Ịrịka 29
29
Ịsọvọ ana aa mẹ ịnị eche Ịkakanchị
(Ire 23.23-25)
1Ẹnẹyịmavara kà ịnị ẹkụhị ịpaapa ịnị ụhwẹ ịhịmba Anihiburu ana a hị́ Itisiri, ọzọza ọ tụ́ ụhwọ́, dị ẹẹ kụ ẹngụ gụ dị ẹ mẹ ahẹkẹ ịhị ọnọọ. Ẹnịnị e hu ịkakanchị ẹkụhị ọnọọ. 2Ọ kà ẹnịnị ẹ sị ozi ụnọ ọnya ọnịrị ịdẹba ọnya ne beri ozi atẹmẹ ịrayị ọnya ịhịmba mẹ̀ ịsọvọ ana aa rị ịra ọnị agụ anị vee hine Ẹnẹyịmavara. Avaba uye ẹnẹnị ẹ vị uye ẹnẹ ẹ yị nyị ụkụ. 3Ẹ sị ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ, dị ẹ rẹẹ̀ sị ayị ana kwọ ikirogirami ẹẹva vahụra angwẹ orivi beri ịdẹba mẹ̀ ịsọvọ. 4Avọọ ẹ mẹ raà sị ayị ana a kwọ ikirogirami ọnya vahụra angwẹ orivi beri atẹmẹ ikonyi ikonya ịhịmba mẹ̀ ịsọvọ nị. 5Ẹnẹyịmavara kà ẹ̀ sị ịdẹ ọnya mẹ̀ ịsọvọ ịvị yị ẹngụ ẹnịnị. 6Ịsọvọ irenyi ẹnẹnị vị ana aa mẹ beri ịsọvọ ụhụụhwẹ ọnịrị ịsọvọ eyinị-eyinị, dị a sị ayị ọnịrị eche tụ́ ọ a mẹ juwe anị. Avaba ịsa ịsọvọ ẹnịnị vị ana aa rị ịra dị agụ anị o hine Ẹnẹyịmavara ẹtẹẹtẹrẹ.
Ịsọvọ ẹkụhị ọbanyị ẹvagu
(Ire 23.26-32)
7 #
Ire 16.29-34
Ịhị ẹ tụ́ ọ ẹkụhị ẹẹwụ ịnị ụhwẹ ịhịmba anị, a nyị ka avaba ẹnịnị ẹ rẹẹ̀ kụ ẹngụ gụ mẹ ahẹkẹ. Ịhị ọnọọ ọ vị ẹkụhị ana aa sị mẹ̀ ịsọvọ ịvị ịrẹsụ ẹnịnị nị. Avaba aza ẹ yị vaa rị ịsa, dị ẹ yị mẹ̀ ụkọrọ ẹkụhị ọnọọ. 8Ẹnẹyịmavara kà ẹ̀ sị ozi ụnọ ọnya ọnịrị ịdẹba ana sị hụ akọ ọnya ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ vaa mẹ̀ ịsọvọ ana aa rị ịra. A nyị ka agụ anị o hine ọnị. 9Avaba ịsa ịsọvọ ẹnẹnị vị ana aa sị ayị ana a sị angwẹ orivi vahụra beri mẹ̀ ịsọvọ. Ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ, dị ẹ rẹẹ̀ sị ayị ana kwọ ikirogirami ẹẹva vahụra angwẹ orivi beri ịdẹba mẹ̀ ịsọvọ. 10Avọọ ẹ mẹ raà sị ayị ana a kwọ ikirogirami ọnya vahụra angwẹ orivi beri atẹmẹ ikonyi ikonya ịhịmba mẹ̀ ịsọvọ nị. 11Ẹnẹyịmavara kà ẹ̀ sị ịdẹ ọnya mẹ̀ ịsọvọ ịvị ịrẹsụ ẹnịnị beri ịsọvọ ana aā sị ayị ọnịrị eche mẹ eyinị-eyinị.
