Ịrịka 28
28
Ịsọvọ ana aā mẹ eyinị-eyinị
(Kụra 29.38-43; Ire 6.8-13)
1Ẹnẹyịmavara ộ kà yị Imosiisi ka; 2ọ ka yị Anisirẹrị nịnị ka ẹẹ sị ụmẹ ana a nyị sị sị ịsa ịsọvọ ọzọza ene hine Ẹnẹyịmavara va yọ. 3Ịsa ẹnị ẹ vaa sị mẹ̀ ịsọvọ ana a rị ịra eyinị-eyinị yị Ẹnẹyịmavara ẹ vị ezi atẹmẹ ịrayị ọnya ẹẹva ẹnẹ yị nyị ụkụ. 4A sị atẹmẹ ọnya mẹ̀ ịsọvọ ẹnẹnẹ, dị a sị ọsa mẹ̀ ịsọvọ oruva. 5Ịsọvọ ọnyọọnya vị ana a sị ayị ana kwọ ikirogirami ọnya va hura angwẹ orivi irita ọnya rị ọ ịra. 6Ọsọnị ọ vị ịsa ịsọvọ eyinị-eyinị ana a rịịra saka-saka, ana vịdị mẹ ịrẹsụ ataba Ịsịnayị ọnị agụ hine Ẹnẹyịmavara ayị nị. 7Eche vị ana a sị beri ịsọvọ ana a mẹ ụpẹ ẹẹva ịnị ẹkụhị. Eche irita ọnyara a sị mẹ̀ ịsọvọ va hi ịrẹsụ ụta nị. 8Ozi atẹmẹ ọhụva ọnịrị ayị ana a kwọ beri eche vị ana a raà rị ịra mẹ̀ ịsọvọ oruva. Agụ areyi oō hine Ẹnẹyịmavara ayị.
Ịsọvọ ẹkụhị ụhwọtụ
9Ẹkụhị ụhwọtụ vị ana a sị atẹmẹ ịrayị ọnya ẹẹva ọnịrị ayị ana a kwọ vahụra angwẹ orivi ne beri eche mẹ̀ ịsọvọ yị Ẹnẹyịmavara. 10Avọọ a maa mẹ̀ ịsọvọ ana a rị ịra ẹkụhị ụhwọtụ beri ịsọvọ ana a mẹ eyinị-eyinị nị.
Ịsọvọ ẹkụhị ịpaapa ịnị ụhwẹ
11Ama ịnị ẹkụhị ịpaapa ịnị ụhwẹ, Ẹnẹyịmavara kà a Anisirẹrị nịnị ẹ̀ sị ozi ụnọ ẹẹva ọnịrị ịdẹba ọnya, ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ. 12Dị a sị ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ ọnyọọnya. Avọọ a mẹ raà sị ayị ana kwọ ikirogirami ẹẹva vahụra angwẹ orivi beri ịdẹba mẹ̀ ịsọvọ nị. 13Atẹmẹ ịhịmba ana vọ vị anaa a sị ayị ana a kwọ ikirogirami ọnya vahụra angwẹ orivi beri atẹmẹ ọnyọọnya mẹ̀ ịsọvọ. 14Eche irita ẹẹva a sị beri ụnọ ọnyọọnya mẹ̀ ịsọvọ, dị eche irita ọnya rị ẹjịjị beri ịdẹba ọnyọọnya mẹ̀ ịsọvọ, dị eche irita ọnya beri atẹmẹ ọnyọọnya mẹ̀ ịsọvọ. 15Ịdẹ ọnyara a sị mẹ̀ ịsọvọ ịvị yị Ẹnẹyịmavara beri ịsa ịsọvọ ana vọ anaā mẹ eyinị-eyinị nị.
