịmavara vị ẹbẹẹta tụra ọnya (61) nị. 40Ezi anẹẹ vị akahị-akahị oze ẹwụrịhịnọnyị (61), dị ana vị Ẹnẹyịmavara vị ohurẹẹwụ tụra ẹẹva (32). 41Dị Imosiisi sị ẹyịza ana vị Ẹnẹyịmavara yị Eriyaza ana vị ohirẹsụ irehi anị anka ọ mẹ vịdị ka yọ nị. 42Achẹva ogu ana vọ ana vị Anisirẹrị vị ọnị Imosiisi sị tụ aha irenyi. 43Ene tu wa vị atẹmẹ ọnịrị ẹvụ akahị-akahị oze ịrẹkarẹchẹhị tụra ịhịmba tụra akavarẹchẹhị (337,500), 44ụnọ akahị-akahị oze ohurẹẹwụ tụra ịhịnọnyị, 45ịkẹrịkẹtẹ akahị-akahị oze ohurẹẹwụ tụra akavarẹchẹhị, 46ezi anẹẹ akahị-akahị oze ẹwụrịhịnọnyị. 47Hụụnị achẹva ịsa ẹnẹnị ana vị Anisirẹrị ana vọ, Imosiisi sị ịsa ikonya hụụnị ịsa ẹvarẹwụ ịnị ịsa irenyi-irenyi anka ezi anẹẹ ọnịrị ịsụpa, dị ọ́ sị yị Anireevi nịnị ana sị eyi pe ajẹngụ Ẹnẹyịmavara anka ọ̀ mẹ ọda anị yị Imosiisi.
48Ịrẹma ịsa ọnọnị, ọgọọga isoja nịnị kụ ẹngụ ne tù Imosiisi 49dị ẹ kà a, ẹnị ẹ raà za avaba isoja ana nọ ịrẹkụ ịrịka, dị ẹ yị nyị ọza ana vọ nị. 50Avaba ẹnịnị ẹ̀ sị ẹnya ọvị igooru irenyi-irenyi va yị Ẹnẹyịmavara. Ệ sị ịsụvọ, ịsọbẹ, ochirigege, ịsụtọ ọnịrị ịsọbẹ va yị Ẹnẹyịmavara agụvị ụhwẹ ẹnịnị. 51Imosiisi ọnịrị Eriyaza ana vị ohirẹsụ irehi Ohomorihi dọ avaba ẹnya ọvị igooru ẹnẹẹ nị. 52Avaba igooru ẹnẹẹ ẹ rata hụụnị ikirogirami ịrẹka. 53Isoja nịnị ẹ kụ́ ogu ẹnyị yị ẹngụ ẹnịnị. 54Imosiisi ọnịrị Eriyaza ẹ̀ dọ ẹyịza ẹnẹẹ hụụnị ụvọ ọga isoja na tụ ịnị irehi Ẹnẹyịmavara agụvị dị ọ dọ wa ha.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.