Ịsọvọ anaā mẹ àa rị eche ajẹngụ
(Ire 23.33-34)
12 #
Ire 23.34; Ọda 16.13-15 Ẹnẹyịmavara kà a ịhị ẹ tụ́ ọ ẹkụhị ẹwụrẹhị ịnị ụhwẹ ịhịmba, ẹnịnị ẹ́ kụ ẹngụ gụ, dị asị a nyị ọza ana mẹ̀ ụkọrọ ịhyọnọọ. Ẹnịnị ẹ́ rị eche ọyị sị ụbanyị yị Ẹnẹyịmavara ẹkụhị ịhịmba. 13Mẹ ịsọvọ anaā rịịra. Agụ ịsọvọ ana a rị ịra hine Ẹnẹyịmavara ayị ẹtẹẹtẹrẹ. Avaba ịsụpa ẹnẹ vaa kụ vaa mẹ̀ ịsọvọ vaa uye ịrayị ọnya ene zoza. Ẹ sị ezi ụnọ ẹwụrẹta, ịdẹba ẹẹva ọnịrị ezi atẹmẹ ẹwụrẹna vẹ. 14Ẹ sị ayị ọyị kwọ obooro ana a sị angwẹ orivi vahụra ikirogirami ẹẹta beri ụnọ ọnyọọnya. Dị ẹ rẹẹ vavọọ sị ayị ọyị kwọ ikirogirami ẹẹva beri ịdẹba ọnyọọnya. 15Avọọ a mẹ rẹ ē sị ayị ikirogirami ọnya beri ozi atẹmẹ vaka eche ịsọvọ. 16Dị a rẹ sị ịdẹ ana aa sị mẹ̀ ịsọvọ ịvị. Avaba ịsọvọ ẹnẹnị vị ana a mẹ beri ịsọvọ ịvị ana aā rị ịra eyinị-eyinị ọnịrị ayị ọyịkwọ beri eche ịsọvọ. 17Eyinẹhẹ anị ẹ̀ sị ezi ụnọ ẹwụrẹva, ịdẹba ẹẹva, ọnịrị ezi atẹmẹ ịrayị ọnya ẹwụrẹna ẹnẹ ẹ yị nyị ụkụ. 18Ẹ sị ayị ịsọvọ ọnịrị eche ịsọvọ beri ịrịka ụnọ, ịdẹba, ezi atẹmẹ anka a mẹ̀ kà ọzọza ọ vị. 19Dị ẹ sị ịdẹ ana a sị mẹ̀ ịsọvọ ịvị vaka ịsọvọ anaā rị ịra ụmẹtụrụmẹ beri ayị ọnịrị eche ịsọvọ ọzọza. 20Ịhyẹgwẹẹta anị, ẹ sị ụnọ ẹwụrọnya, ịdẹba ẹẹva, ezi ịdẹba ịrayị ọnya ẹwụrẹna ẹnẹ ẹ yị nyị ụkụ, 21beri ayị ịsọvọ ọnịrị eche ịsọvọ ịrịka uye ịsọvọ ọzọza anka a mẹ̀ kà a ka a mẹ̀ ẹ. 22Ẹ sị ịdẹ ọnya ana a sị mẹ̀ ịsọvọ ịvị beri ịsa ịsọvọ eyinị-eyinị ẹnịrị ayị ịsọvọ ọnịrị eche ịsọvọ ọzọza. 23Ịhyẹgwẹẹna anị, ẹ sị ụnọ ẹẹwụ, ịdẹba ẹẹva, ozi ịdẹba ịrayị ọnya ẹwụrọnya ẹnẹ ẹ yị nyị ụkụ. 24Ẹ sị ayị ịsọvọ ọnịrị eche ịsọvọ ụnọ, ọnịrị ịdẹba beri ezi ịdẹba ọzọza anka a mẹ̀ ka aa mẹ̀ ẹ. 25Ẹ rẹ sị ịdẹ ịsọvọ ịvị ọnya beri ịsa ịsọvọ eyinị-eyinị ọnịrị ayị ọnịrị eche ọzọza. 