Ịsọvọ Eche ọyịparahu ọnịrị eche ịbụrẹdị ẹnẹ ẹ yị nyị òwù
(Ire 23.4-8)
16 #
Kụra 12.1-13; Ọda 16.1,2 Ịnị ẹkụhị ẹwụrẹna ịnị ụhwẹ ịpaapa ịrayị, Ẹnẹyịmavara kà Anisirẹrị nịnị ẹ sị mẹ̀ ịsọvọ eche ọyịparahu yị ọnị ịrayị-ịrayị nị. 17#Kụra 12.14-20; 23.15; 34.18; Ọda 16.3-8Ịhị ẹ tụ́ ọ ẹkụhị ẹwụrẹhị ịnị ụhwẹ ọnọọ ee nyima eche ịbụrẹdị ẹnẹ ẹ yị nyị òwù nị. Ẹkụhị ịhịmba ọzọza aa rị ịbụrẹdị ẹnẹ ẹ yị nyị òwù nị. 18Ịnị ẹkụhị ịpaapa eche ọnọọ, ẹ yị nyị ọza ana aa mẹ̀ ụkọrọ ọnyọọnyị. Avaba ẹnịnị ẹ gụ ẹngụ gụ dị ẹ hẹkẹ Ohomorihi ịhị ọnọọ. 19Ịhị ọnọọ, ẹnịnị ẹ̀ mẹ̀ ịsọvọ ana aa rị ịra yị Ẹnẹyịmavara. Ẹ sị ụnọ ẹẹva ọnịrị ịdẹba ọnya ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ ọnyọọnyị. 20Ịsọvọ ẹnẹnị vị ana a vaa mẹ beri ịsa ịsọvọ ayị ọyịkwọ ana a sị angwẹ orivi vahụra. Ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ ọnyọọnya. Avọọ a mẹ raà sị ayị ana kwọ ikirogirami ẹẹva vahụra angwẹ orivi beri ịdẹba ọnyọọnya mẹ̀ ịsọvọ nị. 21Ayị ana a kwọ ikirogirami ọnya vahụra angwẹ orivi vị ana aa sị beri atẹmẹ ọnyọọnya mẹ̀ ịsọvọ. 22A nyị ka ẹ sị ịdẹ ọnya mẹ̀ ịsọvọ ịvị ana a sị ngwara avaba aza tịtẹ. 23Ịsọvọ ẹnẹnị vị ana a mẹ beri ịsọvọ ana aā mẹ ẹnẹnẹ. 24Avọọ ẹ mẹ rẹẹ̀ va mẹ̀ ịsọvọ ịsọyịrị ana aa rị ịra ẹkụhị ịhịmba ọnị agụ anị vee hine Ẹnẹyịmavara ayị. Ọsọnị vị ana a mẹ beri ịsọvọ ana a rị ịra ọnịrị eche eyinị-eyinị. 25Ẹkụhị ana tụ́ ẹkụhị ịhịmba, ẹ yị nyị ọza ana mẹ̀ ụkọrọ, dị avaba aza gụ hẹkẹ Ohomorihi vabẹ.
Ịsọvọ eche ịsa ọyịna
(Ire 23.15-22)
26 #
Kụra 23.16; 34.22; Ọda 16.9-12 Ịnị ẹkụhị ịpaapa eche ịsa ọyịna, ẹnịnị àa mẹ̀ ịsọvọ ayị ọwọọwa yị Ẹnẹyịmavara, ọzọza ọ tụ́ ụhwọ́ ịhị ọnọọ, dị aa mẹ̀ aduwa vabẹ. 27A vaa mẹ̀ ịsọvọ ana aa rị avaba anị ịra agụvị agụ anị o hine Ẹnẹyịmavara. Ẹ vaa sị ụnọ ẹẹva ọnịrị ịdẹba ọnya, beri ozi atẹmẹ ịrayị ọnya ịhịmba ẹnẹ ẹ yị nyị ụkụ ọnyọọnyị. 28Ịsọvọ ayị vaa vị ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ ọnyọọnya, dị ayị ana kwọ ikirogirami ẹẹva vahụra angwẹ orivi beri ịdẹba ọnyọọnya mẹ̀ ịsọvọ nị. 29Avọọ a mẹ raà sị ayị ana a kwọ ikirogirami ọnya vahụra angwẹ orivi vị ana aa sị beri atẹmẹ ọnyọọnya mẹ̀ ịsọvọ 30beri ịdẹ ọnya ana a sị mẹ̀ ịsọvọ aza. 31Ịsa ịsọvọ ẹnẹnị vị ana a mẹ beri ịsọvọ ana vọ ana aa mẹ ụmẹ tụra ụmẹ. Asị a nyị uye ana a sị mẹ̀ ịsọvọ ana nyị ikụ vụrụ-vụrụ.
