Imika 3
3
Ohinọyị ọnịrị ọnịsẹ ireche, wa sị dà nịnị
1Ẹnẹyịmavara kà we batọ nịnị ẹwụ nịnị ọdọvịdị anovwoovu Ijekọvụ. Ọ kà ọnị ka ẹwụ nịnị ọdọvịdị Anisirẹrị è batọ di wa wụ́ ịrẹyị. Ẹwụ nịnị a vọrọ ka ọ̀ yẹ ịsa ana vọrọ nị. 2Ama ẹwụ nịnị ọnọọ ọ vaa mẹ̀ ịsa odivi di wè yi sì ka wa mẹ̀ ịsa ana vọrọ nị. Wa sị ụhwọ nyị tù aza anị nịnị anka ọza ana aa vọ uye avọọ. 3Waa nọ wa ịtụmpaha, waa chaka wa ẹchụkụ waa vọ wa anka uye ana chịnẹ avọọ. Mị ka waa nọ aza anị ịtụmpaha anka uye ịnị avị avọọ di waa rị wa nị. 4Ẹkụhị ọnya u vee nowu ka Ẹnẹyịmavara ọ̀ ba wụ owu di o yi tụ́ ohi. Ụ́ màa mẹ̀ ebira odivi nịnị aanị, ụ vaa dá ịpẹẹ yọ di o yi tụ́ wu nịnị ohi. 5Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa. 6Ẹwụ nịnị ọnịsẹ we mē vene re ẹtẹ nịnị. Aawụ nịnị ộ ta ịnị ẹhẹ We yi mē vene re ẹtẹ dị wa va zụ kà ịsẹ nịnị agụvị ka waa kụ́ aza amịị nyee eyi. 7Ụhị ọ vaa nyị ẹwụ nịnị ene eē re ẹtẹ nị. Mị ka ụhị vaa nyị wụ nịnị agụvị ka Ohomorihi ọ yị kụkụ vaa sị ịrẹyịị zụ̀ wụ nịnị. 8Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ. 9Ẹwụ nịnị ọdọvịdị anovwoovu Ijekọvụ ò batọ. Mị ka ẹwụ ọdọvịdị Anisirẹrị ene è yi mē sì ịzẹyịza è batọ dị ẹ̀ wụ́ ịrẹyị amị. 10Waa mẹ̀ ebira odivi, dị waa wụ̀ ọza nịnị nị. Ịsa ọnị ụ sị nyima ẹkụra Ijerusarẹmị ọ vị ọnọọ nị. 11Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị. 12#Ijer 26.18A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.
Currently Selected:
Imika 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Imika 3
3
Ohinọyị ọnịrị ọnịsẹ ireche, wa sị dà nịnị
1Ẹnẹyịmavara kà we batọ nịnị ẹwụ nịnị ọdọvịdị anovwoovu Ijekọvụ. Ọ kà ọnị ka ẹwụ nịnị ọdọvịdị Anisirẹrị è batọ di wa wụ́ ịrẹyị. Ẹwụ nịnị a vọrọ ka ọ̀ yẹ ịsa ana vọrọ nị. 2Ama ẹwụ nịnị ọnọọ ọ vaa mẹ̀ ịsa odivi di wè yi sì ka wa mẹ̀ ịsa ana vọrọ nị. Wa sị ụhwọ nyị tù aza anị nịnị anka ọza ana aa vọ uye avọọ. 3Waa nọ wa ịtụmpaha, waa chaka wa ẹchụkụ waa vọ wa anka uye ana chịnẹ avọọ. Mị ka waa nọ aza anị ịtụmpaha anka uye ịnị avị avọọ di waa rị wa nị. 4Ẹkụhị ọnya u vee nowu ka Ẹnẹyịmavara ọ̀ ba wụ owu di o yi tụ́ ohi. Ụ́ màa mẹ̀ ebira odivi nịnị aanị, ụ vaa dá ịpẹẹ yọ di o yi tụ́ wu nịnị ohi. 5Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa. 6Ẹwụ nịnị ọnịsẹ we mē vene re ẹtẹ nịnị. Aawụ nịnị ộ ta ịnị ẹhẹ We yi mē vene re ẹtẹ dị wa va zụ kà ịsẹ nịnị agụvị ka waa kụ́ aza amịị nyee eyi. 7Ụhị ọ vaa nyị ẹwụ nịnị ene eē re ẹtẹ nị. Mị ka ụhị vaa nyị wụ nịnị agụvị ka Ohomorihi ọ yị kụkụ vaa sị ịrẹyịị zụ̀ wụ nịnị. 8Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ. 9Ẹwụ nịnị ọdọvịdị anovwoovu Ijekọvụ ò batọ. Mị ka ẹwụ ọdọvịdị Anisirẹrị ene è yi mē sì ịzẹyịza è batọ dị ẹ̀ wụ́ ịrẹyị amị. 10Waa mẹ̀ ebira odivi, dị waa wụ̀ ọza nịnị nị. Ịsa ọnị ụ sị nyima ẹkụra Ijerusarẹmị ọ vị ọnọọ nị. 11Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị. 12#Ijer 26.18A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.