26Ịhyẹgwẹẹhị anị, ụnọ ịhịịna, ịdẹba ẹẹva, ozi ịdẹba ịrayị ọnya ẹwụrẹna ẹnẹ ẹ yị nyị ụkụ. 27Ẹ sị ayị ịsọvọ ọnịrị eche ịsọvọ ụnọ ọnịrị ịdẹba beri ezi ịdẹba ọzọza anka a mẹ kà a ka aa mẹ̀ ẹ. 28Ẹ rẹ sị ịdẹ ịsọvọ ịvị ọnya beri ịsa ịsọvọ eyinị-eyinị ọnịrị ayị ọnịrị eche ọzọza. 29Ịhyẹgwịhịnọnyị anị ẹ sị ụnọ ịhịnta, ịdẹba ẹẹva, ozi ịdẹba ịrayị ọnya ẹwụrẹna ẹnẹ ẹ yị nyị ụkụ. 30Ẹ sị ayị ịsọvọ ọnịrị eche ịsọvọ beri ịrịka ụnọ, ịdẹba ọnịrị ezi ịdẹba ẹnẹẹ anka a mẹ kà a ka a mẹ̀ ẹ. 31Ẹ rẹ sị ịdẹ ịsọvọ ọnya beri ịsa ịsọvọ eyinị-eyinị vaka ayị ịsọvọ ọnịrị eche ịsọvọ. 32Ịhyẹgwịhịmba anị, Ẹ sị ụnọ ịhịmba, ịdẹba ẹẹva ọnịrị ozi ịdẹba ịrayị ọnya ẹnẹ ẹ yị nyị ụkụ. 33Ẹ sị ayị ịsọvọ ọnịrị eche ịsọvọ beri ịrịka, ịdẹba ọnịrị ezi ịdẹba ẹnẹẹ anka a mẹ kà a ka a mẹ̀ ẹ. 34Ẹ rẹ sị ịdẹ ịsọvọ ọnya beri ịsọvọ eyinị-eyinị vaka ayị ọnịrị eche ẹnẹẹ. 35Ịhyẹgwịhịịna anị, ẹnịnị ẹ kụ̀ ẹngụ gụ, asị a nyị ụkọrọ ana a mẹ vụrụ-vụrụ. 36Ẹ mẹ̀ ịsọvọ ana aā rị ịra ana agụ anị vee hine Ẹnẹyịmavara ayị. Ẹ sị ụnọ ọnya, ịdẹba ọnya, ozi ịdẹba ịrayị ọnya ẹnẹ ẹ yị nyị ụkụ. 37Ẹ sị ayị ịsọvọ ọnịrị eche ịsọvọ beri ịrịka ịdẹba ọnịrị ezi ịdẹba ịrayị ọnya anka a mẹ kà a ka a mẹ̀ ẹ. 38Ẹ sị ụnọ ọnya, ịdẹba ọnya, ozi ịdẹba ịrayị ọnya ẹnẹ ẹ yị nyị ụkụ. 39Ẹsẹnị ẹ vị ọda ana kara ịsọvọ ọyị rịịra, ịsọvọ ayị ọyị kwọ, eche ịsọvọ, ọnịrị ịsọvọ uze ọnị Ẹnẹyịmavara hụ agụvị anị nyị eche ana aa rị. Ẹsẹnị vene beri ịsọvọ ene sii si ụta ịzẹzẹ à vị ịsọvọ ana hụụnị ayị vẹ. 40Agụvị avọọ Imosiisi kà a yị Anisirẹrị avaba ịsavịsavị ọnị Ẹnẹyịmavara raà mẹ̀ ọda anị yọ nị.