Currently Selected:
Ịrịka 28: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 28
28
Ịsọvọ ana aā mẹ eyinị-eyinị
(Kụra 29.38-43; Ire 6.8-13)
1Ẹnẹyịmavara ộ kà yị Imosiisi ka; 2ọ ka yị Anisirẹrị nịnị ka ẹẹ sị ụmẹ ana a nyị sị sị ịsa ịsọvọ ọzọza ene hine Ẹnẹyịmavara va yọ. 3Ịsa ẹnị ẹ vaa sị mẹ̀ ịsọvọ ana a rị ịra eyinị-eyinị yị Ẹnẹyịmavara ẹ vị ezi atẹmẹ ịrayị ọnya ẹẹva ẹnẹ yị nyị ụkụ. 4A sị atẹmẹ ọnya mẹ̀ ịsọvọ ẹnẹnẹ, dị a sị ọsa mẹ̀ ịsọvọ oruva. 5Ịsọvọ ọnyọọnya vị ana a sị ayị ana kwọ ikirogirami ọnya va hura angwẹ orivi irita ọnya rị ọ ịra. 6Ọsọnị ọ vị ịsa ịsọvọ eyinị-eyinị ana a rịịra saka-saka, ana vịdị mẹ ịrẹsụ ataba Ịsịnayị ọnị agụ hine Ẹnẹyịmavara ayị nị. 7Eche vị ana a sị beri ịsọvọ ana a mẹ ụpẹ ẹẹva ịnị ẹkụhị. Eche irita ọnyara a sị mẹ̀ ịsọvọ va hi ịrẹsụ ụta nị. 8Ozi atẹmẹ ọhụva ọnịrị ayị ana a kwọ beri eche vị ana a raà rị ịra mẹ̀ ịsọvọ oruva. Agụ areyi oō hine Ẹnẹyịmavara ayị.
Ịsọvọ ẹkụhị ụhwọtụ
9Ẹkụhị ụhwọtụ vị ana a sị atẹmẹ ịrayị ọnya ẹẹva ọnịrị ayị ana a kwọ vahụra angwẹ orivi ne beri eche mẹ̀ ịsọvọ yị Ẹnẹyịmavara. 10Avọọ a maa mẹ̀ ịsọvọ ana a rị ịra ẹkụhị ụhwọtụ beri ịsọvọ ana a mẹ eyinị-eyinị nị.
Ịsọvọ ẹkụhị ịpaapa ịnị ụhwẹ
11Ama ịnị ẹkụhị ịpaapa ịnị ụhwẹ, Ẹnẹyịmavara kà a Anisirẹrị nịnị ẹ̀ sị ozi ụnọ ẹẹva ọnịrị ịdẹba ọnya, ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ. 12Dị a sị ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ ọnyọọnya. Avọọ a mẹ raà sị ayị ana kwọ ikirogirami ẹẹva vahụra angwẹ orivi beri ịdẹba mẹ̀ ịsọvọ nị. 13Atẹmẹ ịhịmba ana vọ vị anaa a sị ayị ana a kwọ ikirogirami ọnya vahụra angwẹ orivi beri atẹmẹ ọnyọọnya mẹ̀ ịsọvọ. 14Eche irita ẹẹva a sị beri ụnọ ọnyọọnya mẹ̀ ịsọvọ, dị eche irita ọnya rị ẹjịjị beri ịdẹba ọnyọọnya mẹ̀ ịsọvọ, dị eche irita ọnya beri atẹmẹ ọnyọọnya mẹ̀ ịsọvọ. 15Ịdẹ ọnyara a sị mẹ̀ ịsọvọ ịvị yị Ẹnẹyịmavara beri ịsa ịsọvọ ana vọ anaā mẹ eyinị-eyinị nị.