Currently Selected:
Ịrịka 29: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 29
29
Ịsọvọ ana aa mẹ ịnị eche Ịkakanchị
(Ire 23.23-25)
1Ẹnẹyịmavara kà ịnị ẹkụhị ịpaapa ịnị ụhwẹ ịhịmba Anihiburu ana a hị́ Itisiri, ọzọza ọ tụ́ ụhwọ́, dị ẹẹ kụ ẹngụ gụ dị ẹ mẹ ahẹkẹ ịhị ọnọọ. Ẹnịnị e hu ịkakanchị ẹkụhị ọnọọ. 2Ọ kà ẹnịnị ẹ sị ozi ụnọ ọnya ọnịrị ịdẹba ọnya ne beri ozi atẹmẹ ịrayị ọnya ịhịmba mẹ̀ ịsọvọ ana aa rị ịra ọnị agụ anị vee hine Ẹnẹyịmavara. Avaba uye ẹnẹnị ẹ vị uye ẹnẹ ẹ yị nyị ụkụ. 3Ẹ sị ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ, dị ẹ rẹẹ̀ sị ayị ana kwọ ikirogirami ẹẹva vahụra angwẹ orivi beri ịdẹba mẹ̀ ịsọvọ. 4Avọọ ẹ mẹ raà sị ayị ana a kwọ ikirogirami ọnya vahụra angwẹ orivi beri atẹmẹ ikonyi ikonya ịhịmba mẹ̀ ịsọvọ nị. 5Ẹnẹyịmavara kà ẹ̀ sị ịdẹ ọnya mẹ̀ ịsọvọ ịvị yị ẹngụ ẹnịnị. 6Ịsọvọ irenyi ẹnẹnị vị ana aa mẹ beri ịsọvọ ụhụụhwẹ ọnịrị ịsọvọ eyinị-eyinị, dị a sị ayị ọnịrị eche tụ́ ọ a mẹ juwe anị. Avaba ịsa ịsọvọ ẹnịnị vị ana aa rị ịra dị agụ anị o hine Ẹnẹyịmavara ẹtẹẹtẹrẹ.
Ịsọvọ ẹkụhị ọbanyị ẹvagu
(Ire 23.26-32)
7 #
Ire 16.29-34
Ịhị ẹ tụ́ ọ ẹkụhị ẹẹwụ ịnị ụhwẹ ịhịmba anị, a nyị ka avaba ẹnịnị ẹ rẹẹ̀ kụ ẹngụ gụ mẹ ahẹkẹ. Ịhị ọnọọ ọ vị ẹkụhị ana aa sị mẹ̀ ịsọvọ ịvị ịrẹsụ ẹnịnị nị. Avaba aza ẹ yị vaa rị ịsa, dị ẹ yị mẹ̀ ụkọrọ ẹkụhị ọnọọ. 8Ẹnẹyịmavara kà ẹ̀ sị ozi ụnọ ọnya ọnịrị ịdẹba ana sị hụ akọ ọnya ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ vaa mẹ̀ ịsọvọ ana aa rị ịra. A nyị ka agụ anị o hine ọnị. 9Avaba ịsa ịsọvọ ẹnẹnị vị ana aa sị ayị ana a sị angwẹ orivi vahụra beri mẹ̀ ịsọvọ. Ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ, dị ẹ rẹẹ̀ sị ayị ana kwọ ikirogirami ẹẹva vahụra angwẹ orivi beri ịdẹba mẹ̀ ịsọvọ. 10Avọọ ẹ mẹ raà sị ayị ana a kwọ ikirogirami ọnya vahụra angwẹ orivi beri atẹmẹ ikonyi ikonya ịhịmba mẹ̀ ịsọvọ nị. 11Ẹnẹyịmavara kà ẹ̀ sị ịdẹ ọnya mẹ̀ ịsọvọ ịvị ịrẹsụ ẹnịnị beri ịsọvọ ana aā sị ayị ọnịrị eche mẹ eyinị-eyinị.
Ịsọvọ anaā mẹ àa rị eche ajẹngụ
(Ire 23.33-34)
12 #
Ire 23.34; Ọda 16.13-15 Ẹnẹyịmavara kà a ịhị ẹ tụ́ ọ ẹkụhị ẹwụrẹhị ịnị ụhwẹ ịhịmba, ẹnịnị ẹ́ kụ ẹngụ gụ, dị asị a nyị ọza ana mẹ̀ ụkọrọ ịhyọnọọ. Ẹnịnị ẹ́ rị eche ọyị sị ụbanyị yị Ẹnẹyịmavara ẹkụhị ịhịmba. 13Mẹ ịsọvọ anaā rịịra. Agụ ịsọvọ ana a rị ịra hine Ẹnẹyịmavara ayị ẹtẹẹtẹrẹ. Avaba ịsụpa ẹnẹ vaa kụ vaa mẹ̀ ịsọvọ vaa uye ịrayị ọnya ene zoza. Ẹ sị ezi ụnọ ẹwụrẹta, ịdẹba ẹẹva ọnịrị ezi atẹmẹ ẹwụrẹna vẹ. 14Ẹ sị ayị ọyị kwọ obooro ana a sị angwẹ orivi vahụra ikirogirami ẹẹta beri ụnọ ọnyọọnya. Dị ẹ rẹẹ vavọọ sị ayị ọyị kwọ ikirogirami ẹẹva beri ịdẹba ọnyọọnya. 15Avọọ a mẹ rẹ ē sị ayị ikirogirami ọnya beri ozi atẹmẹ vaka eche ịsọvọ. 16Dị a rẹ sị ịdẹ ana aa sị mẹ̀ ịsọvọ ịvị. Avaba ịsọvọ ẹnẹnị vị ana a mẹ beri ịsọvọ ịvị ana aā rị ịra eyinị-eyinị ọnịrị ayị ọyịkwọ beri eche ịsọvọ. 17Eyinẹhẹ anị ẹ̀ sị ezi ụnọ ẹwụrẹva, ịdẹba ẹẹva, ọnịrị ezi atẹmẹ ịrayị ọnya ẹwụrẹna ẹnẹ ẹ yị nyị ụkụ. 18Ẹ sị ayị ịsọvọ ọnịrị eche ịsọvọ beri ịrịka ụnọ, ịdẹba, ezi atẹmẹ anka a mẹ̀ kà ọzọza ọ vị. 19Dị ẹ sị ịdẹ ana a sị mẹ̀ ịsọvọ ịvị vaka ịsọvọ anaā rị ịra ụmẹtụrụmẹ beri ayị ọnịrị eche ịsọvọ ọzọza. 20Ịhyẹgwẹẹta anị, ẹ sị ụnọ ẹwụrọnya, ịdẹba ẹẹva, ezi ịdẹba ịrayị ọnya ẹwụrẹna ẹnẹ ẹ yị nyị ụkụ, 21beri ayị ịsọvọ ọnịrị eche ịsọvọ ịrịka uye ịsọvọ ọzọza anka a mẹ̀ kà a ka a mẹ̀ ẹ. 22Ẹ sị ịdẹ ọnya ana a sị mẹ̀ ịsọvọ ịvị beri ịsa ịsọvọ eyinị-eyinị ẹnịrị ayị ịsọvọ ọnịrị eche ịsọvọ ọzọza. 23Ịhyẹgwẹẹna anị, ẹ sị ụnọ ẹẹwụ, ịdẹba ẹẹva, ozi ịdẹba ịrayị ọnya ẹwụrọnya ẹnẹ ẹ yị nyị ụkụ. 24Ẹ sị ayị ịsọvọ ọnịrị eche ịsọvọ ụnọ, ọnịrị ịdẹba beri ezi ịdẹba ọzọza anka a mẹ̀ ka aa mẹ̀ ẹ. 25Ẹ rẹ sị ịdẹ ịsọvọ ịvị ọnya beri ịsa ịsọvọ eyinị-eyinị ọnịrị ayị ọnịrị eche ọzọza. 