Ịsọvọ Eche ọyịparahu ọnịrị eche ịbụrẹdị ẹnẹ ẹ yị nyị òwù
(Ire 23.4-8)
16 #
Kụra 12.1-13; Ọda 16.1,2 Ịnị ẹkụhị ẹwụrẹna ịnị ụhwẹ ịpaapa ịrayị, Ẹnẹyịmavara kà Anisirẹrị nịnị ẹ sị mẹ̀ ịsọvọ eche ọyịparahu yị ọnị ịrayị-ịrayị nị. 17#Kụra 12.14-20; 23.15; 34.18; Ọda 16.3-8Ịhị ẹ tụ́ ọ ẹkụhị ẹwụrẹhị ịnị ụhwẹ ọnọọ ee nyima eche ịbụrẹdị ẹnẹ ẹ yị nyị òwù nị. Ẹkụhị ịhịmba ọzọza aa rị ịbụrẹdị ẹnẹ ẹ yị nyị òwù nị. 18Ịnị ẹkụhị ịpaapa eche ọnọọ, ẹ yị nyị ọza ana aa mẹ̀ ụkọrọ ọnyọọnyị. Avaba ẹnịnị ẹ gụ ẹngụ gụ dị ẹ hẹkẹ Ohomorihi ịhị ọnọọ. 19Ịhị ọnọọ, ẹnịnị ẹ̀ mẹ̀ ịsọvọ ana aa rị ịra yị Ẹnẹyịmavara. Ẹ sị ụnọ ẹẹva ọnịrị ịdẹba ọnya ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ ọnyọọnyị. 20Ịsọvọ ẹnẹnị vị ana a vaa mẹ beri ịsa ịsọvọ ayị ọyịkwọ ana a sị angwẹ orivi vahụra. Ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ ọnyọọnya. Avọọ a mẹ raà sị ayị ana kwọ ikirogirami ẹẹva vahụra angwẹ orivi beri ịdẹba ọnyọọnya mẹ̀ ịsọvọ nị. 21Ayị ana a kwọ ikirogirami ọnya vahụra angwẹ orivi vị ana aa sị beri atẹmẹ ọnyọọnya mẹ̀ ịsọvọ. 22A nyị ka ẹ sị ịdẹ ọnya mẹ̀ ịsọvọ ịvị ana a sị ngwara avaba aza tịtẹ. 23Ịsọvọ ẹnẹnị vị ana a mẹ beri ịsọvọ ana aā mẹ ẹnẹnẹ. 24Avọọ ẹ mẹ rẹẹ̀ va mẹ̀ ịsọvọ ịsọyịrị ana aa rị ịra ẹkụhị ịhịmba ọnị agụ anị vee hine Ẹnẹyịmavara ayị. Ọsọnị vị ana a mẹ beri ịsọvọ ana a rị ịra ọnịrị eche eyinị-eyinị. 25Ẹkụhị ana tụ́ ẹkụhị ịhịmba, ẹ yị nyị ọza ana mẹ̀ ụkọrọ, dị avaba aza gụ hẹkẹ Ohomorihi vabẹ.
Ịsọvọ eche ịsa ọyịna
(Ire 23.15-22)
26 #
Kụra 23.16; 34.22; Ọda 16.9-12 Ịnị ẹkụhị ịpaapa eche ịsa ọyịna, ẹnịnị àa mẹ̀ ịsọvọ ayị ọwọọwa yị Ẹnẹyịmavara, ọzọza ọ tụ́ ụhwọ́ ịhị ọnọọ, dị aa mẹ̀ aduwa vabẹ. 27A vaa mẹ̀ ịsọvọ ana aa rị avaba anị ịra agụvị agụ anị o hine Ẹnẹyịmavara. Ẹ vaa sị ụnọ ẹẹva ọnịrị ịdẹba ọnya, beri ozi atẹmẹ ịrayị ọnya ịhịmba ẹnẹ ẹ yị nyị ụkụ ọnyọọnyị. 28Ịsọvọ ayị vaa vị ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ ọnyọọnya, dị ayị ana kwọ ikirogirami ẹẹva vahụra angwẹ orivi beri ịdẹba ọnyọọnya mẹ̀ ịsọvọ nị. 29Avọọ a mẹ raà sị ayị ana a kwọ ikirogirami ọnya vahụra angwẹ orivi vị ana aa sị beri atẹmẹ ọnyọọnya mẹ̀ ịsọvọ 30beri ịdẹ ọnya ana a sị mẹ̀ ịsọvọ aza. 31Ịsa ịsọvọ ẹnẹnị vị ana a mẹ beri ịsọvọ ana vọ ana aa mẹ ụmẹ tụra ụmẹ. Asị a nyị uye ana a sị mẹ̀ ịsọvọ ana nyị ikụ vụrụ-vụrụ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.