26Ịhyẹgwẹẹhị anị, ụnọ ịhịịna, ịdẹba ẹẹva, ozi ịdẹba ịrayị ọnya ẹwụrẹna ẹnẹ ẹ yị nyị ụkụ. 27Ẹ sị ayị ịsọvọ ọnịrị eche ịsọvọ ụnọ ọnịrị ịdẹba beri ezi ịdẹba ọzọza anka a mẹ kà a ka aa mẹ̀ ẹ. 28Ẹ rẹ sị ịdẹ ịsọvọ ịvị ọnya beri ịsa ịsọvọ eyinị-eyinị ọnịrị ayị ọnịrị eche ọzọza. 29Ịhyẹgwịhịnọnyị anị ẹ sị ụnọ ịhịnta, ịdẹba ẹẹva, ozi ịdẹba ịrayị ọnya ẹwụrẹna ẹnẹ ẹ yị nyị ụkụ. 30Ẹ sị ayị ịsọvọ ọnịrị eche ịsọvọ beri ịrịka ụnọ, ịdẹba ọnịrị ezi ịdẹba ẹnẹẹ anka a mẹ kà a ka a mẹ̀ ẹ. 31Ẹ rẹ sị ịdẹ ịsọvọ ọnya beri ịsa ịsọvọ eyinị-eyinị vaka ayị ịsọvọ ọnịrị eche ịsọvọ. 32Ịhyẹgwịhịmba anị, Ẹ sị ụnọ ịhịmba, ịdẹba ẹẹva ọnịrị ozi ịdẹba ịrayị ọnya ẹnẹ ẹ yị nyị ụkụ. 33Ẹ sị ayị ịsọvọ ọnịrị eche ịsọvọ beri ịrịka, ịdẹba ọnịrị ezi ịdẹba ẹnẹẹ anka a mẹ kà a ka a mẹ̀ ẹ. 34Ẹ rẹ sị ịdẹ ịsọvọ ọnya beri ịsọvọ eyinị-eyinị vaka ayị ọnịrị eche ẹnẹẹ. 35Ịhyẹgwịhịịna anị, ẹnịnị ẹ kụ̀ ẹngụ gụ, asị a nyị ụkọrọ ana a mẹ vụrụ-vụrụ. 36Ẹ mẹ̀ ịsọvọ ana aā rị ịra ana agụ anị vee hine Ẹnẹyịmavara ayị. Ẹ sị ụnọ ọnya, ịdẹba ọnya, ozi ịdẹba ịrayị ọnya ẹnẹ ẹ yị nyị ụkụ. 37Ẹ sị ayị ịsọvọ ọnịrị eche ịsọvọ beri ịrịka ịdẹba ọnịrị ezi ịdẹba ịrayị ọnya anka a mẹ kà a ka a mẹ̀ ẹ. 38Ẹ sị ụnọ ọnya, ịdẹba ọnya, ozi ịdẹba ịrayị ọnya ẹnẹ ẹ yị nyị ụkụ. 39Ẹsẹnị ẹ vị ọda ana kara ịsọvọ ọyị rịịra, ịsọvọ ayị ọyị kwọ, eche ịsọvọ, ọnịrị ịsọvọ uze ọnị Ẹnẹyịmavara hụ agụvị anị nyị eche ana aa rị. Ẹsẹnị vene beri ịsọvọ ene sii si ụta ịzẹzẹ à vị ịsọvọ ana hụụnị ayị vẹ. 40Agụvị avọọ Imosiisi kà a yị Anisirẹrị avaba ịsavịsavị ọnị Ẹnẹyịmavara raà mẹ̀ ọda anị yọ nị.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.